Zeremii 32:17 - LAWA A BOO SONBORE 2011

¹⁷ «E! Dɛnaa Lawa, n din ni n tán laanka lon zɛnaa, ka n Pàã gole ne, ka n boo sii la nɛ! Sii kɔn ba kaka koe n ganaa wa.

LAWA A BOO SONBORE

¹⁷ «E! Dɛnaa Lawa, n din ni n tán laanka lon zɛnaa, ka n Pàã gole ne, ka n boo sii la nɛ! Sii kɔn ba kaka koe n ganaa wa.

Zeremii 32:17 ပူးပေါင်းရင်းမြစ်များ

Siin Giala 18:14

Sii tan, bɛ n kaka á la yii ni, masɛ Dɛnaa Lawa n foɛ̃ bɛa zɛnaa li? Ma bɛ́ re n bɔyɛɛ, ma da n li ǹ mɛn waáraa lɛ̀ boe kɛnɛn yoroo, Saaraa á die nɛgiĩ yii.»

Kiin2 19:15

Á tɔ́n Dɛnaa Lawa nyankɔ á pɛ: «Izirayeli gána a Lawa, Dɛnaa Lawa, nsɛ mɛn bɛ́ lon màn yiikoonaan mìi la, n dinsɔɔ̃ n kanaa gánan tumaa a Lawa lɛa, a giala n din nə n lon laanka tán zɛnaa.

Kiin2 3:18

Sɛnɛ, bɛ din ba màn kɔn lɛa Dɛnaa Lawa yii li wa, a tá re Moabu minin lɛn dɔn we ka gɔn.

Nehemii 9:6

N din lɛ n Dɛnaa Lawa lɛa, n dinsɔɔ̃ goon toto! N din nə́ ń lon zɛnaa, lon gɔ́ɔ̃ nɛ, lon gɔ̀nɔn ganaa ǹ mànan tumaa nɛ, tán laanka a lalan mànan nɛ, yìsi mu laanka a gɔ́ɔ̃gɔ́ɔ̃ ǹ mànan nɛ. N din nə nyin koe ǹ tumaa la, lon màn pàãdɛnan kɛn man kiɛ tán n giulun.

Zɔbu 42:2

– Má dɔ̃ máa n tá boe sii din tumaa la, sii kɔn ba piɛ̃ n ganaa wa.

Loen 102:25

Bɛ lɛ nɛ, má tɔn pɛ: máa maa Lawa, n baran ma dɛ fufuu kɛnɛn wa. Dɛnaa Lawa, nsɛ nə n tan yǎa duduu.

Loen 136:12

A din pàã nɛ, a din we ne, a kɔn-narɛɛ a nyɛɛ duduu wa.

Bɔ bɛ̀rɛbaa nɛ 20:11

A giala, lɛawaa sɔrɔ gɔ́ɔ̃ nɛ, Dɛnaa lon laanka tán zɛnaa, ka yìsi mu ni, ka ǹ gɔ́ɔ̃gɔ́ɔ̃ ǹ mànan tumaa nɛ. Sɛnɛ, a na á n susu lɛawaa sɔbaabaa ǹ wɔ pinaa. Bɛ lɛ taman yii ni, Dɛnaa barka wɔ bɛa susu ǹ pii kɛ lɛ nɛ, á baa a din wɔ lɛa.

Izayii 42:5

Lawa, Dɛnaa Lawa n kɛ pii asɛ mɛn lon zɛnaa, a ná a lɛ bɔ. Á tán lɛ bɔ ka a gɔ́ɔ̃gɔ́ɔ̃ ǹ màn tumaa nɛ. Tɔrɔn mɛnɛn tumaa bɛ́ tán la, a n yiikoonaabaa koe ǹ la, a piɛ̃ kɔ a giã man wolen la.

Izayii 44:24

Dɛnaa Lawa n kɛ pii n ni, asɛ mɛn bɛ́ n si sii la wole lɛa, asɛ mɛn nə n zɛnaa n dan gɔ́ɔ̃ nɛ: Ma din ni Dɛnaa Lawa lɛa. Màn mɛn tumaa bɛ́ á tan, ma din ni má ǹ zɛnaa. Ma dinsɔɔ̃ n má lon lɛ bɔ, má kanaa nyɔmaa, min kɔn goɛ̃ yɛ a-n wa.

Izayii 45:12

Á bǐɛ̃ kɔ! Ma din ni má tán zɛnaa, ka minbuiin nɛn mɛnɛn bɛ́ giã-n la. Ma din ni má lon lɛ bɔ. Ma din ni leeren tumaa mìi la.

Izayii 59:1

Taãn nɛ, Dɛnaa Lawa gɔn ba kunu á la yii ni kirisibaa ganaa wa, a too dɔ bie á tã á la yii ni boo miɛ ganaa wa!

Zeremii 1:6

Má a lɛ si kɛnɛn: «Ebe, Dɛnaa Lawa, ma a boe boo diɛ la wa. Ma yii á kiɛɛrɛ á la yii ni.»

Zeremii 14:13

Má a lɛ si: «Sɛnɛ, Dɛnaa Lawa, á ke, n boo gii-dalin man pii zaman lɛ nɛ, mà zia hinlaa bòo ba re n koe ǹ lɛ doo wa. Sɛnɛ, mà Lawa n die là nyantoro taãn-taãn koe ǹ la kànaa.»

Zeremii 21:2

«Bǐɛ̃ kɔ n nɔ̀n da Dɛnaa Lawa la wɔa lɛa. A giala, *Baabiloniin kii Nebukadenezɔɔrɔ yoo ka zia-n wɔ gialaa. Kɔntan, Dɛnaa Lawa á re kaãbaa sii zɛnɛɛ a na a wɔlɔ lui wɔ ganaa.»

Zeremii 27:5

Ma din ni má tán zɛnaa, minbuiinin ni ka tɔɔn tumaa-n tán la. Man má ǹ zɛnaa ka ma pàã gole kɛ laanka maa boo sii la gole kɛ nɛ. Bɛ̀ min mɛn kɔɔ̃n kɔ ma ganaa, ma mànan mɛnɛn zɛnaa ma ǹ koe bɛa dɛnaa la.

Zeremii 32:27

– Masɛ Dɛnaa Lawa n màn yiikoonaa tumaa a Dɛnaa lɛa. Sii á boe la a kaka kɔ masɛ ganaa?

Zeremii 33:3

Ma bíi wɔ, ma á re n lɛ sii. Ma á re sii duriin nyɛɛ n nɛ, sii dadaran lɛa n bɛ́ n tɔ nə ǹ mɛnɛn dɔ̃ wa.

Zeremii 4:10

Ma á re pii kəni: – Áh! Dɛnaa Lawa, ń zaman lɛ laanka Zeruzalɛmu minin yiri sã taãn-taãnɛ, bɛ̀ n bɛ n goã ń pɛ: «Ka á re yii-nyɛɛ yii.» Sɛnɛ, gɔya sa n zoɛ̃ li á wɔ nyin boe.

Zeremii 51:15

Dɛnaa Lawa tán zɛnaa ka a pàã nɛ, á kanaa koa ka sii-doɛ̃ nɛ, á lon lɛ bɔ ka yiridɛnaabaa nɛ.

Zeremii 51:19

Sɛnɛ, Zakɔba a naforo ke, bɛ ba ka ǹ bɛ́ lɔn wa. Asɛ n kanaa tumaa a zɛnaali lɛa. A wɔ n ka Izirayeli tɔrɔn nɛ. A tɔ n: "Dɛnaa Lawa Pàãyiidɛnaa".

Ezekieli 11:13

A ma toa Lawa a boo gii lɛ diɛ, Benayia a nɛgiĩ Pelatia gã. Má tɔ́n bɔ má mɛnaa tán ma lɛ la, má n lɛ dɛ kɔsɛkɔsɛ má pɛ: «E, Dɛnaa Lawa! Izirayeli minin mɛnɛn nə goã, man die bɛn dɔn tumaa dii?»

Ezekieli 9:8

Ǹ bɛ́ minbuiin lɛ gialaa dii, ma dinsɔɔ̃-n má goã golee-n bii-a. Má tɔ́n na má kaa tán ma lɛ la má n lɛ dɛ má pɛ: «E, Dɛnaa Lawa! Izirayeli minin mɛnɛn nə la, n nə n die bɛn dii, n nə n foo nyɛɛ Zeruzalɛmu la?»

Danayeli sɛ́wɔ 2:22

Siin mɛnɛn bɛ́ zuzulu, yii bɛ́ a doe siin mɛnɛn gɔ́ɔ̃-n wa, a din nə bɛn nyɛɛ. Sii mɛn bɛ́ wɔlɔ tì li, a tá doɛ̃, a din li, wɔlɔ fúlu na a tan.

Danayeli sɛ́wɔ 6:20

Lɛ̀ din waa lɔn, kii yoo baayɛlɛ yiisoone, á woo yàran yala lɛ lɛ-a ka baa nɛ.

Zakarii 12:1

Dɛnaa Lawa a da ǹ boo á ke Izirayeli a paǹ li, asɛ mɛn nə lon lɛ bɔ, a ná a gòã daa, á fɔfoã kɔ minbuiin nɛ la, a da ǹ boo á ke:

Zakarii 8:6

Dɛnaa Lawa Pàãyiidɛnaa a da ǹ boo á ke: «Bɛ̀ bɛ á kaãbaa ǹ sii lɛa Izirayeli minin gialakunun kɛn yii li, a kaãbaa ǹ sii lɛa masɛ Dɛnaa Lawa Pàãyiidɛnaa yii li wa. Dɛnaa Lawa Pàãyiidɛnaa a da ǹ boo ne.

Minin nimi 11:23

Dɛnaa Lawa tɔ́n pɛ Muizu ni: «Masɛ pàã lɛ na á woo maa? Ma boo mɛn da, n tá re yii sisia, bɛ̀ bɛ á re n zɛnɛɛ n nɛ, hinlaa bɛ̀ a re n zɛnɛɛ n nɛ wa?»

Matiə 19:26

Yezu ga ǹ ganaa ka gongon, á tɔ́n pɛ ǹ nɛ: «Minbuiin nɛ ba boe la a n din kirisibaa wa. Sɛnɛ, Lawa á boe sii din tumaa la.»

Marki 10:27

Yezu ga ǹ ganaa ka gongon, á pɛ ǹ nɛ: «Minbuiin nɛ a boe la a n din kirisibaa wa, yǎa Lawa na a kirisibiɛ, a giala, Lawa n boe sii din tumaa la.»

Luku 1:37

A dɔ̃ sonbore, mà sii kɔ́n ba piɛ̃ Lawa ganaa wa.»

Luku 18:27

Yezu nə́ ǹ lɛ si: «Min ba boe la a nə n din kirisibaa wa, yǎa Lawa ná a kirisibiɛ.»

Nya ǹ dín 14:15

«Wàa na á baa ka tá siin kɛn zɛnɛɛ? Wɔsɛn dɔn man minbuiinin lɛa ka ka bɛ́ lɔn. Wɔsɛn bɛ́ boo kɔɔ̃n mɛn pii ka nɛ, bɛ n ka kɛ nɛ, wɔsɛn wáa ka n bɔ kɛa dì kooron kɛn kio, ka wusoo ka da Lawa yiikoonaa kɛ ganaa, Lawa mɛn bɛ́ á lon laanka tán zɛnaa, ka yìsi mu ni ka a gɔ́ɔ̃gɔ́ɔ̃ ǹ màn tumaa nɛ.

Nya ǹ dín 15:18

Masɛ din Dɛnaa lɛ n pii miɛ̃, masɛ mɛn bɛ́ má bɛa siin kɛn lɛn yɔrɔ bɔ má koa haalɛ lɛlɛ-lɛlɛ.»

Nya ǹ dín 17:24

Lawa nɛ, ǹ mɛn bɛ́ á kanaa da ka a gɔ́ɔ̃gɔ́ɔ̃ ǹ mànan nɛ. A n lon a Dɛnaa lɛa ka tán wɔ nɛ, bɛ lɛ nɛ, a ba giɛ̃ minbuiin a gɔn kion doen ne wa.

Sii-nyaan 4:11

«Wɔa Dɛnaa Lawa, n kɔnbɔ min tumaa nə n tɔ bɔ, ǹ nə n tɔ gole kɔ, ǹ nə n pàãdɛnaabaa dɔ̃. A giala, n din nə n màn tumaa zɛnaa, n din foo sii na á toa ǹ tan, n din nə́ n yiikoonaabaa kɔ ǹ la.»