Zeremii 48:47 - LAWA A BOO SONBORE 2011

⁴⁷ «Sɛnɛ, ǹ kɔn pinaa, ma á re Moabu a lɛlɛ ǹ giã ǹ gɔn koe la.» Dɛnaa Lawa a da ǹ boo ne. Moabu a kiri wɔmaa nə n lɛ doɛ kànaa.

LAWA A BOO SONBORE

⁴⁷ «Sɛnɛ, ǹ kɔn pinaa, ma á re Moabu a lɛlɛ ǹ giã ǹ gɔn koe la.» Dɛnaa Lawa a da ǹ boo ne. Moabu a kiri wɔmaa nə n lɛ doɛ kànaa.

Zeremii 48:47 ပူးပေါင်းရင်းမြစ်များ

Zɔbu 19:25

Masɛ á doɛ̃ máa maa bɔ sii-n wole lɛ yii á koo. A din nə die yui a golee, a boo giala nyɔmiɛ̃ da.

Izayii 18:7

Bɛa biikoo li kəni, tɔrɔ sɔsɔrɔ gɔ̀nɔn tɛ-pɛle kɛ á re gɔn mànan koe Dɛnaa Lawa Pàãyiidɛnaa la, ǹsɛn kɛn lɛn nyɛ́ɛ diɛ bǎã tumaa nɛ, pàã nə ǹ lon, ǹ nə́ ǹ zɔ́ɔn yɔyɔrɛ, tàn nə́ kiɛ̃ ǹ gána nɛ. Maǹ woe bɛa gɔn mànan lɛn nɛ *Siɔn kele la, ka bǎã kɛ nɛ Dɛnaa Lawa Pàãyiidɛnaa tɔ n la.

Izayii 23:18

Sɛnɛ, a bɛ́ re là mɛn yii, bɛ n die Dɛnaa Lawa wɔ biɛ. Bɛa là lɛ a re n tamɛɛ wa, a re n koɛ wa. A bɛ́ re màn mɛn yii, bɛ n die Dɛnaa Lawa guguru-kɔlen toe, ǹ kã, ǹ mɔnaa sonboren pii ni.

Izayii 25:11

Moabu n bìn diɛ a nyàan ganaa ka mu-baali bɛ́ mu biɛ lɔn. Sɛnɛ, a laan bɛ yii ni, Dɛnaa Lawa ná a din koa kɛ gisĩ.

Izayii 45:20

Kasɛn mɛnɛn yii goã koo tɔrɔn bii, ka n sɔkɔn ka daa, ka n zɔ̃ ka dɔ. Min mɛnɛn bɛ́ dì nyín guĩ ǹ gɔn, gɔn sɛlɛɛ lɛa, ǹ nə́ ǹ guguru koe, dìn mɛnɛn bɛ́ ǹ ba boe la ǹ tá ǹ kirisibiɛ wa, bɛn man yiriwɛɛnaan lɛa.

Zeremii 12:14

Dɛnaa Lawa boo mɛn da Izirayeli miãkɛn baraan kɛn wɔ paǹ li, ǹsɛn mɛnɛn nə n gɔn da gána kɛ ganaa má kɔ Izirayeli la kíɛ̃ lɛa, á ke: «Man die ǹ woɛ̃ ma ǹ bɔ ǹ tán la. Man die Zudaa zaman woɛ̃ ma bɔ ǹ bii.

Zeremii 12:15

Bɛ kio, ǹ makara á re wusii a ma kũ doo. Ma á re woe didie tumaa nɛ a tán la, a gána nɛ.

Zeremii 23:20

Dɛnaa Lawa sii mɛn yɔrɔ bɔ á koa a yɔrɔ-a, yǎa bɛ lɛ piɛ̃, a foo-yoo baraa kɛ tɔn golee. Bɛ kio, ka á re a giala miɛ.

Zeremii 30:24

Dɛnaa Lawa a golee ka a foo-yoo baraa kɛ-n wa, yǎa bɛ̀ a din dùũ sii kɛ nə́ n zɛnaa á nya ǹ mɛn waáraa. Ǹ kɔn pinaa, ka á re a giala miɛ.

Zeremii 46:26

Min mɛnɛn bɛ́ giɛ ǹ gɛ̀ li, man die ǹ we bɛn gɔn: Baabiloniin kii Nebukadenezɔɔrɔ nɛ ka a sɔraasin ni. Sɛnɛ bɛ kio, minin tá re wusii ǹ giã Ezipti gána nɛ ka lɛlɛ ǹ bɛ́ lɔn.» Dɛnaa Lawa a da ǹ boo ne.

Zeremii 49:39

Sɛnɛ, ǹ kɔn pinaa, ma á re wusii ma Elamu a lɛlɛ ǹ giã ǹ gɔn kɛ kɔ la. Dɛnaa Lawa a da ǹ boo ne.

Zeremii 49:6

Sɛnɛ bɛ kio, ma á re Amɔn tɔrɔn giã ǹ gɔn zizi kɛ koe ǹ la.» Dɛnaa Lawa a da ǹ boo ne.

Ezekieli 38:8

Lɛ̀ damata gɔ́ɔ̃ nɛ bɛ kio, ma á re n diɛ Izirayeli gána gialaa. Bɛa waáraa kəni, bɛ̀ a minin nə n dinin si zia la. Bɛ̀ ǹ nə́ soo ǹ nə́ n bɔ kiwin kɛn nɛ ǹ nə́ goã ǹ nɛ. Ǹ tá re goɛ̃ soe-n kɔn Izirayeli a kelen kɛn la, ǹ nə́ belebɔ bii-a min ná a ba giã-n la wa. Ǹ bɛ́ ǹ nə́ soo ǹ nə́ n bɔ tɔrɔ kɔsɔn bii, ǹ tumaa á re goɛ̃ là nyantoro la.

Danayeli sɛ́wɔ 10:14

Sii mɛn bɛ́ re n tɔrɔn lɛn yii nyɛɛnɛ, masɛ n má daa bɛ pɛ n nɛ. A giala sii-yɛ kɔsɔ á re yii bɛa biikoo lɛ wɔ lɛa.»

Danayeli sɛ́wɔ 11:41

Á re die gána siĩn kɛ dɔ nɛ, a min gigiã dɛ walan. Sɛnɛ, tɔrɔn kɛn tá re liɛ la: Edɔmu minin manɛ, Moabu minin ni, ka Amɔn tɔrɔn kɛn goledɛnan nɛ.

Danayeli sɛ́wɔ 2:28

Sɛnɛ, Lawa goon tá lon, á n sii-duriin nyɛɛ. Sii mɛn bɛ́ nyɛɛn die, bɛa Lawa lɛ na á saalɛlɛ á bɛ nyaa n nɛ. N bɛ́ waa-n tán, n narɛɛ mɛn lɛ wɔ, ń siin mɛnɛn yɛ, bɛn man ka kɛn nɛ:

Ozee 3:5

Bɛ kio, Izirayeli minin lɛn tá re wusii ǹ ga ǹ Lawa, Dɛnaa Lawa li, ka ǹ kii lɛ nɛ, Davida tɔrɔ lɛa. Ǹ kɔn pinaa, ǹ tá re wusii ǹ wo Lawa li ǹ gɔ̀nɔn nə́ bìn diɛ, mà a bǐɛ̃ kɔ ǹsɛn ganaa.

Minin nimi 24:14

Kanna kəni, man die woe ma tɔrɔ minin li. Sɛnɛ, Izirayeli minin lɛn bɛ́ re sii mɛn zɛnɛɛ ka nyɛɛn biɛ̃, Balaaki, n tɔrɔ minin manɛ, daa ma bɛ lɛ pɔrɔ n nɛ.»

Timəə dí-pɛn 31:29

A giala, ma á doɛ̃, máa maa gɛ̀ kio, ka tá re n dinin ziziɛ̃. Ma zii mɛn nyaa ka nɛ, ka tá re kanɛɛ ka n bɔ bɛ la. Bɛa giala-nyɔmiɛ̃ lɛ á re bɔ̀n biɛ ka ganaa. A giala, sii mɛn bɛ́ a ba siĩni Dɛnaa Lawa yii li wa, ka n die bɛ lɛ zɛnɛɛ, ka a foo yoo ne.»

Timəə dí-pɛn 4:30

A biikoo din tá die, bɛ̀ bɛa siin kɛn lɛn tá ka mìi ni ǹ mɛn waáraa, ká n nɔmaa gɔ́ɔ̃ nɛ, ka á re n bɔyɛɛ ka da yǎa kaa Lawa, Dɛnaa Lawa li. Ka á re n too koe a lon bɛa biikoo li.