Zeremii 48:14 - LAWA A BOO SONBORE 2011

¹⁴ Moabu minin, a n siɛ lɔn ka á pii: «Wɔ ǹ sɔraasi foo taãn-an lɛa, zia-baali taãn-taãnan lɛa?»

LAWA A BOO SONBORE

¹⁴ Moabu minin, a n siɛ lɔn ka á pii: «Wɔ ǹ sɔraasi foo taãn-an lɛa, zia-baali taãn-taãnan lɛa?»

Zeremii 48:14 ပူးပေါင်းရင်းမြစ်များ

Loen 11:1

Loe-saalin goledɛnaa loe mɛn lɔ. Davida a loe. Masɛ n má kaa Dɛnaa Lawa yele. Wàa na á baa ká n pii ma nɛ: Baa si n wo kele la, ka bàan bɛ́ lɔn.

Loen 33:16

Zia-baalin mɔnaabaa bie toɛ kii gɔ̀lɔ̀baa yɛ wa. Kakabaa bie toɛ zia-baali kirisibaa wa.

Boo-laakalaali 9:11

Má yɛ doo kanaa kɛ nɛ: min mɛnɛn bɛ́ ǹ baa si miã banban wa, baa-si a gɔ̀lɔ̀baa bie bɛn wɔ lɛa, biikoo tumaa li wa. Min mɛnɛn bɛ́ ǹ kakabaa miã banban wa, zia a gɔ̀lɔ̀baa bie bɛn wɔ lɛa, biikoo tumaa li wa. Min mɛnɛn bɛ́ ǹ sii-doɛ̃ miã banban wa, lɛ-a ǹ bii yɛ bie bɛn wɔ lɛa, biikoo tumaa li wa. Min mɛnɛn bɛ́ ǹ yiri miã banban wa, naforo bie bɛn wɔ lɛa, biikoo tumaa li wa. Min mɛnɛn bɛ́ ǹ doɛ̃ miã banban wa, sii lɛ bie koo bɛn gɔn biikoo tumaa li wa. A giala, biikoo laanka sii tá parɛɛ ǹ tumaa ganaa.

Izayii 10:13

A giala, bɛa kii lɛ na á pɛ: «Ma sii mɛn tumaa zɛnaa, ma pàã laanka maa yiridɛnaabaa a lɛa nɛ. A giala, man sii-dɔ̃li lɛa. Má gána gigiã gèlè papaã, má ǹ naforon goa, má ǹ kiin loo má ǹ bɔ ǹ kii dankanan la.

Izayii 10:16

Bɛ lɛ taman yii, Dɛnaa Lawa Pàãyiidɛnaa á re a zia-baali kasiɛ̃ wolen kɛn pɛrɛ. Ǹ siĩnbaa gɔ́ɔ̃ nɛ, tɛ n die yui ǹ ganaa girigiri.

Izayii 16:6

Zudaa minin man pii: Wɔ́ Moabu a din gole kɔ boo ma, a din koa nɛ, a din narɛɛ nɛ, a yiri koa ma din-a nɛ. A bɛ́ boo mɛn yii diɛ, boo fofolo ne.

Zeremii 49:16

Ma n nyɛ́ɛ da ǹ màn lɛa, n nə́ n din koɛ n miãn ganaa. Sɛnɛ, ma nə n din siɛ̃. N giã ǹ bǎã n ka kele yalan nɛ, sɛnɛ, n woo giã kele mìi ni. Ta ma n nə́ n kii dɔ lon sɔsɔɔ á la zèwo wɔ nɛ, man die n zuĩ yǎa tán.» Dɛnaa Lawa a da ǹ boo ne.

Zeremii 8:8

A n siɛ lɔn ka á pii: «Wɔ n sii-dɔ̃len lɛa, Dɛnaa Lawa a dí-pɛ lɛ n wɔ dinin gɔn.» Sonbore, sɛ́wɔ-kiɛ̃lin lɛn man soɛ-bɔlen lɛa, maǹ dí-pɛ ǹ boon lɛn kɔkɔrɔ koe.

Zeremii 9:23

Min mɛn bɛ́ zoɛ̃ li a n din kalaa, a n din kalaa kɛa lɛa: A yiri tan, a n masɛ doɛ̃. A giala, masɛ Dɛnaa Lawa a dí n ka makara-doɛ̃ nɛ, sonborebaa nɛ, ka peperebaa nɛ tán la. Bɛ lɛ n kɔɔ̃n ma ganaa. Dɛnaa Lawa a da ǹ boo ne.

Ezekieli 30:6

Masɛ Dɛnaa Lawa a da ǹ boo á ke: Ezipti a dɔmalɛ wolen kɛn tá re mɛnɛɛ zia la, a saa Migdɔli ganaa, a wo Siyɛni yaa. A bɛ́ n din koɛ a pàã mɛn taman yii, bɛ á re nyɛɛ. Ma din Dɛnaa Lawa a da ǹ boo ne.

Sofonii 2:10

Ǹ bɛ́ re màn mɛn yii ǹ din gole kɔ lɛ taman yii bɛ n ka kɛ lɛ nɛ. A giala, maǹ nə́ sɔ kɔ kanaa tumaa a Dɛnaa Lawa Pàãyiidɛnaa a zaman ganaa, ǹ nə́ yaa wɔ ǹ ganaa, ǹ nə́ ǹ dinin gána gole kɔ bɛ̀ ǹ tá maa zaman a bǎãn sii ǹ la.