Zeremii 50:17 - LAWA A BOO SONBORE 2011

¹⁷ Izirayeli na á goã ka sère papaã wole bɛ́ lɔn, yàran ná a kio. Min mɛn sɔ̃ bibinaa nɛ, Asiiriin kii ni. Bɛ kio, Baabiloniin kii Nebukadenezɔɔrɔ daa, á kũ a ná a wen yiyiɛ.

LAWA A BOO SONBORE

¹⁷ Izirayeli na á goã ka sère papaã wole bɛ́ lɔn, yàran ná a kio. Min mɛn sɔ̃ bibinaa nɛ, Asiiriin kii ni. Bɛ kio, Baabiloniin kii Nebukadenezɔɔrɔ daa, á kũ a ná a wen yiyiɛ.

Zeremii 50:17 ပူးပေါင်းရင်းမြစ်များ

Kiin2 15:19

Asiirii gána a kii Puli daa gána lɛ si á n kɔ lɛ, sɛnɛ Menaahɛmu wɔrɔ kilo duu pɔsɔɔwensii (34 000) kɔ Puli lɛ la, màn mɛn bɛ́ toɛ a n dɔ lɛ pàã lɛ gòãn nə boo la ǹ wɔ tán a gɔn.

Kiin2 15:29

Izirayeli gána a kii Pekaa a biikoo li, Asiirii gána a kii Teglati-Falasaara daa Iyɔn kiwi kũ á si, ka Abeli-Bɛti-Maakaa kiwi ni ka Yanoa kiwi ni, ka Kedɛsi kiwi ni, ka Asɔɔrɔ kiwi ni, ka Galaati gána nɛ, ka Galilee gána nɛ, ka Nɛfutalii gána tumaa nɛ. Teglati-Falasaara bɛa bǎãn kɛn lɛn minin goa á kiɛ̃ ǹ nɛ Asiirii gána nɛ.

Kiin2 24:1

Zoakiimu a biikoo li, *Baabilonii gána a kii Nebukadenezɔɔrɔ soo á woo ziabaa kɔn ka Zoakiimu ni. Zoakiimu ná a wɔ da Nebukadenezɔɔrɔ wɔ gɔ́ɔ̃ nɛ lɛ̀ sɔɔ. Bɛ kio, Zoakiimu nə́ n bɔlɔ bɔyaa, á n gòãn dii Nebukadenezɔɔrɔ ganaa.

Kiin2 24:10

Bɛa biikoo lɛ li, Baabilonii gána a kii Nebukadenezɔɔrɔ a dí-nyalin nə́ woo Zeruzalɛmu kiwi gialaa, ǹ ná a lɛnpɛnɛ.

Kiin2 25:1

Sedekiasi a kiibaa lɛ̀ manangɔrɔbaa ǹ wɔ, lɛ̀ a mui a fùbaa ǹ wɔ a lɛawaa fù, *Baabilonii gána a kii Nebukadenezɔɔrɔ daa Zeruzalɛmu kiwi gialaa, kun ka a zia-baalin tumaa nɛ. Á giã kiwi lɛ yɔrɔ-a, ǹ nə́ bèlèn dɔ, ǹ nə́ kiwi lɛ lɛnpɛnɛ nɛ.

KZS2 28:20

Asiiriin kii Teglati-Falasaara daa Ahaazi zia baa, a da n dɔ lɛ wa.

KZS2 33:11

Bɛ lɛ nɛ, Dɛnaa Lawa Asiiriin kii a zia-baalin nyɛɛnaandɛnan dia ǹ gialaa. Ǹ nə́ Manaasee kũ, ǹ nə́ koɛ̀ɛ̃nən kaa a ganaa, ǹ nə́ yii ka zan zɔrɔkan nɛ ǹ nə́ woo ne *Baabilonii.

Izayii 15:9

Tà ke kiɛ̃ Dimɔn kiwi, bɛ taã ka mà nɛ. Man die koe soree diɛ Dimɔn kiwi la: Moabu minin mɛnɛn yii goã koo, màn mɛn tumaa bɛ́ re goɛ̃ gána lɛ nɛ, yàra á re bɛn kuĩ!

Izayii 47:6

Ma foo goã á yoo maa zaman li. Màn mɛn bɛ́ maa wɔ lɛa, má n la bɔ bɛ ganaa, má ǹ wɔ n gɔn. N makara bɔ ǹ ganaa boɛɛn dinin wa. Ń nə́ n pàã a gugurubaa da ǹ min zizin kɔrɔn, ka zǔu bɛ́ lɔn.

Zeremii 10:25

Tɔrɔn mɛnɛn bɛ ǹ ba n doɛ̃ wa, ka min mɛnɛn bɛ́ ǹ ba n tɔ bíi wa, n foo n siĩni a yoo bɛn li. A giala, ǹ nə́ n zaman lɛ kokoo, Zakɔba ǹ nə́ n ziziɛ̃ lenlen. Ǹ nə́ ǹ gána lɛ ziziɛ̃.

Zeremii 2:15

Yàran man lɛ biɛ a ganaa, maǹ wɔɔsaa we a ganaa, ǹ ná a gána ziziɛ̃ lenlen, ǹ nə́ tɛ da a kiwin ganaa. Màn kɔn ba giã nɛ a-n doo wa.

Zeremii 21:7

Bɛ kio, ma á re Zudaan kii Sedekiasi we Baabiloniin kii gɔn, ka a gána nyɛɛnaandɛnan nɛ. Kiwi lɛ a minin mɛnɛn yii goã koo piɛ̃ busu laanka zia ka bòo kɛ kio, ma á re bɛn dɔn we a gɔn. Ma á re ǹ kiɛ ǹ zɔ́ɔn pàã giulun, ǹ mɛnɛn lɛn bɛ́ zoɛ̃ ǹ gɛ̀ li. Nebukadenezɔɔrɔ á re ǹ dii ǹ gã. A re ǹ makara doɛ̃ wa, a re sabara biɛ wa, a re min kɔn toɛ a yii n koo wa.» Dɛnaa Lawa a da ǹ boo ne.

Zeremii 4:7

Yàra soo tewon ne, min mɛn bɛ́ tɔrɔn ziziɛ̃, á ke die. A n soe a duru ǹ bǎã nɛ, die kaa gána lɛ ziziɛ̃. Kaa kiwin man die kɛbɔlɔn dadaran biɛ, min goon din ná a ba goɛ̃ ǹ nɛ wa.

Zeremii 49:19

Dɛnaa Lawa pɛ: Man die goɛ̃ ka yàra bɛ́ lɔn, á soo da yii ni Zurdɛ̃ tà lɛ-a, woe tɔɔn buu sɔ̃ ǹ bǎãn ganaa. Man die min tumaa goɛ bǎã goon ma wo ǹ ne, Bɛ kio, ma á re min goon boe kiã lɛa ma koa Edɔmu mìi la? Die n ka ma bɛ́ lɔn? Die n boe la a maa sii zɛnaa a nɔ̀n da ma la. Kiã mɛn nə boe la a n gòãn dii ma ganaa?

Zeremii 5:17

Maǹ màn tumaa ziziɛ̃: kaa kaa-piɛ mànan nɛ, kaa màn-biin ni, kaa nɛgiĩn laanka kaa nɛlɔn nɛ, kaa tɔɔ bisinin laanka kaa tɔɔ dadaran nɛ, kaa rezɛ̃ dan laanka kaa gɔ́rɔ dan nɛ. Zia á re kaa kiwi tamaa wolen yui, ka goã taasɛ mà ka á re yii-nyɛɛ yii ǹ mɛnɛn lɛn nɛ.

Zeremii 5:6

Bɛ lɛ nɛ, daã gòã li ǹ yàra á re ǹ kuĩ, don ginin nə ǹ sɔ̃. Goe tá re n yii diɛ ǹ la kunu ǹ kiwin ganaa, a minin kũ ǹ soo waáraa. Sonbore, ǹ sii baraan nə́ mɔnaa á la yii ni, ǹ bɔlɔgoonbaãdɛnaabaa kɛ a n nimii doɛ̃ wa.

Zeremii 50:6

Maa zaman lɛ a minin man nə́ goã ka sère papaã wolen bɛ́ lɔn. Ǹ lɛduə̃lin man nə́ goã ǹ yiri siɛ̃. Maǹ nə n toɛ walan bɛ̀ ǹ wo kelen la, ǹ dinin gɔn wìi a lɛa. Ǹ nə́ woo kelen la ka tentenen ne, ǹ yiri bɔ ǹ zìãn ganaa.

Zeremii 51:38

Sisia, a zaman tumaa n ka yàran bɛ́ lɔn lɛ biɛ. Maǹ lɛ biɛ ka gòon màn bɛ́ lɔn.

Zeremii 52:1

Sedekiasi bɛ́ kii biɛ, bɛ̀ a lɛ̀ fuəwengoon ne. A na á lɛ̀ fulugoon kiibaa zɛnaa Zeruzalɛmu. Ǹ dan tɔ n Amutaali. Libnaa min Irmeya a nɛlɔ nɛ.

Ezekieli 34:12

Bɛ̀ tɔɔn-lɛduəli a tɔɔn nə́ papaã ǹ mɛn pinaa, a bɛ́ giɛ ǹ li lɔn, ma dɔ n die woe giɛ maa wɔn lɛn li miɛ̃. Ǹ sasawaa ǹ nə́ woo bǎã mɛn tumaa nɛ furumə gole ka wɔlɔ tì pinaa kɛ nɛ, ma á re ǹ wɛɛ, ma ǹ bɔ walan.

Danayeli sɛ́wɔ 6:24

Bɛa biikoo li, kii foo kɔɔ̃n kɔ parsiini, á tɔ́n pɛ mà ǹ Danayeli bɔ ǹ bɔ yala lɛ nɛ. Ǹ nə́ Danayeli bɔ ǹ nə́ bɔ yala lɛ nɛ. Ǹ màn lɛ pɔrɛɛ din yɛ a gɔ̀nɔn ganaa wa, a giala, a na á goã á n foo doa Lawa ganaa.

Zowɛli 3:2

Bɛa biikoo lɛ li, haalɛ bɛ̀rɛgiĩn laanka bɛ̀rɛlɔn nɛ, ma á re ma yiri koe bɛn dɔn la.

Piɛrɛ1 2:25

A giala, ka n ká goã papaã-n lɛlɛ ka sèren bɛ́ lɔn, sɛnɛ kanna, kaa Gamawalan wole lɛ laanka ka Lɛduə̃li lɛ ka yɔrɔ bɔyaa, a daa ka-n a din li.