Zeremii 51:34 - LAWA A BOO SONBORE 2011

³⁴ Baabiloniin kii Nebukadenezɔɔrɔ ma ziziɛ̃ lenlen, á n la bɔ ma ganaa ka tasa gɔ́ɔ̃ kooro bɛ́ lɔn. Á ma mui ka mu li ǹ màn babaraa kɛ bɛ́ lɔn. Ma gɔn màn giɔ̀mɔ kakan kɛn, á n nɔ̀ kã ka bɛn nɛ. Bɛ kio, á ma loo.

LAWA A BOO SONBORE

³⁴ Baabiloniin kii Nebukadenezɔɔrɔ ma ziziɛ̃ lenlen, á n la bɔ ma ganaa ka tasa gɔ́ɔ̃ kooro bɛ́ lɔn. Á ma mui ka mu li ǹ màn babaraa kɛ bɛ́ lɔn. Ma gɔn màn giɔ̀mɔ kakan kɛn, á n nɔ̀ kã ka bɛn nɛ. Bɛ kio, á ma loo.

Zeremii 51:34 ပူးပေါင်းရင်းမြစ်များ

Zɔbu 20:15

A pàãmabaa ǹ mànan kɛn lɛn á ǹ mui, á re pisii ǹ ni. Lawa á die ǹ wɛɛ a bɔ a gɔ́ɔ̃ nɛ.

Loen 74:13

Ń kɔ̀ mu kũ ń golee ne, ka n din pàã nɛ. Ń tɔɔ babaraa piɛ̃wolen kɛn mìi yu.

Suusun 1:12

Wɔ n die ǹ kuĩ ǹ yii n koo, wɔ ǹ dɛ. Wɔ n die ǹ zuĩ yala-n, turuu ni.

Izayii 34:11

Kɔlɔn laanka bàanan tá re giɛ̃ a nɛ. Á re kɔlɔ kuunun laanka zankoon giã ǹ bǎã biɛ. Dɛnaa Lawa á re gána lɛ bɔ̀n biɛ. A n die goɛ̃ ka wɔlɔ kooro á ke á goã lɔn, bɛ̀ tán ná a tɔn nə n zɛnaa wa.

Izayii 42:22

Sɛnɛ, á ke, ǹ nə́ ka kokoo, ǹ nə́ màn tumaa sii ka la. Ka tumaa lɛ tiɛ̃maa-n nyankɔrɔ zuzulu ni, ka n durii-n kòso ne. Kaa zɔ́ɔn nə́ ka kokoo ka ǹ bɛ́ naforo goɛ zia la lɔn. Min kɔn dɔ da n dɔ ka lɛ wa. Ǹ nə́ màn tumaa si ka la, min kɔn dɔ pɛ mà ǹ ka toa walan wa.

Zeremii 50:17

Izirayeli na á goã ka sère papaã wole bɛ́ lɔn, yàran ná a kio. Min mɛn sɔ̃ bibinaa nɛ, Asiiriin kii ni. Bɛ kio, Baabiloniin kii Nebukadenezɔɔrɔ daa, á kũ a ná a wen yiyiɛ.

Zeremii 50:7

Bɛ̀ min woo min kaa ǹ lɛ, a n basaã koe ǹ bii. Ǹ zɔ́ɔn man nə́ goã pii: Wɔ sii kɔn la ǹ la baraa wa! Ǹ dinin maǹ nə́ wɔ Dɛnaa Lawa lon, ke, ǹ kiri pepere-wɔle lɛa, ǹ digolon nə goã n foo doɛ ǹ mɛn lɛ ganaa.

Zeremii 51:44

Dɛnaa Lawa pɛ: Man yui Bɛɛli gialaa Baabilonii, màn mɛn bɛ́ a bɔlɔ-n á n mui, man bɛ baɛ̃ ma soo ne. Tɔrɔn ba re yiɛ ǹ wo a li doo wa. Kungɔnɔn mɛnɛn bɛ́ Baabilonii tamaɛ bɛn nə́ kaa.

Zeremii 51:49

Kanaa tumaa nɛ, min gigiã gɛ̀ wɔ Baabilonii taman yii. A din yɔrɔ goon la, Baabilonii doamaa nɛ a mɛnaa Izirayeli minin kɛn lɛa ǹ nə́ gã a taman yii.

Busii pɛ 1:1

Ebe! Ǹ nə́ n la bɔ a ganaa kəni, kiwi ke, piɛ̃ nɛ ka minbuiin ni lɛlɛ. A n ka lɔ giɔɔrɔ bɛ́ lɔn, asɛ mɛn goã a yii n guguru, tɔrɔn bii lɛlɛ. Asɛ mɛn goã gánan mìi la, sisia, á ke bɛ̀rɛbaa ǹ dí nyɛɛ.

Busii pɛ 2:16

Á ke, n zɔ́ɔn tumaa n boo diɛ n ganaa. Maǹ nə n yiin wɛɛ n li, ǹ nə́ yaa we n ganaa bɛ̀ ǹ tá pii: «Wɔ gɔn dɔ a ganaa. Wɔ bɛ́ n yii diɛ lɛawaa mɛn la, á ke. A din nə ka kɛ nɛ wɔ yii ná a ganaa.»

Ezekieli 36:3

A bɛ́ miɛ̃, maa boo gii da, n pɛ Izirayeli minin lɛn manɛ, mà masɛ Dɛnaa Lawa n kɛ pii: Ǹ tá ka gialaa bǎã tumaa nɛ, ǹ nə́ ka ziziɛ̃. Ká tɔrɔ kɔsɔn tumaa wɔ baa. Maǹ nə n lɛ we ka ganaa, ǹ nə́ ka diɛ yaa lɛa tɔrɔn bii.

Ozee 8:8

Izirayeli minin wɔ ziziɛ̃, ǹ nə́ ke tɔrɔ kɔsɔn bii ka màn mɛn bɛ́ a là ná a banban.

Amɔɔsi 8:4

Kasɛn mɛnɛn bɛ́ mɛnɛɛ doobaan la ka ń giɛ li mà ka nɔmaa-wɔlen dɛ ka n bɔ gána lɛ nɛ, ka n too kɔ boo kɛ li:

Nahumu 2:2

Á ke, sɔraasin nə́ ke die n gialaa Ninivu: N kungɔnɔn lɛduə̃, n doa n ziin gialaa n yɔrɔ bɔ ziabaa taman yii, n pàã tumaa sɔkɔn.

Matiə 23:13

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [