Zeremii 51:20 - LAWA A BOO SONBORE 2011

²⁰ Dɛnaa Lawa pɛ: Baabilonii, ma nə́ n goã yele lɛa ma gɔn, maa zia da ǹ màn lɛa. N din barka nɛ, má tɔrɔn yɔyɔrɛ, má gánan ziziɛ̃.

LAWA A BOO SONBORE

²⁰ Dɛnaa Lawa pɛ: Baabilonii, ma nə́ n goã yele lɛa ma gɔn, maa zia da ǹ màn lɛa. N din barka nɛ, má tɔrɔn yɔyɔrɛ, má gánan ziziɛ̃.

Zeremii 51:20 ပူးပေါင်းရင်းမြစ်များ

Izayii 10:15

Sɛ̀miɛ̃ á boe la a n din gole kɔ a dí nya ma-n wole ganaa? Hinlaa gɔya á boe la a n din koa a dí nya ma-n wole ganaa? Bɛ n goon ka min mɛn nə́ ke bàbàla ná a gɔn, asɛ n bàbàla lɛ foo sii zɛnɛɛ. Hinlaa ka min bɛ́ dɔ̀rɔ̀ ná a gɔn asɛ n dɔ̀rɔ̀ lɛ foo sii zɛnɛɛ.

Izayii 10:5

Dɛnaa Lawa pɛ: Koe n ka kɛ nɛ Asiirii ganaa, asɛ mɛn bɛ́ maa dɔlɔ bɔ ǹ sɛ̌n lɛa! Man die maa foo-yoo nyɛɛ ka dɔ̀rɔ̀ kɛ lɛ nɛ a gɔn.

Izayii 13:5

Dɛnaa Lawa laanka min mɛnɛn bɛ́ re a foo-yoo kɛa dɔlɔ boe, maǹ boe bǎã sɔsɔɔ nɛ, tán lɛ dan ganaa. Maǹ die gána lɛ tumaa yui.

Izayii 37:26

Senankeribu, n ba bɛ doɛ̃ wa? Haalɛ bibi, masɛ din ni ma siin kɛn lɛn yɔrɔ bɔ. Ma din ni má ǹ yɔrɔ bɔ á biikoo ná a kànaa wa. Sisia kəni, man die ǹ zɛnɛɛ. Man má n koa, máa n basaã kɔ kiwin kɛn manɛ tamaa nɛ, ǹ kɛbɔlɔn baa.

Izayii 45:1

Dɛnaa Lawa n kɛ pii kii Siirusu ni, a ǹ mɛn lɛ bɔ á koa, á kũ a gɔn ganaa, á tɔrɔn kaa a pàã giulun, màn mɛn bɛ́ toɛ a kiin pàã si ǹ la, kiwin mɛnɛn kiɛnlɛn bɛ́ tiɛ̃ nɛ, a bɛn bũ a nyɛɛnɛ:

Izayii 8:9

Tɔrɔn lɛn, ka gɔ̀nɔn bìn da, nyɛ́ɛ ka kũ! Gána sɔsɔɔ tɔrɔn lɛn, ka n too kɔ! Ta ka n yɔrɔ bɔ zia taman yii lɔn, kaa wɔ n ka foo biɛ na nɛ! Taãn nɛ, ta ka n yɔrɔ bɔ lɔn, kaa wɔ n ka foo biɛ na nɛ!

Zeremii 25:11

Gána lɛ din kuturu á re kɛbɔlɔ biɛ, bǎã bɔbɔnɛɛ lɛa. Tɔrɔn kɛn tumaa n die goɛ̃ Baabiloniin kii a pàã giulun yǎa lɛ̀ pɔsɔbaa.»

Zeremii 25:9

man die gɔsɛ a lɛ̀gɔn la tɔrɔn kɛn tumaa bíi, ma maa dí-nyali Baabiloniin kii Nebukadenezɔɔrɔ bíi. Ma ǹ die yui gána kɛ gialaa, a zaman nɛ, ka ǹ miãkɛnɛn nɛ. Man die ǹ tumaa ziziɛ̃. Man die gána kɛ biɛ bǎã bɔbɔnɛɛ lɛa, kɛbɔlɔ lɛa biikoo yii li. Minin tá re foo ziziɛ̃ ǹ lɛ-dɛ we a ganaa. Masɛ Dɛnaa Lawa a da ǹ boo ne.

Zeremii 50:23

Baabilonii na á goã yele lɛa, kanaa tumaa yɔyɔrɛ. Á ke, á yɔyɔrɛ, á pɔpɔsɛ. Bɛ na á saa lɔn kəni? A na á saa lɔn, Baabilonii kɛbɔlɔ baa tɔrɔn bii?

Ezekieli 21:11

Minbuiin a nɛ, n kii kũ n gini là-paparɛɛ taman yii. Gini ǹ tumaa yii ni.

Ezekieli 21:31

Ma din Dɛnaa Lawa gole n kɛ pii: Ǹ tá re n kiibaa ǹ bafolo laanka n gɛ̀lɛ boe ǹ bɔ n mìi-a, siin nə n bɔyaa. Min mɛn bɛ́ tán, bɛ á re yui lon, min mɛn bɛ́ lon, bɛ á re gisĩ tán.

Misee 4:12

Sɛnɛ, ǹ ba Dɛnaa Lawa a taasiɛ doɛ̃ wa. A bɛ́ li a sii mɛn zɛnaa, ǹ yiri a doe bɛ gɔ́ɔ̃-n wa: a na á gánan lɛn sɔkɔn, ka ǹ bɛ́ *belee soekɔn lɔn a duwəə ǹ bǎã nɛ.

Misee 4:13

Zeruzalɛmu minin lɛn, ka yoo kəni, ka kaa belee duwəə, ma din tá re a duwəə ǹ pàã koe ka la. Dii mɛn bɛ́ a bɛnɛn nə́ fɔlɔ lɛa, a gòon tɔnɔn nə́ zan lɛa, ma á re ka biɛ bɛa dii lɛ miã lɛa, ka á re boe la ka tɔrɔ gigiã yɔyɔrɛ ka gòãn giulun. Ǹ gɔn mànan kɛn, ka bɛn kɔ Dɛnaa Lawa la, ǹ pàãmabaa ǹ mànan kɛn, ka bɛn kɔ kanaa tumaa a dɛnaa la.

Nahumu 2:1

Á ke, ma yii n dia dí-a wole ganaa, kele mìi-n die: A n die ka boo tii kɔɔ̃n nɛ, là nyantoro boo ne. Ka kaa zɔ́nɔn zɛnaa, Zudaa minin lɛn. Ka lɛ kɔ Dɛnaa Lawa la ka mànan mɛnɛn nɛ, ka bɛn zɛnaa. Min baraa kɛ a re doe kaa gána-n doo wa, a pàã mɛnaa.

Zakarii 10:4

Kiã tɔrɔ tumaa n die boe Zudaa gána nɛ, pàã nə́ ǹ tɛnɛn lon ka kion giala daa ǹ kɔlɔn bɛ́ lɔn, ǹ tɛnɛn nə́ paraa-n tán ka zìã kion a kiɛn bɛ́ lɔn, gialakunun man kaka ka ziabaa ǹ sa bɛ́ lɔn.

Matiə 22:7

Kii lɛ foo yoo. A ná a sɔraasin dia, mà ǹ wo bɛa gɛ̀-dɛlen kɛn lɛn dɛ, ǹ tɛ da ǹ kiwi ganaa.