Zeremii 49:18 - LAWA A BOO SONBORE 2011

¹⁸ Dɛnaa Lawa pɛ: «Basaã mɛn Gomɔɔrɔ laanka Sodɔmu ka ǹ lɛkoro lɛ-a kiwin yɛ a din lɛ miã n die ka yii. Min goon din ba re goɛ̃ kaa kiwin ni wa, minbuiin nɛ goon ba re goɛ̃ ǹ nɛ wa.»

LAWA A BOO SONBORE

¹⁸ Dɛnaa Lawa pɛ: «Basaã mɛn Gomɔɔrɔ laanka Sodɔmu ka ǹ lɛkoro lɛ-a kiwin yɛ a din lɛ miã n die ka yii. Min goon din ba re goɛ̃ kaa kiwin ni wa, minbuiin nɛ goon ba re goɛ̃ ǹ nɛ wa.»

Zeremii 49:18 ပူးပေါင်းရင်းမြစ်များ

Loen 11:6

Á re kiribi tɛdɛnaa kiɛ min baraan kɛn la. Piɛ̃ mɛn bɛ́ min tiɛ̃, bɛ á re ǹ wɔ gii biɛ.

Izayii 34:10

penleen laanka tèlò ne a re nimi wa. A n die goɛ̃ ka tɛmaa bɛ́ lɔn dii lon duduu. Bɛa gána lɛ n die diə gole biɛ yǎa duduu. Min kɔn ba re boe walan doo wa.

Zeremii 23:14

Zeruzalɛmu a Lawa a boo gii-dalin dɔn li, ma yii n sii bɔbɔnɛɛn ganaa: Maǹ naarɛbiɛ, maǹ soɛ boe. Ǹ giala n kun ka min baraan nɛ, Bɛa yɔrɔ lɛ la, min kɔn ba n nyɛnɛɛ sii baraa-n wa. Masɛ yii li, maǹ nə́ kɔnbɔ ka Sodɔmu minin ni. Zeruzalɛmu minin man nə́ kɔnbɔ ka Gomɔɔrɔ minin ni.

Zeremii 49:33

Asɔɔrɔ kiwi á re tolokan susu ǹ bǎã biɛ, kɛbɔlɔ lɛa yǎa duduu. Min goon ba re goɛ̃ kaa kiwin ni wa, minbuiin nɛ goon din ba re goɛ̃ ǹ nɛ wa.

Zeremii 50:40

Dɛnaa Lawa a da ǹ boo á ke: Basaã mɛn Sodɔmu laanka Gomɔɔrɔ yɛ, ka ǹ lɛkoro-a kiwin ni, a din lɛ miã n die a dɔ yii. Min goon din ba re goɛ̃ a kiwin ni wa, minbuiin nɛ goon ba re goɛ̃ ǹ nɛ wa.

Amɔɔsi 4:11

Má bɔ̀n da ka ganaa, ká ma goã má da Sodɔmu laanka Gomɔɔrɔ ganaa lɔn lɛlɛ. Ka n ka tɛ gɔn lɛ bɛ́ lɔn, ǹ nə́ bɔ ǹ nə́ bɔ tɛ-n. Sɛnɛ, a laan bɛ yii ni, ka n gɔ́ɔ̃ dɔn bii ká wusoo ká daa ma li wa. Dɛnaa Lawa a da ǹ boo ne.

Sofonii 2:9

Bɛ lɛ nɛ, masɛ kanaa tumaa a Dɛnaa Lawa Pàãyiidɛnaa, Izirayeli a Lawa a da ǹ boo á ke: A ma toa ma yii n koo, Moabu n die n biɛ ka Sodɔmu kiwi bɛ́ lɔn, Amɔn minin kɛn man die goɛ̃ ka Gomɔɔrɔ kiwi bɛ́ lɔn, ǹ gána n die n biɛ nyan tewon lɛa, yìsi yala lɛa, ziziɛ̃-n miɛ̃ yǎa duduu. Maa zaman a min mɛnɛn yii goã koo, bɛn tá re ǹ gɔn dudui. Maa gána minin mɛnɛn yii bɛ́ koo, bɛn tá re ǹ biɛ kíɛ̃ lɛa.

Rɔmu minin 9:29

Izayii na á saa lɛlɛ á bɛ lɛ dɔ pɛ kɛnɛn: «Bɛ̀ Pàãyiidɛnaa Lawa din bie, á wɔsɛn tɔrɔ gialakun boɛɛn toa wa, bɛ̀ wɔsɛn nə́ papaã kanna ka lenlen, ka Sodɔmu laanka Gomɔɔrɔ kiwi babaraan kɛn bɛ́ ǹ nə́ papaã lɔn.»

Timəə dí-pɛn 29:22

Ǹ tá re pii, mà gána lɛ gɔ́ɔ̃ tumaa n kiribi lɛa, yìsi ni, ka tɛ nɛ, á kukũ lenlen. Màn kɔn ba boe la a n da a-n wa, buu dɔ din banban wa, ta ń màn mɛn da a nɛ a boe wa. A n die goɛ̃ ka Sodɔmu laanka Gomɔɔrɔ kiwin kɛn bɛ́ lɔn, ka Admaa laanka Seboyimu wɔn nɛ, ǹ mɛnɛn lɛn bɛ́ Dɛnaa Lawa nə́ ǹ yu a foo-yoo babaraa lɛ gɔ́ɔ̃ nɛ.

Timəə dí-pɛn 29:23

Tɔrɔn tumaa n die pii bɛa biikoo li: «Wàa na á baa, Dɛnaa Lawa gána kɛ baa kɛnɛn? Wàa mɛn sii na á da bɛa foo-yoo gole kɛ ganaa?»

Piɛrɛ2 2:6

Lawa tɛ da Sodɔmu laanka Gomɔɔrɔ kiwi babaraan kɛn ganaa, ǹ nə́ kũ, ǹ nə́ ton baa. Bɛ na á n zɛnaa yiri kɔmala ǹ sii lɛa, á n nyaa piã-wɔlen kɛn manɛ, mà bɛ lɛ miã á die ǹ dɔn yii.

Zude 1:7

Doo, Sodɔmu laanka Gomɔɔrɔ kiwi babaraan kɛn, ka ǹ lɛ-a ǹ kiwin dɔn nə́ zɛnaa, ka lon a dia dí-a wolen lɛn wɔ bɛ́ lɔn. Ǹ nə́ n dinin kɔ naarɛbaa la, siin mɛnɛn bɛ́ ǹ ba kɔnboe ka zɛnaa-n wa, maǹ nə́ goã giɛ li ǹ bɛn zɛnaa. Pelo, tɛ nyabaã wole nə ǹ mìi-n dɔlɔ lɛa, bɛ n sii lɛa a nə́ n gɔn wɛɛ min tumaa nɛ.