Zeremii 51:24 - LAWA A BOO SONBORE 2011

²⁴ Sɛnɛ, sii mɛn bɛ re ka yii, á ke, Baabilonii gána laanka Baabilonii minin nə sii mɛn tɔrɔ nyaa Siɔn nɛ, ma dɔ n die bɛ lɛ tɔrɔ nyɛɛ ǹ dɔn nɛ. Masɛ Dɛnaa Lawa a da ǹ boo ne.

LAWA A BOO SONBORE

²⁴ Sɛnɛ, sii mɛn bɛ re ka yii, á ke, Baabilonii gána laanka Baabilonii minin nə sii mɛn tɔrɔ nyaa Siɔn nɛ, ma dɔ n die bɛ lɛ tɔrɔ nyɛɛ ǹ dɔn nɛ. Masɛ Dɛnaa Lawa a da ǹ boo ne.

Zeremii 51:24 ပူးပေါင်းရင်းမြစ်များ

Loen 79:10

Wàa na á baa, n tá toɛ tɔrɔ kɔsɔn nə́ pii kɛnɛn: Ǹ Lawa lɛ á maa? Toa ǹ dɔ̃ wɔ yii ni, mà gɛ̀ dòo bɔ tan, ǹ dɔ̃ mà ǹ bɛ́ ǹ nə́ n dí-nyalin mɛnɛn dɛ, mà n tá re bɛn dɛ kɛ a gɛ̀ dòo boe.

Izayii 48:14

Ka tumaa nə n sɔkɔn, ka n too kɔ! Die n ka bii á bɛa boon kɛn da. Dɛnaa Lawa bɛ́ min mɛn narɛ, a bɛ́ li mà a sii mɛn zɛnaa *Baabilonii ni, asɛ n die bɛ zɛnɛɛ, á n die n pàã nyɛɛ Kaldee minin manɛ.

Izayii 61:2

A na á ma dia mà ma da pɛ mà Dɛnaa Lawa a bǐɛ̃baa ǹ lɛ̀ nɛ, mà Dɛnaa Lawa a gɛ̀ dòo bɔ a zɔ́ɔn ganaa ǹ lɛawaa nɛ. A na á ma dia màn mɛn bɛ́ toɛ ma gɛ̀ koa wolen yiri giã.

Izayii 66:6

Ka n too kɔ bìn diɛ kɛ li boe kiwi, bìn diɛ ke boe Lawa a kion, Dɛnaa Lawa lɛn nɛ: A zɔ́ɔn nə kɔnbɔ ka màn mɛn nɛ, a n bɛ lɛ koe ǹ la.

Zeremii 25:14

Baabilonii minin sɛn tá re goɛ̃ gána pàãdɛnan giulun, ka kii dadaran nɛ. Ǹ sii mɛn tumaa zɛnaa, ka ǹ sii baraan nɛ, ǹ tá re bɛ tumaa sarɛɛ.»

Zeremii 50:10

Ǹ tá re Baabilonii gána kokoe. Ǹ tá re a gɔn mànan goɛ ka ǹ bɛ́ li lɔn. Dɛnaa Lawa a da ǹ boo ne.

Zeremii 50:15

Ka ziabaa ǹ lɛ dɛ wɔ a ganaa! Á n gɔnɔn goa lon, á re n din we wɔ gɔn. A sanabolon man kiɛ, a kungɔnɔn kɛn a kiwin tamaɛ, bɛn man kiɛ. Dɛnaa Lawa a gɛ̀ dòo boe ne. Ka kaa gɛ̀ dòo bɔ Baabilonii ganaa. A sii mɛn zɛnaa ǹ miãn manɛ, ka bɛ lɛ zɛnaa a dɔ nɛ.

Zeremii 51:11

Dɛnaa Lawa n zoɛ̃ li a Baabilonii ziziɛ̃. Bɛ lɛ nɛ, á Mɛdi gána a kiin sɔsɔmɔ á ǹ da a zɛnaa ganaa. Dɛnaa Lawa n gɛ̀ dòo boe, a na a kion sonbore lɛ a gɛ̀ dòo boe. Ka kaa kiɛn lɛ bɔ, ka kaa goóron goa.

Zeremii 51:23

N din barka nɛ, má tɔɔ-lɛduə̃lin laanka ǹ tɔɔn yɔyɔrɛ, buu-kɔsɔlin laanka ǹ buu kɔsɔ ǹ tɔɔn nɛ, gánadɛnan laanka ǹ kiodɛnan nɛ.

Zeremii 51:35

Siɔn zaman nə pii: Wɔa koe laanka wɔa nɔmaa kũ Baabilonii gána mìi ni. Zeruzalɛmu minin man pii: Wɔ mà ke á kaa, bɛa dɔlɔ die a kũ Baabilonii minin mìi ni!

Zeremii 51:49

Kanaa tumaa nɛ, min gigiã gɛ̀ wɔ Baabilonii taman yii. A din yɔrɔ goon la, Baabilonii doamaa nɛ a mɛnaa Izirayeli minin kɛn lɛa ǹ nə́ gã a taman yii.

Zeremii 51:56

Ziziɛ̃ wole lɛ dɔ á nya. A n die yui Baabilonii gialaa, a na a zia-baali zanbian kɛn kũ, a ǹ san yiyiɛ. Taãn nɛ, Dɛnaa Lawa n Lawa lɛa, a n gɛ̀ dòo boe doɛ̃, a n didie sarɛɛ a n kɔnpii ka a zɛnaa ǹ siin ni.

Busii pɛ 3:64

Ǹ sii mɛn zɛnaa ma nɛ, a saraa ǹ la Dɛnaa Lawa.

Sii-nyaan 18:20

Lon mànan lɛn, ka n nyɛnyaa a ziziɛ̃ kɛ a lɛa! Lawa a minin ni, ka a dia dí-a wolen ne, ka a boo gii-dalin ni, ka n nyɛnyaa! A giala a bɛ́ á sii baraa mɛn zɛnaa ka nɛ, Lawa na á bɛ lɛ a kiri kuru la.

Sii-nyaan 18:24

Dɔlɔ na á n bɔ Baabilonii ganaa, a giala mà ǹ nə́ Lawa a boo gii-dalin laanka a min sonboren dɛ walan. Min mɛnɛn bɛ́ ǹ nə ǹ dɛ tán la, a din kiwi kɛ lɛ a lɛa nɛ.

Sii-nyaan 6:10

Ǹ nə́ n lɛ dii ka ǹ lɛn gole ne, ǹ nə́ pii: «Nsɛ mɛn bɛ́ Dɛnaa sonbore lɛa, ka taãn nɛ, ma nə n yii diɛ biĩ n tɔn kiri wɔ tán a minbuiinin lɛn ganaa, n wɔsɛn gɛ̀ dòo bɔ ǹ ganaa? A giala ǹ dinin man nə́ wɔsɛn dɛ wɔ́ gã.»