Zeremii 4:19 - LAWA A BOO SONBORE 2011

¹⁹ Áh! Ma nɔ̀! Ma nɔ̀! Ma nə n duwii là paparɛɛ gɔn! Ma foo n die puri! Ma gɔ̀nɔn tumaa n bìn diɛ. Ma a n lɛ tiɛ̃ doɛ̃ wa. A giala, ma bɛn wuu ma, ka ziabaa ǹ lɛ-dɛ nɛ.

LAWA A BOO SONBORE

¹⁹ Áh! Ma nɔ̀! Ma nɔ̀! Ma nə n duwii là paparɛɛ gɔn! Ma foo n die puri! Ma gɔ̀nɔn tumaa n bìn diɛ. Ma a n lɛ tiɛ̃ doɛ̃ wa. A giala, ma bɛn wuu ma, ka ziabaa ǹ lɛ-dɛ nɛ.

Zeremii 4:19 ပူးပေါင်းရင်းမြစ်များ

Siin Giala 49:6

Ǹ bɛ́ n duri, bɛ̀ ǹ kɔn yɛ boo mɛn ganaa, ma ba li ma wo a bǎã-n wa, ma ba li ma wo ǹ kɔn yɛ ǹ bǎã-n wa. A giala, ǹ foo bɛ́ á yoo, ǹ nə́ minin dɛ, ǹ bɛ́ mà maǹ là kiɛ sii ganaa, ǹ nə́ diin dɛdɛ kooro.

Kiin2 4:19

Á n toa ǹ di lɛ ganaa mà asɛ mìi ni, ma asɛ mìi ni! Díi lɛ tɔ́n pɛ a dí-nyali ni mà a nɛ lɛ saa a wo kɔ ǹ dan la.

Kiin2 8:11

Lawa a min lɛ nə́ n yiin doa Azayeli la, á ga a ganaa á belebɔ nɛ, bɛ kio á n daa wuu la.

Loen 103:1

Davida a loe n ke. Man kɔnboe ma barka da Dɛnaa Lawa nɛ, ka ma foo tumaa nɛ. Maa barka tá a ganaa taãn-taãnɛ!

Loen 116:7

Sisia, ma foo basã kəni, a giala, Dɛnaa Lawa bǐɛ̃ zɛnaa ma nɛ.

Loen 119:136

Yii mu bɔ ma yɔrɔ nɛ, a giala, ǹ ba n landa boon lɛn tamaɛ wa.

Loen 119:53

Min babaraan mɛnɛn bɛ́ n landa boon kɛn tii, ma foo na á yoo bɛn li ka gàãn nə ma-a.

Loen 146:1

Aleluya, ka Dɛnaa Lawa tɔ bɔ! Man die Dɛnaa Lawa tɔ boe, ka ma foo tumaa nɛ.

Loen 16:2

Man pii Dɛnaa Lawa nɛ: N din nə maa Mìinaa lɛa. N dinsɔɔ̃ n yii-nyɛɛ koe ma la.

Izayii 15:5

Man gú diɛ Moabu minin lɛa. A zaman nə baa sii yǎa Sowara, yǎa Eglati-Selesia. Maǹ wuu pii bɛ̀ ǹ tá dii Luhiti kele kɛ la. Oronayimu zii la, maǹ foo ziziɛ̃ ǹ lɛ dɛ we!

Izayii 16:11

Bɛ lɛ taman yii, ma foo á ziziɛ̃ nɛ Moabu a paǹ li. Maa ginii n ka tùtu wuu bɛ́ lɔn. Man gini Kiiri-Herɛsi la.

Izayii 21:3

Bɛ lɛ nɛ, ma kii á busi, ma nɔmaa maa nɛ, ka lɔ bɛ́ lɔn nɔɔrɔ koe. Là paparɛɛ la ma yii ni ma too a màn kɔn miɛ wa, nyɛ́ɛ la ma yii ni ma yii a màn kɔn yii wa.

Izayii 21:4

Ma yiri yoo, nyɛ́ɛ n ma gɔ̀nɔn bìn diɛ. Ma nə n yii diɛ wasamiɛ̃n la, ma boo la man susu, sɛnɛ, tèlò-n, nyɛ́ɛbaa n ma ganaa.

Izayii 22:4

Bɛ lɛ taman yii, man pii ka nɛ: «Ka ma toa walan ma dinsɔɔ̃, ka ma toa walan ma wuu pɛ kɔsɛkɔsɛ. Maa zaman bɔ̀n baa, sɛnɛ, ka nyan pɛ mà ka n ma foo wɛɛ wa.

Zeremii 13:17

Bɛ̀ ka n too kɔ gɔn waa kɛ li wa, man wuu pii ka durii ni kaa din koa kɛ taman yii. Ma yii mu n piɛ̃ kiɛ, a giala, maǹ nə́ Dɛnaa Lawa a zaman goa ǹ nə́ woe ne.

Zeremii 20:9

Má taasɛ ma gɔ́ɔ̃ nɛ, máa ma a re n taasɛ Dɛnaa Lawa n doo wa, máa ma a re a boo diɛ ka a tɔ-n doo wa. Sɛnɛ, ma gɔ́ɔ̃ nɛ, a boo lɛ n ka tɛ bɛ lɔn ma kuĩ. Ma nə n din nɔmɛɛ máa ma pàã yɛ ma la bɛa tɛ lɛ nɛ, sɛnɛ ma a boe la wa.

Zeremii 23:9

Lawa a boo gii-dalin paǹ li. Ma foo ziziɛ̃, ma gɔ̀nɔn yii n bìn diɛ. Man ka yɔ mi a la yii-n wole bɛ́ lɔn ka min mɛn bɛ́ duvɛ̃ ná a yii ganaa. Dɛnaa Lawa a lɛa nɛ, ka a boon kɛn nɛ, á ǹ pɛ ma nɛ.

Zeremii 4:21

Ziabaa ǹ zanzan kɛ n die goɛ̃ ma yɔrɔ-a yǎa biĩ, man die n too koe bɛnɛn kɛn wuu ganaa miɛ̃ duduu?

Zeremii 4:5

Ka boo kɛ pɛ Zudaa gána nɛ, ka sawaa Zeruzalɛmu. Ka sère gɔ̀lɔ̀ bɛn pɛ gána lɛ nɛ, ka n lɛ dɛ ka lɛn gole ne ka pɛ: «Ka n sɔsɔkɔn kiwi tamaa wolen ne!»

Zeremii 42:14

Á soɛ wɔ ganaa wɔ wo Ezipti gána nɛ. Walan, wɔ a re zia boo miɛ wa, wɔ a re bɛnɛn zia lɛ-dia wuu miɛ wa, bòo á re wɔ nɔmɛɛ doo wa. Wɔ n li wɔ giã walan lɛ nɛ.»

Zeremii 49:2

«Dɛnaa Lawa a da ǹ boo á ke, lɛawaan tá re doe, man die toɛ, ziabaa ǹ lɛ dɛ bɔ Rabaa, Amɔn tɔrɔn kiwi gole kɛ nɛ. Bɛa kiwi gole lɛ á re kɛbɔlɔ biɛ. Tɛ á re a lɛkoro lɛ-a kiwin kuĩ. Bǎãn mɛnɛn bɛ́ Izirayeli wɔ lɛa, á re ǹ sii.»

Zeremii 50:22

Gána lɛ gɔ́ɔ̃ nɛ, zia wuu n boe. Wàa koe babaraa n ka bɛ nɛ!

Zeremii 6:24

Wɔ bɛ́ wɔ bɛa kibərə lɛ ma, wɔ foo ziziɛ̃, nyɛ́ɛ wɔ kũ, wɔ n nɔmaa nɛ ka lɔ bɛ́ lɔn a nɛ yɛ biikoo li.

Zeremii 8:18

Màn kɔn ba boe la a maa foo busii kɛ nya wa. Ma foo n ka a yu!

Zeremii 8:21

Koe n ma mìi ni, maa zaman lɛ a koe taman yii. Ma foo ziziɛ̃, ma yiri nə́ n lɔlɔkɔn.

Zeremii 9:1

ccÁh! Man zoɛ̃ li ma goã diə gole ne, zii tɔ-wɔlen bɛ́ nɛn bɛ̀ ǹ golee bǎã mɛn nɛ. Ma á re maa zaman toɛ walan, ma wo sɔsɔɔ man bɔ ǹ li. Minin giala da kanaa wolen manɛ, Naarɛbaalin manɛ!

Zeremii 9:10

Man die Zeruzalɛmu biɛ kɛbɔlɔ gole lɛa, tolokan susu ǹ bǎã lɛa. Man die Zudaa kiwin bɔyɛɛ, ma ǹ baa kɛbɔlɔ lɛa, min ná a giã a-n doɛ̃ wa.

Busii pɛ 1:16

Bɛ lɛ n ke ma á wuu pii, ma yii mu gisĩ suù ni. A giala, min mɛn bɛ́ ma yii mu tuturi, a n nyin dii koe ma la, a wɔlɔ lui ma ganaa. Ǹ nə́ maa nɛnyaanan tumaa bɔ̀n baa. A giala, maa zɔ́ɔ lɛ pàã la ma nɛ.

Busii pɛ 1:20

Dɛnaa Lawa, ga maa koe kɛ ganaa. Ma gɔ́ɔ̃ n kuĩ ka tɛ bɛ́ lɔn. Ma gɔ̀nɔn yii nə n si ma la. A giala, má n gòãn dii n ganaa taãn-taãnɛ. Zii gialaa, zia nɛ, maa kion, gɛ̀ dinsɔɔ̃ nɛ.

Busii pɛ 2:11

Ma yii nànan nə́ tãtaã wuu gɔn. Ma yiri nə́ n lɔlɔkɔn. Koe mɛn maa zaman yɛ, ma a boe la ma á sii ma ganaa doɛ̃ wa. A giala, mu boro n nɛnyaan bɔnboɛɛnɛn gialaa kiwi lɛ a bǎã dadaraan nɛ.

Danayeli sɛ́wɔ 4:19

Kii, bɛa da kɛ lɛ, n din ni! A giala, n dɔ nə n gole kɔ, ń pàã yɛ ka da kɛ lɛ bɛ́ lɔn. N golebaa lɛ nə́ n da wɔlɔ la, á woo yǎa lon, n goledɛnaabaa lɛ woo yǎa kanaa paǹ tumaa ganaa.

Danayeli sɛ́wɔ 7:15

Masɛ Danayeli, ma yiri nə́ n lɔlɔkɔn, ma siin mɛnɛn yɛ, ǹ nə́ nyɛ́ɛ da ma-a.

Danayeli sɛ́wɔ 7:28

Boo lɛ a nya ǹ bǎã n ka kɛ nɛ. Siin lɛn nə́ masɛ Danayeli yiri lɔlɔkɔn parsiini, ma gɔ̀nɔn nə́ n si ma la. Sɛnɛ, má bɛa boon lɛn toa ma din gɔ́ɔ̃ nɛ.

Danayeli sɛ́wɔ 8:27

Bɛa biikoo li, masɛ Danayeli gù gã ma din-a, má busu kɔ lɛawaa paa. Ma bɛ́ má yoo, má wusoo má woo kii a dí nya. Bɛa sii-yɛ kɛ lɛ masɛ yiri lɔlɔkɔn parsiini. Sɛnɛ, min kɔ́n goã maa yiri lɔlɔkɔn lɛ mìi doɛ̃ wa.

Amɔɔsi 3:6

Bɛ̀ ń ziabaa ǹ bɛn wuu ma boe kiwi, nyɛ́ɛ á re a minin kuĩ. Bɔ̀n ba kiwi kɔn yii, bɛ̀ Dɛnaa Lawa na a lɛ kɔ wa.

Abakuku 3:16

Má bɛa bìn diɛ kɛ tumaa ma, ma foo ziziɛ̃. Ma lɛ n bìn diɛ nyɛ́ɛ gɔn, ma pàã nya. Ma a boe la ma á gole ma goãn la wa. Tɔrɔ mɛn yoo wɔ ganaa, ma nə n yii diɛ koe lɛawaa kɛ la kiĩn ni, Dɛnaa Lawa bɛ́ re die yui ǹ gialaa ǹ mɛn pinaa.

Minin nimi 10:9

Kaa gána nɛ, bɛ̀ ka á woe koe zɔ́ɔn lɛ ka zia nɛ, zɔ́ɔn mɛnɛn bɛ́ ka nɔmɛɛ, ka die ka bɛa bɛnɛn kɛn lɛn pɛ kɔsɛkɔsɛ. Bɛ n die toɛ masɛ nə n yiri koa ka li. Masɛ din Dɛnaa Lawa, kaa Lawa lɛ n die ka sii kaa zɔ́ɔn la kəni, ma ka kaa.

Rɔmu minin 10:1

Dɔɔ̃nɔn lɛn, ma bɛ́ giɛ màn mɛn li taãn-taãnɛ, ma ná a nyan dɔ koe Lawa lon Zuifun lɛa, bɛ n ka kɛ nɛ, ǹ kirisibaa yɛ.

Korɛnti1 14:8

Bɛ̀ ziabaa ǹ bɛn-pɛle ba a bɛn pii doɛ̃ foaãnɛ wa, die n die n yɔrɔ boe a wo zia la?

Galaasi minin 4:19

Maa giaáran lɛn, ma bɛ́ fuu mɛn yii kaa lɛa kanna, a n goon ka lɔ nɛ-yɛle a fuu ni, yǎa Krita yii ka nɛ.

Sii yɔrɔ-bɔlen 5:21

Kisɔn tà mu nə́ ǹ goa á kiɛ̃ ǹ nɛ, lɛlɛ lɛlɛ tà, Kisɔn tà mu lɛ. Maǹ tɔ we sisia, nyɛ́ɛ ná a ba ma ganaa wa.