Zeremii 32:23 - LAWA A BOO SONBORE 2011

²³ Ǹ nə́ wɔ a nɛ, ǹ nə́ si ǹ nə́ baa ǹ wɔ lɛa. Sɛnɛ, ǹ nə n too kɔ n lon wa, ǹ kɔ n daraan lɛ wa, ǹ kɔ n dí-pɛn lɛ wa. Bɛ lɛ nɛ pelo, koe kɛ tumaa á boe ǹ ganaa.

LAWA A BOO SONBORE

²³ Ǹ nə́ wɔ a nɛ, ǹ nə́ si ǹ nə́ baa ǹ wɔ lɛa. Sɛnɛ, ǹ nə n too kɔ n lon wa, ǹ kɔ n daraan lɛ wa, ǹ kɔ n dí-pɛn lɛ wa. Bɛ lɛ nɛ pelo, koe kɛ tumaa á boe ǹ ganaa.

Zeremii 32:23 ပူးပေါင်းရင်းမြစ်များ

Ɛsidrasi 9:7

A kũ wɔ digolon biikoo kɛ ganaa, zɛ̀rɛ gole n wɔ ganaa, yǎa á daa pelo kɛ yaa. Wɔa sii baraan taman yii, wɔsɛn nɛ, wɔa kiin ni, ka wɔa Lawa a wúlu-bɔlen ne, kanaa a kiin nə́ pàã nyaa wɔ nɛ, ǹ nə́ zia da wɔ-a, ǹ nə́ wɔ baa bɛ̀rɛn lɛa, ǹ nə́ wɔa mànan kokoo, ǹ nə́ sìi da wɔ-a, sìi mɛn lɛ á ke tɔn wɔ gialaa pelo.

Nehemii 9:15

Bòo bɛ́ ǹ ganaa, ń màn-bii bɔ lon ń kɔ ǹ la, mu boro bɛ́ ǹ ganaa, ń mu bɔ para nɛ ń kɔ ǹ la. N goã ń nə́ n liɛ mà nsɛ tá gána mɛn lɛ koe ǹ la, ń pɛ ǹ nɛ, mà ǹ bɛ si ǹ baa ǹ wɔ lɛa.

Loen 78:10

A giala, manə ǹ Lawa a lɛ kɔ kɔn la lɛ tamaa wa, ǹ nə́ n piã ǹ kɔ a landa lɛ wa.

Zeremii 2:7

Má ka kaa gána sonbore ne, máa ka là yɛ a da nɛ ganaa, ka a gɔ́ɔ̃gɔ́ɔ̃ ǹ mànan dɔn nɛ. Sɛnɛ, kaa daa li, ká a gɔgɔrɛ kɔ. A na á goã ma din wɔ lɛa, sɛnɛ ka baa màn bɔbɔnɛɛ lɛa.

Zeremii 26:4

Ń tá re pii ǹ ni kəni mà Dɛnaa Lawa a da ǹ boon nə́ ke: Ka n too kɔ ma lon, ka kɔ maa dí-pɛn kɛn lɛ má ǹ kɔ ka la.

Zeremii 44:10

A da kaa pelo ǹ lɛ, min kɔn tɔn nə n din boɛɛn kɔ, á ma guguru kɔ wa. Min kɔn tɔn kɔ maa daraan laanka maa dí-pɛn kɛn lɛ wa, kɛn má ǹ kɔ ka la kɔnlɛ ka ka digolon ne.»

Zeremii 7:26

Sɛnɛ, ka n too kɔ ǹ lon wa, ka n too da wa. Ka mìi n laa nɛ, kaa bɔnɛɛbaa la ka digolon wɔ nɛ.

Busii pɛ 1:18

Dɛnaa Lawa n pepere, a giala, ma din ni má n piã ka a gɔn waa ma-n nɛ. Tɔrɔn tumaa, ka bǐɛ̃ kɔ ka n too kɔ. Ka ga maa là-paparɛɛ ganaa. Ǹ nə́ maa nɛlɔn laanka maa nɛgiĩn goa ǹ nə́ woo ǹ ne bɛ̀rɛbaa ǹ bǎã nɛ.

Busii pɛ 1:8

Á ke: Zeruzalɛmu sii baraa gole zɛnaa, á *gɔ̀ da a din ganaa. Min mɛnɛn nə goã a guguru koe, bɛn man pɔpɔsɛ. A giala, ǹ yii na a tontoro ganaa. Asɛ nə n bɔyɛɛ n dɔ̀ɔ̃ we, a n gini.

Ezekieli 20:18

Má kɛ pɛ ǹ nɛnyaanan manɛ don lɛ nɛ: «Ka baran kɔ ka digolen landa siin kɛn lɛ wa, ka baran ǹ sii zɛnaa ǹ gɔn saa wa, ka baran ǹ dìn kɛn guguru kɔ, ka *gɔ̀ da ka dinin ganaa wa.

Ezekieli 20:21

Sɛnɛ, ǹ nɛnyaanan lɛn dɔn nə́ n gòãn dii ma ganaa. Ǹ tɔ wɔ á kɔnpɛ ka maa landa boon kɛn nɛ wa, ǹ nə́ maa sii yɔrɔ bɔ ǹ boon kɛn tamaa, ǹ nə́ kɔ ǹ lɛ wa. Bɛn lɛn kɔmalɛ dɔ n toɛ min yii goã koo. Ǹ nə́ maa susu ǹ piin kɛn dɔn ziziɛ̃. Bɛ lɛ na á toa má tɔ́n pɛ máa ma foo mɛn yoo ke, man die dɔlɔ diɛ ǹ mìi ni, yǎa man foo nyɛɛ ǹ la diə gole kɛ lɛ nɛ.

Ezekieli 20:8

Sɛnɛ, ǹ nə́ n gòãn dii ma ganaa, ǹ lɛ kɔ ǹ nə́ n too kɔ ma lon wa. Màn bɔbɔnɛɛn mɛnɛn bɛ́ ǹ yɔrɔ-a, min kɔn na a wɔn kaa wa, ǹ Ezipti minin dìn kɛn toa walan wa. Má tɔ́n pɛ ma din gɔ́ɔ̃ nɛ, máa ma foo mɛn yoo ǹ li ke, máa yǎa ma dɔlɔ diɛ ǹ mìi ni, yǎa man foo nyɛɛ ǹ la Ezipti gána lɛ din gɔ́ɔ̃ nɛ.

Luku 17:10

Ka dɔn wɔ lɛ n miɛ̃. Lawa dí mɛn din tumaa kɔ ka la, bɛ̀ ka bɛ nya ka nya, ka pɛ mà kasɛn man dí-nyalin dininsɔɔ̃nɔn lɛa. Mà kasɛn man ka kaa wɔ lɛ zɛnaa.»

Zaã a sɛ́wɔ 15:14

Ma dí mɛn pɛ ka nɛ, bɛ̀ ka tá bɛ nyɛɛ, ka n masɛ a giaáran lɛa.

Galaasi minin 3:10

Sɛnɛ, min mɛnɛn bɛ́ n foo doɛ dí-pɛn ganaa, mà ǹsɛn nə pepere kɔ Lawa yɔrɔ-a, koe á re boe bɛn ganaa. A giala, á kiɛ̃-n Lawa a sɛ́wɔ nɛ: «Min mɛn bɛ́ a re koe bɛa dí-pɛ kɛ lɛ a boon lɛ a ǹ lɛ pã wa, bɔ̀n na á bɛa dɛnaa yɛ!»

Zaaki 2:10

Sonbore ne, bɛ̀ min mɛn Lawa a dí-pɛn kɛn goon din sɔɔ̃ ziziɛ̃, a zɛ̀rɛ n ka ǹ tumaa nɛ, haalɛ ta a ná a gialakunun kɛn tumaa tamaa.

Zozoe 21:43

Dɛnaa Lawa gána lɛ tumaa kɔ Izirayeli minin lɛn la. A giala, á goã á n lɛ kɔ ǹ digolon la, mà asɛ á re koe ǹ la. Izirayeli minin nə́ gána lɛ si, ǹ nə́ giã a nɛ.

Zozoe 23:16

Dɛnaa Lawa lɛ, kaa Lawa lɛa, bɛ lɛ kɔ kɔn la boo mɛn da ka nɛ, bɛ̀ ka bɛ toa walan, ka kiɛ̃ ka woo kaa tán dìn giulun ka bɛn guguru kɔ, Dɛnaa Lawa foo á re yui ka li. A gána sonbore mɛn lɛ kɔ ka la, á re ka dii bǎã goon a ka bɔ a nɛ.»