Zeremii 32:30 - LAWA A BOO SONBORE 2011

³⁰ A kũ ǹ tenmaa waáraa ganaa, sii mɛn bɛ́ bɔnɛɛ ma yii li, Izirayeli minin laanka Zudaa minin man nə́ bɛ lɛ zɛnaa. Ǹ zɛnaa ǹ siin tumaa n ma foo yui. Dɛnaa Lawa a da ǹ boo ne.

LAWA A BOO SONBORE

³⁰ A kũ ǹ tenmaa waáraa ganaa, sii mɛn bɛ́ bɔnɛɛ ma yii li, Izirayeli minin laanka Zudaa minin man nə́ bɛ lɛ zɛnaa. Ǹ zɛnaa ǹ siin tumaa n ma foo yui. Dɛnaa Lawa a da ǹ boo ne.

Zeremii 32:30 ပူးပေါင်းရင်းမြစ်များ

Siin Giala 8:21

Dɛnaa bɛa wúlu màn gìĩ kɔ́ɔ̃n lɛ ma, á tɔ́n pɛ a din gɔ́ɔ̃ nɛ kɛnɛn: «Ma a re lɛn pipiã bíi tán li doo duduu, minbuiin nɛ a zɛnaa ǹ sii taman yii wa. Minbuiin nɛ n yui tán ka sii baraa zɛnaa nɛ a foo-n sɛn, sɛnɛ, ma a re dɔlɔ boe màn yiikoonaa tumaa ganaa doo duduu, ka ma bɛ́ má zɛnaa lɔn wa.

Izayii 63:10

Sɛnɛ, ǹ nə́ piã-wɔlen baa. Ǹ nə́ n Yiri sonbore kɛ foo ziziɛ̃. Dɛnaa Lawa nə́ n bɔyaa á ǹ zɔ́ɔ baa, a n zia biɛ ǹ ganaa.

Zeremii 11:17

Dɛnaa Lawa Pàãyiidɛnaa din na á n zumu. Sɛnɛ kanna, a n koe pii n ni Izirayeli minin laanka Zudaa minin sii baraa zɛnaan taman yii. A giala, maǹ nə́ wúlu mànan kɔ Baali la ǹ nə́ Dɛnaa Lawa foo yoo ne.

Zeremii 2:7

Má ka kaa gána sonbore ne, máa ka là yɛ a da nɛ ganaa, ka a gɔ́ɔ̃gɔ́ɔ̃ ǹ mànan dɔn nɛ. Sɛnɛ, kaa daa li, ká a gɔgɔrɛ kɔ. A na á goã ma din wɔ lɛa, sɛnɛ ka baa màn bɔbɔnɛɛ lɛa.

Zeremii 22:21

N goã yii-nyɛɛ la ǹ mɛn waáraa, má boo da n nɛ, sɛnɛ ń ma lɛ si ń pɛ: «Ma ba n too koe wa.» N nə́ n zɛnaa miɛ̃ lɛn, a kũ n tenmaa waáraa ganaa, n bin nə n too kɔ ma lon wa!

Zeremii 25:6

Ka nyan kɔ dìn lɛ ka ǹ guguru kɔ, ka n musin doa tán-a ǹ yɔrɔ-a wa. Ka nyan ma foo yoo ka dì nyín zɛnaa-n wa. Bɛa yɔrɔ lɛ la, ma a re baraa kɔn zɛnɛɛ ka-n wa.

Zeremii 25:7

Sɛnɛ, ka n too kɔ ma lon wa. Dɛnaa Lawa a da ǹ boo ne. Ka ǹ ká sii làfu zɛnaa, ká ma foo yoo ka kaa dì nyín zɛnaan kɛn nɛ, kɛn lɛn koe boe ka ganaa.»

Zeremii 3:25

Ka waa tán sìi li. Wɔa yii gugurubaa papaã. A giala, wɔ laanka wɔ digolon man wɔ sii baraa zɛnaa, Dɛnaa Lawa wɔa Lawa ganaa, a kũ wɔa tenmaa waáraa ganaa a da pelo yaa. Wɔ n too kɔ Dɛnaa Lawa wɔa Lawa a da ǹ boon li wa.

Zeremii 30:14

N sanan tumaa yiri bɔ n nɛ. Ǹ laadoo ba n ganaa doo wa. Zeruzalɛmu, má n dɛ ka zɔ́ɔ bɛ́ lɔn, má dɔlɔ baraa bɔ n ganaa, n sã gole kɛ laanka n sii baraa damata kɛa lɛa.

Zeremii 36:2

«Kanna kəni, sɛ́wɔ munii saa, ki lɛa. Ma boo mɛn tumaa da n nɛ Izirayeli gána a paǹ li, Zudaa gána nɛ ka gána kɔsɔn dɔn nɛ, a kũ Zoziasi a waáraa ganaa a da pelo yaa, n bɛn tumaa kiɛ̃ la.

Zeremii 44:3

Ǹ sii baraan mɛnɛn zɛnaa ǹ nə́ ma foo yoo ne, bɛ lɛ na á toa sii kɛ nə ǹ yɛ. A giala, maǹ nə́ da yon gìĩ kɔɔ̃n tã dì soreen manɛ, ǹ nə́ ǹ guguru kɔ, a da yaa, ǹ ba bɛa dìn lɛn dɔn dinin doɛ̃ wa, ka dɔn dinin ni ka ka dogolon dɔn ba ǹ doɛ̃ wa.

Zeremii 44:8

Ka ǹ ma foo yui ká kaa zɛnaa ǹ siin ni. A giala, ka ǹ da yon gìĩ kɔɔ̃n tiɛ̃ dì soreen manɛ Ezipti gána nɛ. Ka ǹ li ka papaã lenlen ka n bɔ gána lɛ nɛ, ka sii a kɔnboe baa kanaa a gánan tumaa yɔrɔ-a lɛn baraa bíi laanka sìi a paǹ li?

Zeremii 8:19

Ka n too kɔ, Maa zaman lɛ nə n toɛ wɔlɔ sɔsɔɔ nɛ, gú diɛ, Maǹ pii: «Dɛnaa Lawa ba *Siɔn doo wa? Kii ba kiwi lɛ n doo wa?» Maǹ nə́ ma foo yoo ka ǹ dìn kɛn nɛ, ka lawa kɔsɔn kɛn nɛ. Wàa na á baa kəni?

Ezekieli 20:28

Ma goã má n liɛ ǹ nɛ máa ma á re gána mɛn koe ǹ la, má bɛ kɔ ǹ la. Sɛnɛ, ǹ bɛ́ walan, bɛ̀ ǹ nə́ tenten yɛ sasa lon, hinlaa ta da nɛ á luu pã ka kɛkɛ, maǹ nə́ goã wúlu boe walan. Wúlu mànan mɛnɛn bɛ́ ma foo yui, ǹ nə́ bɛn kɔ walan, ǹ nə́ goã woe ka foo basã ǹ nyɔɔ gìĩ kɔɔ̃n kɛ-n walan, ǹ nə́ goã duvɛ̃ zumii walan.

Ezekieli 20:8

Sɛnɛ, ǹ nə́ n gòãn dii ma ganaa, ǹ lɛ kɔ ǹ nə́ n too kɔ ma lon wa. Màn bɔbɔnɛɛn mɛnɛn bɛ́ ǹ yɔrɔ-a, min kɔn na a wɔn kaa wa, ǹ Ezipti minin dìn kɛn toa walan wa. Má tɔ́n pɛ ma din gɔ́ɔ̃ nɛ, máa ma foo mɛn yoo ǹ li ke, máa yǎa ma dɔlɔ diɛ ǹ mìi ni, yǎa man foo nyɛɛ ǹ la Ezipti gána lɛ din gɔ́ɔ̃ nɛ.

Ezekieli 23:3

Maǹ nə́ goã kɔrɔbaa zɛnɛɛ Ezipti gána nɛ, bɛ̀ ǹ bɛ́ tɔn ten dinin. Maǹ nə́ ǹ foo bii tatama walan, ǹ nə́ n gɔn tatalaa ǹ nyɔn ganaa.