Zeremii 31:7 - LAWA A BOO SONBORE 2011

⁷ Dɛnaa Lawa n kɛ pii: Ka n nyanyaa, ka foo kɔɔ̃nbaa ǹ lɛ dɛ Zakɔba ganaa. Min mɛn bɛ́ tɔrɔn tumaa mìi la, ka n da bɛ lɛ, ka n nyanyaa ka pɛ: Dɛnaa Lawa na a zaman kirisibiɛ, Izirayeli minin mɛnɛn yii bɛ́ á goã koo.

LAWA A BOO SONBORE

⁷ Dɛnaa Lawa n kɛ pii: Ka n nyanyaa, ka foo kɔɔ̃nbaa ǹ lɛ dɛ Zakɔba ganaa. Min mɛn bɛ́ tɔrɔn tumaa mìi la, ka n da bɛ lɛ, ka n nyanyaa ka pɛ: Dɛnaa Lawa na a zaman kirisibiɛ, Izirayeli minin mɛnɛn yii bɛ́ á goã koo.

Zeremii 31:7 ပူးပေါင်းရင်းမြစ်များ

Loen 106:47

Wɔ si sii la, Dɛnaa Lawa wɔa Lawa, wɔ sɔkɔn wɔa gána nɛ, n wɔ bɔ tɔrɔ kɔsɔn bii. Bɛa biikoo li, wɔ á re barka diɛ n nɛ, wɔ n tɔ sonbore kɛ kalaa, wɔ wɔ dinin koa n gugurukɔ gɔ́ɔ̃ nɛ.

Loen 126:2

Bɛa biikoo li, wɔ lɛ pã ka yaa nɛ, wɔ lɛwɔn nə foo kɔɔ̃nbaa boo diɛ. Maǹ pii gánan nɛ bɛa biikoo li: Dɛnaa Lawa sii gole zɛnaa ǹ nɛ dɛ!

Loen 14:7

Min mɛn bɛ́ re boe *Siɔn kele la, a Izirayeli kirisibaa, man zoɛ̃ máa ma bɛ yɛ. Bɛ̀ Dɛnaa Lawa din wusoo a ná a minin kɛn kaa ǹ bǎã nɛ, bɛa biikoo li, Izirayeli á die n nyɛnyɛɛ, a foo á die kɔɔ̃n koe.

Loen 28:9

N minin lɛn kirisibaa, n din wɔn lɛn gɛrɛsiɛ bɔ. N baa ǹ lɛduə̃li lɛa, n nə ǹ tamaa yǎa duduu.

Loen 67:1

Loe-saalin goledɛnaa loe mɛn lɔ tùtu wuu li.

Loen 69:35

Lon mànan laanka tán wɔn nɛ, yìsi mu laanka a gɔ́ɔ̃gɔ́ɔ̃ ǹ mànan nɛ, ka Lawa tɔ bɔ.

Izayii 1:9

Bɛ̀ Dɛnaa Lawa Pàãyiidɛnaa bie á min tɛn yii toa koo wɔ bii wa, bɛ̀ wɔ n die papaɛ̃ lenlen ka Sodɔmu laanka Gomɔɔrɔ kiwi bɛ́ lɔn.

Izayii 11:11

Bɛa pinaa kɛ nɛ, Dɛnaa n die n pàã nyɛɛ, ka a paabaa ǹ wɔ nɛ. Á re Izirayeli min gialakunun kɛn sii a ǹ kaa, ǹ mɛnɛn yii goã koo Asiirii gána nɛ, Ezipti gána a tán nɛ a lɛ̀gɔn la nɛ a lon ne a lɛ̀gɔn la nɛ, Etiopii gána nɛ, Elamu gána nɛ, Amaati ni, *Baabilonii gána nɛ, ka gánan mɛnɛn bɛ́ mu bii.

Izayii 37:31

Zudaa gána minin mɛnɛn yii goã koo, bɛn tá re goɛ̃ ka dan bɛ́ lɔn. Ǹ tá re gòon diin boe, ǹ wɔ tán. Ǹ gùrùn tá re nɛ koe.

Izayii 37:4

Asiiriin kii na á sɔraasin goledɛnaa dia die sɔ koe Lawa yiikoonaa ganaa. Toa bɛ̀ Dɛnaa Lawa too n sɔ kɔ kɛ miɛ, a dɔlɔ bɔ a ganaa a da ǹ boon kɛn lɛa! Nsɛ Izayii, Dɛnaa Lawa, n Lawa nyankɔ n zaman kɛa lɛa, ǹ mɛnɛn lɛn yii goã koo.»

Izayii 44:23

Nsɛ, lon, loe lɔ ka foo kɔɔ̃n nɛ. Nsɛ, tán giulun, n lɛn saa lon, a giala, Dɛnaa Lawa na á sii zɛnaa. Kasɛn kelen laanka dan kɛn nɛ daã nɛ, ka n lɛ dɛ ka foo kɔɔ̃n nɛ. A giala, Dɛnaa Lawa ná a zaman kirisibaa, a ná a tɔ golebaa nyaa Izirayeli gána nɛ.

Izayii 52:8

N too kɔ n bǎã-lɛduə̃lin lon, Ǹ tumaa n foo kɔɔ̃nbaa ǹ lɛ-dɛ we kun. A giala, ǹ yii na a ganaa Dɛnaa Lawa n wusii die Siɔn.

Izayii 61:9

Ǹ tá re kaa nɛnyaanan doɛ̃ tɔrɔn tumaa bii. Kaa nɔ̀ɔnɔn kɛn, ǹ tá re bɛn doɛ̃ bǎã tumaa nɛ. Bɛ̀ min mɛn nə́ ǹ yɛ, a n die ǹ doɛ̃ kɛ li: Maǹ tɔrɔ lɛa, Dɛnaa Lawa barka da ǹ ganaa.

Zeremii 20:13

Ka loe lɔ ka Dɛnaa Lawa tɔ bɔ nɛ, a giala, a n doobaa gɔsiɛ a bɔ min baraan gɔn.

Zeremii 23:3

Bɛ kio, má maa zaman gialakun kɛ loo má ǹ pɛsɛ̃ gánan mɛnɛn nɛ, ma dinmaa á re ǹ soekɔn ma bɔ ǹ nɛ walan, ma da ǹ nɛ ǹ lɛduə̃ ǹ bǎã nɛ. Ǹ tá re buluboe walan, ǹ mɔnaa.

Zeremii 3:23

Sonbore, màn mɛn tumaa bɛ boe kelen mìi ni, soɛ nɛ, zùũzùũ mɛn tumaa bɛ́ boe tentenen la, bɛn tumaa n minin siɛ̃. Sonbore, Dɛnaa Lawa, wɔa Lawa n Izirayeli kirisibiɛ.

Zeremii 31:12

Maǹ die, ǹ foo n kɔɔ̃nɛ, loe loe Siɔn kele la. Dɛnaa Lawa a bǐɛ̃baa ǹ mànan kɛn taman yii, ǹ yɔrɔ n tɛ pii, ǹ foo n kɔɔ̃nɛ: *Belee ne, duvɛ̃ nɛ, nyɔɔ buə̃ ne, sèren ne, bòen ne, diin ni. Maǹ die goɛ̃ ka dù gɔrɔ mɛn bɛ́ mu n boe sɔnbɔraa nɛ. Màn kɔn ba re nyaabiɛ ǹ ganaa wa.

Busii pɛ 1:1

Ebe! Ǹ nə́ n la bɔ a ganaa kəni, kiwi ke, piɛ̃ nɛ ka minbuiin ni lɛlɛ. A n ka lɔ giɔɔrɔ bɛ́ lɔn, asɛ mɛn goã a yii n guguru, tɔrɔn bii lɛlɛ. Asɛ mɛn goã gánan mìi la, sisia, á ke bɛ̀rɛbaa ǹ dí nyɛɛ.

Ezekieli 6:8

Sɛnɛ, ma á re toɛ ka gialakun nə goã zia lɛ kio, ma bɛn pɛsɛ̃ gána kɔsɔn nɛ.

Ozee 1:7

Sɛnɛ, Zudaa minin kɛn, ma á re makara boe bɛn ganaa. Ma din Dɛnaa Lawa nə ǹ Lawa lɛa, ma din nə die ǹ kirisibiɛ. Sɛnɛ, ma bie re ǹ kirisibiɛ ka sa-n wa, gɔya sa bie wa, zia bie wa, sùin bie wa, sùi da-baalin bie wa.»

Amɔɔsi 5:15

Ka n piã ka sii baraa nɛ, ka lɛ kɔ sii bǐɛ̃ ganaa. Ka toa sonbore yɛ kiri wɔ ǹ bǎã nɛ. Bɛ̀ ká zɛnaa miɛ̃, kɔntan pàã tumaa a Dɛnaa Lawa á re makara boe Zozɛfu tɔrɔ gialakunun kɛn ganaa.

Misee 2:12

Zakɔba tɔrɔn lɛn, ma á die ka tumaa soekɔn. Ma á die Izirayeli minin gialakunun lɛn soekɔn. Ma á die ǹ soekɔn ka sèren bɛ́ sèren kion lɔn, ka tɔɔn bɛ́ ǹ buu sɔ̃ ǹ bǎã-n lɔn. Ǹ lɛn tá re boe zaman lɛa.

Misee 7:18

N kɔnboe n ka wàa nɛ Lawa? N din nə minbuiinin sii baraa siɛ boe ǹ mìi ni. N din nə ǹ bɔlɔ-tii siin kɛn toɛ ǹ nɛ. N minin lɛn mɛnɛn yii goã koo, n din wɔn lɛn, n foo a die goɛ̃ yoo-n bɛn li miɛ̃ yǎa duduu wa. A giala, min makara doɛ̃ lɛ n kɔɔ̃nɛ n ganaa.

Sofonii 2:9

Bɛ lɛ nɛ, masɛ kanaa tumaa a Dɛnaa Lawa Pàãyiidɛnaa, Izirayeli a Lawa a da ǹ boo á ke: A ma toa ma yii n koo, Moabu n die n biɛ ka Sodɔmu kiwi bɛ́ lɔn, Amɔn minin kɛn man die goɛ̃ ka Gomɔɔrɔ kiwi bɛ́ lɔn, ǹ gána n die n biɛ nyan tewon lɛa, yìsi yala lɛa, ziziɛ̃-n miɛ̃ yǎa duduu. Maa zaman a min mɛnɛn yii goã koo, bɛn tá re ǹ gɔn dudui. Maa gána minin mɛnɛn yii bɛ́ koo, bɛn tá re ǹ biɛ kíɛ̃ lɛa.

Rɔmu minin 11:5

Bɛa yɔrɔ goon kɛ lɛ la, haalɛ ka pelo yii ni, Izirayeli min gialakun boɛɛn tan, Lawa din bɔ á kɔnpɛ a din a bǐɛ̃baa kɛ nɛ.

Rɔmu minin 9:27

Izayii dɔ́ pɛ Izirayeli wɔ gɔn la kɛnɛn: «Ta Izirayeli nɛnyaanan lɛn man mɔnaa-n ka mu lɛ-a ǹ nyɔɔsɔ̃ bɛ́ lɔn, ǹ gialakun boɛɛn dininsɔɔ̃nɔn man die kirisibiɛ.

Timəə dí-pɛn 28:13

Dɛnaa Lawa n die ka diɛ nyɛɛnɛ, a re ka toɛ kio wa. Ka n die woe nyɛɛn miɛ̃ duduu, ka a wusii ka kio-n wa. Sɛnɛ, ma bɛ́ kaa Lawa, Dɛnaa Lawa a gɔn waa ǹ boo mɛnɛn lɛn koe ka la pelo, yǎa ka bɛn lɛn sii, ka ǹ tamaɛ, ka koe ǹ lɛ.

Timəə dí-pɛn 32:43

Tɔrɔn lɛn, ka n nyɛnyɛɛ kun ka Dɛnaa a zaman nɛ. A giala, a n die a dí-nyalin lɛn gɛ̀ dòo boe, a n die dɔlɔ diɛ a zɔ́ɔn lɛn mìi ni. Sɛnɛ, á re a gána lɛ laanka a minin lɛn sii baraan sawɛɛ.