Zeremii 5:21 - LAWA A BOO SONBORE 2011

²¹ Ka n too kɔ kəni, tɔrɔ yiriwɛɛnaan kɛn, baãnaan lɛa. Ka yiin tan sɛnɛ ǹ ba wɔlɔ yii wa, ka toon tan sɛnɛ ǹ ba boo miɛ wa.

LAWA A BOO SONBORE

²¹ Ka n too kɔ kəni, tɔrɔ yiriwɛɛnaan kɛn, baãnaan lɛa. Ka yiin tan sɛnɛ ǹ ba wɔlɔ yii wa, ka toon tan sɛnɛ ǹ ba boo miɛ wa.

Zeremii 5:21 ပူးပေါင်းရင်းမြစ်များ

Loen 94:8

Kaa baãnaabaa lɛ la yii ni, ka toa ka sii dɔ̃. Ka yiri lɛ kiɛɛrɛ kɔ á la yii ni, ka á re sii giala miɛ ǹ kɔn pinaa dinin le?

Suusun 17:16

Wɔrɔ n wàa bǐɛ̃ koe baãnaa gɔn? A yiri woorobaa yɛ nɛ? Bɛ boo bie wa. Á gaãnaa lɛa bɛ ganaa.

Izayii 27:11

Bɛ̀ bɛa da bisinin lɛn gùrù laa, maǹ die ǹ yiɛ, lɔn nə tɛ da ǹ ganaa. Tɔrɔ kɛa sii kɔn giala miɛ wa. Bɛ lɛ na á toa, min mɛn zɛnaa, ǹ dɛnaa a makara boe a ganaa wa. Min mɛn yɛ á da kanaa, ǹ dɛnaa a bǐɛ̃ koe a ganaa wa.

Izayii 43:8

Ka tɔrɔ yii tere-a kɛ kũ, ka soo ne. A yiin tan, sɛnɛ, ǹ ba wɔlɔ yii wa. A toon tan, sɛnɛ ǹ ba boo miɛ wa.

Izayii 44:18

Bɛa minin kɛn ba màn kɔn doɛ̃ wa. Ǹ ba sii kɔn giala miɛ wa. A giala, ǹ yii na á tã màn mɛn bɛ́ toɛ ǹ baran wɔlɔ yɛ wa, ǹ yiri na á tã màn mɛn bɛ́ toɛ ǹ baran boo giala ma wa.

Zeremii 10:8

Bɛa minin lɛn tumaa n baãnaan lɛa, yiriwɛɛnaan lɛa, Ǹ dìn lɛn ba boe la ǹ ta ǹ darɛɛ sii kɔn ganaa wa. Maǹ gɔn lɛa.

Zeremii 4:22

Dɛnaa Lawa pɛ: Maa zaman lɛ a sii doɛ̃ wa, a ba ma doɛ̃ wa. Maǹ nɛnyaanan lɛa, ǹ ba n taasɛ wa, ǹ ba sii kɔn giala miɛ wa. Ǹ tá kɔn doɛ̃ ka sii baraa zɛnaa nɛ, sɛnɛ, ǹ ba kɔn doɛ̃ ka bǐɛ̃-n wa.

Zeremii 5:20

Ka boo kɛ pɛ Zakɔba a kion minin manɛ, ka toa a kaa Zudaa minin too ne.

Zeremii 5:4

Man taasɛ: «Min mɛnɛn bɛ́ ǹ ba n taasɛ sɔsɔɔ wa, bɛn zɛnaa ǹ sii n kɛ nɛ. Maǹ sii zɛnɛɛ ǹ nə́ ǹ ba n taasɛ wa. Taãn nɛ! Ǹ ba ǹ Dɛnaa Lawa dùũ doɛ̃ wa, ǹ ba a dí-pɛn dɔn doɛ̃ wa.

Zeremii 6:10

Ma doamaa nɛ ma boo da die ne? Ma doamaa nɛ man gɔn waa die ne, a n too kɔ ma lon? Ǹ too tiɛ̃maa nɛ, ǹ ba n too koe doɛ̃ wa. Ǹ laadoo bie ka Dɛnaa Lawa a boo-n wa. Ǹ ba li wa.

Zeremii 7:13

Á bǐɛ̃ kɔ! Ka bɛ́ ka bɛa siin kɛn lɛn tumaa zɛnaa, má boo da ka nɛ gunyin damata, ka n too kɔ wa, má ka bíi, ka n nyəə wa. Dɛnaa Lawa a da ǹ boo ne.

Zeremii 8:7

Gɔgɔrɔ mɛn din bɛ́ lon, a woo biikoo ke, á bɛ doɛ̃. Leere bàan nɛ ka yongoo ne, bɛn tumaa ta ǹ wusoo a daa biikoo doɛ̃. Sɛnɛ, ma landan mɛnɛn koa, maa zaman lɛ sɛ a bɛn doɛ̃ wa.

Ezekieli 12:2

«Nsɛ minbuiin a nɛ, n bɛ́ giã-n tɔrɔn mɛnɛn bii, piã-wɔlen manɛ. Yiin tá ǹ lon, sɛnɛ, maǹ nə n piɛ̃, ǹ ba giɛ ǹ nɛ wa. Toon tá ǹ lon, sɛnɛ maǹ nə n piɛ̃, ǹ ba n too koe wa. A giala, piã-wɔle din taãn-taãnɛn manɛ.

Ozee 7:11

Efrayimu minin lɛn man ka zɛrɛkantoan bɛ́ lɔn, ǹ ba n sii bebelee la wa, a giala ǹ ba n taasɛ wa. Ǹ nə́ Ezipti minin bii wɔ maǹ da n dɔ ǹsɛn lɛ, ǹ nə́ woo Asiirii gána nɛ.

Zakarii 7:11

Sɛnɛ, minin nə́ n piã ǹ nə n too kɔ wa. Ǹ nə́ n dɔ̀ɔ̃ wɔ, ǹ nə́ n toon tã màn mɛn bɛ́ toɛ ǹ nyan màn kɔn ma wa.

Marki 4:12

màn mɛn bɛ́ toɛ, a kɔnpɛ ka Lawa a boo kɛ nɛ: «Ǹ tá re giɛ ǹ yii laa, sɛnɛ, ǹ yii a re wɔlɔ yii wa, ǹ tá re n too koe ǹ nɔmaa, sɛnɛ, ǹ ba re boo miɛ wa. Bɛ bie wa, ǹ tá re wusii ǹ da Lawa li, Lawa dɔ á die ǹ sii baraan toɛ ǹ nɛ, sɛnɛ, bɛ bɛ́ a bie ǹ yii li ǹ sii lɛa wa.»

Marki 8:18

Yiin bɛ́ ka lon, ǹ ba wɔlɔ yii wa? Toon bɛ́ ka lon, ǹ ba boo miɛ wa?

Zaã a sɛ́wɔ 12:40

«Lawa na á ǹ yiin tã, màn mɛn bɛ́ toɛ, ǹ baran wɔlɔ yɛ wa. Á ǹ yiri tã, màn mɛn bɛ́ toɛ, ǹ baran boo giala ma wa, màn mɛn bɛ́ toɛ, ǹ baran ǹ lɛ-mui sii kaa ǹ wusoo ǹ da masɛ Lawa li wa. Bɛ̀ maǹ kiɛ, bɛ̀ má ǹ busu nya!»

Nya ǹ dín 28:26

«Wo tɔrɔ kɛ a minin li, n pɛ ǹ nɛ: Ka á re n too koe ka nɔmaa, ka a re boo miɛ wa, Ka á re giɛ ka yii laa, ka yii a re wɔlɔ yii wa.

Rɔmu minin 1:20

Sonbore, min ba boe la a Lawa yɛ wa, sɛnɛ, a nə n din nyɛɛ minin manɛ ka a nya ǹ dín ni, a kũ kanaa diɛ biikoo ganaa. Bɛ lɛ taman yii, minin tá boe la ǹ na a pàã nyabaã wole kɛ dɔ̃, ka a Lawabaa kɛ nɛ, yǎa ǹ baran n yiin tã wa. Bɛ lɛ nɛ, sonbore yɛ ǹ gɔn kɔ́n ba ǹ lon wa.

Rɔmu minin 11:8

A na á n pɛ Lawa a boo ne, bɛa gialakunun kɛn lɛn wɔ gɔn la: «Lawa toa ǹ yiri tã. Haalɛ a da kaa pelo lɛ, maǹ giɛ, sɛnɛ, ǹ yii a wɔlɔ yii wa, manə n too koe, sɛnɛ, ǹ too a boo miɛ wa.»

Timəə dí-pɛn 29:3

Sɛnɛ, a da kaa pelo lɛ, a laanɛ Dɛnaa Lawa yiri kɔ ka la, ka a tɔn sii giala miɛ wa, a laanɛ á yii nànan kɔ ka la, ǹ ba wɔlɔ yii wa, a laanɛ á toon kɔ ka la, ǹ ba boo miɛ wa.

Timəə dí-pɛn 29:4

Ma din Lawa n má ka nyɛɛnaan bɔ don, lɛ̀ pusi gɔ́ɔ̃ nɛ. Dɔnkɛn mɛnɛn nə goã ka-a, kɔsɔnɔn mɛnɛn nə goã ka gòãn-a, bɛn nə ziziɛ̃ wa.

Timəə dí-pɛn 32:6

Baãnaan man ka nɛ, sii-doɛ̃ nya ka-a. Ka dinin man kɛ miã zɛnɛɛ Dɛnaa Lawa-n sonbore? Táa ka a Díi n ka a din lɛ nɛ, táa ka zɛnaali ni? A din na á ka zɛnaa, á ka koa a din a minin lɛa.