Zeremii 51:11 - LAWA A BOO SONBORE 2011

¹¹ Dɛnaa Lawa n zoɛ̃ li a Baabilonii ziziɛ̃. Bɛ lɛ nɛ, á Mɛdi gána a kiin sɔsɔmɔ á ǹ da a zɛnaa ganaa. Dɛnaa Lawa n gɛ̀ dòo boe, a na a kion sonbore lɛ a gɛ̀ dòo boe. Ka kaa kiɛn lɛ bɔ, ka kaa goóron goa.

LAWA A BOO SONBORE

¹¹ Dɛnaa Lawa n zoɛ̃ li a Baabilonii ziziɛ̃. Bɛ lɛ nɛ, á Mɛdi gána a kiin sɔsɔmɔ á ǹ da a zɛnaa ganaa. Dɛnaa Lawa n gɛ̀ dòo boe, a na a kion sonbore lɛ a gɛ̀ dòo boe. Ka kaa kiɛn lɛ bɔ, ka kaa goóron goa.

Zeremii 51:11 ပူးပေါင်းရင်းမြစ်များ

Kiin1 11:14

Dɛnaa Lawa zɔ́ɔ goon saa á da Salomɔn ganaa. Bɛa zɔ́ɔ lɛ n ka Edɔn min Adaadi ni. Edɔn gána kii nɛ nɛ.

Kiin1 11:23

Lawa zɔ́ɔ kɔsɔ saa á da Salomɔn ganaa. Bɛa zɔ́ɔ lɛ n ka Elyada a nɛgiĩ Rezɔn nɛ. A na á goã á baa si a dɛnaagiĩ, Sobaa gána a kii Adadezɛɛrɛ li.

KZS2 36:22

Pɛrsin kii Siirusu a kiibaa lɛ̀ bibinaa li, Dɛnaa Lawa goã á boo mɛn wɔ Zeremii lɛ-n, a n li bɛ nə n zɛnaa. Á tɔn Siirusu yiri bũ mà a sɛ́wɔn kɛn nyaa gána lɛ tumaa nɛ. Siirusu bɛa boon lɛn pɛ gána lɛ tumaa nɛ, á baa sɛ́wɔ-kiɛ̃ lɛa dɔn dinin á dia:

Ɛsidrasi 1:1

Lɛlɛ lɛlɛ, Dɛnaa Lawa goã á boo da a boo gii-dali Zeremii ni. Pɛrsi gána a kii Siirusu a kiibaa lɛ̀ bibinaa li, Dɛnaa Lawa na á wɔ Pɛrsi gána a kii Siirusu lɛ yiri ni, mà a lɛ dia a gána lɛ tumaa nɛ, a sɛ́wɔ dɔ din kiɛ̃ a pɛ

Izayii 10:26

Dɛnaa Lawa Pàãyiidɛnaa á re a dɔlɔ bɔ ǹ sɛ̌n siɛ Asiirii gána li ka a bɛ́ á saa Madiã minin li lɔn Orɛbu a gɛ̀fu la. A n die a dɔ̀rɔ̀ siɛ ka a bɛ́ á saa Ezipti minin li lɛlɛ lɔn yìsi mu la.

Izayii 21:2

Dɛnaa Lawa n kaãbaa sii nyɛɛ ma nɛ: Giaára zizi nə́ n bɔyaa á tenten baa, ziziɛ̃ wole n ziziɛ̃ we woe-n nyɛɛnɛ. Elamu minin, ka yoo ǹ gialaa! Mɛdi gána minin, ka ǹ kiwi lɛ lɛnpɛnɛ! Man die ginii kɛ tumaa lɛ kuri.

Izayii 21:5

Màn-bii nə́ n zɛnaa, nyaǹ mɔnaan nə́ n naa tán, minin man màn bii, ǹ nə́ màn mii. Bǎã goon ne, min nə́ n lɛ dɛ: «Sɔraasi nyɛɛnaandɛnan lɛn, ka yoo. Ka kaa ziabaa ǹ mànan yɔrɔ bɔ!»

Izayii 41:25

Má min da zii la gɔsɛ a lɛ̀gɔn la, a n boe wasa a bɔ ǹ bǎã-n die. A n ma tɔ guguru koe. A n tɔrɛ gánadɛnan la, ka ǹ bɛ́ tɔrɛ bɛrɛɛ la lɔn, ka dɔn-bɔle bɛ́ gì tɔrɛ a gòã-n lɔn.

Izayii 45:1

Dɛnaa Lawa n kɛ pii kii Siirusu ni, a ǹ mɛn lɛ bɔ á koa, á kũ a gɔn ganaa, á tɔrɔn kaa a pàã giulun, màn mɛn bɛ́ toɛ a kiin pàã si ǹ la, kiwin mɛnɛn kiɛnlɛn bɛ́ tiɛ̃ nɛ, a bɛn bũ a nyɛɛnɛ:

Izayii 45:5

Dɛnaa Lawa n ka masɛ nɛ, bɛ̀ á n bɔ masɛ nɛ, Lawa kɔsɔ banban. N tɔn ma dɔ̃ wa, sɛnɛ, man pàã koe n la n sii zɛnaa.

Izayii 46:11

Man giĩ goon bíi we tiãlɛa, sɔsɔɔ, lɛ̀giala-n. Pàã ná a lon ka giogialatã-a bɛ́ lɔn. Ma siin mɛnɛn koa ma yɔrɔ-a, a din nə die bɛn zɛnɛɛ. Ma boo mɛn da, man bɛ zɛnɛɛ. Ma sii mɛn koa ma yɔrɔ-a, man bɛ zɛnɛɛ.

Zeremii 25:25

Zimri kiin tumaa nɛ, Elamu laanka Mɛdi gána minin kiin ni.

Zeremii 46:3

Ka goóron yɔrɔ bɔ, a bɔnboɛɛnɛn nɛ ka a dadaran nɛ! Ka yoo, ka n ta zia la!

Zeremii 46:4

Ka kɛkɛrɛn da sùin ganaa! Sùidɛnan, ka n ta! Ka kaa kòlo fun wɔ, ka kaa kɔn kio! Ka kaa san yɔrɔ bɔ, ka kaa ziabaa ǹ mɔnaan wɔ!

Zeremii 46:9

Sùin, ka n ta ǹ gialaa! Ziabaa ǹ wotoron, ka n mìi fɔ̃! Zia baali zanbian lɛn, ka nyɛɛnaan bɔ: Etiopii minin laanka Liibii minin, goórodɛnan lɛa, Ludu minin ni sadɛnan lɛa!

Zeremii 50:25

Dɛnaa Lawa n soe ka a ziabaa ǹ mànan nɛ, a n die a foo-yoo nyɛɛ. Baabilonii gána nɛ, dí n Dɛnaa Lawa Pàãyiidɛnaa gɔn.

Zeremii 50:3

Tɔrɔ goon nə boe gɔsɛ a lɛ̀gɔn li die Baabilonii gialaa. A n die Baabilonii gána biɛ kɛbɔlɔ lɛa. Min goo din ba re goɛ̃ a-n wa. Minbuiinin ni, tɔɔn nɛ, ǹ tumaa n die baa sii, ǹ tumaa á re papaɛ̃.

Zeremii 50:45

Dɛnaa Lawa sii mɛn yɔrɔ bɔ Baabilonii gána wɔ lɛa, a sii mɛn yɔrɔ bɔ Baabilonii minin wɔ paǹ li, ka n too kɔ bɛ li kəni. Sàabaa ba la wa, maǹ die ǹ giɛrɛɛ tán ka pàã nɛ, kɔnlɛ ka ǹ nɛnyaanan tumaa nɛ, ka tɔɔn wɔ bɛ́ lɔn. Sàabaa ba la wa ǹ dinin taman yii, ǹ tá re ǹ zìãn wurii.

Zeremii 50:9

Taãn nɛ, man die bìn diɛ gána dadara gigiã ganaa, ma ǹ dia ǹ wo Baabilonii kũ. Bɛa tɔrɔn lɛn man die boe gɔsɛ a lɛ̀gɔn la. Maǹ nə n tele kɔn li, ǹ yoo gána lɛ gialaa, ǹ kũ. Ǹ kiɛn lɛn man ka zia-baali zanbia a kiɛn bɛ́ lɔn, a ba n bɔyɛɛ ka a gɔn kooro-n wa.

Zeremii 51:12

Ka sii giala pɛ ǹ màn zumu, ka zumu Baabilonii tamaa ǹ kungɔn kɛ la! Ka sɔraasi gigiã koa bǎã lɛduə̃ ǹ bǎãn nɛ! Ka bǎã-lɛduə̃lin koa, ka sɔraasin duru, ǹ zɔ́ɔn lɛn tɔwaa! Taãn nɛ, Dɛnaa Lawa sii yɔrɔ bɔ, a n die bɛ lɛ zɛnɛɛ Baabilonii minin manɛ.

Zeremii 51:24

Sɛnɛ, sii mɛn bɛ re ka yii, á ke, Baabilonii gána laanka Baabilonii minin nə sii mɛn tɔrɔ nyaa Siɔn nɛ, ma dɔ n die bɛ lɛ tɔrɔ nyɛɛ ǹ dɔn nɛ. Masɛ Dɛnaa Lawa a da ǹ boo ne.

Zeremii 51:35

Siɔn zaman nə pii: Wɔa koe laanka wɔa nɔmaa kũ Baabilonii gána mìi ni. Zeruzalɛmu minin man pii: Wɔ mà ke á kaa, bɛa dɔlɔ die a kũ Baabilonii minin mìi ni!

Zeremii 51:36

Bɛ lɛ nɛ Dɛnaa Lawa n kɛ pii: Ma dinmaa n die n gɛ̀ dòo boe, ma n zia gii da. Ma á re Baabilonii gána a tà mun piɛ̃, ma a mu pìãn tumaa dama.

Danayeli sɛ́wɔ 5:30

Sɛnɛ, a din tèlò lɛ nɛ, ǹ nə́ Baabilonii gána a kii Bɛltazaara dɛ.

Lawa a wúlu-bɔlen 26:25

Masɛ a lɛ kɔ kɔn la ke ka n ziziɛ̃, man die zia yiɛ ma kaa ka ganaa, ma bɛa dɔlɔ bɔ ka ganaa. Ta ka baa si ka woo n duru kaa kiwin kɛn nɛ kungɔn nə́ ǹ lɛnpɛnɛ, ma á re busu babaraa kiɛ ka ganaa, ma ka wɔ kaa zɔ́ɔn lɛn gɔn.

Zakarii 14:12

Tɔrɔn mɛnɛn nə wo Zeruzalɛmu zia baa, Dɛnaa Lawa bɛ́ re koe mɛn diɛ ǹ mìi ni, á ke: Ǹ gɔ̀nɔn siĩ á re boɛ̃, a ǹ toa ǹ yii n koo. Ǹ yiin tá re boɛ̃ ǹ yii yalan nɛ, ǹ lɛwɔn nə bɔɔ̃ ǹ lɛ-n.

Zakarii 14:2

Ma á re tɔrɔn tumaa soekɔn ǹ yoo kaa kiwi gialaa. Ǹ tá re Zeruzalɛmu kiwi kuĩ, ǹ na a gɔn mànan kokoo a kionən ne. Ǹ tá re ǹ lɔn kuĩ ka pàã nɛ. Ǹ tá re ǹ zaman talɛɛ goɛ ǹ wo ǹ ne, sɛnɛ, ǹ gialakun kɛ á re goɛ̃ kiwi lɛ nɛ.