Zeremii 50:2 - LAWA A BOO SONBORE 2011

² Ka boo kɛ pɛ tɔrɔn tumaa nɛ, ka a boo da ka sii a kɔnboen ne, ka a boo da, ka nyan màn kɔn duru wa. Ka pɛ: Ǹ nə́ Baabilonii kũ! A dìn kɛn wɔ n ka sìi ni, a dì kooron kɛn wɔ n ka foo ziziɛ̃ gole ne. Sìi nə́ n kɔ Bɛɛli lɛ, Marduku foo ziziɛ̃ duduu.

LAWA A BOO SONBORE

² Ka boo kɛ pɛ tɔrɔn tumaa nɛ, ka a boo da ka sii a kɔnboen ne, ka a boo da, ka nyan màn kɔn duru wa. Ka pɛ: Ǹ nə́ Baabilonii kũ! A dìn kɛn wɔ n ka sìi ni, a dì kooron kɛn wɔ n ka foo ziziɛ̃ gole ne. Sìi nə́ n kɔ Bɛɛli lɛ, Marduku foo ziziɛ̃ duduu.

Zeremii 50:2 ပူးပေါင်းရင်းမြစ်များ

Loen 64:9

Lawa n die ǹ kuĩ ǹ dinin lɛ gɔ́ɔ̃ ǹ boon li, a ǹ ziziɛ̃. Min mɛnɛn tumaa bɛ́ ǹ yii, bɛn tumaa á re ǹ puusə koe.

Loen 96:3

Ka a gugurubaa lɛ pɛ gána kɔsɔn minin bii, ka a nya ǹ dí sonboren kɛn dɔn pɛ, tɔrɔn tumaa bii.

Loen 97:7

Dì-gɔlen tumaa wɔ n ka sìi ni, ǹsɛn mɛnɛn bɛ́ n dinin gole koe sii kooron gɔ́ɔ̃ nɛ. Dì kooron dinin tumaa kaa tán Dɛnaa Lawa yɔrɔ-a.

Izayii 12:4

Bɛa pinaa kɛ nɛ, ka á re pii: «Ka Dɛnaa Lawa tɔ bɔ. Ka n lɛn saa lon, ka a Lawabaa pɛ. A sii dadaran mɛnɛn zɛnaa ka nɛ, ka bɛn laakalaa tɔrɔn tumaa nɛ.

Izayii 13:2

Ka màn zumu sii a kɔnboe lɛa, kele mìi kooro-a la. Ka n lɛ dɛ, ka gòon yiɛ zia-baalin ganaa, ka n gɔn yiɛ ǹ li, mà ǹ nə n bɔyaa ǹ daa, ǹ wɔ ka "kiãn kiɛnlɛ" kɛ nɛ!

Izayii 21:9

Ka ga, min nə́ ke yii die: A n giã-n ziabaa ǹ wotoro la, sùi màn paa n baɛ̃. A nə n lɛ dii á n pii: «*Baabilonii mɛnaa! Baabilonii mɛnaa! A dì nyínin kɛn, bɛn nə́ yɔyɔrɛ tán!»

Izayii 37:19

Ǹ nə́ ǹ dìn zũ tɛ-n, a gialaa, ǹ bie Lawa lɛa wa. Màn nyínin manɛ, gɔn hinlaa kɔlɔ lɛa, minbuiin nɛ a màn zɛnaa lɛa, ǹ nə́ ǹ ziziɛ̃.

Izayii 39:1

Bɛa waáraa, Baabiloniin kii, Balaadan a nɛgiĩ Merodaki-Balaadan ma mà Ezekiasi goã lon wa, sɛnɛ mà á kaka kɔ. Bɛ lɛ nɛ, á minin dia mà ǹ da sɛ́wɔ kɔ la, ka bǐɛ̃baa ǹ mànan nɛ.

Izayii 46:1

Dì Bɛɛli musi mɛ, dì Neboo nə́ n pusu, ǹ nə́ ǹ nyínin kaa diin la, ǹ nə́ ǹ kaa tɔɔn la. Ka bɛ́ mànan mɛnɛn guĩ, bɛn man guĩ lɛa tɔɔ nɔmaa wolen kɛn ganaa.

Izayii 48:20

Ka soo ka n bɔ Baabilonii! Ka baa si *Kaldee minin nyɛɛnɛ, ka foo kɔɔ̃nbaa ǹ lɛ dɛ nɛ. Ka bɛa kibərə kɛ pɛ, ka pɛ kanaa paǹ tumaa ganaa, ka pɛ: «Dɛnaa Lawa ná a dí-nyali Zakɔba kirisibaa.»

Izayii 48:6

Ma boo mɛn da, ka too ma. Sii mɛn nə n zɛnaa, ka yii yɛ; Ka a re lɛ koe ǹ ganaa wa? «A kũ sisia ganaa, man sii soreen pii ka nɛ. Sii duriin manɛ, ka a ǹ doɛ̃ bɔrɔ wa.

Zeremii 10:11

Ka doamaa bɛ ka boo mɛn da ǹ nɛ, á ke: lawan mɛnɛn bɛ́ ǹ lon zɛnaa wa, ǹ tán zɛnaa wa, bɛn tá re n lui ǹ nə n bɔ tán la, ǹ papaã ǹ nə n bɔ kanaa.

Zeremii 10:15

Ǹ ba màn kɔn lɛa wa. Maǹ yaa dinsɔɔ̃ diɛ. Ǹ dɔlɔ pinaa, ǹ tumaa á re papaɛ̃.

Zeremii 31:10

Kasɛn, tɔrɔ kɔsɔn lɛn, ka n too kɔ Dɛnaa Lawa a boo li. Ka a boo da bǎã sɔsɔɔ dɛnan kɛn manɛ, ka pɛ: Dɛnaa Lawa din na á Izirayeli minin pɛsɛ̃ bǎã tumaa nɛ. Sisia, a nə ǹ soekɔn, á ǹ tamɛɛ, ká tɔɔn-lɛduə̃li á ke a tɔɔn lɛduĩ lɔn.

Zeremii 4:16

Ka a giala pɛ tɔrɔn tumaa nɛ, ka a boo da Zeruzalɛmu: Zɔ́ɔn lɛn manə n mɔrɛ, maǹ boe gána sɔsɔɔ nɛ. Maǹ ziabaa ǹ lɛ-dɛ we Zudaa kiwin ganaa.

Zeremii 4:6

Ka sii giala pɛ ǹ màn doa tán *Siɔn, ka n mìi duru, ka nyan golee kaa giã ǹ bǎã-n wa. A giala, masɛ Dɛnaa Lawa n die ka koe ne boe gɔsɛ a lɛ̀gɔn la, koe gole ne.

Zeremii 46:14

Ka boo kɛ da Ezipti gána nɛ, ka a boo da Migdɔli kiwi, Mɛmifisi ka Tapanɛsi kiwin ni, ka pɛ ǹ nɛ: «Ka yoo! Ka n yɔrɔ bɔ! Zia ka miãkɛnɛn bɔ̀nbaa!»

Zeremii 50:46

Ǹ mɛn waáraa bɛ̀ ǹ tá pii: «Ǹ nə́ Baabilonii kũ!», tán nə bìn diɛ, lɛ dɛ gole n boe gána tumaa nɛ.

Zeremii 51:12

Ka sii giala pɛ ǹ màn zumu, ka zumu Baabilonii tamaa ǹ kungɔn kɛ la! Ka sɔraasi gigiã koa bǎã lɛduə̃ ǹ bǎãn nɛ! Ka bǎã-lɛduə̃lin koa, ka sɔraasin duru, ǹ zɔ́ɔn lɛn tɔwaa! Taãn nɛ, Dɛnaa Lawa sii yɔrɔ bɔ, a n die bɛ lɛ zɛnɛɛ Baabilonii minin manɛ.

Zeremii 51:27

Ka màn zumu sii a kɔnboe lɛa gána lɛ nɛ, ka bɛn pɛ tɔrɔn tumaa bii! Ka tɔrɔn sɔkɔn a ganaa, Araraa minin ni, Minii minin ni ka Askenaazi minin ni. Ka sɔraasin nyɛɛnaandɛnan bɔ ǹ wo zia baa a ganaa. Ka sùin dia ǹ wo ziabaa a ganaa, ká bisin kuru bɛ́ lɔn.

Zeremii 51:31

Baa-sili nə n diɛ ǹ miã baa-sili lɛ, dia dí-a wole nə n diɛ ǹ miã dia dí-a wole lɛ woe pii Baabilonii gána a kii ni, mà ǹ nə́ a kiwi lɛ kũ paǹ yii li.

Zeremii 51:44

Dɛnaa Lawa pɛ: Man yui Bɛɛli gialaa Baabilonii, màn mɛn bɛ́ a bɔlɔ-n á n mui, man bɛ baɛ̃ ma soo ne. Tɔrɔn ba re yiɛ ǹ wo a li doo wa. Kungɔnɔn mɛnɛn bɛ́ Baabilonii tamaɛ bɛn nə́ kaa.

Zeremii 51:47

Bɛ lɛ nɛ, á ke, lɛawaan tá re doe, ma á re yui Baabilonii a dì soreen kɛn gialaa. Sìi á re n koe gána lɛ tumaa lɛ. Min mɛnɛn nə gã, bɛn tá re goɛ̃ tán kiwi lɛ bii.

Zeremii 51:52

Bɛ lɛ nɛ, á ke lɛawaan tá re doe, man die yui Baabilonii a dì kooron kɛn gialaa. Gána lɛ paǹ tumaa ganaa, busulən ginii lɛ á re boe. Dɛnaa Lawa a da ǹ boo ne.

Zeremii 51:8

Bǎã goon ne Baabilonii mɛnaa, á busu da a din ganaa. Ka gɛ̀ loe lɔ la! Ka nyɔɔ lɔ a busulɛn ganaa, kɔntan á re kaka koe!

Zeremii 52:31

Zudaan kii Zoakini a kuĩ lɛ̀ pɔsɔɔweensɔbaa, Evili-Merodaaki kii baa Baabilonii gána nɛ. A kiibaa lɛ̀ bibinaa a mui fulupaabaa ǹ wɔ a lɛawaa fuəweensoorobaa ǹ wɔ li, Evili-Merodaaki Zoakini bɔ kòso ne á da.

Zeremii 6:18

Bɛ lɛ nɛ, tɔrɔ kɔsɔn lɛn, ka n too kɔ. Sii mɛn bɛ́ re ǹ yii ka tumaa bɛ dɔ̃.

Danayeli sɛ́wɔ 1:2

Dɛnaa Zudaa tɔrɔn kii Zozakimu wɔ a gɔn kɔnlɛ ka Lawa a kion kɛ a dí nya ǹ mànan tɛnɛn nɛ. Nebukadenezɔɔrɔ daa ǹ nɛ Baabilonii gána nɛ, á mànan lɛn kaa a dì kion, a dì lɛ gɔn mànan tamaa ǹ bǎã nɛ.

Danayeli sɛ́wɔ 3:14

Kii Nebukadenezɔɔrɔ tɔ́n nɔ̀n da ǹ la kɛnɛn: «Sadraki, Mesaki ka Abɛdi-Negoo, ka n ka n piã, mà ka a dí nyɛɛ masɛ a lawan man wa, ma sana màn nyin mɛn doa tán, mà ka a bɛ dɔ guguru koe wa, taãn nɛ sonbore?

Sofonii 2:11

Dɛnaa Lawa n die kakaarɛ koe ǹ ganaa parsiini. A n die bɔ̀n diɛ ǹ dì kooron kɛn tumaa ganaa tán la. Gána mɛn tumaa wɔlɔ bɛ́ lui ni, bɛn tumaa n die n toɛ ǹ gána nɛ, ǹ nə n kuruməə tán-a a yɔrɔ-a.

Sii-nyaan 18:2

Á n lɛ dɛ ka lɛn gole ne, á pɛ: «*Baabilonii lɛ mɛnaa! Baabilonii kiwi gole lɛ mɛnaa ka bolobolo! Kanna, a bǎã nə́ n baa nɔ̀ɔn baraan giã ǹ bǎã lɛa, yiri baraan tumaa a duru ǹ bǎã lɛa, bàan gɔ̀dɛnaa gìĩ-bɔle-an tumaa a giã ǹ bǎã lɛa.