Zeremii 48:11 - LAWA A BOO SONBORE 2011

¹¹ A kũ Moabu a tenmaa waáraa ganaa, á goã yii-nyɛɛ la. A bin wo gùli kɔ ǹ bǎã-n wa. A na á goã a tan kiĩni ka duvɛ̃ bɛ́ dɔrɛɛ a bù la lɔn. Ǹ bin da màn tɔrɔ kɔsɔ-n wa. Bɛ lɛ nɛ, a kɔɔ̃nbaa kɛ laanka a gìĩ kɔɔ̃n kɛ goã a nɛ.

LAWA A BOO SONBORE

¹¹ A kũ Moabu a tenmaa waáraa ganaa, á goã yii-nyɛɛ la. A bin wo gùli kɔ ǹ bǎã-n wa. A na á goã a tan kiĩni ka duvɛ̃ bɛ́ dɔrɛɛ a bù la lɔn. Ǹ bin da màn tɔrɔ kɔsɔ-n wa. Bɛ lɛ nɛ, a kɔɔ̃nbaa kɛ laanka a gìĩ kɔɔ̃n kɛ goã a nɛ.

Zeremii 48:11 ပူးပေါင်းရင်းမြစ်များ

Loen 123:4

Á la wɔ yii ni, á wɔ gɔ̀nɔn bɔ. Din-yɛlen man wɔ diɛ yaa lɛa, din-koalin man wɔ tɔ ziziɛ̃.

Loen 55:19

Á ma si sii la, á ma tamaa là nyantoro gɔ́ɔ̃ nɛ, bɛ̀ zɔ́ɔn bɛ́ ma gialaa.

Suusun 1:32

Piã ka sii-doɛ̃ nɛ n bɔ̀n diɛ baãnaan ganaa. Foo doa din ganaa dɔ n gəngəə̃n wɔ ziziɛ̃.

Izayii 16:6

Zudaa minin man pii: Wɔ́ Moabu a din gole kɔ boo ma, a din koa nɛ, a din narɛɛ nɛ, a yiri koa ma din-a nɛ. A bɛ́ boo mɛn yii diɛ, boo fofolo ne.

Izayii 24:3

Tán ziziɛ̃. Á bɔ̀n baa lenlen, a giala, Dɛnaa Lawa na á golee li miɛ̃.

Izayii 25:6

*Siɔn kele la, Dɛnaa Lawa Pàãyiidɛnaa á re màn-bii zɛnɛɛ tɔrɔn tumaa wɔ lɛa, siĩ nyɔɔnaa n la, ka duvɛ̃ kɔɔ̃n nɛ. Siĩ nyɔɔnaa basiɛ̃ n la ka duvɛ̃ sonbore ne.

Zeremii 22:21

N goã yii-nyɛɛ la ǹ mɛn waáraa, má boo da n nɛ, sɛnɛ ń ma lɛ si ń pɛ: «Ma ba n too koe wa.» N nə́ n zɛnaa miɛ̃ lɛn, a kũ n tenmaa waáraa ganaa, n bin nə n too kɔ ma lon wa!

Zeremii 48:12

Dɛnaa Lawa pɛ: – Bɛ lɛ nɛ, biikoo á die, man die minin diɛ, ǹ da saa n da màn kɔsɔ nɛ. A bɛ́ doon mɛnɛn nɛ, ǹ tá re binyii ǹ bɔ walan, ǹ bɛa doon lɛn yuyu. Dɛnaa Lawa a da ǹ boo ne.

Zeremii 48:29

Wɔ́ Moabu a din gole kɔ boo ma. A din gole kɔ la yii ni, a din narɛ kɛ nɛ, a foo doa a din ganaa nɛ, a yaa wɔ minin ganaa nɛ, ka a din koa nɛ!

Zeremii 51:34

Baabiloniin kii Nebukadenezɔɔrɔ ma ziziɛ̃ lenlen, á n la bɔ ma ganaa ka tasa gɔ́ɔ̃ kooro bɛ́ lɔn. Á ma mui ka mu li ǹ màn babaraa kɛ bɛ́ lɔn. Ma gɔn màn giɔ̀mɔ kakan kɛn, á n nɔ̀ kã ka bɛn nɛ. Bɛ kio, á ma loo.

Nahumu 2:10

Ka sana kokoo, ka wɔrɔ kokoo! Ninivu a paãmabaa a nyɛɛ wa. A gɔn màn giɔ̀mɔ kakaan nə la yii ni.

Nahumu 2:2

Á ke, sɔraasin nə́ ke die n gialaa Ninivu: N kungɔnɔn lɛduə̃, n doa n ziin gialaa n yɔrɔ bɔ ziabaa taman yii, n pàã tumaa sɔkɔn.

Sofonii 1:12

Bɛa biikoo li, man die bolon diɛ ma Zeruzalɛmu kiwi guusi. Min mɛnɛn bɛ́ n dinin narɛ, ma á re dɔlɔ boe bɛn ganaa. Maǹ taasɛ ǹ gɔ́ɔ̃ nɛ: «Dɛnaa Lawa a boe màn kɔn la a zɛnaa wa, sii bǐɛ̃ lɛa hinlaa sii baraa lɛa.»

Zakarii 1:15

Sɛnɛ, tɔrɔn mɛnɛn bɛ́ ǹ nə́ waa ǹ dinin la taãn-taãnɛ, ma foo n yoo ne bɛn li parsiini. A giala, maa foo-yoo bɛ́ a tɔn gole kɔ Izirayeli li ǹ mɛn waáraa wa, bɛa tɔrɔn kɛn lɛn ná a koe mìi saa lon.