Zeremii 45:1 - LAWA A BOO SONBORE 2011

¹ Zoziasi a nɛgiĩ Zoakimu a kiibaa lɛ̀ siibaa ǹ wɔ li Zudaa gána mìi la, Lawa a boo gii-dali Zeremii boon da Neriya a nɛgiĩ Baruku ni, Baruku nə ǹ kiɛ̃.

LAWA A BOO SONBORE

¹ Zoziasi a nɛgiĩ Zoakimu a kiibaa lɛ̀ siibaa ǹ wɔ li Zudaa gána mìi la, Lawa a boo gii-dali Zeremii boon da Neriya a nɛgiĩ Baruku ni, Baruku nə ǹ kiɛ̃.

Zeremii 45:1 ပူးပေါင်းရင်းမြစ်များ

Kiin2 24:1

Zoakiimu a biikoo li, *Baabilonii gána a kii Nebukadenezɔɔrɔ soo á woo ziabaa kɔn ka Zoakiimu ni. Zoakiimu ná a wɔ da Nebukadenezɔɔrɔ wɔ gɔ́ɔ̃ nɛ lɛ̀ sɔɔ. Bɛ kio, Zoakiimu nə́ n bɔlɔ bɔyaa, á n gòãn dii Nebukadenezɔɔrɔ ganaa.

KZS2 36:5

Zoakimu kiibaa yɛ bɛ̀ a lɛ̀ fuəwensooro ne. Á kii baa Zeruzalɛmu lɛ̀ fulu goon. Á sii bɔnɛɛ zɛnaa Dɛnaa Lawa, a Lawa yii li.

Zeremii 25:1

Zoziasi a nɛgiĩ Zoakimu a kiibaa lɛ̀ siibaa ǹ wɔ li Zudaa gána mìi la, Dɛnaa Lawa boo da Zeremii ni Zudaa zaman tumaa a paǹ li, bɛ̀ *Baabiloniin kii Nebukadenezɔɔrɔ a kiibaa lɛ̀ bibinaa nɛ.

Zeremii 26:1

Zudaan kii Zoziasi a nɛgiĩ Zoakimu a kiibaa giala kɔ li, Dɛnaa Lawa boo da Zeremii ni á pɛ nɛ:

Zeremii 32:12

Má ǹ kɔ Maseya a nɔɔn, Neriya a nɛgiĩ Baruku la. Ma dɔɔ̃ngiĩ Hanaaneyeli laanka siéren mɛnɛn nə n gɔn bǎã da sɛ́wɔ lɛ nɛ, bɛn nə́ goã ǹ tan kɔnlɛ ka Zudaa minin mɛnɛn tumaa goã wɔlɔ lɛduə̃lin sumu-n.

Zeremii 32:16

Ma bɛ́ má wuru pii ǹ sɛ́wɔ lɛ kɔ Neriya a nɛgiĩ Baruku la, má Dɛnaa Lawa nyankɔ kɛnɛn:

Zeremii 36:1

Zoziasi a nɛgiĩ Zozakimu a kiibaa lɛ̀ siibaa ǹ wɔ li Zudaa gána nɛ, Dɛnaa Lawa boo da Zeremii ni á pɛ nɛ:

Zeremii 36:2

«Kanna kəni, sɛ́wɔ munii saa, ki lɛa. Ma boo mɛn tumaa da n nɛ Izirayeli gána a paǹ li, Zudaa gána nɛ ka gána kɔsɔn dɔn nɛ, a kũ Zoziasi a waáraa ganaa a da pelo yaa, n bɛn tumaa kiɛ̃ la.

Zeremii 36:26

Á zii kɔ a nɛgiĩ Zerameyeli la, Azireyeli a nɛgiĩ Seraya nɛ, ka Abdeyeli a nɛgiĩ Selemia nɛ mà ǹ sɛ́wɔ-kiɛ̃li Baruku kũ ka Lawa a boo gii-dali Zeremii ni. Sɛnɛ, Dɛnaa Lawa nə́ ǹ koa tamaa-n bǎã sonbore ne.

Zeremii 36:32

Zeremii sɛ́wɔ munii kɔsɔ saa, á kɔ Neriya a nɛgiĩ sɛ́wɔ-kiɛ̃li Baruku la. Zeremii goã boon mɛnɛn pii ni, á bɛn kiɛ̃ la: Sɛ́wɔ munii bibinaa kɛa boon manɛ Zudaan kii Zozakimu nə́ ǹ tã, ka a kɔnboe kɔsɔn dɔn nɛ.

Zeremii 36:4

Zeremii lɛ dia Neriya a nɛgiĩ Baruku la, Dɛnaa Lawa boo mɛn tumaa da nɛ, á ǹ pɛ, Baruku kiɛ̃ sɛ́wɔ munii lɛ la, ki lɛa.

Zeremii 45:2

Baruku, Dɛnaa Lawa, Izirayeli a Lawa n kɛ pii n wɔ paǹ li:

Zeremii 46:2

Ezipti a paǹ li: Lɛ dia á ke Ezipti ǹ kii *Faarahɔn Nekoo a sɔraasin wɔ paǹ li. Zoziasi a nɛgiĩ Zoakimu a kiibaa lɛ siibaa ǹ wɔ li Zudaa gána mìi la, bɛ̀ Eziptin kii n Karkemisi kunu Efrati tà ganaa. Bɛa biikoo lɛ li, Baabiloniin kii Nebukadenezɔɔrɔ gɔ̀lɔ̀baa yɛ la.

Zeremii 51:59

Neriya a nɛgiĩ, Maseya a nɔ̀ɔn Seraya na á goã Zudaan kii Sedekiasi a sɔraasin sii yɔrɔ-bɔle lɛa. Sedekiasi a kiibaa lɛ̀ siibaa ǹ wɔ li, Seraya kɔ lɛ á woo Baabilonii. Koe mɛn tumaa doamaa bɛ́ a Baabilonii kiwi yɛ, ka boon mɛnɛn bɛ́ a n li a ǹ da kiwi lɛ ganaa, Zeremii goã á bɛn tumaa kiɛ̃ sɛ́wɔ munii la.

Danayeli sɛ́wɔ 1:1

Zudaa tɔrɔn kii Zozakimu a kiibaa lɛ̀ sɔɔbaa ǹ wɔ, *Baabilonii gána a kii Nebukadenezɔɔrɔ daa kɔ Zeruzalɛmu lɛ.