Zeremii 42:11 - LAWA A BOO SONBORE 2011

¹¹ Kanna, ka nyan nyɛ́ɛ baa Baabiloniin kii-n doo wa, kɛ lɛ ka n nyɛ́ɛ biɛ nɛ. Ma din Dɛnaa Lawa a da ǹ boo ne: Ka nyan nyɛ́ɛ baa-n wa. A giala, ma á kun ka nɛ, ma ka kirisibaa, ma ka kanbaa a pàã ganaa.

LAWA A BOO SONBORE

¹¹ Kanna, ka nyan nyɛ́ɛ baa Baabiloniin kii-n doo wa, kɛ lɛ ka n nyɛ́ɛ biɛ nɛ. Ma din Dɛnaa Lawa a da ǹ boo ne: Ka nyan nyɛ́ɛ baa-n wa. A giala, ma á kun ka nɛ, ma ka kirisibaa, ma ka kanbaa a pàã ganaa.

Zeremii 42:11 ပူးပေါင်းရင်းမြစ်များ

Kiin2 25:26

Zaman lɛ tumaa, doobaan laanka pàãman nɛ, sɔraasi mìilandɛnan nɛ, ǹ nə́ bɔ ǹ nə́ kaa zii la, ǹ nə́ woo Ezipti gána nɛ, a giala man nə́ goã nyɛ́ɛ biɛ Kalde minin lɛn manɛ.

Loen 118:6

Dɛnaa Lawa á kun ka ma nɛ, ma a nyɛ́ɛ biɛ màn kɔn nɛ wa. Minbuiinin man boe la ǹ wàa zɛnaa ma nɛ?

Loen 46:11

Lawa tɔ́n pɛ: Ka a lɛ da dɛ! Ka dɔ̃ mà ma din nə Lawa lɛa! Má gɔ̀lɔ̀baa yɛ gánan la, má gɔ̀lɔ̀baa yɛ tɔrɔn la.

Loen 46:7

Lawa bɛ́ á boo da, gánan nə́ gigini, tɔrɔn nə́ bìn da, tán nə́ yo ka nyɔɔ nɛ, nyɛ́ɛ gɔn.

Izayii 41:10

Nyɛ́ɛ nyan nə n kũ wa, a giala, ma á kunun n ni. N nyan ga n para li ka foo ziziɛ̃-n wa. Masɛ din ni n Lawa lɛa. Man pàã koe n la, man die n gú ganaa, man kirisibaa ka maa bɔlɔgoondɛnaabaa nɛ.

Izayii 43:2

Ta ma n mu zuzulu kuri, ma tá kunun n ni. Ta ma n tà kuri, mu á re n kuĩ wa. Ta ma n tɔ we tɛ bii, a re n kuĩ wa. Tɛ buə̃ lɛwɔn ba re miɛ n-a wa.

Izayii 43:5

Nyɛ́ɛ nyan nə n kũ wa, ma á kunun n ni. Ma á re boe ka n nɛnyaanan nɛ lɛ̀giala-n ma da ǹ nɛ, ma á re boe ǹ ne lɛ̀nyɛɛnɛ ma ǹ sɔkɔn.

Zeremii 1:19

Ǹ tá re yui n gialaa, Sɛnɛ, ǹ ba re boe sii kɔn la ǹ zɛnaa n nɛ wa, a giala, ma tá kunun n ni, n kirisibiɛ. Masɛ din Dɛnaa Lawa a da ǹ boo ne.

Zeremii 1:8

N baran nyɛ́ɛ baa ǹ nɛ wa, ma á kunun n ni, ma n kirisibaa. Dɛnaa Lawa a da ǹ boo ne.

Zeremii 15:20

Man die n biɛ ka zan kungɔn bɛ́ lɔn, min kɔn ná a boe la a nɔɔ a kaa wa. Ǹ tá re yui n gialaa, sɛnɛ, ǹ ba re boe n la wa. Sonbore, ma á re goɛ̃ kunun n ni, ma á re n kirisibiɛ. Dɛnaa Lawa a da ǹ boo ne

Zeremii 27:11

Sɛnɛ, bɛ̀ tɔrɔ mɛn lɛ kɔ Baabiloniin kii a zǔu kɛ ganaa á dí nya nɛ, man die bɛa tɔrɔ lɛ toɛ a gána nɛ, ǹ na ǹ tán kɔsɔ, ǹ giã a nɛ. Dɛnaa Lawa a da ǹ boo ne.»

Zeremii 27:12

Masɛ Zeremii n má kɛa boo kɛ lɛ miã pɛ Zudaan kii Sedekiasi ni. Má pɛ nɛ: – Nsɛ, n laanka n zaman doamaa nɛ ka lɛ kɔ Baabiloniin kii a pàã kɛ ganaa ka zǔu bɛ́ lɔn. Ka dí nya nɛ, ka dí nya a zaman dɔ nɛ, ka yii á re goɛ̃ koo.

Zeremii 27:17

Ka nyan nə n too kɔ ǹ lon wa. Ka dí nya Baabilonii n kii ni. Ka yii á re goɛ̃ koo. Wàa n die toɛ kaa kiwi kɛbɔlɔ baa?»

Zeremii 41:18

Maǹ nə́ goã nyɛ́ɛ biɛ Baabilonii minin manɛ a giala, Netania a nɛgiĩ Isimayeli na á Ayikaamu a nɛgiĩ Gedalia dɛ, Baabiloniin kii nə ǹ mɛn lɛ koa gánadɛnaa lɛa Zudaa gána mìi la.

Minin nimi 14:9

Sɛn kəni, ka baran n gòãn dii Dɛnaa Lawa ganaa wa. Ka baran nyɛ́ɛ baa bɛa gána kɛ lɛ a minin man wa. Bɛa minin kɛn lɛn ba re wɔsɛn lɛ boe goon dinin wa. A giala, ǹ bɛ́ dìn mɛnɛn wúlu li, bɛn nə́ ǹ toa walan. A da yaa, Dɛnaa Lawa á kun ka wɔsɛn nɛ. Ka baran nyɛ́ɛ din baa ǹ nɛ wa.»

Matiə 10:28

Min mɛnɛn bɛ́ boe la ǹ gɔ̀nɔn siĩ dɛ, ǹ nə́ ǹ ba boe la ǹ telenboen dɛ wa, ka baran nyɛ́ɛ baa bɛn man wa. Lawa mɛn bɛ́ boe la a gɔ̀nɔn siĩ laanka telenboen din tumaa naa kɔn-a a ǹ kaa bɔ̀nbaa ǹ tɛ gole ne, ka nyɛ́ɛ baa bɛ nɛ.

Matiə 28:20

Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»

Nya ǹ dín 18:10

Masɛ Lawa tá kunun n ni taãn-taãnɛ, min kɔ́n ba re boe la a n kũ a fuu nyaa nɛ wa, a giala, kiwi kɛ lɛ nɛ, min gigiã tan, ǹ nə́ die masɛ wɔn biɛ.»

Rɔmu minin 8:31

Wɔ n die pii mà wàa kəni? Bɛ̀ Lawa tá kun wɔ nɛ, die n die boe wɔ la?

Timəə dí-pɛn 20:4

A giala, kaa Lawa, Dɛnaa Lawa din nə die miɛ kun ka nɛ, a n dɔ ka lɛ, a zia baa kaa zɔ́ɔn lɛn ganaa, a gɔ̀lɔ̀baa kɔ ka la.»

Timote2 4:17

Sɛnɛ, Dɛnaa din nə́ n dɔ ma lɛ. Á pàã kɔ ma la, màn mɛn bɛ́ toɛ, ma boo lɛ tumaa laakalaa, tɔrɔ kɔsɔn tumaa ma. Dɛnaa ma si gɛ̀ la!

Zozoe 1:5

A n toa n yii n koo, min kɔn ba re golee n yɔrɔ-a a yɔ bɔ n ganaa wa. A giala, masɛ goã kun ka Muizu-n lɔn ke, man die goɛ̃ kun ka n dɔ-n miɛ̃. Ma a die n gɔn boe n ganaa wa, ma a re n toɛ walan duduu wa.

Zozoe 1:9

Ma din bie má pɛ n nɛ, máa n nə n gù we yii n nə n foo taã wa ya? N baran nyɛ́ɛ baa wa, n baran toa n gù gã wa. A giala, masɛ Dɛnaa Lawa mɛn lɛ á ke n Lawa lɛa, ń bɛ́ re woe bǎã woo bǎã nɛ, masɛ tá kunun n ni.»