Zeremii 36:4 - LAWA A BOO SONBORE 2011

⁴ Zeremii lɛ dia Neriya a nɛgiĩ Baruku la, Dɛnaa Lawa boo mɛn tumaa da nɛ, á ǹ pɛ, Baruku kiɛ̃ sɛ́wɔ munii lɛ la, ki lɛa.

LAWA A BOO SONBORE

⁴ Zeremii lɛ dia Neriya a nɛgiĩ Baruku la, Dɛnaa Lawa boo mɛn tumaa da nɛ, á ǹ pɛ, Baruku kiɛ̃ sɛ́wɔ munii lɛ la, ki lɛa.

Zeremii 36:4 ပူးပေါင်းရင်းမြစ်များ

Izayii 30:8

Dɛnaa Lawa pɛ Izayii ni: «Kanna, boon kɛn kiɛ̃ goo la. Ǹ kiɛ̃ sɛ́wɔ dɔ nɛ Zeruzalɛmu minin yɔrɔ-a. Á re goɛ̃ siérebaa ǹ màn lɛa yǎa duduu.»

Izayii 8:1

Dɛnaa Lawa pɛ ma nɛ: «Sɛ́wɔ kiɛ̃ ǹ goo gole saa, n kɛ kiɛ̃ la foaã nɛ: Wo naforo ganaa fufuu, n mìi fɔ̃ a ganaa, n kokoo.»

Zeremii 25:13

Ma koen mɛnɛn tumaa boo da, kɛn kiɛ̃ nɛ sɛ́wɔ kɛ nɛ, man die bɛn diɛ gána lɛ mìi ni. Ma din a boo gii ni Lawa a boo gii-dali Zeremii pɛ tɔrɔn tumaa wɔ lɛa.

Zeremii 30:2

«Masɛ Dɛnaa Lawa, Izirayeli a Lawa a da ǹ boo á ke. Ma bɛ́ boon mɛnɛn diɛ n nɛ, ǹ tumaa kiɛ̃ sɛ́wɔ nɛ.

Zeremii 32:12

Má ǹ kɔ Maseya a nɔɔn, Neriya a nɛgiĩ Baruku la. Ma dɔɔ̃ngiĩ Hanaaneyeli laanka siéren mɛnɛn nə n gɔn bǎã da sɛ́wɔ lɛ nɛ, bɛn nə́ goã ǹ tan kɔnlɛ ka Zudaa minin mɛnɛn tumaa goã wɔlɔ lɛduə̃lin sumu-n.

Zeremii 36:14

Kii a dí-nyali dadaran lɛn nə́ tɔn Yewudi dia, ke Kuusi a nɔ̀ɔn fulupaa lɛa, Selemia a nɔ̀ɔn lɛa, Netania a nɛgiĩ lɛa, mà a wo pɛ Baruku ni, a daa, mà a sɛ́wɔ munii mɛn lɛ pɛ zaman lɛ yɔrɔ-a, mà a da ka bɛ dɔ nɛ a gɔn. Neriya a nɛgiĩ Baruku sɛ́wɔ munii lɛ saa, á daa ǹ li.

Zeremii 36:21

Kii tɔn Yewudi dia mà a wo sɛ́wɔ munii lɛ saa. Á woo saa Elisamaa a dí nya ǹ kion, á bɔ á mɛ la á n pii ka lɛn gole ne kii yɔrɔ-a ka a dí-nyali dadaran nɛ, ǹ mɛnɛn bɛ kun ni walan.

Zeremii 36:23

Bɛ̀ Yewudi sɛ́wɔ lɛ a paǹ mɛn pɛ á nya, kii lɛ n bɛ kukuri ka gɔya boɛɛn nɛ a zũ tɛ-n. A zɛnaa miɛ̃ yǎa sɛ́wɔ munii lɛ nya lenlen.

Zeremii 36:26

Á zii kɔ a nɛgiĩ Zerameyeli la, Azireyeli a nɛgiĩ Seraya nɛ, ka Abdeyeli a nɛgiĩ Selemia nɛ mà ǹ sɛ́wɔ-kiɛ̃li Baruku kũ ka Lawa a boo gii-dali Zeremii ni. Sɛnɛ, Dɛnaa Lawa nə́ ǹ koa tamaa-n bǎã sonbore ne.

Zeremii 36:27

Kii bɛa sɛ́wɔ munii lɛ tã ka Zeremii a boon lɛn nɛ Baruku kiɛ̃ ǹ la. Bɛ kio, Dɛnaa Lawa boo da Zeremii ni á pɛ:

Zeremii 36:28

– Sɛ́wɔ munii kɔsɔ saa, n sɛ́wɔ munii bibinaa lɛ a boon kiɛ̃ la, Zudaan kii Zozakimu nə ǹ mɛn lɛ tã.

Zeremii 36:32

Zeremii sɛ́wɔ munii kɔsɔ saa, á kɔ Neriya a nɛgiĩ sɛ́wɔ-kiɛ̃li Baruku la. Zeremii goã boon mɛnɛn pii ni, á bɛn kiɛ̃ la: Sɛ́wɔ munii bibinaa kɛa boon manɛ Zudaan kii Zozakimu nə́ ǹ tã, ka a kɔnboe kɔsɔn dɔn nɛ.

Zeremii 36:6

Sɛnɛ, lɛ sɔɔ kɛa pinaa, nsɛ wo Lawa a kion, ma Lawa a boon mɛnɛn pɛ n nɛ n nə́ ǹ kiɛ̃, n nə ǹ pɛ ka lɛn gole ne zaman yɔrɔ-a ka min mɛn tumaa bɛ́ re goɛ̃ Lawa a kion lɛ nɛ, ǹ nə́ bɔ Zudaa kiwin ni.

Zeremii 43:3

Sɛnɛ, Neriya a nɛgiĩ Baruku nə n sɔsɔmɛ n diɛ wɔ ganaa. A n li a wɔ wɔ *Baabilonii minin gɔn, ǹ wɔ dɛ hinlaa ǹ wɔ goa ǹ wo wɔ nɛ Baabilonii gána nɛ.»

Zeremii 51:59

Neriya a nɛgiĩ, Maseya a nɔ̀ɔn Seraya na á goã Zudaan kii Sedekiasi a sɔraasin sii yɔrɔ-bɔle lɛa. Sedekiasi a kiibaa lɛ̀ siibaa ǹ wɔ li, Seraya kɔ lɛ á woo Baabilonii. Koe mɛn tumaa doamaa bɛ́ a Baabilonii kiwi yɛ, ka boon mɛnɛn bɛ́ a n li a ǹ da kiwi lɛ ganaa, Zeremii goã á bɛn tumaa kiɛ̃ sɛ́wɔ munii la.

Ezekieli 2:9

Ma bɛ́ giɛ, bɛ̀ gɔn goon nə́ ke dia-n ma la, ka sɛ́wɔ-munii ná a nɛ.

Danayeli sɛ́wɔ 7:1

Baabiloniin kii Bɛltazaara a kiibaa lɛ̀ bibinaa li, Danayeli bɛ́ waa-n tán, á n narɛ, á siin kɔnɔn yɛ. Danayeli bɛa narɛɛ lɛ a boo mìi dadaran kiɛ̃,

Zakarii 5:1

Má n yii saa lon doo, má sɛ́wɔ munii goon yɛ piɛ̃ li.

Rɔmu minin 16:22

Masɛ Tɛrtusu mɛn sɛ́wɔ kɛ lɛ kiɛ̃, ma á fòo diɛ ka nɛ ka Dɛnaa tɔ nɛ.