Zeremii 5:22 - LAWA A BOO SONBORE 2011

²² Ka a ma guguru koe wa? Ka a nyɛ́ɛ biɛ ma-n wa? Dɛnaa Lawa a da ǹ boo ne. Ma din ni má nyɔɔsɔ̃ kaa tán yìsi mu gole lɛdan lɛa yǎa duduu, sɛnɛ a ba a la boe ǹ kɔn pinaa wa. A mu á boe la a yoo, sɛnɛ pàã n nyaabiɛ a ganaa. Á boe la a gini, sɛnɛ a ba re a la boe wa.

LAWA A BOO SONBORE

²² Ka a ma guguru koe wa? Ka a nyɛ́ɛ biɛ ma-n wa? Dɛnaa Lawa a da ǹ boo ne. Ma din ni má nyɔɔsɔ̃ kaa tán yìsi mu gole lɛdan lɛa yǎa duduu, sɛnɛ a ba a la boe ǹ kɔn pinaa wa. A mu á boe la a yoo, sɛnɛ pàã n nyaabiɛ a ganaa. Á boe la a gini, sɛnɛ a ba re a la boe wa.

Zeremii 5:22 ပူးပေါင်းရင်းမြစ်များ

Siin Giala 1:9

Lawa pɛ kɛnɛn doo: «Lon giulun mu lɛ nə n tɔ kɔn lɛ bǎã goon toto ne, wɔlɔ kooro boo la a yɛ.» Á n zɛnaa miɛ̃.

Kiin1 13:28

á woo. Á woo gere lɛ yǎa nyɔmaa-n tán zii lɛ la, dundun lɛ laanka yàra lɛ n tɔn golee ne a genli. Yàra lɛ nə n lɛ da gere lɛ-a wa, a dundun lɛ dɔ kũ wa.

Zɔbu 26:10

Á gèlè da mu la luurii ni, bɛ́ wɔlɔ fúlu na á bɔ kɔn ka wɔlɔ tì ni.

Zɔbu 37:24

Bɛ lɛ n ke, minbuiinin tá siĩni ǹ nyɛ́ɛ baa nɛ. Sɛnɛ, min mɛnɛn bɛ́ n dinin biɛ sii-dɔ̃lin lɛa, a giɛ bɛ kɔn ganaa wa.»

Zɔbu 38:8

Mu bɛ́ soe á n die kɔ̀ biɛ, die na a ná a lɛ doa ǹ bǎã koa,

Loen 104:9

N din nə ń gèlè koa, ǹ ba kiɛ̃ bɛ la wa, ǹ ba re wusii doo ǹ da n kɔ tán lɛ wa.

Loen 119:120

Man nyɛ́ɛ biɛ n nɛ, ma gɔ̀nɔn nə́ bìn diɛ. N sii yɔrɔ bɔ ǹ boon lɛn man nyɛ́ɛ diɛ ma ganaa.

Loen 33:7

A din na á kɔ̀ mu sɔkɔn, a ná a lɛ zũ, mu nyankɔrɔ zuzulun kɛn, a din na á bɛn koa.

Loen 46:3

Bɛ lɛ n ke, wɔ ba nyɛ́ɛ biɛ sii kɔn nɛ wa, haalɛ ta tán nə bìn diɛ, á n kelen bɔyɛɛ ǹ kiɛ kɔ̀ mu bii,

Loen 99:1

Dɛnaa Lawa n kii lɛa, tɔrɔn man bìn diɛ. A n giã-n lon màn yiikoonaan la, kanaa n tatalɛɛ.

Suusun 8:29

A bɛ́ lɛ dan koɛ yìsi mu la ǹ mɛn waáraa, a bɛ́ n gɔn wɛɛ yìsi mu ni mà a baran bɛ la bɔ wa, a bɛ́ tán goã daɛ ǹ mɛn waáraa, bɛ̀ ma tan.

Izayii 50:2

Ma bɛ́ ma daa, wàa na á baa ma da min kɔn yaa wa? Má lɛ dia, min kɔn ma lɛ si wa. Wàa na á baa kəni? Ka ǹ taasɛ mà maa boe la ma ka si ma ka kaa wa? Kaa kirisibaa ǹ pàã na a ba ma lon wa? A da yaa, maa paraa-mali dinsɔɔ̃ n yìsi mu piɛ̃ ka daɛ̃. Man tà bɔyɛɛ ma baa diə lɛa. Mu wɛɛ taman yii, zɔ̀nɔn man giɛ̃, ǹ bɔɔ̃.

Izayii 64:2

Ń sii kakan zɛnaa. Ń gisĩ, kelen nə bìn da n nyɛɛnɛ.

Izayii 66:5

Ka n too kɔ Dɛnaa Lawa a boon li, kasɛn mɛnɛn bɛ́ nyɛ́ɛ biɛ a yii ni. Ka dɔɔ̃nɔn man ka biɛ zɔ́ɔ, ǹ tá ka lui masɛ taman yii. Maǹ pii: «Dɛnaa Lawa na a gugurubaa lɛ nyaa kəni, ka bɛ nɛ, wɔ á re kaa foo kɔɔ̃nbaa yii.» Sɛnɛ, sìi n die ǹ dinin kuĩ.

Zeremii 10:7

N doamaa-n ka gugurubaa nɛ tán tumaa a Dɛnaa. Bɛ lɛ nə n wɔ gii lɛa. Sii-dɔ̃lin tumaa bii tán la, ǹ gánan tumaa bii, min kɔn ba ka n bɛ lɔn wa.

Zeremii 2:19

N sii baraa mɛn zɛnaa, bɛ die a dɔlɔ baa n ganaa. N bɔlɔgoonbaãdɛnaabaa ke, bɛ die a kũ n din mìi ni. Ka bɛ nɛ, n tá re yii, n na a giala ma, mà la bɔ Dɛnaa Lawa ganaa á bɔbɔnɛɛ, a n kɔɔsɛ taãn-taãnɛ, ka masɛ Dɛnaa Lawa guguru kɔ baã bɛ́ lɔn. Masɛ Dɛnaa Lawa Pàãyiidɛnaa a da ǹ boo ne.

Zeremii 31:35

Die na á wasa da lon màn mɛn bɛ́ toɛ a wɔlɔ fúlu? Die n pii mui laanka leeren manɛ mà ǹ folon kaa tèlò ne Die n bìn diɛ yìsi mu gole ganaa, bɛ̀ a wuu bɔ? Dɛnaa Lawa Pàãyiidɛnaa nɛ. A tɔ n miɛ̃. Dɛnaa Lawa Pàãyiidɛnaa a da ǹ boo ne.

Danayeli sɛ́wɔ 6:26

Bɛ kio kəni, kii tɔ́n sɛ́wɔ kiɛ̃ á dia kanaa paǹ tumaa nɛ, tɔrɔ tumaa a minin la, gána tumaa a minin ni, ka bɔlɔ woo bɔlɔ a pɛlen ne, á pɛ kɛnɛn: «Là nyantoro gole die a giã ka li!

Amɔɔsi 4:12

Bɛ lɛ na á toa, Izirayeli minin lɛn, ka sii mɛn zɛnaa, man die a dɔlɔ boe ka ganaa. A bɛ́ miɛ̃, Izirayeli minin lɛn, ma din bɛ́ n kaa Lawa lɛa, ka n yɔrɔ bɔ, ka da n da kaa Lawa lɛ.

Amɔɔsi 9:6

Min mɛn a giã ǹ bǎã á ke lon, asɛ mɛn bɛ́ á lon zɛnaa á kɔ tán lɛ, yìsi mu bíi bɛ̀ a kaa tán la, a tɔ mà Dɛnaa Lawa.

Zonaasi 1:16

Nyɛ́ɛ golee minin lɛn kũ parsiini Dɛnaa Lawa wɔ paǹ li. Ǹ nə́ *wúlu màn bɔ ǹ nə́ kɔ la, ǹ nə́ n lɛ kɔ la ka màn kɔsɔn dɔn nɛ.

Nahumu 1:4

A n boo diɛ yìsi mu gole ne, a piɛ̃ ka daɛ̃. A n tàn mu piɛ̃, a bɔ ǹ nɛ. Basan a buu bǎã nyantoto ke ka Karmɛli kele kɛ nɛ, bɛn tumaa n damɛ ǹ taã ka bon, Liban a da buũ kɛ tumaa n bɛbɛnɛ.

Matiə 10:28

Min mɛnɛn bɛ́ boe la ǹ gɔ̀nɔn siĩ dɛ, ǹ nə́ ǹ ba boe la ǹ telenboen dɛ wa, ka baran nyɛ́ɛ baa bɛn man wa. Lawa mɛn bɛ́ boe la a gɔ̀nɔn siĩ laanka telenboen din tumaa naa kɔn-a a ǹ kaa bɔ̀nbaa ǹ tɛ gole ne, ka nyɛ́ɛ baa bɛ nɛ.

Marki 4:39

Yezu yii kaa, á yoo, á paraa piɛ̃ lɛ li, á pɛ: «Sisia!» Piɛ̃ lɛ nə́ n lɛ kũ bɛ lɛ-a. Á pɛ tà mu lɛ dɔ nɛ: «Golee!» Tà mu lɛ dɔ́ golee, wɔlɔ nyɛɛ ka kiĩn.

Luku 12:5

Masɛ n die min nyɛɛ ka nɛ, ka doamaa bɛ́ nɛ ka nyɛ́ɛ baa min mɛn nɛ. Ka nyɛ́ɛ baa Lawa nɛ. Bɛ̀ Lawa min dɛ, pàã tá a lon a na a telenboen zũ tɛ-n. Bɛ lɛ nɛ, ma á pii ka nɛ, máa ka doamaa nɛ ka nyɛ́ɛ baa Lawa nɛ.

Timəə dí-pɛn 28:58

Dí-pɛn boon mɛnɛn tumaa bɛ́ kiɛ̃-n sɛ́wɔ kɛ nɛ, bɛ̀ ka yiri bɔ bɛn li ká kɔ ǹ lɛ wa, tɔ mɛn lɛ á ke gugurubaa ná a nɛ á n nyɛ́ɛ dɔ diɛ, "kaa Lawa, Dɛnaa Lawa" lɛ, bɛ̀ ka nyɛ́ɛ baa bɛ-n wa,

Sii-nyaan 15:4

Dɛnaa, die na a re nyɛ́ɛ biɛ n nɛ wa? Die na a re n guguru koe wa? A giala mà n dinsɔɔ̃ n sonbore. Tɔrɔ din tumaa á re die n yɔrɔ-a, ǹ tumaa á re n guguru koe. A giala mà n peperebaa nə́ n din nyaa foaã sisia.»