Zeremii 31:2 - LAWA A BOO SONBORE 2011

² Dɛnaa Lawa n kɛ pii: Zaman mɛn nə kanbaa gɛ̀ ganaa, má maa bǐɛ̃baa nyaa bɛn manɛ diə gole ne. Izirayeli á re susui yii.

LAWA A BOO SONBORE

² Dɛnaa Lawa n kɛ pii: Zaman mɛn nə kanbaa gɛ̀ ganaa, má maa bǐɛ̃baa nyaa bɛn manɛ diə gole ne. Izirayeli á re susui yii.

Zeremii 31:2 ပူးပေါင်းရင်းမြစ်များ

Loen 78:52

Á ná a minin lɛn waa á ǹ bɔ Ezipti, á soo ǹ ne ka tɔɔ kuru bɛ́ lɔn, á mɛ ǹ nyɛɛnɛ ka sèren-lɛduə̃li bɛ́ lɔn, á woo ǹ ne don sa bii.

Loen 95:11

Bɛ lɛ na á toa, maa foo-yoo gɔ́ɔ̃ nɛ, má n liɛ máa ǹ ba re we maa susu ǹ gána kɛ-n wa.

Bɔ bɛ̀rɛbaa nɛ 1:16

«Bɛ̀ ka tá n doe Ebrəən lɛn lɔn lɛ, ǹ nɛ yɛ gɔ́ɔ̃ nɛ, ka ga nɛnyaan lɛ ganaa doɛ̃. Bɛ̀ nɛginin ni, ka dɛ a gã. Bɛ̀ nɛlɔ nɛ, ka toa a yii n koo.»

Bɔ bɛ̀rɛbaa nɛ 1:22

Bɛ lɛ nɛ, Faarahɔn pɛ a gána a zaman tumaa nɛ: «Ka Ebrəən lɛn nɛnyaan tiɛɛ̃n giĩdɛnaa tumaa zũ tà mu li, ka toa ǹ nɛlɔdɛnan yii goã koo.»

Bɔ bɛ̀rɛbaa nɛ 12:37

Izirayeli nɛnyaanan lɛn nə́ soo Ramusɛsi kiwi, ǹ nə́ woo Sukɔti. Ǹ nə́ woo dɔ giĩ duu biɛsɔrɔ (600 000) kɛ miã, nɛnyaanan nə́ ǹ ba a-n wa.

Bɔ bɛ̀rɛbaa nɛ 2:23

A bɛ́ á belebɔ bɛ kio, Ezipti gána a kii lɛ gã. Izirayeli nɛnyaanan lɛn bɛ́ nɔmaa gɔ́ɔ̃ nɛ, ǹ nə́ gini, ǹ nə́ n lɛ dɛ. Bɛa bɛ̀rɛbaa lɛ gɔ́ɔ̃ nɛ, ǹ nyankɔ dii á dɔ Lawa ganaa.

Bɔ bɛ̀rɛbaa nɛ 33:14

Dɛnaa Muizu lɛ si: «Ma n giɛ li masɛ dinmaa daa, ma wo susui kɔ ǹ la?»

Bɔ bɛ̀rɛbaa nɛ 5:21

Ǹ nə́ pɛ ǹ nɛ kɛnɛn: «Dɛnaa din ga kɛ ganaa, a kiri kuru ka la. Ka dinin lɛa nɛ, wɔsɛn tìĩ bɔ Faarahɔn laanka a dí-nyalin nyin ni. Ka n ka gɔya wɔ ǹ gɔn, mà ǹ wɔ dɛ nɛ.»

Zeremii 2:2

Wo pɛ Zeruzalɛmu ni: Dɛnaa Lawa a boo á ke: Ma yiri tá n tenmaa waáraa kɛ nɛ. N nə́ n goã doa-n ma-a. N goã ma narɛ san wɔ baa nɛ. N goã koe ma lɛ diə gole ne, bǎã mɛn bɛ́ màn kɔn ná a boe a-n wa.

Ezekieli 20:35

Ma á re woe ka-n diə gole ne, ma ka na ma ka bɔ tɔrɔ kɔsɔn-a, ka á re golee ma yɔrɔ-a walan ma kiri kuru ka la.

Ozee 11:4

Má kũ má mɔrɔ ma ganaa ka foo basiɛ̃ nɛ, a giala, kɔn narɛ wɔ doa kɔn. A wɔ paǹ li man má goã ka min bɛ́ a nɛnyaan siɛ bɛ̀ a naa a pàã ganaa. Man má goã n zumii bɛ̀ ma màn-bii kɔ la.

Minin nimi 10:33

Bɛ kio, ǹ nə́ kiɛ̃ ǹ nə́ n bɔ Dɛnaa Lawa a kele bǎã kɛ nɛ, ǹ nə́ lɛawaa sɔɔ zii tɔ wɔ. Bɛa lɛawaa sɔɔ zii tɔ lɛ gɔ́ɔ̃ nɛ Dɛnaa Lawa a *lɛ kɔ kɔn la ǹ goo lɛ goã á woo ǹ nyɛɛnɛ, màn mɛn bɛ́ toɛ, ǹ bɛ́ re boe la ǹ golee bǎã mɛn nɛ, ǹ bɛ dɔ̃.

Minin nimi 14:20

Dɛnaa Lawa tɔ́n pɛ: «Má zaman lɛ a sã toa nɛ, ka Muizu din na a nyankɔ lɔn.

Matiə 11:28

Ka mɛnɛn tumaa bɛ́ nɔmaa nɛ guĩ giulun, ka da ma li, ma á die susui koe ka la.

Timəə dí-pɛn 1:30

Kaa Lawa, Dɛnaa Lawa mɛn lɛ á ke ka nyɛɛnaan boe, bɛ lɛ á re zia biɛ kaa lɛa, ka a bɛ́ á zɛnaa ka-n lɔn, ka dinin yii ni, Ezipti gána nɛ,

Timəə dí-pɛn 1:33

A da yaa, ka zii mɛn saa ká n tɔ we la, a din Lawa lɛ na á goã ka nyɛɛnaan boe ka tɛ fúlu ni tèlò-n, ka tɛmaa bara nɛ lɛawaa li, bɛ̀ a ga giã ǹ bǎã li, bɛ̀ a kɔ ka la.

Timəə dí-pɛn 12:9

A giala, ka tɔn dɔ kaa susu ǹ bǎã-n bɔrɔ wa: bɛ n ka gána kɛ nɛ, kaa Lawa, Dɛnaa Lawa n koe ka la, mà a kaa wɔ baa.

Timəə dí-pɛn 2:7

A giala, kaa Lawa, Dɛnaa Lawa lɛ barka da ka ganaa, kaa nya ǹ dí tumaa gɔ́ɔ̃ nɛ, a din na á ga ka walan. Kaa Lawa, Dɛnaa Lawa lɛ lɛ̀ pusi n ke kun ka nɛ, màn kɔn tɔn nyaabaa ka-a wa.

Timəə dí-pɛn 8:16

Á din don kɛ lɛ nɛ, á maánə kɔ ka la ká bii, ka digolon dinin nə goã bɛa màn-bii lɛ doɛ̃ wa. A ka yii puusə kɔ miɛ̃, á n da ka gɔ́ɔ̃ li, màn mɛn bɛ́ toɛ kaa biɛ̃ ǹ bǐɛ̃ kɔ.

Zozoe 1:13

Dɛnaa Lawa a dí-nyali Muizu dí mɛn pɛ ka nɛ, ka n yiri koa bɛ li. A na á pɛ: «Dɛnaa Lawa lɛ, kaa Lawa lɛa, bɛ na á gána kɛ lɛ kɔ ka la, Zurdɛ̃ tà kɛa lɛ̀giala gɔn la, mà ka n susu a nɛ.