Zeremii 36:7 - LAWA A BOO SONBORE 2011

⁷ Kɔntan, ǹ tumaa á re Dɛnaa Lawa nyankoe ka ǹ we ne, didie na a sii baraan kaa. A giala, Dɛnaa Lawa pɛ mà asɛ a foo yoo lɛ asɛ a zaman lɛ paǹ li, mà á gole á la yii ni.»

LAWA A BOO SONBORE

⁷ Kɔntan, ǹ tumaa á re Dɛnaa Lawa nyankoe ka ǹ we ne, didie na a sii baraan kaa. A giala, Dɛnaa Lawa pɛ mà asɛ a foo yoo lɛ asɛ a zaman lɛ paǹ li, mà á gole á la yii ni.»

Zeremii 36:7 ပူးပေါင်းရင်းမြစ်များ

Kiin2 22:13

«Sɛ́wɔ mɛn lɛ yɛ, boo mɛn bɛ́ bɛ gɔ́ɔ̃ nɛ, ka wo nɔ̀n da Dɛnaa Lawa la bɛ wɔ gɔn la, masɛ laanka zaman lɛ a lɛa, ka Zudaa minin tumaa nɛ. A giala Dɛnaa Lawa a foo yoo lɛ á gole. A foo na á yoo wɔ li, a giala wɔ digolon nə n too kɔ sɛ́wɔ kɛ lɛ a boo ganaa wa. Màn mɛn yii bɛ́ kiɛ̃ nɛ a nɛ, ǹ tɔ wɔ á kɔnpɛ ka bɛ-n wa.»

Kiin2 22:17

Ka bɛ́ ka ma toa walan, ka da yon gìĩ kɔɔ̃n tã guguru kɔ ǹ mànan kɔsɔn manɛ, ka ma foo yoo ka kaa nya ǹ dín ni, bɛ lɛ nɛ ma foo yoo bǎã kɛ lɛ li, ma foo lɛ ná a die wɛɛ wa.

KZS2 34:21

«Ka wo nɔ̀n da Dɛnaa Lawa la maa lɛa, kɔnlɛ ka Izirayeli laanka Zudaa a zaman gialakun kɛ nɛ. Ka nɔ̀n da ka sɛ́wɔ kɛa boon ne wɔ́ yɛ sisia. Taãn nɛ, wɔ digolon nə kɔ a boon lɛ wa. Boo mɛn bɛ́ kiɛ̃ nɛ sɛ́wɔ kɛ nɛ, ǹ kɔ bɛ lɛ wa. Bɛ lɛ nɛ, Dɛnaa Lawa foo doamaa nɛ a n yui wɔ li taãn-taãnɛ.»

Zeremii 1:3

Á wusoo á boo da-n doo Zoziasi a nɛgiĩ Zoakimu a kiibaa biikoo li Zudaa mìi la. Á boo da-n miɛ̃ yǎa Zoziasi a nɛgiĩ Sedekiasi a kiibaa lɛ̀ fulugoonbaa ǹ wɔ a mui soorobaa ǹ wɔ giala nyɔmɔɔ waáraa. A din biikoo lɛ nɛ, ǹ nə́ Zeruzalɛmu minin goa ǹ nə́ woo ǹ ne bɛ̀rɛbaa ǹ bǎã nɛ.

Zeremii 16:10

Bɛ̀ n boon kɛn tumaa da zaman lɛ nɛ ǹ mɛn waáraa, kɔntan min tá re nɔ̀n diɛ n la a pɛ: «Wàa na á baa Dɛnaa Lawa koe kɛ miã da wɔ mìi ni? Wɔ n wɔ sii baraa zɛnaa? Wɔa sã n ka wàa nɛ Dɛnaa Lawa, wɔa Lawa ganaa?»

Zeremii 19:15

– Dɛnaa Lawa Pàãyiidɛnaa, Izirayeli a Lawa a da ǹ boo á ke: «Ma dɔlɔn mɛnɛn boo da kiwi kɛ wɔ paǹ li ka a lɛkoro-a kiwin ni, man die yui ǹ gialaa ka bɛn nɛ. A giala, kiwi minin lɛn mìi n laa nɛ. Maǹ nə n piɛ̃ ǹ ba n too koe maa da ǹ boon li wa.»

Zeremii 21:5

Ma dinmaa n die zia biɛ ka ganaa ka maa foo-yoo baraa kɛ nɛ. Ma á re ma pàã laanka maa boo sii la nyɛɛ ka nɛ.

Zeremii 25:5

Maǹ nə́ pɛ ka nɛ: «Didie doamaa nɛ a na a giã ǹ gɔn baraa laanka a sii baraan kaa. Ka bɛ nɛ, ka á re boe la ka giã gána kɛ nɛ má kɔ ka laanka ka digolon la, duduu, yǎa duduu.

Zeremii 26:3

Kɔntan, ǹ tá re n too koe n lon, ǹ nə n gɔn bɔ ǹ giã ǹ gɔn baraa kɛ nɛ, ka bɛ-n kəni, ma goã máa ma á re dɔlɔ mɛn boe ǹ ganaa, ma á re wusii bɛ kio.

Zeremii 36:3

Kɔntan, Zudaa minin tá re a woo ǹ bǎã yii mà man die koe boe ǹ ganaa. Kɔntan, didie á re a giã ǹ gɔn baraa kiɛ, màn mɛn bɛ́ toɛ ma ǹ sii baraa laanka ǹ giã ǹ gɔn baraa toa ǹ nɛ.»

Zeremii 37:20

Zeremii tɔn kɛ ti a ganaa: «Kii, n too kɔ ma lon kanna. N too kɔ maa nyankɔ li. N nyan ma dia sɛ́wɔ-kiɛ̃li Zonaatan a kion doo wa, bɛ bie wa, man die giɛ̃.»

Zeremii 4:4

Ka n dinin kɔ Dɛnaa Lawa la lenlen, màn mɛn bɛ́ ka niɛ̃ ka boe masɛ ganaa ka bɛ bɔ, ka kaa yiikoonaabaa kɔ masɛ la. Bɛ bie wa, kaa sii baraan kɛn taman yii, man die maa foo-yoo kɛ kiɛ ka la, ka tɛ bɛ́ lɔn. Á re màn tumaa kuĩ, min kɔn ná a boe la a nimi wa.

Zeremii 42:2

ǹ nə́ woo dɔ Lawa a boo gii-dali Zeremii li ǹ nə́ pɛ nɛ: «Baalaa wɔ n wɔa nyankɔ lɛ si! Dɛnaa Lawa, n Lawa nyankɔ wɔsɛn yiikoonaan kɛn lɛa. Wɔ́ kiɛɛrɛ kɔ á la yii ni ka n din yii bɛ́ a ganaa lɔn.

Busii pɛ 4:11

Dɛnaa Lawa foo yoo á la yii ni, ǹ miã din da yɛ. A na á n yii taã Siɔn kiwi li. Á tɛ da a ganaa, á kiwi lɛ kũ, yǎa a gòã daa ganaa.

Ezekieli 12:3

Nsɛ minbuiin a nɛ, n too kɔ! N mànan sɔkɔn, ka wo bɛ̀rɛbaa ǹ bǎã-n wole a mànan bɛ́ lɔn. N soo penleen tiɛɛ̃nɛ ǹ dinin yii ni, n woo. N die n soo n nə n bɔ bǎã kɛ nɛ, n wo bǎã kɔsɔ nɛ ǹ dinin yii ni. Kɔntan ǹ tá re doɛ̃ ka bɛ nɛ, màn ǹsɛn man piã-wɔlen lɛa.

Ezekieli 13:13

Bɛ lɛ na á toa masɛ Dɛnaa Lawa á kɛ pii: «Maa foo-yoo lɛ gɔ́ɔ̃ nɛ, ma á re piɛ̃ gole diɛ bɔ ganaa, ma la gole da kaa ganaa. Maa foo busii lɛ gɔ́ɔ̃ nɛ, la a gii mɛn nə ke wɔlɔ yui, ma á re bɛ kiɛ ǹ la.

Ezekieli 20:33

A ma toa ma yii n koo, man die giɛ̃ ka mìi la, ma maa foo-yoo kɛ nyaa ka nɛ. Man die pàã zɛnɛɛ ka nɛ, ma maa boo sii la nyaa. Ma din Dɛnaa Lawa a da ǹ boo ne.

Ezekieli 22:20

Wɔrɔ nɛ, zan nɛ, fɔlɔ nɛ ka fɔlɔ bù ni, maǹ bɛa mànan lɛn kiɛ kɔn la fɔlɔ yo ǹ kùsì ni, ǹ tɛ wɔ ǹ giulun, yǎa ǹ yoe. A din yɔrɔ goon la, bɛ̀ ma foo busu ka li, á yoo ka li, ma á re ka soekɔn, ma ka kaa kɔn la fɔlɔ yo ǹ kùsì kɛ nɛ, ma ka tã.

Ezekieli 5:13

Ma foo mɛn yoo ke, yǎa ma a nyɛɛ ǹ bǎã yii. Man die n foo nyɛɛ ka dinin lɛn la, ma maa gɛ̀ dòo bɔ ka ganaa. Ka á re doɛ̃ ka bɛ-n kəni mà ma din Dɛnaa Lawa n má boo da ka nɛ, a giala ma foo na á goã yoo-n ka li kaa lɛ-tii kɛ lɛ a lɛa.

Ezekieli 8:18

A bɛ́ miɛ̃, ma dɔ n die dɔlɔ boe ǹ ganaa ka ma foo ne. Ǹ makara a die ma kuĩ, ma ǹ toa walan wa. Ta ǹ nə́ n lɛ dɛ ma kio kɔsɛkɔsɛ, masɛ a re n too koe ǹ lon wa.»

Danayeli sɛ́wɔ 9:13

Bɛa sii babaraa kɛ lɛ tumaa na á wɔ yɛ ka a bɛ́ kiɛ̃-n Muizu a landa sɛ́wɔ-n lɔn. A giala Dɛnaa Lawa, wɔa Lawa, wɔ gòã-kũ da n ganaa wa. Wɔ wusoo wɔ́ n bɔ wɔa sii baraan kio wa, n sonbore mɛn pɛ, wɔ tɔ wɔ á kɔnpɛ ka bɛ-n wa.

Danayeli sɛ́wɔ 9:18

E, maa Lawa, n too kɔ doɛ̃! Basaã mɛn wɔ yɛ, wɔ laanka n kiwi kɛ nɛ n din tɔ n la, n yii bũ n ga bɛa basaã lɛ-a. A giala, wɔa zɛnaa ǹ sii pepere a lɛa bie toɛ wɔ ń gòã-kũ kɛ diɛ n ganaa wa. Sɛnɛ, n din a makara-doɛ̃ gole kɛ a lɛa nɛ.

Ozee 5:15

Masɛ n die n la boe ǹ ganaa, yǎa ǹ golee ǹ dinin sã li, ǹ giɛ ma li. Bɛ̀ fuu nə́ ǹ yɛ, ǹ tá re ma basa boe.

Zowɛli 2:12

Dɛnaa Lawa n kɛ pii: «A bɛ́ miɛ̃, ka wusoo ka da ma li sisia, ka ka foo tumaa nɛ. Ka n lɛ sɔɔ, ka wuu pɛ, ka gòã-kũ da ma ganaa.

Zowɛli 2:13

Ka n gɔ́ɔ̃ binyəə, bɛ á soɛ ka lala diɛ nɛ.» Ka wusoo ka da Dɛnaa Lawa li, kaa Lawa lɛ. Bǐɛ̃ gigiã na a din li, a din nə makara doɛ̃ wole lɛa, a foo a yui fufuu wa. A minin narɛɛ á gole, á boe la a dɔlɔ toa min ni.

Zonaasi 3:8

Boroon doamaa nɛ ǹ goã minbuiinin laanka tɔɔn ganaa, ǹ nə n lɛ dɛ Lawa ganaa ka ǹ parsiini. Didie nə n taasɛ a wusoo a sii baraan kio, kakaarɛbaa ǹ siin mɛnɛn bɛ́ a gɔn lɛa, a bɛn kaa.

Zakarii 1:4

Ka nyan ka digolon lɛn zɔɔ̃ wa. Lɛlɛ, maa boo gii-dalin nə́ boo da ǹ nɛ, mà ǹ nə ǹ giã ǹ gɔn baraa kɛ kaa, kɔnlɛ ka ǹ sii bɔnɛɛ zɛnaan kɛn nɛ. Sɛnɛ, ǹ nə n too kɔ ma lon wa, ǹ nə n yiri koa ma li wa. Dɛnaa Lawa a da ǹ boo ne.

Timəə dí-pɛn 31:16

Dɛnaa Lawa pɛ Muizu ni: – Boɛɛnɛ, n tá re kanaa toɛ. N gɛ̀ kio, Izirayeli minin lɛn tá re n dinin koe kɔrɔbaa la: tɔrɔ kɔsɔn mɛnɛn bɛ́ gána lɛ nɛ, ǹ nə́ die woe we ǹ bii, maǹ die bɛn lɛn dìn guguru koe. Ǹ tá re masɛ toɛ walan, ǹ maa lɛ kɔ kɔn la kɛ ziziɛ̃, ma lɛ kɔ kɔn la mɛn lɛ wɔ kɔn-a ǹ nɛ.

Timəə dí-pɛn 31:17

Bɛa pinaa kəni, ma foo á re yui ǹ li. Ma á re ǹ toɛ walan, man yɔrɔ bɔyaa ma bɔ ǹ la. Bɛa biikoo li, tɔrɔ kɔsɔn tá re ǹ dii. Bɔ̀n gigiã laanka nɔmaa dadaran tá re doe ǹ ganaa. Ǹ tá re pii bɛa pinaa kɛ lɛ nɛ: «Bɛ̀ ń bɛa bɔ̀n gigiã kɛ yaa wɔ yii, wɔa Lawa lɛ na a ba kun ka wɔ-n doo wa.»