Zeremii 4:31 - LAWA A BOO SONBORE 2011

³¹ Sonbore, ma á lɛ-dɛ miɛ̃, ka lɔ nɛ-yɛli bɛ́ lɔn, lɔ ten a lɛ-dɛ lɛa, a gɔ́ɔ̃ yii bibinaa nɛ yii. Siɔn kiwi a lɛ-dɛn manɛ. A n gini, á n gɔnɔn lɛ boe: «Aba! Man giɛ̃ gɛ̀-dɛlin mandɛ gɔn.»

LAWA A BOO SONBORE

³¹ Sonbore, ma á lɛ-dɛ miɛ̃, ka lɔ nɛ-yɛli bɛ́ lɔn, lɔ ten a lɛ-dɛ lɛa, a gɔ́ɔ̃ yii bibinaa nɛ yii. Siɔn kiwi a lɛ-dɛn manɛ. A n gini, á n gɔnɔn lɛ boe: «Aba! Man giɛ̃ gɛ̀-dɛlin mandɛ gɔn.»

Zeremii 4:31 ပူးပေါင်းရင်းမြစ်များ

Siin Giala 27:46

Rebeka pɛ Izaaki ni: «N manaa Ɛti tɔrɔn kɛn tá kanaa tìĩ boe masɛ nyin ni. Bɛ̀ Zakɔba dɔ bɛ miã lɔn kɛn goon saa, gána kɛa nɛlɔn bii, masɛ a tá kanaa là n ka wàa-n doo?»

Zɔbu 10:1

Yiikoonaabaa din tìĩ bɔ ma nyin ni. Ma a re n lɛ tiɛ̃ maa busii kɛ-a doo wa. Man die n foo pii.

Loen 120:5

Bɔ̀n na á masɛ yɛ! Ma din a wo tii baa min kakaarɛn bii ke Mesɛki, ma din a wo giã min baraan bii ke Kedaara.

Izayii 1:15

Bɛ̀ ka n gɔnɔn goa lon ka á ma nyankoe, man ma yɔrɔ bɔyɛɛ ma bɔ ka la. Ta ka ma nyankɔ lɔn, maa n too koe wa. Ka gɔnɔn man mà lɛa.

Izayii 13:8

Nyɛ́ɛ nə ǹ ganaa. Busii tɔrɔ tumaa nə ǹ ganaa. Maǹ nə n birikəĩ tán, ka lɔ nɔɔrɔ-kɔle bɛ́ lɔn. Maǹ giɛ kɔn-a, ǹ gɔ́ɔ̃ n wɛɛ̃ nɛ, ǹ yɔrɔ n tɛ lɛa.

Izayii 21:3

Bɛ lɛ nɛ, ma kii á busi, ma nɔmaa maa nɛ, ka lɔ bɛ́ lɔn nɔɔrɔ koe. Là paparɛɛ la ma yii ni ma too a màn kɔn miɛ wa, nyɛ́ɛ la ma yii ni ma yii a màn kɔn yii wa.

Izayii 26:17

Dɛnaa Lawa, wɔ n wɔ́ goã n yɔrɔ-a ka lɔ nɔɔrɔ-kɔle bɛ́ lɔn, n duwii, n lɛ dii la paparɛɛ gɔn.

Izayii 42:14

Haalɛ bibi, má n lɛ tã. Ma boo kɔn da wa. Má n din kũ ka sii zɛnaa nɛ. Sɛnɛ, sisia, ma nə n lɛ dii, ka lɔ mɛn bɛ́ nɔɔrɔ koe. Ma nə n lɛ dii, má gini, maa piɛ̃ lɛ n zoɛ̃ mà a kuru.

Izayii 6:5

Má tɔ́n pɛ kəni: «Koe bɔ ma ganaa! Maa wɔ nya lenlen! A giala, man gɔ̀dɛnaa lɛa, ma bɛ́ giã-n tɔrɔn mɛnɛn dɔn bii, bɛn dɔn man gɔ̀dɛnan lɛa. A giala ma yii Kii gole yɛ, Dɛnaa Lawa Pàãyiidɛnaa lɛ!»

Zeremii 10:19

Ebe, wàa koe n ka kɛ nɛ ma ganaa! Maa baayɛrɛ a nyɛɛ wa. Man má goã pii máa maa fuu lɛ lɛ á basiɛ̃ nɛ, máa ma á boe la ma si ma ganaa.

Zeremii 13:21

Ń giaárabaa zɛnaa ka ǹ tɛnɛn nɛ ǹ lɛ mui ni. Ǹ mɛn pinaa bɛ̀ ǹ nə́ n bɔyaa, maǹ die n diɛ ǹ pàã giulun, n nə n die wàa boo diɛ? N nə n die fuu yii ka lɔ nɔɔrɔ kɔle bɛ́ lɔn.

Zeremii 14:18

Bɛ̀ má soo wurun ni lɔn, á ke, geren man tán bǎã yii ni. Bɛ̀ ma wɔ kiwi lɔn, á ke, ma yii n minin ganaa nɔmaa-n bòo gɔn. Lawa a boo gii-dalin laanka Lawa a wúlu-bɔlen manə n bibiĩ gána lɛ nɛ, ǹ ba màn goon a woo ǹ bǎã doɛ̃ wa.

Zeremii 15:18

Dan ba maa là paparɛɛ la wa. Wàa na á baa? Maa busulɛ á nyɛɛ wa. A ba n lɛ tiɛ̃ wa. Bɛ giala? Sonbore, ma n ka mu zii bɛ́ lɔn ma gɔn, minin yiri siɛ̃, mu ná a yii a-n biikoo yii li wa.

Zeremii 18:21

A bɛ́ miɛ̃, ǹ nɛnyaanan wɔ bòo gɔn, ǹ wɔ gɔya sa gɔn! Ǹ lɔn ba re nɛ yii wa! Ǹ tá re giɔɔrɔn biɛ! Piɛ̃ busu á re ǹ zuũn dii! Ǹ nɛ tenən tá re giɛ̃ zia la!

Zeremii 22:23

Sisia, ma n giã-n Liban daã nɛ, ń kii dɔ sɛdrə dan la. Sɛnɛ, bɛ̀ là paparɛɛ daa n tɔwaa, n tá re gini, ka lɔ bɛ́ lɔn nɔɔrɔ koe.

Zeremii 30:6

Ka nɔ̀n da minin la, ka ga a ganaa: Giĩ á boe la a nɛ yɛ? A da yaa, ma yii n giĩn tumaa ganaa, ǹ gɔnɔn nə́ ǹ kii la ka lɔ bɛ́ lɔn a nɛ yɛ waáraa, ǹ yɔrɔ n ziziɛ̃ nɛ.

Zeremii 45:2

Baruku, Dɛnaa Lawa, Izirayeli a Lawa n kɛ pii n wɔ paǹ li:

Zeremii 48:41

Ǹ nə́ Keriyɔti kiwi kũ, Bǎãn mɛnɛn bɛ́ tamaa nɛ, ǹ nə́ bɛn si la. Nyɛ́ɛ n Moabu a zia-baali foo-taãn-an ganaa ka lɔ bɛ́ lɔn a nɛ yɛ biikoo li.

Zeremii 49:22

Zɔ́ɔ n ka zèwo bɛ́ lɔn, piɛ̃, á n nyàan lɛ bɔ Bosraa kiwi lalan. Bɛa pinaa lɛ nɛ, nyɛ́ɛ á re Edɔmu a zia-baali zanbian kɛn kuĩ ka lɔ bɛ́ lɔn a nɛ yɛ biikoo li.

Zeremii 49:24

Damaasi minin foo ziziɛ̃maa nɛ, maǹ nə n yɔrɔ boe die baa sii. Ǹ gɔ̀nɔn nə bìn diɛ nyɛ́ɛ gɔn. Nyɛ́ɛ nə ǹ ganaa, ǹ gɔ̀nɔn nə bìn diɛ, ka lɔ bɛ́ lɔn a nɛ yɛ biikoo li.

Zeremii 50:43

Baabiloniin kii bɛ́ á bɛa kibərə lɛ ma, a foo ziziɛ̃, nyɛ́ɛ kũ. A nɔmaamaa nɛ ka lɔ bɛ́ lɔn a nɛ yɛ biikoo li.

Zeremii 6:2

Á ke, *Siɔn nə die yui, kiwi siĩn sonbore ke!

Busii pɛ 1:17

Siɔn nə n gɔnɔn diɛ á n giɛ dɔmalɛ li. Min banban a tá a foo wɛɛ wa. Dɛnaa Lawa na á baa ǹ miãkɛnɛn zɔ́ɔ lɛa. Zeruzalɛmu gɔ̀ da a din-a ǹ bii.

Busii pɛ 1:20

Dɛnaa Lawa, ga maa koe kɛ ganaa. Ma gɔ́ɔ̃ n kuĩ ka tɛ bɛ́ lɔn. Ma gɔ̀nɔn yii nə n si ma la. A giala, má n gòãn dii n ganaa taãn-taãnɛ. Zii gialaa, zia nɛ, maa kion, gɛ̀ dinsɔɔ̃ nɛ.

Busii pɛ 2:21

Nɛnyaanan laanka min zizin tá nyɔmaa-n tán zii mìi ni. Ǹ nə́ maa nɛ tenən laanka maa nɛlɔn dɛ ka gɔya sa nɛ. N foo yoo baraa kɛa pinaa, ma n nə́ ǹ dɛ, n nə́ ǹ nyin bɔ, ǹ makara ná a bɔ n ganaa wa.

Ozee 13:13

A là paparɛ n die, ka lɔ a nɛ yɛ a biikoo wɔ á ke lɔn. Sɛnɛ nɛnyaan too kaka nɛ, a yɛ biikoo li, a nə n piɛ̃ mà a soe a n bɔ ǹ dan gɔ́ɔ̃-n wa.

Misee 4:10

Zeruzalɛmu minin, ka n mɔmɔɔsɛ là-paparɛɛ gɔn ka n lɛ dɛdɛ, ka lɔ nɔnaa n nɔɔrɔ koe. A giala, kanna, ka n die soe ka kiwi lɛ toa, ka á re giɛ̃ don miɛ̃, yǎa ka woe doe *Baabilonii. Sɛnɛ, ka á re kirisibiɛ walan, Dɛnaa Lawa á re ka sii kaa zɔ́ɔn lɛn la.

Misee 4:9

Zeruzalɛmu, là-paparɛɛ bɛ́ á dɔ n-a, wàa na á baa n tá n lɛ dii kanna, ka lɔ nɔnɔ-a n nɔ̀ɔrɔ koe? N kii lɛ na a banban doo wa? N doroli lɛ na á gã?

Misee 7:1

E, masɛ wɔ n ka bɔ̀n nɛ! A giala, man kɔnboe ka da nɛ-nali ni. Man woe giɛ rezɛ̃ da nɛ laanka gɔ́rɔ da nɛ lɛ binaa li. Kɔɔ̃n ma-a taãn-taãnɛ, sɛnɛ, ma màn kɔn yɛ wa.

Matiə 21:5

«Ka pɛ *Siɔn kele minin manɛ Zeruzalɛmu kiwi: Kaa kii á ke die ka li, á n din boɛɛn kɔ, á dii dundun dan la, ka a nɛ banɛɛ nɛ, dundun dan a nɛ lɛa.»

Korɛnti1 9:16

A giala, Boo Tii Kɔɔ̃n kɛ a laakalaa bie din-koa ǹ sii lɛa masɛ gɔn wa. A n pàã lɛa ma ganaa. Bɛ̀ ma a Boo Tii Kɔɔ̃n kɛ laakalɛɛ wa, koe na á bɔ ma ganaa.

Tesaloniki1 5:3

Minin bɛ́ re pii biikoo mɛn li mà «Là nyantoro tan, mà baraa banban!», a din biikoo lɛ nɛ, basaã á die kirii ǹ la, ka nɔɔrɔ bɛ́ kirii lɔ nɔnɔa la lɔn, ǹ ba re n boe a-n dɔn wa.