Zeremii 49:4 - LAWA A BOO SONBORE 2011

⁴ Rabaa, nɛlɔ piã-wole, ma nə́ n goã n din koɛ n nyankɔrɔ basan kɛn taman yii, ka n kaa-piɛ màn sonboren kɛn nɛ! Ma nə́ n goã n foo doɛ n naforon ganaa, bɛ̀ n tá pii: «Die doe ne a yoo ma gialaa?»

LAWA A BOO SONBORE

⁴ Rabaa, nɛlɔ piã-wole, ma nə́ n goã n din koɛ n nyankɔrɔ basan kɛn taman yii, ka n kaa-piɛ màn sonboren kɛn nɛ! Ma nə́ n goã n foo doɛ n naforon ganaa, bɛ̀ n tá pii: «Die doe ne a yoo ma gialaa?»

Zeremii 49:4 ပူးပေါင်းရင်းမြစ်များ

Loen 49:6

Lɛawaa baraa li, bɛ̀ maa zɔ́ɔn kɛn nə́ ma lɛnpɛnɛ ka ǹ zɔ́ɔbaa ǹ siin ni, wàa mɛn nyɛ́ɛ-n ma á biɛ?

Loen 52:7

Bɛ lɛ n ke, Lawa á re n dii a n da tán, á re n kuĩ n kion kɛ nɛ, a n giɛraa a soo n ne kanaa, á re n gòɛ̃ boe a bɔ yiikoonaan kanaa kɛ nɛ. Doa

Loen 62:10

Minbuiin nɛ n ka piɛ̃ bɛ́ lɔn. Ta ǹ mɛn nə boɛɛn nɛ, ta ǹ mɛn na á tɔ gole yɛ, ǹ kɔn ba màn kɔn lɛa wa. Bɛ̀ n nə́ ǹ tumaa kaa kun, n nə́ ǹ gugurubaa zɔɔ̃, piɛ̃ din tá soɛ ǹ nɛ.

Suusun 10:15

Gɔn màndɛnaa a naforo n tamɛɛ. Sɛnɛ doobaa a doobaabaa n dii.

Zeremii 21:13

Kasɛn mɛnɛn bɛ́ giã-n nyankɔrɔ basa nɛ ka gɛ̀fu la ǹ dɛnan nɛ, Dɛnaa Lawa a da ǹ boo ne, man die ka gialaa. A giala, ka ǹ pii: «Min kɔn ba boe la a dii a da wɔ gialaa hinlaa a wɔ wɔa kion wa.»

Zeremii 3:14

«Ka wusoo ka daa nɛnyaan bɔyaa wolen! Dɛnaa Lawa a da ǹ boo ne. Kaa Dɛnaa n ka masɛ nɛ. Ma á re ka kuĩ gogoon kiwi kɛ nɛ, papaa tɔrɔn kɛn bii, ma da ka nɛ *Siɔn kiwi.

Zeremii 31:22

Nɛlɔ piã-wole, ma n woe n mìi giala yǎa biĩ? Hiĩ, Dɛnaa Lawa sii soree lɛ bɔ tán la: Lɔ n die baa sii ǹ zuũ kio kanna.

Zeremii 48:7

Moabu, ma nə́ ń goã n foo doɛ n sii zɛnaan laanka n naforon ganaa. Sɛnɛ, ǹ tá re n dɔ kuĩ, ǹ wo n ne. N dì Kemɔɔsi kɛ á re woe gùli kɔ ǹ bǎã nɛ kun ka n wúlu-bɔlen laanka n kiãn tumaa nɛ.

Zeremii 49:16

Ma n nyɛ́ɛ da ǹ màn lɛa, n nə́ n din koɛ n miãn ganaa. Sɛnɛ, ma nə n din siɛ̃. N giã ǹ bǎã n ka kele yalan nɛ, sɛnɛ, n woo giã kele mìi ni. Ta ma n nə́ n kii dɔ lon sɔsɔɔ á la zèwo wɔ nɛ, man die n zuĩ yǎa tán.» Dɛnaa Lawa a da ǹ boo ne.

Zeremii 7:24

Sɛnɛ, ǹ nə n too kɔ wa, ǹ nə n too da wa. Ǹ nə́ golee li mà ǹsɛn man koe ǹ taasiɛ bɔbɔnɛɛn lɛn lɛ, ka ǹ foo a baraabaa kɛ nɛ. Màn mɛn tá a ganaa ǹ nə n yɔrɔ dia ma la, maǹ nə́ n dɔ̀ɔ̃ wɔ ma nɛ.

Zeremii 9:23

Min mɛn bɛ́ zoɛ̃ li a n din kalaa, a n din kalaa kɛa lɛa: A yiri tan, a n masɛ doɛ̃. A giala, masɛ Dɛnaa Lawa a dí n ka makara-doɛ̃ nɛ, sonborebaa nɛ, ka peperebaa nɛ tán la. Bɛ lɛ n kɔɔ̃n ma ganaa. Dɛnaa Lawa a da ǹ boo ne.

Ozee 4:16

Izirayeli minin lɛn man piã-wɔlen lɛa, maǹ ka dii piã-wɔlen bɛ́ lɔn. Sisia kəni Dɛnaa Lawa n die ǹ ne, buu sɔ̃ ǹ bǎã gole ne ka sère tenən bɛ́ lɔn.

Timote1 6:17

A pɛ n laa kanaa kɛ a pàãman ganaa, mà ǹ baran n dinin gole kɔ wa. A pɛ ǹ nɛ dɔn, mà ǹ baran n foo doa naforo nya wolen kɛn ganaa wa, sɛnɛ, mà ǹ nə n foo doa Lawa ganaa. Asɛ lɛ n bǐɛ̃ màn tumaa koe wɔ la gigiã, màn mɛn bɛ́ toɛ, ǹ là yɛ wɔ ganaa.

Sii-nyaan 18:7

A bɛ́ á n din tɔ gole kɔ a gɔn màn sonboren kɛn lɛa lɔn, fuu laanka koe die ǹ bɔ a dɔ ganaa miɛ̃ bɛ doo. A n pii a din gɔ́ɔ̃ nɛ: «Man kii lɛa tán kànaa, ma bie giɔɔrɔ lɛa wa, ma a re gɛ̀ koɛ doɛ̃ ka duduu wa.»