Zeremii 50:13 - LAWA A BOO SONBORE 2011

¹³ Dɛnaa Lawa a foo-yoo gole kɛ taman yii, kaa gána lɛ n goɛ̃ minbuiin nɛ baã. Kɛbɔlɔ nɛ. Min mɛn tumaa bɛ́ kiɛ̃ kunu Baabilonii li, ǹ tumaa yiri a die n lɔlɛkɔn. Ǹ tá re n lɛ dii basaã kɛ tumaa taman yii.

LAWA A BOO SONBORE

¹³ Dɛnaa Lawa a foo-yoo gole kɛ taman yii, kaa gána lɛ n goɛ̃ minbuiin nɛ baã. Kɛbɔlɔ nɛ. Min mɛn tumaa bɛ́ kiɛ̃ kunu Baabilonii li, ǹ tumaa yiri a die n lɔlɛkɔn. Ǹ tá re n lɛ dii basaã kɛ tumaa taman yii.

Zeremii 50:13 ပူးပေါင်းရင်းမြစ်များ

Zɔbu 27:23

Sɛnɛ, maǹ nə n gɔn dii a bɔ̀n yɛ kɛa lɛa, ǹ tá re loe ka lɛpii ni a din a kion.

Zeremii 18:16

Maa zaman ná a gána lɛ bɔyaa á baa kɛbɔlɔ lɛa, yaa da ǹ màn lɛa yǎa duduu. Kiɛ̃ wolen yiri nə́ n lɔlɔkɔn. Maǹ nə n mìi papasɛ.

Zeremii 19:8

Man die Zeruzalɛmu biɛ nyɛ́ɛ da ǹ kiwi lɛa, yaa da ǹ màn lɛa. A ziziɛ̃ a la yii-n kɛ á die tɔwaa biɛ kiɛ̃ wolen tumaa ganaa.

Zeremii 25:12

Dɛnaa Lawa a da ǹ boo á ke: «Bɛ̀ bɛa lɛ̀ pɔsɔbaa lɛ lɛ pã, man die yui Baabiloniin kii gialaa, ǹ gɛ̀-dɛ kɛa lɛa. Man die yui *Baabilonii minin gána gialaa, ma baa diə gole lɛa yǎa duduu.

Zeremii 34:22

Sɛnɛ, man die wusii ma da ǹ nɛ Zeruzalɛmu, ǹ yoo a gialaa, ǹ kũ, ǹ tɛ da a ganaa. Zudaa kiwin tá re diə gole biɛ, min ná a ba ǹ nɛ wa.» Dɛnaa Lawa a da ǹ boo ne.

Zeremii 49:17

Edɔmu á re kɛbɔlɔ biɛ. Min mɛn tumaa bɛ́ kiɛ̃ kunu a li, ǹ yiri á re n lɔlɔkɔn. Ǹ tá re n lɛ dii basaã kɛ tumaa taman yii.

Zeremii 50:3

Tɔrɔ goon nə boe gɔsɛ a lɛ̀gɔn li die Baabilonii gialaa. A n die Baabilonii gána biɛ kɛbɔlɔ lɛa. Min goo din ba re goɛ̃ a-n wa. Minbuiinin ni, tɔɔn nɛ, ǹ tumaa n die baa sii, ǹ tumaa á re papaɛ̃.

Zeremii 51:26

N li, ǹ ba re kɔlɔ kɔn yii ǹ baa kɛ gùrù tele ǹ kɔlɔ lɛa, hinlaa kion giala daa ǹ kɔlɔ lɛa wa. Taãn nɛ, ń tá re goɛ̃ kɛbɔlɔ lɛa, yǎa duduu. Dɛnaa Lawa a da ǹ boo ne.

Zeremii 51:29

Dɛnaa Lawa a sii yɔrɔ boe ke, bɛ̀ á bɛ zɛnɛɛ Baabilonii gána nɛ, tán nə bìn diɛ, a n bìn diɛ nyɛ́ɛ gɔn. A n Baabilonii gána bɔyɛɛ, a baa kɛbɔlɔ lɛa, min ná a ba a-n wa.

Zeremii 51:37

Man die Baabilonii kiwi bɔyɛɛ, ma baa kɔlɔ da kɔn la lɛa, Á re tolokan giã ǹ bǎã biɛ. Nyɛ́ɛ á re minin kuĩ. Ǹ tá re nyɛ́ɛ da ǹ lɛ biɛ, min kɔn ba re giɛ̃ kiwi lɛ-n wa.

Zeremii 51:62

A pɛ: «Dɛnaa Lawa, n din nə́ n boo kɛ da: Baabilonii gána á re n bɔ̀n biɛ, min goon din ba re goɛ̃ a-n wa, minbuiin nɛ lɛa, hinlaa tɔɔ lɛa wa. A n die n biɛ kɛbɔlɔ lɛa yǎa duduu.»

Ezekieli 27:36

Tɔrɔ kɔsɔn pii-kɔlen nə́ n kaãbaa n wɔ paǹ li, ń nyɛ́ɛ da ǹ màn baa, n wɔ na á nya duduu.

Sofonii 2:15

Ninivu n die goɛ̃ kɛnɛn lɛn, asɛ mɛn bɛ́ á goã foo kɔɔ̃nbaa la, ka là nyantoro ne, a n pii a gɔ́ɔ̃ nɛ: «Min kɔn ba ka wɔ bɛ́ lɔn wa!» Sɛnɛ, Ninivu kɛbɔlɔ baa á don siĩn duru ǹ bǎã baa. Min mɛn tumaa bɛ́ kiɛ̃ walan, maǹ puru diɛ a ganaa, ǹ nə́ n gɔn pɛsɛ̃.

Zakarii 1:15

Sɛnɛ, tɔrɔn mɛnɛn bɛ́ ǹ nə́ waa ǹ dinin la taãn-taãnɛ, ma foo n yoo ne bɛn li parsiini. A giala, maa foo-yoo bɛ́ a tɔn gole kɔ Izirayeli li ǹ mɛn waáraa wa, bɛa tɔrɔn kɛn lɛn ná a koe mìi saa lon.

Timəə dí-pɛn 29:22

Ǹ tá re pii, mà gána lɛ gɔ́ɔ̃ tumaa n kiribi lɛa, yìsi ni, ka tɛ nɛ, á kukũ lenlen. Màn kɔn ba boe la a n da a-n wa, buu dɔ din banban wa, ta ń màn mɛn da a nɛ a boe wa. A n die goɛ̃ ka Sodɔmu laanka Gomɔɔrɔ kiwin kɛn bɛ́ lɔn, ka Admaa laanka Seboyimu wɔn nɛ, ǹ mɛnɛn lɛn bɛ́ Dɛnaa Lawa nə́ ǹ yu a foo-yoo babaraa lɛ gɔ́ɔ̃ nɛ.