Zeremii 41:1 - LAWA A BOO SONBORE 2011

¹ Lɛ̀ a mui sɔbaabaa ǹ wɔ li, Netania a nɛgiĩ, Elisamaa a nɔ̀ɔn Isimayeli daa Ayikaamu a nɛgiĩ Gedalia li Mispaa kun ka min fù ni. Isimayeli na á goã kii a sumu min lɛa. Á goã kii a dí-nyali gole goon din lɛa. A ǹ toa màn bii Gedalia a piɛ Mispaa,

LAWA A BOO SONBORE

¹ Lɛ̀ a mui sɔbaabaa ǹ wɔ li, Netania a nɛgiĩ, Elisamaa a nɔ̀ɔn Isimayeli daa Ayikaamu a nɛgiĩ Gedalia li Mispaa kun ka min fù ni. Isimayeli na á goã kii a sumu min lɛa. Á goã kii a dí-nyali gole goon din lɛa. A ǹ toa màn bii Gedalia a piɛ Mispaa,

Zeremii 41:1 ပူးပေါင်းရင်းမြစ်များ

Samayeli2 3:27

Abnɛɛrɛ bɛ́ á n bɔyaa á daa Ebrɔn, Zoabu kũ á woo-n tìãlɛ-a, kiwi lɛ a kiɛnlɛ-a. Á n baa ka a n boo diɛ nɛ ka durii ni. Á dɛ a nɔ̀ ganaa walan á gã, á ǹ dɔɔ̃ngiĩ Azayeli a gɛ̀ dòo bɔ a ganaa.

Kiin2 11:1

Ataalii lɛ, Ahaazia ǹ dan lɛa, a bɛ́ á yɛ mà a nɛgiĩ lɛ gã, á yoo á kii lɛ tɔrɔn tumaa bɔ̀n baa.

Kiin2 25:22

Zaman gialakun mɛn nə wusoo á goã Zudaa gána lɛ nɛ, kɛn lɛn *Baabilonii gána a kii Nebukadenezɔɔrɔ lɛ nə́ ǹ toa walan, á Saafan a nɔ̀ɔn, Ayikaamu a nɛgiĩ Gedalia koa ǹ mìi la pàãdɛnaa lɛa.

Kiin2 25:25

Sɛnɛ, lɛ̀ a mui sɔbaabaa ǹ wɔ li, Isimayeli, Elisamaa a nɔ̀ɔn ke Netania a nɛ lɛa, kii tɔrɔ lɛa, bɛ daa kun ka giĩ fù ni, ǹ nə́ Geladia dɛ á gã kɔnlɛ ka Zudaa minin laanka Kalde minin kɛn nɛ ǹ nə́ goã kun ni Misipaa.

KZS2 22:10

Kii Ahaazia ǹ dan Ataalii ná a nɛgiĩ a gɛ̀ ma. Bɛ lɛ nɛ, á Zudaa a kii kion minin tumaa nyin bɔ.

Loen 109:5

Ǹ nə́ maa bǐɛ̃ saraa ka baraa nɛ, ǹ nə́ maa dàãbaa saraa ka zɔ́ɔbaa nɛ.

Loen 41:9

Maǹ pii, mà busu baraa n ke a ganaa dɛ! Mà bɛ̀ kɛ min kũ, a yui doo wa.

Suusun 13:10

Din gole kɔlen man zia yiɛ. Sɛnɛ, min mɛnɛn bɛ́ lɛ koe doroo ganaa, sii-doɛ̃ n bɛn wɔ lɛa.

Suusun 27:4

Kakaarɛbaa n nyɛ́ɛ da ǹ sii lɛa. Foo yoo n ka tà bɛ́ lɔn á pã á pisi. Die n boe la a gole foo yoo nyɛɛnɛ.

Zeremii 36:12

Bɛ kio, á kiɛ̃ á woo kii a kion, yǎa sɛ́wɔ-kiɛ̃li li. Á woo yaa kii a dí-nyali dadaran tumaa nə́ n lɛ sɔkɔn. Sɛ́wɔ-kiɛ̃li Elisamaa goã a tan, Semayia a nɛgiĩ Delazaa nɛ, Akibɔɔrɔ a nɛgiĩ Ɛlnaatan nɛ, Safan a nɛgiĩ Gemariya nɛ, Anania a nɛgiĩ Sedekiasi ni ka kii a dí-nyali gialakun tumaa nɛ.

Zeremii 36:20

Kii a dí-nyali dadaran nə́ sɛ́wɔ munii lɛ toa sɛ́wɔ-kiɛ̃li Elisamaa a dí nya ǹ kion. Bɛ kio, ǹ nə́ kiɛ̃ ǹ nə́ woo kii li kii kion a sumu-n. Sii mɛn tumaa nə n zɛnaa, ǹ na a tumaa pɛ nɛ.

Zeremii 39:14

Ǹ nə́ minin dia maǹ wo Zeremii bɔ bǎã-lɛduə̃lin sumu kɛ nɛ, ǹ da kɔ Safan a nɔ̀ɔn, Ayikaamu a nɛgiĩ Gedalia la. Gedalia zii kɔ Zeremii la mà a wo piɛ. Bɛ na á n baa Zeremii a da kiwi minin bii lɛa kɛnɛn.

Zeremii 40:13

Ǹ kɔn pinaa, Kareyaa a nɛgiĩ Zoanan laanka sɔraasin goledɛnan mɛnɛn nə goã Zudaa gána nɛ, ǹ nə́ daa Gedalia li Mispaa,

Zeremii 40:5

Zeremii bɛ́ a nɛn á woe wa, Nebuzaradan tɔn pɛ nɛ: «N tá boe la n nə n bɔyaa n wo Ayikaamu a nɛgiĩ Gedalia li, ke Safan a nɔ̀ɔn lɛa, Baabiloniin kii baa Zudaa gána a gánadɛnaa lɛa. Ń boe la n wo giã bɛ li kun ka zaman lɛ nɛ, hinlaa, bɛ̀ bǎã mɛn kɔɔ̃n kɔ n ganaa, n wo walan.» Bɛ kio, bǎã-lɛduə̃lin goledɛnaa lɛ màn-bii kɔ Zeremii la zii tɔ lɛ taman yii. Á da zii ka bǐɛ̃baa ǹ mànan nɛ á toa á woo.

Zeremii 40:6

Zeremii woo Mispaa, Ayikaamu a nɛgiĩ Gedalia li. Á giã walan kun ni, kɔnlɛ ka zaman mɛn goã gána lɛ nɛ.

Zeremii 40:7

Zudaa gána nɛ, sɔraasin nə́ goã ǹ tan kɔnlɛ ká sɔraasin nyɛɛnaandɛnan nɛ. Ǹ nə́ ma mà Baabiloniin kii na á Ayikaamu a nɛgiĩ Gedalia bɔ á koa gánadɛnaa lɛa gána lɛ mìi la. Mà a na á koa doobaan mìi la, giĩn ni, lɔn nɛ ka nɛnyaanan nɛ, ǹ bɛ́ ǹ boo la ǹ nə́ ǹ mɛnɛn goa ǹ nə́ woo ǹ ne Baabilonii wa.

Zeremii 40:8

Bɛa sɔraasin lɛn nə́ daa n kaa kun Gedalia nɛ Mispaa. Ǹ nyɛɛnaandɛnan man ka Netania a nɛgiĩ Isimayeli ni, Kareyaa a nɛgiĩ màn paa Zoanan laanka Zanaatan nɛ, Tanewumɛti a nɛgiĩ Seraya nɛ, Netofaa min Efayii a nɛgiĩn ni, ka Yazania nɛ Maakaa min goon a nɛ lɛa.

Ezekieli 17:13

Á kii tɔrɔ goon kũ á lɛ kɔ kɔn la wɔ ka bɛ nɛ. Á pɛ nɛ, mà yǎa a nə n liɛ, mà asɛ á re goɛ̃ bɔlɔgoondɛnaa lɛa bɛa lɛ kɔ kɔn la lɛ gɔ́ɔ̃ nɛ. Á woo ka gána lɛ a min tɔnaan nɛ,

Zaã a sɛ́wɔ 13:18

Ma bie boo diɛ ka dinin tumaa wɔ gɔn la wa, ma min mɛnɛn bɔ, ma á bɛn doɛ̃. Sɛnɛ, Lawa a boo màn mɛn pɛ, bɛ doamaa nɛ a n zɛnaa; a na á pɛ: «Min mɛn din bɛ́ màn bii kun ka masɛ nɛ, a din lɛ na á n bɔyaa masɛ li.»