Zeremii 48:44 - LAWA A BOO SONBORE 2011

⁴⁴ Min mɛn bɛ́ baa sii nyɛ́ɛ taman yii, bɛa dɛnaa n die mɛnɛɛ nyankɔrɔ zuzulu ni. Bɛ̀ á boo la á soo, kan kũ. Taãn nɛ, ma bɛ́ re yui Moabu gialaa lɛ̀ mɛn-a, man die kɛa sii kɛ lɛ tumaa diɛ a mìi ni. Masɛ Dɛnaa Lawa a da ǹ boo ne.

LAWA A BOO SONBORE

⁴⁴ Min mɛn bɛ́ baa sii nyɛ́ɛ taman yii, bɛa dɛnaa n die mɛnɛɛ nyankɔrɔ zuzulu ni. Bɛ̀ á boo la á soo, kan kũ. Taãn nɛ, ma bɛ́ re yui Moabu gialaa lɛ̀ mɛn-a, man die kɛa sii kɛ lɛ tumaa diɛ a mìi ni. Masɛ Dɛnaa Lawa a da ǹ boo ne.

Zeremii 48:44 ပူးပေါင်းရင်းမြစ်များ

Kiin1 19:17

Bɛ̀ min woo min kanbaa Azayeli a gɔya sa ganaa, Zewu tá re bɛa dɛnaa dii. Bɛ̀ min woo min kanbaa Zewu dɔ a gɔya sa ganaa, Yiliizee tá re bɛa dɛnaa dii.

Kiin1 20:30

Ǹ min mɛnɛn yii goã koo, bɛn nə́ baa si ǹ nə́ kaa Afɛki kiwi. Maǹ nə́ goã min duu fuəwensɔbaa (27 000). Sɛnɛ kungɔn kaa bɛn lɛn dɔn la walan. Bɛn-Adaadi sɛ na á goã á baa si, á woo n duru, kion gialaan nɛ, kiwi lɛ nɛ.

Izayii 10:3

Bɛ̀ Dɛnaa Lawa a dɔlɔ bɔ pinaa dɔ, bɛ̀ koe bɔ wɔlɔ sɔsɔɔ nɛ á daa, ka ǹ die n biɛ lɔn? Ka ǹ die gú diɛ die ne a da n dɔ ka lɛ? Ka ǹ die kaa naforon kɛn kiɛ maa?

Izayii 24:17

Kanaa minin, nyɛ́ɛ nɛ, yala zuzulu ni, ka kan nɛ, bɛn tumaa n kaa wɔ lɛa.

Izayii 24:18

Min mɛn bɛ́ baa sii nyɛ́ɛ da ǹ lɛ-dɛ nyɛɛnɛ, bɛa dɛnaa n mɛnɛɛ yala-n. Bɛ̀ min mɛn boo la á soo yala-n, kan tá re kuĩ. Lon a dɔǹɔn manə n lɛ buĩ banabana. Tán tumaa n bìn diɛ a wo a giala wɔ tán a ǹ bǎã yaa.

Zeremii 10:15

Ǹ ba màn kɔn lɛa wa. Maǹ yaa dinsɔɔ̃ diɛ. Ǹ dɔlɔ pinaa, ǹ tumaa á re papaɛ̃.

Zeremii 11:23

Ma bɛ́ re yui Anaatɔti minin gialaa lɛ̀ mɛn-a, ma koe da ǹ mìi ni, min kɔn ba re goɛ̃ a yii n koo wa.»

Zeremii 16:16

Dɛnaa Lawa a da ǹ boo á ke: «Ma á re zɔ̀-kũli gigiã diɛ, ǹ da minin kɛn kũ. Bɛ kio, ma á re dɔ-dɔli damata diɛ ǹ da ǹ loo kelen la, tentenen ne, ka kele yalan tumaa nɛ.

Zeremii 23:12

Bɛ lɛ nɛ, ǹ zii á re wɔrɔnzɔrɔn biɛ ǹ ganaa. Tèlò-n, ǹ tá re n tɔtoe kɔn nɛ, ǹ bɔ ǹ kaa. Taãn nɛ, bɛ̀ ma yoo ǹ gialaa lɛ̀ mɛn-a, man die koe diɛ ǹ mìi ni. Dɛnaa Lawa a da ǹ boo ne.

Zeremii 46:21

Ezipti sɔraasi tiin mɛnɛn pii, á goã giɛ bɛn walan parsiini ka tɔɔ mɛn bɛ́ ǹ tá toe. Sɛnɛ, bɛn dɔn nə́ n dɔ̀ɔ̃ wɔ nɛ, ǹ tumaa baa si kun. Ǹ dɔlɔ pinaa á die ǹ gialaa, koe lɛawaa nɛ.

Zeremii 49:8

Dedan minin lɛn, ka n dɔ̀ɔ̃ wɔ ka baa si! Ka n duru kele yalan nɛ! Ezawu a kion minin lɛn, man die koe boe ka ganaa. Biikoo n ke má n die yui ka gialaa.

Zeremii 50:24

Baabilonii, má kan kɔ n nɛ, á n kũ n bɔ a siére-a wa. N giala mɛ kanaa, ǹ nə́ n kũ. A giala, man nə́ n gòãn dii masɛ Dɛnaa Lawa ganaa.

Zeremii 50:27

Ka a sɔraasi sonboren tumaa dɛ, ka wo ǹ ne ǹ bɔlɔ kuru ǹ bǎã nɛ! Ǹ wɔ n ka bɔ̀n nɛ, a giala ǹ dɔlɔ bɔ biikoo na á dɔ.

Zeremii 51:18

Ǹ ba màn kɔn lɛa wa. Maǹ yaa dinsɔɔ̃ diɛ. Dɛnaa Lawa bɛ́ re yui ǹ gialaa ǹ mɛn pinaa, ǹ tá re papaɛ̃.

Zeremii 8:12

Ǹ sii bɔbɔnɛɛn mɛnɛn zɛnaa, bɛ á sìi diɛ ǹ ganaa? Kɛnɛn dinin wa. A ǹ mìi da kuməə ganaa wa. Bɛ lɛ nɛ, ǹ tá re mɛnɛɛ kun ka mɛnaa wolen ne. Bɛ̀ ma yoo ǹ gialaa, ǹ tá re woe n dinin yiɛ tán. Dɛnaa Lawa a da ǹ boo ne.

Busii pɛ 3:47

Nyɛ́ɛ laanka gɔ̀nɔn bìn diɛ nɛ, bɛn man wɔ yii, kɔnlɛ ka basaã nɛ ka koe ne.

Ozee 9:7

Dɔlɔ bɔ lɛawaa dɔ, saraa lɛawaa dɔ. Izirayeli minin tá re bɛ doɛ̃. Lawa a boo gii-dali lɛ n gàãnaa lɛa, a yiri na á n si la, a giala, kaa sã lɛ la yii ni, kaa baraabaa lɛ dɔ la yii ni.

Amɔɔsi 5:19

A n die giĩ kɔn wɔ biɛ baa sii yàra nyɛɛnɛ, yǎa a wo n da gòon màn gole kɔsɔ lɛ. A n die giĩ kɔn wɔ biɛ, á woo n dɔ a kion, mà a nə n gɔn doɛ kigiala ganaa, yǎa miɛ̃ sɔn dɔ a ganaa.

Misee 7:4

Min mɛn din bɛ́ soɛ ǹ bii, bɛ n ka koronkoron bɛ́ lɔn, ǹ min sonbore á baraa á la zama nyan nɛ. N wɔlɔ-lɛduə̃lin nə lɛawaa mɛn boo da, ǹ dɔlɔ bɔ ǹ lɛawaa mɛn boo da, bɛ á ke á dɔ. Sisia, ǹ gɔ́ɔ̃ woɛ̃maa nɛ.