Zeremii 51:1 - LAWA A BOO SONBORE 2011

¹ Dɛnaa Lawa n kɛ pii: Sonbore, man die yui ka piɛ̃ gole ne, *Baabilonii kiwi laanka a minin ganaa.

LAWA A BOO SONBORE

¹ Dɛnaa Lawa n kɛ pii: Sonbore, man die yui ka piɛ̃ gole ne, *Baabilonii kiwi laanka a minin ganaa.

Zeremii 51:1 ပူးပေါင်းရင်းမြစ်များ

Kiin2 19:7

Á ke, ma á die taasiɛ we Asiirii gána a kii lɛ yiri ni, á re boo miɛ, a n bɔyaa a wo a gána nɛ, bɛa boo lɛ taman yii. Ma á re toɛ a gɔya gɛ̀ wɔ a din a gána nɛ.»

Loen 137:8

Baabilonii minin, basaã á die ka-a! Ka baraa mɛn zɛnaa wɔsɛn manɛ, min mɛnɛn bɛ́ re bɛ dòo sarɛɛ ka la, Lawa á re barka diɛ bɛn ganaa.

Izayii 13:13

Bɛ lɛ nɛ, Dɛnaa Lawa Pàãyiidɛnaa a foo-yoo kɛa pinaa, a foo-yoo gole kɛa pinaa, lon laanka tán tá re bìn diɛ.

Izayii 14:14

Ma á re dii labaran lalan, ma goã ka lon a Lawa bɛ́ lɔn.»

Izayii 21:1

Diə gole mɛn bɛ́ kunu yìsi mu ganaa, bɛa boo gii: Zɔ́ɔ n boe diə gole ne. Gána mɛn bɛ́ nyɛ́ɛ diɛ, a n boe walan. A n ka piɛ̃ gole bɛ́ lɔn, boe Negɛvu gána nɛ.

Izayii 47:1

Dɛnaa Lawa pɛ: *Baabilonii kiwi, gisĩ n giã tán gusuũ li, *Kaldee minin kiwi, kii dankan bɛ́ a bǎã mɛn nɛ wa, giã tán furu-n walan. Baabilonii kiwi, giã tán furu-n sonbore! Kanna, ǹ ba re n bíi: "Baabilonii sonbore" doo wa, "Baabilonii siĩn" wa.

Zeremii 23:19

Piɛ̃ gole yoo, Dɛnaa Lawa a foo-yoo ne. A n kurunkurun lɛa, min baraan mìi la.

Zeremii 49:36

Man die piɛ̃ sii diɛ Elamu la, boe kanaa gùrù sii tumaa ganaa. Man die Elamu minin lui bǎã tumaa nɛ, ǹ gùli-kɔlin tá re yii gána tumaa nɛ.

Zeremii 50:21

Yoo ka zia nɛ Meratayimu gána kɛ ganaa. Yoo a gialaa, n yoo Pekɔti minin gialaa. Ǹ dɛ, n nə ǹ bɔ̀n baa lenlen. Ma pɛ lɔn, a zɛnaa a kɔnpɛ ka bɛ lɛ nɛ. Dɛnaa Lawa a da ǹ boo ne.

Zeremii 50:24

Baabilonii, má kan kɔ n nɛ, á n kũ n bɔ a siére-a wa. N giala mɛ kanaa, ǹ nə́ n kũ. A giala, man nə́ n gòãn dii masɛ Dɛnaa Lawa ganaa.

Zeremii 50:29

Ka sa-zũlin tumaa sɔkɔn, ka ǹ kaa Baabilonii kiwi ganaa. Ka a lɛnpɛnɛ a paǹ tumaa li! Ka nyan toa min kɔn la wa! Ka a saraa kɔ la a kɔnpɛ ka a zɛnaa ǹ siin ni. A siin mɛnɛn zɛnaa ǹ miãn manɛ, ka zɛnaa a dɔ-n miɛ̃. A giala, á n din koa Dɛnaa Lawa, Izirayeli a Lawa sonbore kɛ ganaa.

Zeremii 50:33

Dɛnaa Lawa Pàãyiidɛnaa n kɛ pii: Maǹ nə́ Izirayeli laanka Zudaa minin yɔyɔrɛ ka kakaarɛbaa nɛ. Ǹ goa wolen manə n gɔn parɛɛ ǹ ganaa, maǹ nə n piɛ̃ mà ǹ ba n gɔn boe ǹ ganaa wa.

Zeremii 50:9

Taãn nɛ, man die bìn diɛ gána dadara gigiã ganaa, ma ǹ dia ǹ wo Baabilonii kũ. Bɛa tɔrɔn lɛn man die boe gɔsɛ a lɛ̀gɔn la. Maǹ nə n tele kɔn li, ǹ yoo gána lɛ gialaa, ǹ kũ. Ǹ kiɛn lɛn man ka zia-baali zanbia a kiɛn bɛ́ lɔn, a ba n bɔyɛɛ ka a gɔn kooro-n wa.

Zeremii 51:53

Ta Baabilonii din dii lon sɔsɔɔ, ta á n duru kungɔn sɔsɔrɔn kio, min mɛnɛn bɛ́ re die a ziziɛ̃ taman yii, ǹ gɔn tá re doe a ganaa. Ma dinmaa nə ǹ diɛ. Dɛnaa Lawa a da ǹ boo ne.

Ezekieli 19:12

Sɛnɛ, ǹ nə́ woɛ̃ ka foo ne, ǹ nə́ zũ tán. A nɛ mɛn kaa tán, lɛ̀giala a piɛ̃ kɛ bɛ laa, a gùrù dadaran lɛn nə́ laa, tɛ nə́ ǹ kũ.

Ozee 13:15

Ta Efrayimu tɔ bɔ ǹ dɔɔ̃nɔn bii, lɛ̀giala piɛ̃ á re die, Dɛnaa Lawa a piɛ̃ lɛa, boe diə gole ne. Mu yala á re piɛ̃, mu á re damɛ. Ǹ tá re kaa naforon goɛ, ka gɔn màn giɔ̀mɔ kakan kɛn, ǹ wo ka bɛn nɛ.

Amɔɔsi 3:6

Bɛ̀ ń ziabaa ǹ bɛn wuu ma boe kiwi, nyɛ́ɛ á re a minin kuĩ. Bɔ̀n ba kiwi kɔn yii, bɛ̀ Dɛnaa Lawa na a lɛ kɔ wa.

Zakarii 2:8

á pɛ-n kɛnɛn: – Baa si n wo pɛ tɔntɔraagiĩ kɛ nɛ biɛ ná a gɔn: «Zeruzalɛmu doamaa nɛ a goã kiwi lɛa kungɔn ná a ba a ganaa wa. A giala, minbuiin nɛn laanka tɔɔn mɛnɛn bɛ́ a nɛ, ǹ tá re mɔnɛɛ ǹ la yii ni.

Nya ǹ dín 9:4

Á boo-diɛ lɛ ma pii ni: «Sooli, wàa na á baa n tá fuu nyɛɛ masɛ nɛ.»