Zeremii 31:4 - LAWA A BOO SONBORE 2011

⁴ Izirayeli zaman, ma á re n siɛ ma n da lon, ǹ wusoo ǹ nə n dɔ. N tá re wusii, n maà sonboren goa, n wo bɛ̀ baa kun ka zɔ́n zɛnaa wolen ne.

LAWA A BOO SONBORE

⁴ Izirayeli zaman, ma á re n siɛ ma n da lon, ǹ wusoo ǹ nə n dɔ. N tá re wusii, n maà sonboren goa, n wo bɛ̀ baa kun ka zɔ́n zɛnaa wolen ne.

Zeremii 31:4 ပူးပေါင်းရင်းမြစ်များ

Kiin2 19:21

Dɛnaa Lawa bɛ́ boo mɛn diɛ Senankeribu ganaa bɛ á ke: A n zɔ̀ɔ doe n ne, a n yaa we n ganaa, *Siɔn nɛlɔ kɛ lɛ, a ná a giĩ doɛ̃ wa. A nə n kɔkɔrɔ zuĩ n kio wɔlɔ-a, Zeruzalɛmu a nɛlɔ lɛ.

Loen 149:3

Ka bɛ̀ baa ka a guguru kɔ nɛ, ka maà laanka tùtu dɛ, ka a gugurukɔ nɛ.

Loen 30:11

Dɛnaa Lawa, makara bɔ ma ganaa n nə n too kɔ! Dɛnaa Lawa, n din nə n baa maa dɔmalɛ wole lɛa!

Loen 51:18

N bie giɛ li, mà ma *wúlu màn kɔ n la wa. Haalɛ wúlu màn mɛn bɛ́ ǹ nə́ tã á kukũ lenlen, bɛ kɔn bie n yii kiɛ̃ wa.

Loen 69:35

Lon mànan laanka tán wɔn nɛ, yìsi mu laanka a gɔ́ɔ̃gɔ́ɔ̃ ǹ mànan nɛ, ka Lawa tɔ bɔ.

Izayii 14:1

Dɛnaa Lawa á re makara boe Zakɔba tɔrɔn ganaa. Sonbore, á re nyɛɛ mà asɛ din na á Izirayeli tɔrɔn yii gɔgɔɔ̃, á re woe ǹ ne ǹ tán la. Tiin tá re kiɛ kunun ǹ ni, ǹ dɔn nə Zakɔba tɔrɔn baa.

Izayii 30:32

Dɛnaa Lawa bɛ́ re ǹ dii ka bàbàla mɛn nɛ maà laanka tùtun wuu n die koɛ kɔn la ka bàlà wuu gogoonmaa nɛ. Dɛnaa Lawa n die n gɔn pepere Asiirii li, a zia baa a ganaa.

Izayii 37:22

Á ke, Dɛnaa Lawa n kɛ pii Senankeribu a paǹ li: N tìĩ bɔ *Siɔn kiwi ni, a n yaa we n ganaa. Zeruzalɛmu kiwi nə n mìi papasɛ n ganaa.

Zeremii 1:10

A dɔ̃ mà pelo, mà man pàã koe n la, tɔrɔn laanka gánan mìi la: N tá re màn woɛ̃, n màn dɛ n kaa. N tá re ziziɛ̃, n wuru. N tá re doe, n zumu.

Zeremii 14:17

N bɛ́ re boo mɛn diɛ ǹ nɛ, á ke: Penleen ka tèlò, ma yii mu pã á kaa suuu! Koe gole na á maa zaman yɛ, busulɛ gole ne.

Zeremii 18:13

Dɛnaa Lawa n kɛ pii: Ka nɔ̀n da tɔrɔ kɔsɔ minin la: Ka bin tɔn boon kɛn miãn ma? Izirayeli zaman lɛ na á sii bɔbɔnɛɛn zɛnaa.

Zeremii 24:6

Hiĩ, man giɛ ǹ ganaa ka yɔrɔ bǐɛ̃ nɛ. Man die wusii ma da ǹ nɛ gána kɛ nɛ. Ma ba re ǹ wurii doo wa, man die ǹ doe. Ma ba re ǹ woɛ̃ doo wa, man die ǹ zumi.

Zeremii 31:13

Ǹ nɛlɔn tá re bɛ̀ biɛ ka foo kɔɔ̃n nɛ, nɛ tenən laanka min zizin tá re n nyɛnyɛɛ kun. Ma á re ǹ gɛ̀ koan bɔyɛɛ ma baa zɔ́n lɛa. Ǹ foo ziziɛ̃ gɔ́ɔ̃ nɛ ma á re ǹ foo wɛɛ, ma á re ǹ kiɛ̃ ka foo kɔɔ̃nbaa nɛ.

Zeremii 31:21

Mànan wɔ tán n zii lɛkoro-a, mànan mɛnɛn bɛ́ a lɛ dan nyɛɛ foaãnɛ. N zii mɛn saa, yiri bɔ li, zii ke n ta la, yiri bɔ li. Izirayeli a zaman, ka n bɔyaa ka daa. Ka n bɔyaa ka da kaa kiwin ni.

Zeremii 31:38

Lɛawaa á re doe, Dɛnaa Lawa a da ǹ boo ne, Zeruzalɛmu kiwi lɛ á re wusii a n dɔ ma din wɔ lɛa, a kũ Hanaaneyeli a sanabolo kɛ ganaa, a wo gùrùn kiɛnlɛ kɛ yaa.

Zeremii 33:7

Ma á re die Zudaa laanka Zeruzalɛmu a wo bɛ̀rɛbaa ǹ bǎã-n wolen ne piɛ, ma ǹ lɛlɛ ǹ giã ǹ gɔn kɛ kɔ ǹ la.

Zeremii 46:11

Ezipti minin, ka yoo ka wo Galaati gána nɛ, ka ga nyɔɔ li, ka lɔ kaa busulɛn ganaa. Sɛnɛ là ba a ganaa ka dagòã gigiã si kooro wa. Kaa busulɛn lɛn ba nyɛɛ wa.

Busii pɛ 1:15

Dɛnaa Lawa maa sɔraasi kakan tumaa dɛ. Á zia-baali kurun sɔkɔn masɛ á lɛa, ǹ nə́ daa maa sɔraasi tenən yɔyɔrɛ. Á ma tɔtɔrɔ yala-n, ka ǹ bɛ́ rezɛ̃ tɔtɔrɛ lɔn, ma din Zeruzalɛmu, Zudaa kiwi.

Busii pɛ 2:13

Man die pii n ni máa lɔn Zeruzalɛmu? Man die n zoɛ̃ kɔn ka die ne? Siɔn kiwi doobaanɛ, man die sii a kɔnboe yii maa ma nyaa n nɛ n foo tɔn waa? N koe lɛ a golebaa n ka yìsi mu bɛ́ lɔn. Die n boe la a n kaka kɔ?

Amɔɔsi 5:2

Izirayeli minin lɛn nə́ kaa, ǹ ba re yui doo wa. Ǹ tá tán-a, min kɔn banban a tá ǹ goɛ ǹ kiɛ lon wa.

Amɔɔsi 9:11

Dɛnaa Lawa n kɛ pii: "Davida a kiwi" kɛ n ka mɔnaa zìã bɛ́ lɔn, á ziziɛ̃. Sɛnɛ bɛa pinaa kɛ lɛ nɛ, yala bɛ́ a kungɔn kɛa paǹan mɛnɛn ganaa, ma á re bɛn titiɛ̃. A bǎãn mɛnɛn nə kaa, ma á re wusii ma bɛn dɔ. Ma á re goɛ ma koa lon, a goã ka a bɛ́ lɔn lɛlɛ.

Luku 15:23

Ka da ka diin nɛ kurunkurun kɛ nɛ, ka dɛ, wɔ màn bii kun ka nyɛnyɛɛ nɛ.

Nya ǹ dín 15:16

Lawa pɛ: «Bɛa sii kɛ lɛ kio, ma á re die, Davida tɔrɔ minin mɛnɛn bɛ́ ka kion kaa wole bɛ́ lɔn, ma á re wusii ma ǹ saa ma ǹ da lon. Bɛa kion kɛ lɛ a kɛ-bɔlɔ mɛn goã, ma á re wusii ma bɛ dɔ, ma da lon.

Sii yɔrɔ-bɔlen 11:34

Zɛftee bɛ́ boe Mispaa die piɛ, bɛ̀ a nɛlɔ á ke á soo a n maà dii, bɛ̀ biɛ, die n diɛ lɛ. A din lɛ dɔ na a nɛ lɛa, goon toto. Bɛ̀ á n bɔ bɛ lɛ nɛ, a ba a lon nɛgiĩ lɛa wa, a ba a lon nɛlɔ lɛa wa.