Zeremii 51:10 - LAWA A BOO SONBORE 2011

¹⁰ Dɛnaa Lawa sonbore kɔ wɔ la. Ka wɔ n ta *Siɔn, Dɛnaa Lawa, wɔa Lawa sii mɛn zɛnaa wɔ nɛ, wɔ a laakalaa.

LAWA A BOO SONBORE

¹⁰ Dɛnaa Lawa sonbore kɔ wɔ la. Ka wɔ n ta *Siɔn, Dɛnaa Lawa, wɔa Lawa sii mɛn zɛnaa wɔ nɛ, wɔ a laakalaa.

Zeremii 51:10 ပူးပေါင်းရင်းမြစ်များ

Loen 118:17

Á ke, ma gã wa, ma yii á koo. Ma á Dɛnaa Lawa a nya ǹ dín kɛn laakalɛɛ.

Loen 37:6

Ǹ kɔn pinaa, á re n peperebaa nyɛɛ foaãnɛ, ka wɔlɔ bɛ́ fúli baayɛlɛ lɔn, á re sonbore koe n la, minin nə yɛ ka wasa bɛ́ lɔn penleen tiɛɛ̃n nɛ.

Loen 64:9

Lawa n die ǹ kuĩ ǹ dinin lɛ gɔ́ɔ̃ ǹ boon li, a ǹ ziziɛ̃. Min mɛnɛn tumaa bɛ́ ǹ yii, bɛn tumaa á re ǹ puusə koe.

Loen 66:16

Kasɛn mɛnɛn tumaa bɛ́ Lawa bɔlɔ-silin lɛa, ka da n too kɔ. A màn mɛn zɛnaa masɛ nɛ, ma á re bɛ laakalɛɛ ka nɛ.

Loen 9:14

Makara bɔ ma-a, Dɛnaa Lawa. Maa zɔ́ɔn kɛn nə nɔmaa mɛn da ma mìi ni, n din ga bɛ ganaa. N din ma kanbaa gɛ̀ ganaa,

Izayii 24:14

Min mɛnɛn yii goã koo, bɛn manə n lɛn siɛ lon, ǹ tá Dɛnaa Lawa tɔ boe. Maǹ boe lɛ̀nyɛɛn li, ǹ nə́ foo kɔɔ̃nbaa ǹ lɛ dii.

Izayii 40:2

Ka Zeruzalɛmu foo taã, ka pɛ nɛ ka lɛn gole ne, mà a bɛ̀rɛbaa ǹ dí lɛ nya, mà a siɛ̃n lɛn dɔlɔ nya. A giala Dɛnaa Lawa da a sii baraan lɛn tumaa a dɔlɔ saraa ganaa.

Izayii 51:11

A din yii goon ne: Dɛnaa Lawa min mɛnɛn si á ǹ kaa, ǹ tá re n bɔyɛɛ ǹ daa, ǹ wo Siɔn ka foo kɔɔ̃n lɛ-dɛ nɛ. Ǹ yɔrɔ n die goɛ̃ foo kɔɔ̃n lɛa yǎa duduu. Foo kɔɔ̃n laanka nyɛnyɛɛ n die koe ǹ lɛ. Nɔmaa laanka foo-ziziɛ̃ wɔlɔ á re lui ǹ ganaa.

Zeremii 50:28

Ka n too kɔ! Min mɛnɛn bɛ́ baa sii soe Baabilonii, ka min mɛnɛn yii bɛ́ tɔn koo, bɛn man pii Siɔn nɛ: Dɛnaa Lawa, wɔa Lawa ná a gɛ̀ dòo bɔ. A ná a kion sonbore kɛa gɛ̀ dòo bɔ.

Zeremii 50:45

Dɛnaa Lawa sii mɛn yɔrɔ bɔ Baabilonii gána wɔ lɛa, a sii mɛn yɔrɔ bɔ Baabilonii minin wɔ paǹ li, ka n too kɔ bɛ li kəni. Sàabaa ba la wa, maǹ die ǹ giɛrɛɛ tán ka pàã nɛ, kɔnlɛ ka ǹ nɛnyaanan tumaa nɛ, ka tɔɔn wɔ bɛ́ lɔn. Sàabaa ba la wa ǹ dinin taman yii, ǹ tá re ǹ zìãn wurii.