Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Zeremii 50:7 - LAWA A BOO SONBORE 2011

7 Bɛ̀ min woo min kaa ǹ lɛ, a n basaã koe ǹ bii. Ǹ zɔ́ɔn man nə́ goã pii: Wɔ sii kɔn la ǹ la baraa wa! Ǹ dinin maǹ nə́ wɔ Dɛnaa Lawa lon, ke, ǹ kiri pepere-wɔle lɛa, ǹ digolon nə goã n foo doɛ ǹ mɛn lɛ ganaa.

အခန်းကိုကြည့်ပါ။ ကော်ပီ

LAWA A BOO SONBORE

7 Bɛ̀ min woo min kaa ǹ lɛ, a n basaã koe ǹ bii. Ǹ zɔ́ɔn man nə́ goã pii: Wɔ sii kɔn la ǹ la baraa wa! Ǹ dinin maǹ nə́ wɔ Dɛnaa Lawa lon, ke, ǹ kiri pepere-wɔle lɛa, ǹ digolon nə goã n foo doɛ ǹ mɛn lɛ ganaa.

အခန်းကိုကြည့်ပါ။ ကော်ပီ




Zeremii 50:7
28 ပူးပေါင်းရင်းမြစ်များ  

Dɛnaa Lawa, n din nə maa foo doa ǹ bǎã lɛa, ma foo n doa nɛ n din ganaa, a kũ maa boɛɛnmaa ganaa.


A giala, mà ǹ nə́ mɛnaa Izirayeli la, ǹ ná a mànan goa, ǹ ná a bǎã ziziɛ̃.


Lawa a min Muizu a Lawa nyankɔ n ke. Dɛnaa, n din nə wɔa duru ǹ bǎã lɛa lɛ̀ woo lɛ̀.


Min mɛn a duru ǹ bǎã bɛ́ Lon a Lawa Gole li, a ń kiɛ Lawa Pàãyiidɛnaa yele,


Ma foo goã á yoo maa zaman li. Màn mɛn bɛ́ maa wɔ lɛa, má n la bɔ bɛ ganaa, má ǹ wɔ n gɔn. N makara bɔ ǹ ganaa boɛɛn dinin wa. Ń nə́ n pàã a gugurubaa da ǹ min zizin kɔrɔn, ka zǔu bɛ́ lɔn.


Ka dinin tumaa, wuru gɔ́ɔ̃ nɛ ǹ tɔɔn, ka daã gòã li wɔn nɛ, ka da màn bii!


Dɛnaa Lawa Izirayeli zaman dɛ. Sɛnɛ, bɛ tumaa kio, Izirayeli nə n bɔyaa á daa Dɛnaa Lawa Pàãyiidɛnaa li wa.


Tɔrɔn mɛnɛn bɛ ǹ ba n doɛ̃ wa, ka min mɛnɛn bɛ́ ǹ ba n tɔ bíi wa, n foo n siĩni a yoo bɛn li. A giala, ǹ nə́ n zaman lɛ kokoo, Zakɔba ǹ nə́ n ziziɛ̃ lenlen. Ǹ nə́ ǹ gána lɛ ziziɛ̃.


Nsɛ, Izirayeli a foo doa ǹ bǎã, nsɛ mɛn bɛ́ a kirisibiɛ koe biikoo li, kanna kəni, a n siɛ lɔn, n tá n din biɛ ká tii bɛ́ lɔn gána lɛ nɛ, ká kiɛ̃ wole bɛ́ lɔn tèlò zii goon gɔ́ɔ̃ nɛ.


Dɛnaa Lawa, Izirayeli foo n doa nɛ n din ganaa. Min mɛn tumaa bɛ́ n la boe n ganaa, sìi á re n koe ǹ lɛ. Ǹ mɛnɛn bɛ́ n dɔ̀ɔ̃ we n ne, bɛn man die goɛ̃ ka tɔ mɛn nə́ ke ǹ nə́ kiɛ̃ gusuũ li! A giala, maǹ nə́ n la bɔ nsɛ Dɛnaa Lawa ganaa, nsɛ mu yala nyantoto ke, nyin koe.


Izirayeli, n nə n goã ma dinsɔɔ̃ wɔ lɛa. N nə n goã ma din wɔ baa nɛ, ka kaa-piɛ da nɛ bibinaa bɛ́ lɔn. Min mɛnɛn gɔn bɛ́ re miɛ n ganaa, zɛ̀rɛ n die bɛn kuĩ, koe bɔ ǹ ganaa. Dɛnaa Lawa a da ǹ boo ne.


Dɛnaa Lawa Pàãyiidɛnaa, Izirayeli a Lawa n kɛ pii: – Bɛ̀ má wusoo má Zudaa gána laanka a kiwin giã ǹ gɔn zizi kɛ kɔ ǹ la ǹ mɛn waáraa, minin tá re kɛa boon kɛn pii doo: «Peperebaa bɛ́ bǎã mɛn nɛ, kele sonbore, Dɛnaa Lawa barka da n ganaa.»


Bɛa waáraa, bɛ̀ a biikoo dɔ, ma á re toɛ Davida tɔrɔ taãn goon yɛ. Bɛ n die peperebaa laanka sonborebaa zɛnɛɛ gána lɛ nɛ.


Bɛa waáraa, Zudaa gána á re goɛ̃ a din gɔn wìi a lɛa, Zeruzalɛmu minin yiri á re goɛ̃ bǎã goon ne. Zeruzalɛmu tɔ n die goɛ̃: "Dɛnaa Lawa n wɔ kirisibaali lɛa".


Maǹ màn tumaa ziziɛ̃: kaa kaa-piɛ mànan nɛ, kaa màn-biin ni, kaa nɛgiĩn laanka kaa nɛlɔn nɛ, kaa tɔɔ bisinin laanka kaa tɔɔ dadaran nɛ, kaa rezɛ̃ dan laanka kaa gɔ́rɔ dan nɛ. Zia á re kaa kiwi tamaa wolen yui, ka goã taasɛ mà ka á re yii-nyɛɛ yii ǹ mɛnɛn lɛn nɛ.


Kasɛn, sa-zũlin lɛn, ka Baabilonii lɛnpɛnɛ, ka yoo a gialaa! Ka pã! Ka nyan ga kaa kiɛn ganaa wa! A giala, á wɔ Dɛnaa Lawa lon.


Izirayeli na á goã ka sère papaã wole bɛ́ lɔn, yàran ná a kio. Min mɛn sɔ̃ bibinaa nɛ, Asiiriin kii ni. Bɛ kio, Baabiloniin kii Nebukadenezɔɔrɔ daa, á kũ a ná a wen yiyiɛ.


Dɛnaa Lawa Pàãyiidɛnaa n kɛ pii: Maǹ nə́ Izirayeli laanka Zudaa minin yɔyɔrɛ ka kakaarɛbaa nɛ. Ǹ goa wolen manə n gɔn parɛɛ ǹ ganaa, maǹ nə n piɛ̃ mà ǹ ba n gɔn boe ǹ ganaa wa.


Bɛ lɛ na á toa tɔɔn lɛn nə́ sasawaa, a giala, ǹ lɛduəli banban. Ǹ nə́ sasawaa, ǹ nə́ don mànan màn-bii baa.


Ka á re doɛ̃ bɛa biikoo li kəni, mà ka tɔ ziziɛ̃ ǹ boon mɛnɛn da Izirayeli gána a kelen kɛn wɔ paǹ li, mà masɛ Dɛnaa Lawa ma. Kaa da ǹ boo á ke: «Izirayeli a kelen kɛn nə́ ziziɛ̃! Wɔ gɔn dɔ ǹ ganaa.»


Dɛnaa, n zɛnaa ǹ sii sonboren lɛn tumaa taman yii, bǐɛ̃ kɔ, n nə n foo-yoo kɛ laanka n foo-busii kɛ yɔrɔ saa n bɔ Zeruzalɛmu la, n din a kiwi ke, n kele sonbore ke! A giala, wɔa sii baraan kɛn taman yii, ka wɔ digolon kɛn sãn nɛ, min mɛnɛn bɛ́ wɔ lɛnpɛnɛ, bɛn man sɔ kiɛ Zeruzalɛmu laanka n zaman kɛ la.


N dí-nyalin mɛnɛn nə goã n boo gii diɛ, wɔ n too kɔ bɛn lon wa. Ǹ dinin lɛn man nə́ boo da wɔa kiin manɛ, wɔa goledɛnan nɛ, wɔ digolon laanka gána lɛ a zaman tumaa nɛ, ka n din tɔ nɛ.


Sɛnɛ, tɔrɔn mɛnɛn bɛ́ ǹ nə́ waa ǹ dinin la taãn-taãnɛ, ma foo n yoo ne bɛn li parsiini. A giala, maa foo-yoo bɛ́ a tɔn gole kɔ Izirayeli li ǹ mɛn waáraa wa, bɛa tɔrɔn kɛn lɛn ná a koe mìi saa lon.


Min mɛnɛn bɛ́ ǹ pii ǹ nə́ ǹ dii, maǹ taasɛ mà ǹsɛn ba sii baraa kɔn zɛnɛɛ wa. Ǹ mɛnɛn bɛ́ ǹ siɛ̃, bɛn man pii: «Lawa barka, a giala, wɔ màndɛnan baa!» Ǹ makara dɔ din ba boe ǹ lɛduə̃lin ganaa wa.


Masɛ Pooli n Yezu *Krita a dia dí-a wole lɛa. Bɛ na á kɔnpɛ ka wɔ Kirisibaali Lawa laanka wɔ foo doamaa wole Yezu Krita a dí-pɛ nɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ