Zeremii 5:3 - LAWA A BOO SONBORE 2011

³ Dɛnaa Lawa, n bie giɛ sonbore taãn li wa? Ń nə́ ǹ dɛ, sɛnɛ a wɔ ǹ ganaa wa. Ń bɔ̀n da ǹ ganaa, sɛnɛ, ǹ nə́ n piã ka n doroon ne. Ǹ nə́ n mìi laa ka kɔlɔ bɛ́ lɔn, ǹ nə́ n piã mà ǹ ba die n li wa.

LAWA A BOO SONBORE

³ Dɛnaa Lawa, n bie giɛ sonbore taãn li wa? Ń nə́ ǹ dɛ, sɛnɛ a wɔ ǹ ganaa wa. Ń bɔ̀n da ǹ ganaa, sɛnɛ, ǹ nə́ n piã ka n doroon ne. Ǹ nə́ n mìi laa ka kɔlɔ bɛ́ lɔn, ǹ nə́ n piã mà ǹ ba die n li wa.

Zeremii 5:3 ပူးပေါင်းရင်းမြစ်များ

Siin Giala 19:34

A lɛawaa, goledɛnaa lɛ pɛ kiɛɛrɛdɛnaa lɛ nɛ: «Ga dɛ! Má waa kun ka wɔ di-n gunun tèlò-n. Pelo tèlò-n, daa wɔ yɔ kɔ la a mi doo, n dɔ wo waa kun ni. Á re wɔ tɔrɔ yii a da kanaa.»

Kiin1 13:33

A laanka bɛ tumaa nɛ, Zeroboamu na a tɔ wɔ ǹ gɔn baraa lɛ kaa wa. A na á goã tɔn minin boe zaman lɛ bii miɛ̃, ǹ wúlu bɔ ǹ bǎãn lɛn wúlu-bɔlen lɛa. Bɛ̀ wúlu lɛ a bɔ sii tá min mɛn ganaa, Zeroboamu nə ǹ dɛnaa biɛ wúlu bɔ ǹ bǎãn lɛn wúlu-bɔle lɛa.

Kiin2 1:13

Kii lɛ sɔraasi posooro mìilandɛnaa lɛ a sɔɔbaa ǹ wɔ dia doo, a laanka a kiodɛnaa posooro ne. Bɛa sɔɔbaa ǹ dɔn wɔ lɛ woo, sɛnɛ a bɛ́ á dɔ, á na á kaa tán Yilii giulun, a ná a nyankɔ á pɛ: «Lawa a min, n dí-nyali posooro ke, toa barka goã bɛn yiikoonaabaa nɛ n gɔn, ka masɛ dɔ wɔ nɛ.

KZS2 16:9

A giala, Dɛnaa Lawa n giɛ tán la, kanaa paǹ tumaa ganaa, min mɛnɛn bɛ́ narɛ ka ǹ foo tumaa nɛ, a n dɔ bɛn lɛ. Sisia kəni, ń baãnaabaa zɛnaa. Bɛ lɛ nɛ, a kũ sisia ganaa, n zɔ́ɔn man die yui n gialaa ka zia nɛ.»

KZS2 28:22

Bɛa koe kɛ lɛ din tumaa gɔ́ɔ̃ nɛ, kii Ahaazi n tɔn bɔlɔgoonbaãdɛnaa lɛa Dɛnaa Lawa yɔrɔ-a.

Loen 51:6

Má sii la, man má sii la n dinsɔɔ̃ lɛ la. Sii mɛn bɛ́ baraa n yɔrɔ-a, má bɛ lɛ zɛnaa. Bɛ lɛ n ke, ta n boo mɛn da, sonbore tá n lon, ta n dɔlɔ mɛn da ma mìi ni, zɛ̀rɛ ba n ganaa wa.

Loen 51:8

Bɛ lɛ na á goã durii-n ma ganaa, sɛnɛ, ń bɛ nyaa ma nɛ. Yiitibaa gɔ́ɔ̃ nɛ, bɛ̀ min tá sonbore doɛ̃, bɛ lɛ n kɔɔ̃nɛ n ganaa.

Loen 55:20

Lawa die a ma lɛ ma, a sìi da ǹ ganaa, Lawa mɛn bɛ́ kii lɛa, haalɛ lɛlɛ lɛlɛ. Doa Minin kɛn lɛn ba re n bɔyɛɛ wa, a giala, ǹ ba nyɛ́ɛ biɛ Lawa-n wa.

Suusun 21:29

Min baraa nə n din biɛ sii doɛ̃ wole lɛa. Min pepere a sii zɛnaan gòãn we tán.

Suusun 22:12

Dɛnaa Lawa n doɛ̃ sonbore tamɛɛ. Sɛnɛ, a n soɛ-bɔlin boon ziziɛ̃.

Suusun 23:35

Ń tá re taasɛ mà maǹ nə́ n dɛ, sɛnɛ mà n paǹ kɔn ba busi wa, mà maǹ nə́ n məə sɛnɛ, mà a wɔ n ganaa wa. N yii á re kiɛ fufuu, n wusoo n nɔ̀n da duvɛ̃ li, n mi.

Suusun 27:22

Ta n baãnaa zũ ka ǹ bɛ́ wii zuĩ lɔn, a baãnaabaa lɛ n damaɛ a ki ganaa.

Izayii 26:11

Dɛnaa Lawa, n gɔn-munii n lon, ǹ yii ba a ganaa wa. Sɛnɛ, ǹ tá re n miãgoã-bɔ kɛ yii n zaman kɛa paǹ li, sìi á re ǹ kuĩ. N tɛ mɛn yɔrɔ bɔ n zɔ́ɔn wɔ lɛa, bɛ á re ǹ kuĩ.

Izayii 42:25

Bɛ lɛ nɛ, Dɛnaa Lawa na a foo yoo baraa kɛ kaa ǹ la, ka zia baraa nɛ. Bɛa zia lɛ tɛ da ǹ paǹ yii ganaa a ná a lɛnpɛnɛ nɛ, sɛnɛ, Izirayeli na a giala ma wa; á kũ, sɛnɛ a baa a parsii lɛa wa.

Izayii 48:4

Ma á doɛ̃, ka ǹ tɔrɔ too kakaan lɛa. Ka wìi n fɔlɔ bàlà lɛa, ka mìi n laa nɛ ka zan bɛ́ lɔn.

Izayii 9:13

Bɛ lɛ nɛ, lɛawaa goon gɔ́ɔ̃ nɛ, Dɛnaa Lawa Izirayeli gána mìi laanka a mui kuru.

Zeremii 15:7

Má maa zaman pɛsɛ̃, gána lɛ paǹ tumaa nɛ, ka ǹ bɛ́ màn sui lɔn. Má ǹ ziziɛ̃, má ǹ nɛnyaanan bɔ̀n baa. Sɛnɛ, ǹ nə ǹ giã ǹ gɔn bɔyaa wa.

Zeremii 17:23

Ǹsɛn nə n too kɔ wa, ǹ nə n too da wa. Ǹ nə́ n mìi laa, ǹ nə́ n piã ka maa gɔn waa nɛ, ǹ lɛ kɔ a ganaa wa.»

Zeremii 19:15

– Dɛnaa Lawa Pàãyiidɛnaa, Izirayeli a Lawa a da ǹ boo á ke: «Ma dɔlɔn mɛnɛn boo da kiwi kɛ wɔ paǹ li ka a lɛkoro-a kiwin ni, man die yui ǹ gialaa ka bɛn nɛ. A giala, kiwi minin lɛn mìi n laa nɛ. Maǹ nə n piɛ̃ ǹ ba n too koe maa da ǹ boon li wa.»

Zeremii 2:30

Ma kaa nɛnyaanan dɛ, sɛnɛ a là goon yɛ wa. Ka golee maa doroon li wa. Ka yàra basaã-kɔle bɛ́ lɔn, ka kaa Lawa a dia dí-a wolen yii dɛ.

Zeremii 3:3

Bɛ lɛ nɛ, la kaa wa, la nyɔɔbaa kaa wa. Sɛnɛ n nə n too kaka kɔ, n kɔrɔbaa zɛnaa n woo ne. N nə́ n piã ka n sã nɛ.

Zeremii 32:19

Ma n sii dadaran lɛ boe, maǹ yɔrɔ yii ka pàã gole ne. Minbuiin nɛn zɛnaa ǹ siin tumaa nə n yɔrɔ-a. Ma n didie sarɛɛ a kɔnpɛ ka a giã ǹ gɔn laanka a zɛnaa ǹ siin ni.

Zeremii 35:13

– Kanna, boo da Zudaa laanka Zeruzalɛmu minin manɛ, n pɛ ǹ nɛ: «Sisia kəni, ka á re lɛ koe doroo kɛ ganaa, ka n too kɔ maa boon li?» Dɛnaa Lawa a da ǹ boo ne.

Zeremii 44:10

A da kaa pelo ǹ lɛ, min kɔn tɔn nə n din boɛɛn kɔ, á ma guguru kɔ wa. Min kɔn tɔn kɔ maa daraan laanka maa dí-pɛn kɛn lɛ wa, kɛn má ǹ kɔ ka la kɔnlɛ ka ka digolon ne.»

Zeremii 7:26

Sɛnɛ, ka n too kɔ ǹ lon wa, ka n too da wa. Ka mìi n laa nɛ, kaa bɔnɛɛbaa la ka digolon wɔ nɛ.

Zeremii 7:28

Ka bɛ nɛ, n tá re pii ǹ ni kɛnɛn: «Ka ǹ zaman lɛa, zaman mɛn bɛ́ a ba n too koe Dɛnaa Lawa, a Lawa a boon li wa, n piɛ̃ ka a gɔn waa ǹ boon ne. Kasɛn li, bɔlɔgoondɛnaabaa banban, bɛ boo ba n diɛ wa.»

Zeremii 8:5

Wàa na á baa Zeruzalɛmu zaman nə n lɛ goa zii kɛ ganaa, ǹ nə́ tɔn woe nyɛɛnɛ n piɛ̃ ka masɛ nɛ? Maǹ doa-n màn kooron ganaa, manə n piɛ̃ ǹ ba wusii die ma li wa.

Ezekieli 2:4

Bɛa too kaakaan kɛn lɛn sii woon zɛnaa wolen lɛa, man die n diɛ ǹ li, n wo pɛ ǹ nɛ kɛnɛn: «Dɛnaa Lawa n kɛ pii.»

Ezekieli 24:13

N gɛsɛbaa kɛ lɛ na á n gɔgɔrɛ kɔ, Zeruzalɛmu. A giala, man má goã giɛ li ma n *yoreen kɔ, sɛnɛ, ń nə́ n piã. Ma foo mɛn yoo n li ke, n ba yoreen koe doo wa, yǎa ma nə n foo nyɛɛ n la.

Danayeli sɛ́wɔ 9:13

Bɛa sii babaraa kɛ lɛ tumaa na á wɔ yɛ ka a bɛ́ kiɛ̃-n Muizu a landa sɛ́wɔ-n lɔn. A giala Dɛnaa Lawa, wɔa Lawa, wɔ gòã-kũ da n ganaa wa. Wɔ wusoo wɔ́ n bɔ wɔa sii baraan kio wa, n sonbore mɛn pɛ, wɔ tɔ wɔ á kɔnpɛ ka bɛ-n wa.

Lawa a wúlu-bɔlen 26:23

Bɛ̀ bɛa siin kɛn lɛn dɔn nə ka doro ǹ nə́ ka kɔ masɛ la wa, bɛ̀ ka tá tɔn yɔ boe masɛ ganaa,

Amɔɔsi 4:10

Má busu babaraa dia ka la, ka busu kɛ bɛ́ lɔn ma dia Ezipti. Má toa ǹ nə́ kaa nɛ tenən dɛ zia la, ǹ nə́ kaa ziabaa ǹ sùin si ka la. Kaa piɛ, má toa geren kɛn gìĩ kaa ka nyin ni. Sɛnɛ, a laan bɛ yii ni, ka wusoo ká daa ma li wa. Dɛnaa Lawa a da ǹ boo ne.

Amɔɔsi 4:11

Má bɔ̀n da ka ganaa, ká ma goã má da Sodɔmu laanka Gomɔɔrɔ ganaa lɔn lɛlɛ. Ka n ka tɛ gɔn lɛ bɛ́ lɔn, ǹ nə́ bɔ ǹ nə́ bɔ tɛ-n. Sɛnɛ, a laan bɛ yii ni, ka n gɔ́ɔ̃ dɔn bii ká wusoo ká daa ma li wa. Dɛnaa Lawa a da ǹ boo ne.

Amɔɔsi 4:6

Ma din nə má toa bòo wɔ kaa kiwin tumaa nɛ, ma din nə má toa màn-bii wɛɛ̃ kɔ kaa kionən tumaa nɛ. Sɛnɛ a laan bɛ yii ni, ka wusoo ka daa ma li wa. Dɛnaa Lawa a da ǹ boo ne.

Amɔɔsi 4:8

Minin man soe kiwi kɛ-a, ǹ wo kɛ nɛ, ǹ nə́ tatalɛ, ǹ nə́ giɛ mi ǹ mu li, sɛnɛ, ǹ mu yɛ ǹ nə́ mi, á ǹ bɔ wa. A laan bɛ yii ni, ka wusoo ka daa ma li wa. Dɛnaa Lawa a da ǹ boo ne.

Amɔɔsi 4:9

Ma din nə má gìa laanka doloka kaa kaa màn kɔsiɛn ganaa. Bisinin nə́ kaa dù gɔ̀rɔ gɔ́ɔ̃ màn damata kɛ sɔ̃, kaa *rezɛ̃ dan nɛ, kaa gɔ́rɔ dan laanka kaa *olivie dan nɛ. Sɛnɛ, a laan bɛ yii ni, ka n gɔ́ɔ̃ dɔn bii ká wusoo ká daa ma li wa. Dɛnaa Lawa a da ǹ boo ne.

Sofonii 3:7

Má pɛ ma din ni: Sisia, kiwi lɛ á die ma guguru koe, á re n too koe maa doroon li. Bɛ̀ á miɛ̃, ma a re maa dɔlɔn kɛn boe a ganaa doo wa, ma a re a bɔ̀n biɛ doo wa. Sɛnɛ, haayii! Kiwi lɛ a minin man nə́ n gòã yii fuu saa ǹ nə́ kaa sii baraa nɛ.

Rɔmu minin 2:2

Wɔ́ dɔ̃ mà min mɛnɛn bɛ́ bɛa siin kɛn zɛnɛɛ, mà á pepere, Lawa kiri kuru ǹ la.

Ebrəə 12:9

Gɔ̀nɔn siĩ a díin nə́ yɛ wɔ lon, ǹ nə́ wɔ dɛ ǹ nə́ wɔ doroo, wɔ ǹ lɛ dɔ si. Sanparɛ ka Lawa mɛn bɛ́ lon a Díi lɛa, wɔ a re n doree bɛ nɛ, wɔ yiikoonaabaa taãn-taãn yɛ wa?