Zeremii 48:27 - LAWA A BOO SONBORE 2011

²⁷ Moabu, nsɛ bie n goã yaa we Izirayeli ganaa wa? A da yaa, Izirayeli ba wurumu lɛa wa. Sɛnɛ, a n siɛ lɔn bɛ̀ n tá a boo diɛ, n nə́ yaa we a ganaa bɛ̀ n tá n mìi papasɛ?

LAWA A BOO SONBORE

²⁷ Moabu, nsɛ bie n goã yaa we Izirayeli ganaa wa? A da yaa, Izirayeli ba wurumu lɛa wa. Sɛnɛ, a n siɛ lɔn bɛ̀ n tá a boo diɛ, n nə́ yaa we a ganaa bɛ̀ n tá n mìi papasɛ?

Zeremii 48:27 ပူးပေါင်းရင်းမြစ်များ

Zɔbu 16:4

Toa bɛ̀ ka dɔn man masɛ a bǎã kɛ nɛ, bɛ̀ ma dɔ á boe la ma ka dɔn boo kɛ tɔrɔ da. Bɛ̀ man die boo gigiã kiɛ kun, ma da ka ganaa, bɛ̀ ma á n wìi yiɛ ka li.

Loen 44:13

Ń ke ń nə́ n minin lɛn sã giɔ̀mɔ kɔɔ̃n ganaa, á ke, n là kɔn dɔ yɛ-a wa.

Loen 64:8

Sɛnɛ, Lawa n die kiɛ zuĩ ǹ ni. Bǎã goon ne, a ǹ kũ.

Loen 79:4

Wɔ á ke, wɔ miãkɛnɛn nə́ sɔ kiɛ wɔ la. Min mɛnɛn bɛ́ wɔ lɛnpɛnɛ, bɛn man wɔ diɛ yaa lɛa, ǹ nə́ wɔ pɔpɔsɛ.

Zeremii 18:16

Maa zaman ná a gána lɛ bɔyaa á baa kɛbɔlɔ lɛa, yaa da ǹ màn lɛa yǎa duduu. Kiɛ̃ wolen yiri nə́ n lɔlɔkɔn. Maǹ nə n mìi papasɛ.

Zeremii 2:26

Sɛnɛ, kasɛn Izirayeli minin, kaa zaman nɛ, kaa kiin laanka kaa gána nyɛɛnaandɛnan nɛ, kaa Lawa a wúlu-bɔlen laanka kaa Lawa a dia dí-a wolen ne, sìi n die n koe ka lɛ, ka wurumu wɔ bɛ́ lɔn, bɛ̀ ǹ nə́ tɔwaa.

Busii pɛ 1:12

Ka ga! Kasɛn mɛnɛn tumaa bɛ́ kiɛ̃ zii la, ka koe ke yɛ wa? Ka ga! Koe tan á dɔ masɛ wɔ kɛ li Dɛnaa Lawa da ma mìi ni a foo-yoo baraa kɛa pinaa?

Busii pɛ 1:7

Kanna, sìi bɛ́ Zeruzalɛmu ganaa, woo ǹ bǎã ná a ba la wa, a yiri gisĩ a lɛlɛ ǹ màn giɔ̀mɔ kakan kɛn tumaa nɛ. A zɔ́ɔn gɔn bɛ́ á dɔ a zaman ganaa ǹ mɛn waáraa, min kɔn yɛ á daa a gu ganaa wa. A zɔ́ɔn man giɛ a ganaa ǹ nə́ yaa we, a giala, mà á ziziɛ̃.

Ezekieli 25:8

Masɛ Dɛnaa Lawa gole a da ǹ boo á ke: Moabu minin laanka Seyiiri minin man pii: «Zudaa minin dɔn nə́ ke, ǹ nə́ n baa ka tɔrɔ kɔsɔn kɛn tumaa bɛ́ lɔn.»

Ezekieli 35:15

Ka bɛ́ ka n nyɛnyɛɛ Izirayeli gána lɛ a ziziɛ̃ taman yii, ma dɔ á re ka dɔn ziziɛ̃. Seyiiri kele kɛ á re ziziɛ̃, Edɔmu gána din kuturu. a tá re doɛ̃ bɛa biikoo li kəni, mà ma din nə Dɛnaa Lawa lɛa.

Ezekieli 36:2

Dɛnaa Lawa n pii: – Zɔ́ɔn nə́ yaa wɔ ka ganaa ǹ nə́ pɛ: «Izirayeli a kelen kɛn nə́ wɔa wɔ baa!»

Ezekieli 36:4

Bɛ lɛ taman yii, Izirayeli a kelen lɛn, ka n too kɔ masɛ Dɛnaa Lawa a boo li. Masɛ Dɛnaa Lawa n kɛ pii kelen manɛ ka tentenen ne, mu ziin laanka nyankɔrɔ basan nɛ, kɛbɔlɔn laanka kiwi-soen ne, lɛkoro lɛ-a a tɔrɔn bɛ́ ǹ nə́ ǹ mɛnɛn minin kokoo, ǹ nə́ ǹ da yaa lɛa.

Sofonii 2:10

Ǹ bɛ́ re màn mɛn yii ǹ din gole kɔ lɛ taman yii bɛ n ka kɛ lɛ nɛ. A giala, maǹ nə́ sɔ kɔ kanaa tumaa a Dɛnaa Lawa Pàãyiidɛnaa a zaman ganaa, ǹ nə́ yaa wɔ ǹ ganaa, ǹ nə́ ǹ dinin gána gole kɔ bɛ̀ ǹ tá maa zaman a bǎãn sii ǹ la.

Sofonii 2:8

Má Moabu minin sɔ kɔn kɛn ma, ka Amɔnitin din koa ǹ boon kɛn nɛ. Maǹ nə́ sɔ kɔ maa zaman ganaa, ǹ nə́ ǹ dinin gána gole kɔ bɛ̀ ǹ tá maa zaman lɛ a bǎãn tɛnɛn sii ǹ la.

Matiə 26:55

Bɛ kio, Yezu tɔ́n pɛ zaman lɛ nɛ: «Ka ǹ ka gɔya san laanka babalan goa, ka daa masɛ gialaa, ka masɛ n mɛnaa minin la wole lɛa? Ma bɛ́ giɛ̃ tán Lawa a kion baraabaraa bɛ̀ ma minin daraa, wàa na á baa ka ma kũ wa?

Matiə 27:38

Ǹ nə́ mɛnaa minin la wole min paa dɔ dere gɔn ganaa Yezu li, goon ná a gusin, goon ná a gɔsɛ.

Matiə 7:2

Ka bɛ́ ka miãn zɛ̀rɛ biɛ lɔn ke, Lawa n die ka dɔn zɛ̀rɛ biɛ miɛ̃. Ka bɛ́ ka miãn wɔ zoɛ̃ màn mɛn ganaa, Lawa n die ka dɔn wɔ zoɛ̃ bɛ lɛ ganaa.