Zeremii 48:8 - LAWA A BOO SONBORE 2011

⁸ Basaã-kɔle lɛ n die boe kiwi gogoonmaa nɛ, a yiri a re boe a goon din ganaa wa. Nyankɔrɔ basan tá re papaɛ̃, wurun kɛn dɔn nə ziziɛ̃, ka Dɛnaa Lawa goã á pɛ lɔn.

LAWA A BOO SONBORE

⁸ Basaã-kɔle lɛ n die boe kiwi gogoonmaa nɛ, a yiri a re boe a goon din ganaa wa. Nyankɔrɔ basan tá re papaɛ̃, wurun kɛn dɔn nə ziziɛ̃, ka Dɛnaa Lawa goã á pɛ lɔn.

Zeremii 48:8 ပူးပေါင်းရင်းမြစ်များ

Zeremii 15:8

Má ǹ lɔ giɔɔrɔn mɔnaa, ka yìsi mu gole a nyɔɔsɔ̃ bɛ́ lɔn. Penleen tã, má basaã dia sɔraasi ten a náa la. Bǎã goon ne, má nyɛ́ɛ laanka gɔ̀nɔn bìn diɛ dia la.

Zeremii 25:9

man die gɔsɛ a lɛ̀gɔn la tɔrɔn kɛn tumaa bíi, ma maa dí-nyali Baabiloniin kii Nebukadenezɔɔrɔ bíi. Ma ǹ die yui gána kɛ gialaa, a zaman nɛ, ka ǹ miãkɛnɛn nɛ. Man die ǹ tumaa ziziɛ̃. Man die gána kɛ biɛ bǎã bɔbɔnɛɛ lɛa, kɛbɔlɔ lɛa biikoo yii li. Minin tá re foo ziziɛ̃ ǹ lɛ-dɛ we a ganaa. Masɛ Dɛnaa Lawa a da ǹ boo ne.

Zeremii 48:18

Dibɔn a zaman, gisĩ n nə n tɔ golebaa kɛ toa walan. Giã tán bǎã gere ne. A giala, Moabu a basaã-kɔle kɛ n die n gialaa, màn mɛn bɛ́ toɛ n kungɔnɔn kɛn tamaa nɛ a bɛn ziziɛ̃.

Zeremii 51:56

Ziziɛ̃ wole lɛ dɔ á nya. A n die yui Baabilonii gialaa, a na a zia-baali zanbian kɛn kũ, a ǹ san yiyiɛ. Taãn nɛ, Dɛnaa Lawa n Lawa lɛa, a n gɛ̀ dòo boe doɛ̃, a n didie sarɛɛ a n kɔnpii ka a zɛnaa ǹ siin ni.

Zeremii 6:26

Maa zaman, ka gɛ̀ koa ǹ mɔnaa wɔ. Ka n birikəə̃ tii li. Ka gɛ̀ zɛnaa giala kɔ, ka nɛgiĩ goon toto wɔ bɛ́ lɔn. Ka gɛ̀ koa ǹ loe kɔɔsɛ lɔ. A giala, sisia bɛ̀ zɔ́ɔ basaã-kɔle lɛ dɔ ka ganaa.

Ezekieli 25:9

Bɛa boo kɛ lɛ taman yii, kiwin mɛnɛn lɛn nə́ ke zɔ́ɔn kurii Moabu kiwi a wɔ ganaa, ma á re bɛa kiwin lɛn tumaa wɛɛ ma ǹ bɔ ǹ nyɛɛnɛ, haalɛ gána lɛ a kiwi sonboren dɔn dinin: Bɛti Yesimɔti ni, Baali-Mewɔn nɛ ka Kiriyatimu ni.

Zozoe 13:17

Ɛsibɔnɔn gána laanka a kiwi mɛn tumaa goã diə bǎã lɛ nɛ, bɛn dɔn tá a nɛ: Dibɔn laanka Bamɔti-Baali ni, Bɛti-Baali-Mewɔn nɛ,

Zozoe 13:21

diə gɔ́ɔ̃ a kiwin lɛn tumaa. Amɔɔrɔ tɔrɔn kii Sihɔn mɛn goã giã-n kiibaa la Ɛsibɔn kiwi, bɛ dɔ a bǎã kɛ tumaa tá a nɛ. Muizu na á goã á Sihɔn lɛ dɛ. Madiã kiin mɛnɛn dɔn nə goã gána lɛ a minin lɛa naa-n kɔn ka Sihɔn nɛ, á bɛn dɔn dɛ: Evii ni, Rekɛmu ni, Suuru ni, Huuru ni ka Rebaa nɛ.

Zozoe 13:9

A n siɛ Aroɛɛrɛ kiwi ganaa Arnɔn tà lɛ-a, ka kiwi kɛ nɛ nyankɔrɔ basa kɛ bii, Medebaa kiwi a diə bǎã kɛ tumaa, yǎa Dibɔn kiwi.