Zeremii 31:34 - LAWA A BOO SONBORE 2011

³⁴ Min kɔn ba re ǹ miã hinlaa ǹ dɔɔ̃n darɛɛ a pɛ-n kɛnɛn wa: «Ka n daraa Dɛnaa Lawa doɛ̃ ganaa!» A giala, min tumaa á re ma doɛ̃. A kũ nɛnyaanan ganaa, a wo min zizin yaa. Ma á re ǹ sãn toɛ ǹ nɛ, ma yiri bɔ ka ǹ sii baraan nɛ. Dɛnaa Lawa a da ǹ boo ne.

LAWA A BOO SONBORE

³⁴ Min kɔn ba re ǹ miã hinlaa ǹ dɔɔ̃n darɛɛ a pɛ-n kɛnɛn wa: «Ka n daraa Dɛnaa Lawa doɛ̃ ganaa!» A giala, min tumaa á re ma doɛ̃. A kũ nɛnyaanan ganaa, a wo min zizin yaa. Ma á re ǹ sãn toɛ ǹ nɛ, ma yiri bɔ ka ǹ sii baraan nɛ. Dɛnaa Lawa a da ǹ boo ne.

Zeremii 31:34 ပူးပေါင်းရင်းမြစ်များ

KZS1 28:9

Nsɛ dɔ, maa nɛgiĩ Salomɔn, toa n nə daraa n díi a Lawa doɛ̃ ganaa. Dí nya nɛ n foo ná a talɛɛ-n ma, n yiri n bǎã goon ne. A giala, Dɛnaa n giɛ wɔ gɔ́ɔ̃ ganaa, á minbuiinin taasiɛ din tumaa doɛ̃. Bɛ̀ n ga li á re toɛ n yɛ. Sɛnɛ bɛ̀ n tii, á re n zuĩ bii-a yǎa duduu.

Loen 25:7

Maa tenbaa waáraa a sã ǹ siin laanka bɔlɔ tii siin kɛn, n baran ma kũ bɛn li wa. Dɛnaa Lawa, ma kũ n din a kɔn-narɛɛ gole kɛ li, n bǐɛ̃ duduu kɛa lɛa.

Izayii 11:9

Baraabaa laanka kakaarɛbaa goon din ba re n zɛnɛɛ Dɛnaa Lawa a kele sonbore kɛ la wa. A giala, gána lɛ n die piɛ̃ ka Dɛnaa Lawa doɛ̃ nɛ, ka yìsi mu bɛ́ piɛ̃ nɛ ka mu-n lɔn.

Izayii 29:24

Yiriwɛɛnaan tá re yiri yii, boo bisin dalin tá re n too koe doroo li.

Izayii 30:26

Ǹ kɔn pinaa, Dɛnaa Lawa na a zaman lɛ a bayɛrɛn pii. Bɛ̀ a ná a busulɛn nya, mui á re tɛ pii ka wasa bɛ́ lɔn, wasa á re a lɛawaa sɔbaa fúlu kiɛ pinin goon.

Izayii 33:24

Zeruzalɛmu kiwi, min kɔn ba re pii mà asɛ a lon wa. Zaman mɛn bɛ́ giã-n walan, ǹ tá re a sii baraan toɛ nɛ.

Izayii 33:6

A n die goɛ̃ ǹ yii-nyɛɛ lɛa yǎa duduu. A din ni minin kirisibiɛ, a n yiridɛnaa lɛa, a n sii tumaa doɛ̃. Nyɛ́ɛ baa Dɛnaa Lawa yii-n nə naforo lɛa.

Izayii 38:17

Á ke, maa foo-ziziɛ̃ gole nə́ n bɔyaa á là nyantoro baa. Hiĩ, n maa yiikoonaabaa narɛɛ á la yii ni yǎa n ma kanbaa gɛ̀ ganaa, n maa sii baraan tumaa zũ n kio sɔsɔɔ.

Izayii 43:25

Ma bɛ́ màn mɛn lɛa, bɛ lɛ taman yii, ma dinsɔɔ̃ nə n sii baraan toɛ n nɛ, ma a re n yiri koɛ ǹ nɛ doo wa.

Izayii 44:22

Má n sãn kɛn tuturu ka labara bɛ́ lɔn. Má n sii baraan kɛn loo ka furuməə bɛ́ lɔn. Wusoo n da ma li, ma nə n si sii la wole lɛa.»

Izayii 52:6

Bɛ lɛ nɛ, maa zaman tá re ma tɔ doɛ̃. Sonbore, ǹ kɔn pinaa ǹ tá re doɛ̃ mà ma din ni pii kɛnɛn: Ma á die!»

Izayii 54:13

Masɛ Dɛnaa Lawa á re n nɛnyaanan tumaa darɛɛ. Ǹ tá re goɛ̃ yii-nyɛɛ gole gɔ́ɔ̃ nɛ.

Zeremii 24:7

Ma á re toɛ ǹ dɔ̃ mà ma din ni Dɛnaa Lawa lɛa. Ǹ tá re n bɔyɛɛ ǹ masɛ wɔ baa ka ǹ foo din tumaa nɛ. Ǹ tá re maa zaman biɛ, masɛ dɔ á re ǹ Lawa biɛ.»

Zeremii 32:40

Man die lɛ kɔ kɔn la we ǹ ne duduu wɔ lɛa. Biikoo tumaa li, ma á re ǹ nyɛɛnaan boe, ma bǐɛ̃ zɛnaa ǹ nɛ. Ka bɛ-n kəni, ǹ tá re nyɛ́ɛ biɛ ma yii-n taãn-taãnɛ, ǹ nə́ ǹ ba n wɔlɔ lui ma ganaa wa.

Zeremii 33:8

Ǹ sii baraa mɛn tumaa zɛnaa masɛ nɛ, ma á re ǹ *yoreen koe, ma ǹ sii baraan toa ǹ nɛ ka ǹ gòãn dii ǹ siin kɛn nɛ masɛ ganaa.

Zeremii 50:20

Bɛa biikoo li, bɛa pinaa kəni, ǹ tá re giɛ Izirayeli a sãn li, sɛnɛ ǹ ba re màn kɔn yii wa. Ǹ tá re giɛ Zudaa a sãn li, sɛnɛ ǹ ba re màn kɔn yii wa. A giala, min mɛnɛn yii bɛ́ re goɛ̃ koo, ma á re bɛn sãn toɛ ǹ nɛ. Dɛnaa Lawa a da ǹ boo ne.

Zeremii 9:23

Min mɛn bɛ́ zoɛ̃ li a n din kalaa, a n din kalaa kɛa lɛa: A yiri tan, a n masɛ doɛ̃. A giala, masɛ Dɛnaa Lawa a dí n ka makara-doɛ̃ nɛ, sonborebaa nɛ, ka peperebaa nɛ tán la. Bɛ lɛ n kɔɔ̃n ma ganaa. Dɛnaa Lawa a da ǹ boo ne.

Ozee 2:20

Bɛa pinaa kɛ nɛ, maa zaman lɛ taman yii, ma á re lɛ kɔ kɔn la we ka don mànan nɛ, bàanan nɛ lon, ka màn baaran nɛ tán. Sa nɛ, gɔya sa nɛ, ziabaa ǹ mànan kɛn tumaa nɛ, ma á re ǹ yiyiɛ, ma ǹ bɔ gána lɛ nɛ. Ma á re toɛ gána lɛ a minin nə nyuù wɔ kiĩni.

Misee 7:18

N kɔnboe n ka wàa nɛ Lawa? N din nə minbuiinin sii baraa siɛ boe ǹ mìi ni. N din nə ǹ bɔlɔ-tii siin kɛn toɛ ǹ nɛ. N minin lɛn mɛnɛn yii goã koo, n din wɔn lɛn, n foo a die goɛ̃ yoo-n bɛn li miɛ̃ yǎa duduu wa. A giala, min makara doɛ̃ lɛ n kɔɔ̃nɛ n ganaa.

Misee 7:19

Á die wusii a makara bɔ wɔ-a doo. Á die wɔa sii baraan toɛ wɔ nɛ, á ǹ tuturu a ǹ bɔ wɔ-a lenlen.

Abakuku 2:14

Sonbore, min tumaa á re Dɛnaa Lawa a gugurubaa doɛ̃. Á re tán piɛ̃ ka yìsi mu gole bɛ́ lɔn.

Matiə 11:27

Maa Díi Lawa na á màn din tumaa sii toa ma gɔn. Min kɔ́n ba Nɛgiĩ doɛ̃ wa, bɛ̀ á n bɔ Díi dinsɔɔ̃ nɛ, min kɔ́n ba Díi doɛ̃ wa, bɛ̀ á n bɔ a Nɛgiĩ lɛ dinsɔɔ̃ laanka Nɛgiĩ lɛ bɛ́ li a nyaa min mɛn nɛ.

Luku 1:77

Ma n die sii-doɛ̃ koe wɔsɛn tɔrɔ minin kɛn la, Lawa bɛ́ re minin nyin sii lɔn, a bɛ́ re sii baraan toɛ ǹ nɛ lɔn, ǹ bɛ dɔ̃.

Zaã a sɛ́wɔ 17:3

Nyin nyabaã lɛ n ke, ǹ nə n din lɛ dɔ̃, Lawa taãn goon toto lɛa, n masɛ Yezu *Krita mɛn dɔ dia, ǹ ma dɔ dɔ̃.

Zaã a sɛ́wɔ 17:6

N min mɛnɛn bɔ kanaa lɛ gɔ́ɔ̃ nɛ, n nə́ ǹ kɔ masɛ la, má n tɔ nyaa bɛn manɛ. Maǹ nə́ goã n din wɔn lɛa, sɛnɛ, ma n nə́ ǹ kɔ masɛ la. Ǹ nə́ n boo si,

Zaã a sɛ́wɔ 6:45

A tá kiɛ̃-n Lawa a boo gii-dalin sɛ́wɔ nɛ mà Lawa á die min tumaa doree. Min woo min á masɛ a Díi a da ǹ boo ma, a ná a doroo si, bɛa dɛnaa n die masɛ li.

Nya ǹ dín 10:43

Lawa a boo gii-dalin lɛn tumaa na á goã boo kɛ pii a din lɛ wɔ gɔn la, mà min woo min golee li, mà Lawa n die bɛa dɛnaa a sii baraan toɛ nɛ ka a din lɛ tɔ pàã nɛ.»

Korɛnti2 2:10

Bɛ̀ ka min a sã ǹ sii toa nɛ, masɛ dɔ n toɛ ǹ dɛnaa nɛ. A giala, bɛ̀ sii tan má n kɔnboe ma toa, man toɛ ka dinin lɛa *Krita yɔrɔ-a,

Korɛnti2 4:6

Lawa mɛn bɛ́ á pɛ mà wɔlɔ fúlu yɛ wɔlɔ tì bii, a din na á toa wɔlɔ fúlu tɛ pɛ ma dɔ foo ne. Lawa a gugurubaa mɛn bɛ́ tɛ pii Yezu Krita yɔrɔ nɛ, a n mà minin nə boo la ǹ bɛ dɔ̃.

Efɛɛzi minin 1:7

Krita na á wɔ si bɛ̀rɛbaa la ka a din mà nɛ. A din na á toa wɔa sii baraan nə́ n toa wɔ nɛ. Lawa a bǐɛ̃baa lɛ á gole!

Tesaloniki1 4:9

Ka laadoo ba a ganaa doo min sɛ́wɔ dia ka la, a dɔɔ̃nɔn kɔn-narɛɛ boo da ka-n wa. A giala, ka dininmaan nə́ n daraa kɔn-narɛɛ ganaa Lawa li.

Ebrəə 5:12

Bɛ̀ ka doamaa-n kanna ka minin-daraalin baa, sɛnɛ, ka laadoo n tɔ́n na a ganaa, ǹ Lawa a boo lɛ a daraa giala kɔ ǹ bǎã siin nyaa ka nɛ. A dɔ bǎã mɛn nɛ, ka doamaa-n ka màn-bii ni, sɛnɛ ka laadoo-n tɔn nyɔ ganaa.

Ebrəə 8:11

Ǹ min kɔ́n ba re a din tɔrɔ min hinlaa ǹ dɔɔ̃n darɛɛ doo a pɛ nɛ, mà a Dɛnaa Lawa dɔ̃ wa. A giala, ǹ tumaa á re ma doɛ̃, a kũ ǹ bɔbɔnboɛɛn ganaa a wo ǹ gole yaa.

Ebrəə 8:12

Ma á re ǹ sãn toɛ ǹ nɛ, ma a re n yiri koɛ ǹ sii baraan nɛ doo duduu wa.»

Zaã1 2:20

Kasɛn wɔ paǹ li, Krita Yiri Fu mɛn kɔ ka la, bɛ lɛ n toɛ ka tumaa á sonbore doɛ̃.

Zaã1 2:27

Sɛnɛ, Krita na á ná a Yiri kaa kasɛn la. A Yiri bɛ́ ka nɛ, ka laadoo ba min a daraa ganaa wa. A Yiri lɛ din nə ka darɛɛ màn tumaa ganaa. A bɛ́ ka darɛɛ màn mɛn ganaa, sonbore ne, soɛ bie wa. Bɛ lɛ a lɛa, ka a daraa lɛ lɛ si, ka goã kun ka Krita nɛ.

Zaã1 5:20

Wɔ á doɛ̃, wáa Lawa a Nɛgiĩ na á daa, á yiri kɔ wɔ la, mà wɔ Lawa Taãn kɛ dɔ̃. Wɔ ǹ goɛ̃ kun ka Lawa Taãn kɛ nɛ, a din a Nɛgiĩ Yezu Krita pàã ganaa. A din Yezu lɛ n Lawa Taãn lɛ lɛa, a din dɔ n nyin nyabaã dɔ lɛa.

Samayeli1 2:12

Yiili a nɛgiĩn lɛn man nə́ goã min gɛsɛn lɛa, ǹ goã Dɛnaa Lawa doɛ̃ wa.