Zeremii 51:56 - LAWA A BOO SONBORE 2011

⁵⁶ Ziziɛ̃ wole lɛ dɔ á nya. A n die yui Baabilonii gialaa, a na a zia-baali zanbian kɛn kũ, a ǹ san yiyiɛ. Taãn nɛ, Dɛnaa Lawa n Lawa lɛa, a n gɛ̀ dòo boe doɛ̃, a n didie sarɛɛ a n kɔnpii ka a zɛnaa ǹ siin ni.

LAWA A BOO SONBORE

⁵⁶ Ziziɛ̃ wole lɛ dɔ á nya. A n die yui Baabilonii gialaa, a na a zia-baali zanbian kɛn kũ, a ǹ san yiyiɛ. Taãn nɛ, Dɛnaa Lawa n Lawa lɛa, a n gɛ̀ dòo boe doɛ̃, a n didie sarɛɛ a n kɔnpii ka a zɛnaa ǹ siin ni.

Zeremii 51:56 ပူးပေါင်းရင်းမြစ်များ

Siin Giala 49:24

Sɛnɛ, a dɔ ná a sa kũ kaka. Á n gɔn wìi kaka kɔ a ganaa, ka Zakɔba a Lawa Kaka kɛ pàã nɛ. A din lɛ n Izirayeli tamaɛ ka tɔɔn-lɛduə̃li bɛ́ a tɔɔn tamaɛ lɔn. A foo n doa-n a din lɛ ganaa, a giala, a n kaka ka kɔlɔ nɛ.

Loen 137:8

Baabilonii minin, basaã á die ka-a! Ka baraa mɛn zɛnaa wɔsɛn manɛ, min mɛnɛn bɛ́ re bɛ dòo sarɛɛ ka la, Lawa á re barka diɛ bɛn ganaa.

Loen 37:15

Sɛnɛ, ǹ gɔya sa lɛ á re ǹ dinin koron foɛ̃, ǹ sa dɔ á re yiɛ.

Loen 46:9

Ka da ga Dɛnaa Lawa a nya ǹ dí ganaa, a kaãbaa ǹ din mɛnɛn nya tán la.

Loen 76:3

A giã ǹ bǎã n ka Salɛmu kiwi ni, a kion bǎã n ka *Siɔn kele kɛ nɛ.

Izayii 21:2

Dɛnaa Lawa n kaãbaa sii nyɛɛ ma nɛ: Giaára zizi nə́ n bɔyaa á tenten baa, ziziɛ̃ wole n ziziɛ̃ we woe-n nyɛɛnɛ. Elamu minin, ka yoo ǹ gialaa! Mɛdi gána minin, ka ǹ kiwi lɛ lɛnpɛnɛ! Man die ginii kɛ tumaa lɛ kuri.

Izayii 34:8

A giala Dɛnaa Lawa a dɔlɔ bɔ pinaa nɛ Edɔmu minin ganaa. *Siɔn a zia gii-dale a gɛ̀ dòo bɔ ǹ lɛ̀ nɛ.

Izayii 35:4

Foo ziziɛ̃ bɛ́ min mɛnɛn ganaa, ka pɛ bɛn manɛ: «Ka n foo taã, nyɛ́ɛ nyan ka kũ wa. Kaa Lawa á ke. A n die kaa gɛ̀ dòo boe, kaa zɔ́ɔn nə sii baraa mɛn zɛnaa ka nɛ, a n bɛ dòo sarɛɛ ǹ la. A dinmaa n die ka kirisibiɛ.»

Izayii 59:18

Minin nə kɔnbɔ ka màn mɛn nɛ, a n die bɛ sarɛɛ ǹ la. A foo-yoo kɛ na a zia baa kɔn wolen wɔ lɛa, a dɔlɔ na a zɔ́ɔn wɔ lɛa, mu gánan mɛnɛn da bii, bɛn nə kɔnbɔ ka màn mɛn nɛ a n die bɛ sarɛɛ ǹ la.

Zeremii 49:35

Dɛnaa Lawa Pàãyiidɛnaa boo mɛn da, á ke: Elamu minin sãn kɛn, ǹ mɛnɛn lɛn bɛ́ ǹ pàã lɛa, man die bɛn yiyiɛ.

Zeremii 50:10

Ǹ tá re Baabilonii gána kokoe. Ǹ tá re a gɔn mànan goɛ ka ǹ bɛ́ li lɔn. Dɛnaa Lawa a da ǹ boo ne.

Zeremii 50:36

Ka zia baa a wɔ-kũlin ganaa, kɛn baãnaan lɛa. Ka zia baa a sɔraasin ganaa, ka ǹ foo ziziɛ̃!

Zeremii 51:24

Sɛnɛ, sii mɛn bɛ re ka yii, á ke, Baabilonii gána laanka Baabilonii minin nə sii mɛn tɔrɔ nyaa Siɔn nɛ, ma dɔ n die bɛ lɛ tɔrɔ nyɛɛ ǹ dɔn nɛ. Masɛ Dɛnaa Lawa a da ǹ boo ne.

Zeremii 51:30

Baabilonii a sɔraasi sonboren nə́ n piã ka ziabaa nɛ. Maǹ nə n duri bǎã kakan nɛ. Ǹ foo tãbaa nya. Maǹ ka lɔ bɛ́ lɔn. Kiwi lɛ a kiɛnlɛn buĩmaa nɛ, tɛ na a kionən kuĩ.

Zeremii 51:48

Min mɛnɛn doamaa bɛ́ nɛ ǹ kiwi lɛ ziziɛ̃, maǹ boe gɔsɛ a lɛ̀gɔn li. Bɛa waáraa kəni, lon laanka tán ka ǹ gɔ́ɔ̃gɔ́ɔ̃ ǹ mànan tumaa n die gɔ̀lɔ̀baa ǹ lɛ dii a ganaa. Dɛnaa Lawa a da ǹ boo ne.

Zeremii 51:53

Ta Baabilonii din dii lon sɔsɔɔ, ta á n duru kungɔn sɔsɔrɔn kio, min mɛnɛn bɛ́ re die a ziziɛ̃ taman yii, ǹ gɔn tá re doe a ganaa. Ma dinmaa nə ǹ diɛ. Dɛnaa Lawa a da ǹ boo ne.

Zeremii 51:6

Ka baa si, ka n wɔlɔ sɔsɔɔ kɔ Baabilonii ganaa! Didie tumaa ga a din li! Ka bɛ nɛ, ka a re giɛ̃, a sii baraan lɛa wa. A giala, Dɛnaa Lawa a dɔlɔ bɔ biikoo ne. A kɔnbɔ ka màn mɛn nɛ, a n die bɛ lɛ a saraa koe la.

Busii pɛ 3:64

Ǹ sii mɛn zɛnaa ma nɛ, a saraa ǹ la Dɛnaa Lawa.

Ezekieli 39:3

Ma á re n dii, yǎa n nə n gɔsɛ a gɔn kɛ boe n sa kɛ ganaa n daɛ. Ma á re n kiɛn kɛn gɔsiɛ n gusin a gɔn ma ǹ kaa.

Ezekieli 39:9

Izirayeli tɔrɔn lɛn kiwi minin tá re soe, ǹ ziabaa ǹ mànan kaa kɔn la, ǹ tɛ da ǹ ganaa: goóro bɔnboɛɛnɛn laanka a dadaran nɛ, san laanka kiɛn nɛ, bàbàlan laanka dɔ̀rɔ̀n nɛ. Ǹ tá re tɛ koa ǹ màn yii yǎa lɛ̀ sɔbaa.

Amɔɔsi 2:15

Sa zũ doɛ̃ wole a re n gòãn doɛ wa, boo baa la wole a re baa sii a la wa, sùi da-baali a re boe la a n din nyin si wa.

Abdiasi 1:15

Á re bǐɛ̃ koe! Dɛnaa Lawa a dɔlɔ bɔ ǹ lɛawaa diri. Tɔrɔn tumaa sii tá a nɛ. Ka dɔn nə zɛnaa lɔn, a n die n zɛnɛɛ ka dɔn man miɛ̃. Ka baraa mɛn zɛnaa, a sii n die kuĩ ka dinin mìi ni.

Abakuku 2:8

Ká tɔrɔ gigiã gɔn duduu. A bɛ́ miɛ̃, tɔrɔ gialakunun tá re ka dɔn gɔn dudui. A giala, ka mà kaa tán. Ka kakaarɛbaa zɛnaa gánan manɛ, kiwin ni ka ǹ minin ni.

Timəə dí-pɛn 32:35

Ma din nə gɛ̀ dòo boe, ma din nə dòo sarɛɛ. Bɛ̀ ǹ nə́ sã ǹ nə́ wɔ ma lon ǹ mɛn pinaa, ǹ bɔ̀n baa pinaa na á dɔ. Sii mɛn nə n yɔrɔ bɔ ǹ wɔ lɛa, bɛa re n lɔloɛ wa.

Tesaloniki2 1:6

A giala, min mɛnɛn nə goã fuu nyɛɛ ka nɛ, Lawa á re fuu nyɛɛ ǹ dɔn man miɛ̃. Bɛ lɛ n pepere Lawa yɔrɔ-a.

Sii-nyaan 17:16

N bɛn fù mɛn yɛ ka Tɔɔ lɛ dinmaa nɛ, naarɛbaali kɛ tìĩ á re boe ǹ tumaa nyin ni. Ǹ tá re a mànan tumaa sii la, ǹ nà a gɔ̀nɔn kooro da. Ǹ tá re a siĩ soɛ̃, ǹ tɛ kaa a wen ganaa.

Sii-nyaan 18:20

Lon mànan lɛn, ka n nyɛnyaa a ziziɛ̃ kɛ a lɛa! Lawa a minin ni, ka a dia dí-a wolen ne, ka a boo gii-dalin ni, ka n nyɛnyaa! A giala a bɛ́ á sii baraa mɛn zɛnaa ka nɛ, Lawa na á bɛ lɛ a kiri kuru la.

Sii-nyaan 19:2

A kiri-kurii n taãnɛ, a n pepere! Naarɛbaali gole mɛn bɛ́ á goã kanaa tumaa yiri ziziɛ̃, ka a din kũ doɛ̃baã sii ni, á kiri wɔ bɛ ganaa. Á dɔlɔ bɔ a ganaa, a giala mà á Lawa dí-nyalin dɛ lɛlɛ ǹ nə́ gã.»

Samayeli1 2:4

Pàãdɛnan sa yiɛ. Pàãwɛnaan nə́ pàã yɛ.