Zeremii 4:4 - LAWA A BOO SONBORE 2011

⁴ Ka n dinin kɔ Dɛnaa Lawa la lenlen, màn mɛn bɛ́ ka niɛ̃ ka boe masɛ ganaa ka bɛ bɔ, ka kaa yiikoonaabaa kɔ masɛ la. Bɛ bie wa, kaa sii baraan kɛn taman yii, man die maa foo-yoo kɛ kiɛ ka la, ka tɛ bɛ́ lɔn. Á re màn tumaa kuĩ, min kɔn ná a boe la a nimi wa.

LAWA A BOO SONBORE

⁴ Ka n dinin kɔ Dɛnaa Lawa la lenlen, màn mɛn bɛ́ ka niɛ̃ ka boe masɛ ganaa ka bɛ bɔ, ka kaa yiikoonaabaa kɔ masɛ la. Bɛ bie wa, kaa sii baraan kɛn taman yii, man die maa foo-yoo kɛ kiɛ ka la, ka tɛ bɛ́ lɔn. Á re màn tumaa kuĩ, min kɔn ná a boe la a nimi wa.

Zeremii 4:4 ပူးပေါင်းရင်းမြစ်များ

KZS2 34:25

Zeruzalɛmu minin nə́ n la bɔ ma ganaa. Ǹ nə́ da yon gìĩ kɔɔ̃n kɔ dìn la. Ǹ zɛnaa ǹ sii tumaa ma foo yoo. Bɛ lɛ nɛ, bɛa foo yoo baraa kɛ á kiɛ Zeruzalɛmu la, a ná a ba n lɛ kuĩ wa.

Izayii 10:17

Dɛnaa Lawa ke Izirayeli a wɔlɔ fúlu lɛa, á re tɛ biɛ. A sonborebaa kɛ n die tɛ biɛ, a nyan tewonən kɛn kũ, a ǹ nya lɛawaa goon toto.

Izayii 30:33

Tɛ kɔn yɔrɔ boemaa nɛ haalɛ bibi, a n Asiiriin kii wɔ lɛa. Yala zuzulu pəmə goon gɔ́ɔ̃ nɛ, maǹ nə́ gɔn da kɔn la buurii ni tɛ lɛ wɔ lɛa. Dɛnaa Lawa lɛ gɔ́ɔ̃ ǹ piɛ̃ ke ka kiribi tɛdɛnaa bɛ́ lɔn, bɛ n die tɛ lɛ diɛ.

Izayii 51:17

Zeruzalɛmu, n yii kaa! N yii kaa, n yoo n golee lon! Dɛnaa Lawa goã á n da foo-yoo ǹ paan kɛa mu mii ganaa. Ń mi lenlen, á n yii tii.

Zeremii 15:14

Gána mɛn bɛ́ n ba doɛ̃ wa, ma á re n biɛ n zɔ́ɔn bɛ̀rɛ lɛa walan. Sonbore, maa foo-yoo lɛ n kuĩ tɛ lɛa, die ka dinin kuĩ.

Zeremii 21:12

Davida a sumu minin lɛn, Dɛnaa Lawa a boo á ke: Baayɛlɛ woo baayɛlɛ, ka kiri pepere wɔ. Ǹ bɛ́ mɛnɛɛ min mɛnɛn la, ka ǹ gɔsɛ ka ǹ bɔ mɛnaa ma la wolen gɔn. Bɛ bie wa, maa foo-yoo baraa kɛ n die yui ka gialaa ka tɛ bɛ́ lɔn. A n die màn tumaa kuĩ, min kɔn ba re boe la a nimi wa kaa zɛnaa ǹ sii baraan kɛn lɛa.

Zeremii 21:5

Ma dinmaa n die zia biɛ ka ganaa ka maa foo-yoo baraa kɛ nɛ. Ma á re ma pàã laanka maa boo sii la nyɛɛ ka nɛ.

Zeremii 23:19

Piɛ̃ gole yoo, Dɛnaa Lawa a foo-yoo ne. A n kurunkurun lɛa, min baraan mìi la.

Zeremii 36:7

Kɔntan, ǹ tumaa á re Dɛnaa Lawa nyankoe ka ǹ we ne, didie na a sii baraan kaa. A giala, Dɛnaa Lawa pɛ mà asɛ a foo yoo lɛ asɛ a zaman lɛ paǹ li, mà á gole á la yii ni.»

Zeremii 44:22

Sɛnɛ, Dɛnaa Lawa boo la á kaa giã ǹ gɔn babaraan laanka kaa sii bɔbɔnɛɛn kɛn si a din ganaa wa. Bɛ lɛ nɛ kaa gána lɛ kɛbɔlɔ baa, bǎã bɔbɔnɛɛ lɛa, min goon din ná a ba a-n wa. A n sii a kɔnboe lɛa lɛn baraa bíi a paǹ li ka min tumaa yii bɛa ganaa lɔn pelo.

Zeremii 9:25

Sonbore, Ezipti minin ni, Zudaa minin ni, Edɔmu minin ni, Amɔn tɔrɔn nɛ, Moabu minin ni, ka diə gole minin kɛn nɛ n karazɔɔ ka koɛ̃, bɛn kuriimaa bie wa. Izirayeli minin lɛn dininmaa kuriimaa bie masɛ Dɛnaa Lawa yii li wa.

Busii pɛ 4:11

Dɛnaa Lawa foo yoo á la yii ni, ǹ miã din da yɛ. A na á n yii taã Siɔn kiwi li. Á tɛ da a ganaa, á kiwi lɛ kũ, yǎa a gòã daa ganaa.

Ezekieli 16:38

Lɔ naarɛn laanka ǹ mɛnɛn bɛ́ gɛ̀ dii, bɛn doamaa bɛ́ ka dɔlɔ mɛn nɛ, ma á re bɛ lɛ tɔrɔ diɛ n mìi ni. Ma á re mà boe n ganaa maa foo yoo kɛa pinaa, a giala ń ma sã.

Ezekieli 18:31

Ka kaa zɛnaa ǹ sii babaraan lɛn na ka ǹ zũ sɔsɔɔ, ka toa ka foo dii saa, ka yiri dii ni. Izirayeli tɔrɔn lɛn, wàa na á baa, ka n die ka dinin koe gɛ̀ la?

Ezekieli 20:33

A ma toa ma yii n koo, man die giɛ̃ ka mìi la, ma maa foo-yoo kɛ nyaa ka nɛ. Man die pàã zɛnɛɛ ka nɛ, ma maa boo sii la nyaa. Ma din Dɛnaa Lawa a da ǹ boo ne.

Ezekieli 21:17

Minbuiin a nɛ, n lɛ dɛ, n lɛ dɛ kɔsɛkɔsɛ! Gɔya sa á ke maa zaman lɛ gialaa, á ke Izirayeli a nyɛɛnaandɛnan tumaa gialaa. Gɔya sa n die ǹ laanka maa zaman lɛ dii kun. Bɛ lɛ nɛ, n kii kũ.

Ezekieli 24:13

N gɛsɛbaa kɛ lɛ na á n gɔgɔrɛ kɔ, Zeruzalɛmu. A giala, man má goã giɛ li ma n *yoreen kɔ, sɛnɛ, ń nə́ n piã. Ma foo mɛn yoo n li ke, n ba yoreen koe doo wa, yǎa ma nə n foo nyɛɛ n la.

Ezekieli 24:8

A mà mɛn kaa gɛ̀fu kɛ la, man die toɛ tán ma a pìi koe lɛ wa, màn mɛn bɛ́ toɛ ma foo yoo, ma maa gɛ̀ dòo bɔ.

Ezekieli 44:7

Ka bɛ́ ka goã *wúlu màn kɛ koe ma la ǹ mɛn waáraa, màn nyɔɔ laanka màn mà kɛ nɛ, tɔrɔ kɔsɔn kɛn soroman lɛa ma bɔlɔ tii, ka n ka goã nɛn bɛ̀ ka bɛn kũ ka wɔ ǹ nɛ maa kion sonbore lɛ nɛ, ka *gɔ̀ da a ganaa. Kaa sii bɔbɔnɛɛn lɛn man nə́ toa, lɛ kɔ kɔn la mɛn bɛ́ ma laanka ka bii, bɛ́ ziziɛ̃.

Ezekieli 6:12

Ǹ mɛnɛn wɔlɔ bɛ́ sɔsɔɔ, piɛ̃ busu á re bɛn dii. Ǹ mɛnɛn wɔlɔ bɛ́ kunun, bɛn tá re giɛ̃ zia la. Ǹ nə n mɛnɛn kũ ǹ yii n koo, bòo á re bɛn dii. Man die bɛ lɛ zɛnɛɛ ǹ nɛ yǎa ma foo nyɛɛ.

Ezekieli 8:18

A bɛ́ miɛ̃, ma dɔ n die dɔlɔ boe ǹ ganaa ka ma foo ne. Ǹ makara a die ma kuĩ, ma ǹ toa walan wa. Ta ǹ nə́ n lɛ dɛ ma kio kɔsɛkɔsɛ, masɛ a re n too koe ǹ lon wa.»

Lawa a wúlu-bɔlen 26:28

masɛ dɔ á re n parsii boe ka li. Masɛ dinmaa bɛ́ re dɔlɔ babaraa mɛn boe ka ganaa, kaa sii baraan lɛn taman yii, bɛ á re ka doree.

Lawa a wúlu-bɔlen 26:41

Bɛ lɛ na á toa masɛ dɔ yɔ bɔ ǹ ganaa, má ǹ kũ má ǹ dia ǹ zɔ́ɔn gána nɛ. Maǹ nə́ sii la, bɛ lɛ nɛ masɛ dɔlɔ bɔ ǹ ganaa. Bɛ̀ ǹ dinin nə́ daa ǹ nə́ dɔ̃ ǹ mɛn waáraa, mà masɛ bie mɛnɛɛ ǹ la wa,

Amɔɔsi 5:6

Bɛ̀ ka tá li ka yii goã koo sɛn, yǎa ka giɛ Dɛnaa Lawa li. Zozɛfu tɔrɔn lɛn, ka yiri bɔ ka dinin li, a nyan yoo ka tɛ bɛ́ lɔn, a kũ Betɛli wa. A giala, min kɔn ba re yii a nimi wa.

Sofonii 2:2

kiri pinaa kɛ laan bɛ̀ a n doe, lɛawaan laan bɛ̀ maǹ papaɛ̃ ka kaã bɛ́ lɔn kiɛ̃ piɛ̃ li, Dɛnaa Lawa a foo-yoo baraa kɛ laan bɛ̀ a n doe ka-a, Dɛnaa Lawa a foo-yoo pinaa kɛ laan bɛ̀ a n gisĩ ka la.

Rɔmu minin 2:25

Liere ba a-n wa, là tá kurii ganaa bɛ̀ n tá koe dí-pɛn lɛn lɛ. Sɛnɛ, bɛ̀ n tá ǹ bɔlɔ tii, ta n nə́ n kuru, ma n ka *soroma bɛ́ lɔn Lawa yɔrɔ-a.

Timəə dí-pɛn 10:16

A bɛ́ miɛ̃ kəni, ka n dinin kɔ lenlen, ka nyan toa ka n too laa wa.

Timəə dí-pɛn 30:6

Kaa Lawa, Dɛnaa Lawa din tá re ka foo bɔyɛɛ, ka dinin laanka kaa nɛnyaanan nɛ, màn mɛn bɛ́ toɛ, ka kaa Lawa, Dɛnaa Lawa lɛ narɛ ka ka foo tumaa nɛ, ka ka gɔ́ɔ̃ tumaa nɛ, ka yii tɔn goã koo.

Timəə dí-pɛn 32:22

Maa foo a yoo lɛ gɔ́ɔ̃ nɛ, tɛ na á soo. Bɛa tɛ lɛ kũ yǎa geren piɛ, á màn tumaa kũ tán la, á kelen giala wɔ ǹ bǎãn kukũ.

Kolɔɔsi minin 2:11

Bɛa kaa-kun lɛ taman yii, kurii na á n zɛnaa ka ganaa, bɛa kurii lɛ, minbuiin nɛ bie á zɛnaa wa, bɛa kurii lɛ n boe Krita li, bɛ na á ka si gɔ̀nɔn siĩ siin kɛn la.