Zeremii 42:1 - LAWA A BOO SONBORE 2011

¹ Sɔraasin nyɛɛnaandɛnan kɛn tumaa kɔnlɛ ka Kareya a nɛgiĩ Zoanan nɛ, Osayia a nɛgiĩ Yazania nɛ, ka min mɛnɛn nə goã ǹ tan, a kũ nɛnyaanan ganaa a wo min golen yaa,

LAWA A BOO SONBORE

¹ Sɔraasin nyɛɛnaandɛnan kɛn tumaa kɔnlɛ ka Kareya a nɛgiĩ Zoanan nɛ, Osayia a nɛgiĩ Yazania nɛ, ka min mɛnɛn nə goã ǹ tan, a kũ nɛnyaanan ganaa a wo min golen yaa,

Zeremii 42:1 ပူးပေါင်းရင်းမြစ်များ

Kiin2 25:23

Zudaa gána a sɔraasin mìilandɛnaa tumaa laanka ǹ kiodɛnan bɛ́ ǹ nə́ ma, mà Baabilonii gána a kii lɛ Gedalia koa pàãdɛnaa lɛa, ǹ nə́ daa Gedalia yaa Misipaa kiwi. Bɛa kiodɛnan lɛn man ka kɛn nɛ: Netania a nɛgiĩ Isimayeli ni, Kareya a nɛgiĩ Zoanan nɛ, Netofaa kiwi min Tamewumɛti a nɛgiĩ Seraya nɛ, ka Yazania kɛ nɛ Maakaa tɔrɔ goon a nɛ lɛa.

Izayii 29:13

Dɛnaa n kɛ pii: «Tɔrɔ kɛ n mɔrɛ-n ma ganaa ka a lɛ gɔ́ɔ̃ ǹ boo dinsɔɔ̃ nɛ. Maǹ ma guguru koe ka ǹ lɛ nɛ, sɛnɛ, ǹ foo wɔlɔ á lui-n ma ganaa. Ǹ bɛ́ gugurubaa mɛn koe ma la, a n minbuiin nɛn daraan boon dininsɔɔ̃nɔn lɛa.

Izayii 48:1

Ka n too kɔ Zakɔba a zaman, kasɛn mɛnɛn nə yɛ Zudaa gána nɛ, Izirayeli tɔ n ka ganaa! Ka nə n liɛ ka Dɛnaa Lawa tɔ nɛ, ka n Izirayeli a Lawa nyankoe, sɛnɛ, ka parsii bie wa, ka a pepere wa.

Zeremii 37:3

A da yaa, kii Sedekiasi na á Selemia a nɛgiĩ Yukaali laanka Maseya a nɛgiĩ Lawa a wúlu-bɔle Sefania dia Zeremii li. Ǹ nə́ pɛ-n kɛnɛn: «Dɛnaa Lawa, wɔa Lawa nyankɔ wɔa lɛa!»

Zeremii 40:13

Ǹ kɔn pinaa, Kareyaa a nɛgiĩ Zoanan laanka sɔraasin goledɛnan mɛnɛn nə goã Zudaa gána nɛ, ǹ nə́ daa Gedalia li Mispaa,

Zeremii 40:8

Bɛa sɔraasin lɛn nə́ daa n kaa kun Gedalia nɛ Mispaa. Ǹ nyɛɛnaandɛnan man ka Netania a nɛgiĩ Isimayeli ni, Kareyaa a nɛgiĩ màn paa Zoanan laanka Zanaatan nɛ, Tanewumɛti a nɛgiĩ Seraya nɛ, Netofaa min Efayii a nɛgiĩn ni, ka Yazania nɛ Maakaa min goon a nɛ lɛa.

Zeremii 41:11

Kareya a nɛgiĩ Zoanan laanka sɔraasin nyɛɛnaandɛnan mɛnɛn nə goã kun ni, bɛn nə́ Netania a nɛgiĩ Isimayeli a minin dɛ boo lɛ ma.

Zeremii 41:16

Bɛ kio, min mɛnɛn yii goã koo Netania a nɛgiĩ Isimayeli a wo bɛ̀rɛbaa ǹ bǎã-n wolen lɛn bii, Isimayeli a Ayikaamu a nɛgiĩ Gedalia dɛ kio Mispaa, Kareya a nɛgiĩ Zoanan laanka a sɔraasin nyɛɛnaandɛnan nə́ bɔ ka bɛn nɛ Gabawɔ̃ ǹ nə́ ǹ sɔkɔn. Giĩn ni goã ǹ tan sɔraasin lɛa, lɔn nɛ, nɛnyaanan nɛ, ka kii a sumu dí-nyalin ni.

Zeremii 41:18

Maǹ nə́ goã nyɛ́ɛ biɛ Baabilonii minin manɛ a giala, Netania a nɛgiĩ Isimayeli na á Ayikaamu a nɛgiĩ Gedalia dɛ, Baabiloniin kii nə ǹ mɛn lɛ koa gánadɛnaa lɛa Zudaa gána mìi la.

Zeremii 42:20

Ka bɛ́ ká n doa ma ganaa mà ma Dɛnaa Lawa, kaa Lawa nyankɔ, ka n ka pɛ: Dɛnaa Lawa, wɔa Lawa nyankɔ wɔ a lɛa. A bɛ́ re boo mɛn diɛ wɔa paǹ li ka te, n bɛ pɛ wɔ nɛ. Wɔ á re bɛ zɛnɛɛ. Bɛa pinaa lɛ nɛ, ka n ka sã gole wɔ, màn mɛn bɛ́ nyin nyɛɛ.

Zeremii 42:8

Zeremii tɔn lɛ dia Kareya a nɛgiĩ Zoanan la, sɔraasin nyɛɛnaandɛnan mɛnɛn bɛ́ kun ni bɛn nɛ ka min mɛnɛn nə goã ǹ tan, a kũ nɛnyaanan-a a wo min golen yaa.

Zeremii 43:2

Osayia a nɛgiĩ Azaria nɛ, Kareya a nɛgiĩ Zoanan nɛ ka din koa wolen tɛnɛn nɛ, ǹ nə́ pɛ Zeremii-n kɛnɛn: «Soɛ nɛ n tá boe. Dɛnaa Lawa, wɔa Lawa nə n dia mà n da pɛ wɔ nɛ mà wɔ nyan wo gùli kɔ Ezipti gána-n wa.

Zeremii 44:12

Zudaa minin mɛnɛn yii goã koo ǹ nə́ daa gùli kɔ Ezipti gána nɛ, ma á re ǹ tumaa dii lenlen. Ǹ tumaa n die giɛ̃ bɛa gána lɛ nɛ, zia laanka bòo gɔn, ǹ tumaa, nɛnyaanan nɛ ka min zizin ni. Hiĩ, ǹ tumaa n die giɛ̃ bɛa yɔrɔ kɛ lɛ la. Maǹ die ǹ biɛ sii a kɔnboe lɛa, bɛ̀ ǹ tá re lɛn baraa bíi, ǹ sii bɔbɔnɛɛ boo da, ǹ nyɛ́ɛ da min ganaa ka sìi da ǹ sii ni.

Zeremii 6:13

A giala, a kũ ǹ boɛɛndɛnaa ganaa a wo ǹ goledɛnaa yaa, ǹ tumaa n giɛ là li. A kũ ǹ Lawa a boo gii-dalin ganaa a wo ǹ Lawa a wúlu-bɔlen yaa, ǹ tumaa n kɔkɔrɔ.

Zeremii 8:10

Dɛnaa Lawa pɛ: Á bǐɛ̃ kɔ, Man die ǹ lɔn koe min kɔsɔn la, ma ǹ wurun kɔ ǹ kũ wolen la. A giala, a kũ ǹ boɛɛndɛnaa ganaa a wo ǹ goledɛnaa yaa, ǹ tumaa n giɛ là li. A kũ Lawa a boo gii-dalin ganaa a wo Lawa a wúlu-bɔlen yaa, ǹ tumaa n kɔkɔrɔ.

Ezekieli 11:1

Dɛnaa Lawa yiri ma saa. Lawa a kion lɛ a kiɛnlɛ mɛn yɔrɔ bɛ́ dia-n lɛ̀giala li, á woo ma-n walan. Giĩ fuəwensooro (25) na á goã bɛa kiɛnlɛ lɛ lɛ-a. Bɛn bii, má Azuuru a nɛgiĩ Yazaniya laanka Benayawuu a nɛgiĩ Pelatiyawuu yɛ, zaman lɛ a nyɛɛnaandɛnan min paa lɛa.

Ezekieli 33:31

Ǹ tá re die ma li ka zaman kɛa lɛsɔkɔn pinaa bɛ́ lɔn. Maa minin lɛn tá re die giɛ̃ tán ma yɔrɔ-a. Ǹ tá re n too koe maa boon li, sɛnɛ, ǹ ba re ǹ sii wa. A giala, boo kɔɔ̃n nə soe ǹ lɛ-n, sɛnɛ, ǹ foo kɛ nɛ, maǹ nə ǹ dinin là kio.

Ezekieli 8:11

Izirayeli tɔrɔn lɛn *min gole sii yɔrɔ-bɔle pɔsɔbaa na á goã golee-n bɛa màn nyínin lɛn yɔrɔ-a, Safã a nɛgiĩ Yazanyawuu kɛ n kunun ǹ ni, didie a nyɔɔ gìĩ kɔɔ̃n tã ǹ màn ná a gɔn. Da yon gìĩ kɔɔ̃n kɛa tɛmaa na á goã yui lon ka labara bɛ́ lɔn.

Matiə 15:8

Lawa pɛ: «Minin kɛn man ma guguru koe ka ǹ lɛ nɛ, sɛnɛ, ǹ gɔ́ɔ̃ wɔlɔ á lui-n ma ganaa.

Nya ǹ dín 8:10

A na á goã n din biɛ màn gole lɛa, min tumaa goã n foo doɛ a ganaa, a kũ nɛnyaanan ganaa a wo min golen yaa. Maǹ nə́ goã pii: «Lawa kɔ́n pàã n giĩ kɛ nɛ, Lawa mɛn tɔ bɛ́ "Pàã Gole".»