Zeremii 50:14 - LAWA A BOO SONBORE 2011

¹⁴ Kasɛn, sa-zũlin lɛn, ka Baabilonii lɛnpɛnɛ, ka yoo a gialaa! Ka pã! Ka nyan ga kaa kiɛn ganaa wa! A giala, á wɔ Dɛnaa Lawa lon.

LAWA A BOO SONBORE

¹⁴ Kasɛn, sa-zũlin lɛn, ka Baabilonii lɛnpɛnɛ, ka yoo a gialaa! Ka pã! Ka nyan ga kaa kiɛn ganaa wa! A giala, á wɔ Dɛnaa Lawa lon.

Zeremii 50:14 ပူးပေါင်းရင်းမြစ်များ

Samayeli2 10:9

Zoabu yɛ, mà zia lɛ na asɛ nyɛɛn ganaa, a na asɛ kio dɔ ganaa. Izirayeli minin lɛn mɛnɛn tumaa tɔ bɛ́ á bɔ zia la, á minin bɔ bɛn bii, á ǹ dia woe Siirii minin lɛn gialaa.

Loen 51:4

Maa kɔkɔrɔbaa ǹ siin kɛn tuturu, n ma *yoreen kɔ n ma bɔ maa sã ǹ sii ni.

Izayii 13:4

Ka n too kɔ màn wuu kɛ li boe kelen la: A n ka zaman gole gòã wuu ni. Ka n too kɔ tɔrɔn kɛn lɛ dɛ li, tɔrɔn sɔkɔn ke. Sɔraasin mɛnɛn bɛ́ re woe zia biɛ, Dɛnaa Lawa Pàãyiidɛnaa n giɛ bɛn ganaa.

Izayii 5:28

Ǹ kiɛn lɛn man pɛpɛnɛ, ǹ san maǹ dii ni. Ǹ sùin gòon tɔnɔn maǹ kaka ka kɔlɔ bɛ́ lɔn. Ǹ ziabaa ǹ wotoron yii n fuu ka la piɛ̃ bɛ́ lɔn.

Zeremii 46:9

Sùin, ka n ta ǹ gialaa! Ziabaa ǹ wotoron, ka n mìi fɔ̃! Zia baali zanbian lɛn, ka nyɛɛnaan bɔ: Etiopii minin laanka Liibii minin, goórodɛnan lɛa, Ludu minin ni sadɛnan lɛa!

Zeremii 49:14

Dɛnaa Lawa boo da ma nɛ, dia dí-a wole n woe bɛ pii tɔrɔn tumaa nɛ: «Ka n sɔkɔn, ka wo Edɔmu gialaa! Ka yoo, ka a ziabaa!»

Zeremii 49:35

Dɛnaa Lawa Pàãyiidɛnaa boo mɛn da, á ke: Elamu minin sãn kɛn, ǹ mɛnɛn lɛn bɛ́ ǹ pàã lɛa, man die bɛn yiyiɛ.

Zeremii 50:11

Ka n nyɛnyɛɛ ka bɛ̀ baa ka foo kɔɔ̃n nɛ, kasɛn mɛnɛn nə maa kíɛ̃ lɛ ziziɛ̃. Ka paparɛ ka dii nɛ ten bɛ́ lɔn, buu sɔ̃ ǹ bǎã nɛ. Ka lɛ baa ka sùin wɔ bɛ́ lɔn!

Zeremii 50:29

Ka sa-zũlin tumaa sɔkɔn, ka ǹ kaa Baabilonii kiwi ganaa. Ka a lɛnpɛnɛ a paǹ tumaa li! Ka nyan toa min kɔn la wa! Ka a saraa kɔ la a kɔnpɛ ka a zɛnaa ǹ siin ni. A siin mɛnɛn zɛnaa ǹ miãn manɛ, ka zɛnaa a dɔ-n miɛ̃. A giala, á n din koa Dɛnaa Lawa, Izirayeli a Lawa sonbore kɛ ganaa.

Zeremii 50:42

Sa laanka ziabaa ǹ màn lɛ pɛpɛnɛn man a sɔraasin gɔn. Maǹ baraa, ǹ ba makara doɛ̃ wa. Ǹ bìn diɛ wuu n boe ka yìsi mu gole a ginii bɛ́ lɔn. Maǹ sùin la, telee-n kɔn li sɔnbɔraa nɛ, ǹ nə́ die zia biɛ n ganaa Baabilonii kiwi.

Zeremii 50:7

Bɛ̀ min woo min kaa ǹ lɛ, a n basaã koe ǹ bii. Ǹ zɔ́ɔn man nə́ goã pii: Wɔ sii kɔn la ǹ la baraa wa! Ǹ dinin maǹ nə́ wɔ Dɛnaa Lawa lon, ke, ǹ kiri pepere-wɔle lɛa, ǹ digolon nə goã n foo doɛ ǹ mɛn lɛ ganaa.

Zeremii 50:9

Taãn nɛ, man die bìn diɛ gána dadara gigiã ganaa, ma ǹ dia ǹ wo Baabilonii kũ. Bɛa tɔrɔn lɛn man die boe gɔsɛ a lɛ̀gɔn la. Maǹ nə n tele kɔn li, ǹ yoo gána lɛ gialaa, ǹ kũ. Ǹ kiɛn lɛn man ka zia-baali zanbia a kiɛn bɛ́ lɔn, a ba n bɔyɛɛ ka a gɔn kooro-n wa.

Zeremii 51:2

Man die tiin kiɛ ǹ ganaa, ǹ nə ǹ sawaa ka piɛ̃ bɛ́ buu siɛ lɔn. Ǹ tá re a gána lɛ ziziɛ̃. Bɛa koe pinaa kɛ lɛ nɛ, ǹ tá re a lɛnpɛnɛ paǹ yii li.

Zeremii 51:27

Ka màn zumu sii a kɔnboe lɛa gána lɛ nɛ, ka bɛn pɛ tɔrɔn tumaa bii! Ka tɔrɔn sɔkɔn a ganaa, Araraa minin ni, Minii minin ni ka Askenaazi minin ni. Ka sɔraasin nyɛɛnaandɛnan bɔ ǹ wo zia baa a ganaa. Ka sùin dia ǹ wo ziabaa a ganaa, ká bisin kuru bɛ́ lɔn.

Zeremii 51:3

Kiɛ-bɔlen, ka kaa kiɛn zũ zɔ́ɔn kiɛ-bɔlen ganaa! Ka nyan toa ǹ nə n dinin koa ǹ ziabaa ǹ mɔnaan kɛn taman yii wa! Ka nyan nə ǹ sɔraasi tenən yii toa koo wa! Ka ǹ sɔraasin tumaa dɛ!

Abakuku 2:17

Ka kakaarɛbaa mɛn zɛnaa Liban ganaa, bɛ n die kuĩ ka dinin mìi ni. Ka tɔɔn dɛ, á ke tɔɔn tá re ka gɔ̀nɔn diɛ bìn diɛ ganaa nyɛ́ɛ gunun. Bɛ tumaa ǹ die n zɛnɛɛ a giala ka mà kaa tán, Ka kakaarɛbaa zɛnɛɛ gánan manɛ kiwin ni ka ǹ minin ni.

Abakuku 2:8

Ká tɔrɔ gigiã gɔn duduu. A bɛ́ miɛ̃, tɔrɔ gialakunun tá re ka dɔn gɔn dudui. A giala, ka mà kaa tán. Ka kakaarɛbaa zɛnaa gánan manɛ, kiwin ni ka ǹ minin ni.

Sii-nyaan 17:5

Ǹ nə́ tɔ giməə kiɛ̃ a nyanlɛ-a. Bɛa tɔ giməə lɛ giala mà "*Baabilonii gole mɛn bɛ́ naarɛbaa laanka sii gɔgɔrɛ tumaa a náa lɛa kanaa gɔ́ɔ̃ nɛ".

Samayeli1 17:20

Davida yoo baayɛlɛ yiisoone, á ná a tɔɔn lɛn lɛduə̃ toa min kɔsɔ gɔn. Á tɔ́n a guĩ saa, Zesee bɛ́ mà Davida wo ǹ golon giã ǹ bǎã nɛ, Davida woo á dɔ walan, bɛ̀ sɔraasin lɛn nə́ ke die woe zia la, ǹ nə́ ziabaa ǹ lɛ-dɛ we.