Zeremii 47:2 - LAWA A BOO SONBORE 2011

² Dɛnaa Lawa boo mɛn da á ke: Mu gole n boe gɔsɛ a lɛ̀gɔn la die. Á mu zii baa, á pã á toɛ̃. Á n kɔ gána lɛ tumaa lɛ, màn mɛn tumaa bɛ́ a nɛ, a kiwin ni ka a minin ni. Minin man gú diɛ, gána lɛ a min tumaa n gɛ̀ loe loe.

LAWA A BOO SONBORE

² Dɛnaa Lawa boo mɛn da á ke: Mu gole n boe gɔsɛ a lɛ̀gɔn la die. Á mu zii baa, á pã á toɛ̃. Á n kɔ gána lɛ tumaa lɛ, màn mɛn tumaa bɛ́ a nɛ, a kiwin ni ka a minin ni. Minin man gú diɛ, gána lɛ a min tumaa n gɛ̀ loe loe.

Zeremii 47:2 ပူးပေါင်းရင်းမြစ်များ

Loen 24:1

Davida a loe n ke. Kanaa laanka a gɔ́ɔ̃gɔ́ɔ̃ ǹ màn tumaa n Dɛnaa Lawa wɔ lɛa. Tán nɛ, ka mànan mɛnɛn bɛ́ la, ǹ tumaa n Dɛnaa Lawa wɔ lɛa.

Loen 50:12

Ta bòo n ma ganaa, ma a pii n ni wa, a giala, kanaa laanka a gɔ́ɔ̃gɔ́ɔ̃ ǹ màn tumaa n masɛ wɔ lɛa.

Loen 96:11

Lon mànan nə n nyɛnyɛɛ, tán wɔn nə bɛ̀ baa ka foo kɔɔ̃n nɛ, yìsi mu dɔ laanka a gɔ́ɔ̃gɔ́ɔ̃ ǹ wɔn nə bìn da.

Loen 98:7

Yìsi mu laanka a gɔ́ɔ̃gɔ́ɔ̃ ǹ mànan nə bìn da, tán dɔ laanka a wɔn nə zɛnaa miɛ̃.

Izayii 14:31

Ka wuu pɛ ka n lɛ dɛ kaa kiwi a kiɛnlɛn bii! Filisiti gána tumaa foo n ziziɛ̃ nɛ. A giala, tɛmaa bara n boe gɔsɛ a lɛ̀gɔn la die. Zɔ́ɔn bii, min kɔn ba n wɔlɔ lui zia-baalin ganaa wa.

Izayii 15:8

Gú diɛ lɛ n boe Moabu gána paǹ tumaa li. A gɛ̀ wuu pɛ n boe yǎa Eglayimu, a gɛ̀ wuu pɛ n boe yǎa Elimu tù lɛ-a.

Izayii 22:1

"Sii nyaa ǹ nyankɔrɔ basa" a boo gii: Zeruzalɛmu minin lɛn, a n siɛ lɔn ka tumaa a dii kalan la?

Izayii 28:17

Peperebaa n die goɛ̃ maa màn zɔ́ɔ̃ ǹ màn lɛa, kiri pepere n die goɛ̃ maa biɛ nàn lɛa.» La gii á re kaa minin sã ǹ mìi duru ǹ bǎã kɛ ziziɛ̃. Mu á re n koe kaa duru ǹ bǎã kɛ lɛ.

Izayii 59:19

A kũ lɛ̀nyɛɛn ganaa min tumaa á re Dɛnaa Lawa tɔ guguru koe, a wo lɛ̀giala yaa, ǹ tumaa á re a tɔ a gugurubaa doɛ̃. Dɛnaa Lawa n die die ka mu tii bɛ́ lɔn nyankɔrɔ basa nɛ, piɛ̃ n noɛ̃ die ne.

Zeremii 1:14

Dɛnaa Lawa tɔn pɛ ma-n kəni: Sonbore ne, koe n die n toɛ gɔsɛ a lɛ gɔn la, a da n kɔ gána lɛa zaman tumaa lɛ.

Zeremii 46:12

Tɔrɔn nə́ kaa sìi boo ma. Bǎã tumaa nɛ, maǹ kaa ginii lɛ miɛ. A giala zia-baali na á n tɔ ǹ miã nɛ, ǹ tumaa bɔ ǹ nə́ kaa.

Zeremii 46:13

Nebukadenezɔɔrɔ bɛ́ yui Ezipti gána gialaa ǹ mɛn waáraa, Dɛnaa Lawa boo da ka Lawa a boo gii-dali Zeremii-n kɛnɛn:

Zeremii 46:20

Ezipti na á goã tɔɔ sonbore lɛa. Sɛnɛ, nyuun sɔn-dɔle goon na á bɔ gɔsɛ a lɛ̀gɔn la, á daa mɛ la.

Zeremii 46:24

Sìi nə́ n kɔ Ezipti gána lɛ: A na á n wɔ tɔrɔ kɛ gɔn, boe gɔsɛ a lɛ̀gɔn la.

Zeremii 48:39

Wàa! Moabu yɔyɔrɛ! Ka gini! Moabu nə́ n dɔ̀ɔ̃ wɔ! Sìi nə́ n kɔ lɛ. Ǹ miãkɛnɛn man diɛ yaa lɛa. Nyɛ́ɛ nə ǹ ganaa.»

Zeremii 6:22

Dɛnaa Lawa bɛ́ boo mɛn pii, á ke: Tɔrɔ goon nə boe gɔsɛ a lɛ̀gɔn li die. Zaman gole kɔ́n nə n toɛ kanaa lɛ dan ganaa die.

Zeremii 8:16

Zɔ́ɔ nə́ n toa Dan á die. Ǹ sùin lɛ baa wuu n boe. Tán tumaa n bìn diɛ ǹ lɛ baa nyɛɛnɛ. Ǹ nə́ ke yii die, maǹ die gána lɛ ziziɛ̃, kɔnlɛ ka a gɔ́ɔ̃gɔ́ɔ̃ ǹ màn tumaa nɛ, ka kiwi lɛ laanka a minin ni.

Danayeli sɛ́wɔ 11:22

Zia-baalin mɛnɛn bɛ́ re die a gialaa, bɛn ba re boe la ǹ golee a nyɛɛn wa, á re ǹ tumaa dii. Lawa lɛ kɔ kɔn la wɔ ka tɔrɔ mɛn lɛ a minin ni, á re bɛn dɔn goledɛnaa goon dii.

Nahumu 1:8

Sɛnɛ a n die Ninivu yui lenlen ka mu gole ne. A na a zɔ́ɔn papaɛ̃, a nə́ ǹ kiɛ wɔlɔ tì biribiri li.

Korɛnti1 10:26

A giala, a n kiɛ̃ nɛ: «Tán nɛ, ka màn mɛn tumaa bɛ́ la, bɛ din tumaa n Dɛnaa wɔ lɛa.»

Korɛnti1 10:28

Sɛnɛ, bɛ̀ min pɛ ka nɛ mà wúlu bɔ ǹ siĩ ni, a pɛman wole lɛ laanka a gɔ́ɔ̃gɔ́ɔ̃ ǹ taasiɛ a lɛa, ka nyan sɔ̃ wa.

Zaaki 5:1

Ka pàãman lɛn, bɔ̀n gigiã mɛn bɛ́ re ka yii, ka dɔ ka dinin ganaa ka wuu pɛ kɔsɛkɔsɛ!

Sii-nyaan 17:1

Lon a dia dí-a wolen mɛnɛn bɛ́ ǹ nə́ goã ka koe mànan nɛ ǹ gunun, bɛn goon nə́ n zɔ̃ á dɔ ma li, á pɛ ma nɛ: «Ǹ bɛ́ re dɔlɔ boe lɔ naarɛbaali gole kɛ ganaa ka yɔrɔ mɛn nɛ, daa, ma á re bɛ nyɛɛ n nɛ, kiwi gole mɛn bɛ́ ǹ nə́ dɔ pɛrɛ damata lɛkoro lɛ-a.

Sii-nyaan 17:15

Lon a dia dí-a wole lɛ tɔ́n pɛ ma-n doo: «N mun mɛnɛn tumaa yɛ naarɛbaali kɛ a giã ǹ bǎã nɛ, bɛn man gánan minin lɛa, ka zaman nɛ, ka tɔrɔn nɛ, ka bɔlɔ totoro pɛlen ne.