Zeremii 30:18 - LAWA A BOO SONBORE 2011

¹⁸ Dɛnaa Lawa n kɛ pii: Ma á re Izirayeli minin lɛlɛ ǹ giã ǹ gɔn koe ǹ la. Ma á re makara boe ǹ kion minin ganaa. Ǹ nə ǹ kiwin mɛnɛn yu, ǹ tá re wusii ǹ bɛn dɔ ǹ bǎã nɛ, ǹ kion sonboren kɛn nə ǹ lɛlɛ bǎãn saa.

LAWA A BOO SONBORE

¹⁸ Dɛnaa Lawa n kɛ pii: Ma á re Izirayeli minin lɛlɛ ǹ giã ǹ gɔn koe ǹ la. Ma á re makara boe ǹ kion minin ganaa. Ǹ nə ǹ kiwin mɛnɛn yu, ǹ tá re wusii ǹ bɛn dɔ ǹ bǎã nɛ, ǹ kion sonboren kɛn nə ǹ lɛlɛ bǎãn saa.

Zeremii 30:18 ပူးပေါင်းရင်းမြစ်များ

KZS1 29:1

Kii Davida pɛ zaman tumaa yɔrɔ-a kɛnɛn: «Maa nɛgiĩ Salomɔn ke Lawa ná a dinsɔɔ̃ bɔ, a n nɛ ten lɛa, a tɔn sii dɔ̃ wa. Di mɛn bɛ re n nyɛɛ, dí gangabiɛ nɛ. A bie kii kion lɛa ǹ nə́ doe koe minbuiin nɛ la wa, sɛnɛ Dɛnaa Lawa a kion ne.

KZS1 29:19

Foo mɛn bɛ́ re n guguru koe biikoo yii li, a kɔ n dí-pɛn kɛn lɛ, n daraan kɛn nɛ ka n landa boon kɛn nɛ, a n lɛ si, n bɛ kɔ maa nɛgiĩ Salomɔn la, màn mɛn bɛ́ toɛ a boo la a Lawa a kion kɛ dɔ, ma ǹ mɛn lɛ a mànan yɔrɔ bɔ.»

Nehemii 7:4

Kiwi lɛ goã gole ka ganagana, sɛnɛ a minin nə goã mɔnaa-n wa. Ǹ goã ǹ nə́ wusoo ǹ nə́ kionən dɔ wa.

Loen 102:13

Sɛnɛ, nsɛ kaa, Dɛnaa Lawa nsɛ n kii lɛa yǎa duduu. Biikoo tumaa a minin man die n boo diɛ.

Loen 102:14

N Zeruzalɛmu kiwi lɛ narɛɛ taman yii, n die n yoo, taãn pɛ á soɛ, makara bɔ a ganaa biikoo dɔ. Sonbore, a biikoo dɔ.

Loen 122:7

Lawa die a toa là nyantoro yɛ n kiwi lɛ nɛ, a die a toa là nyantoro yɛ ǹ kion sonboren kɛn nɛ.

Loen 48:13

Ka n bibiə̃ ka Zeruzalɛmu lɛnpɛnɛ, ka a lɛduə̃ ǹ bǎãn nimi.

Loen 48:3

Kele sasa siĩni, kanaa tumaa a nyɛnyɛɛ ǹ màn, *Siɔn kele lɛ nɛ, gɔsɛ a lɛ̀gɔn la kii gole a kiwi ni.

Loen 78:69

Á ná a Kion sonbore kɛ dɔ walan, sasa ka lon ne, a giala n doa-n ka tán nɛ, a na a tan yǎa duduu.

Loen 85:1

Loe-saalin goledɛnaa loe mɛn lɔ. Koore a minin loe goon ne.

Izayii 44:26

Sɛnɛ, man toɛ maa dí-nyalin boon nə yɔrɔ yɛ. Maa dia dí-a wolen nə boo mɛn da, man toɛ bɛ yɔrɔ yɛ. Man kɛ pii Zeruzalɛmu a paǹ li: «Ǹ tá re wusii ǹ giã n nɛ doo.» Man kɛ pii Zudaa kiwin wɔ paǹ li: «Ǹ tá re wusii ǹ ka dɔ.» Hiĩ, ǹ tá re wusii ǹ kaa kɛbɔlɔn dɔ doo.

Izayii 44:28

Man kɛ pii kii Siirusu a paǹ li: «Maa zaman-lɛduə̃li ni.» Sii mɛn tumaa bɛ́ kɔɔ̃n ma ganaa, a n bɛ zɛnɛɛ. Á re pii mà ǹ wusoo ǹ Zeruzalɛmu kiwi dɔ, ǹ wusoo ǹ Lawa a kion lɛ dɔ.

Zeremii 23:3

Bɛ kio, má maa zaman gialakun kɛ loo má ǹ pɛsɛ̃ gánan mɛnɛn nɛ, ma dinmaa á re ǹ soekɔn ma bɔ ǹ nɛ walan, ma da ǹ nɛ ǹ lɛduə̃ ǹ bǎã nɛ. Ǹ tá re buluboe walan, ǹ mɔnaa.

Zeremii 29:11

Hiĩ, masɛ Dɛnaa Lawa, ma sii mɛn yɔrɔ bɔ kaa wɔ lɛa, ma á bɛ doɛ̃: «Baraa bie wa, bǐɛ̃ lɛ piɛ̃ nɛ. Ma á re toɛ kaa biɛ̃ ǹ n biɛ̃ kɔ.» Dɛnaa Lawa a da ǹ boo ne.

Zeremii 29:14

Ma á re toɛ ka ma yɛ. Dɛnaa Lawa a da ǹ boo ne. Ma ka loo gánan mɛnɛn tumaa nɛ, ma á re wusii ma ka sɔkɔn walan. Ǹ ka goa bǎã mɛn nɛ, ma á re wusii ma da ka-n walan. Dɛnaa Lawa a da ǹ boo ne.

Zeremii 30:3

Taãn nɛ, man kɛ pii n ni: Ǹ kɔn pinaa, man die wusii ma da maa zaman Izirayeli laanka Zudaa a wo bɛ̀rɛbaa ǹ bǎã-n wolen kɛn nɛ. Man die wusii ma da ǹ nɛ gána kɛ nɛ má kɔ ǹ digolon la, ǹ wusoo ǹ si, ǹ baa ǹ wɔ lɛa. Ma din Dɛnaa Lawa a da ǹ boo ne.»

Zeremii 31:23

Dɛnaa Lawa Pàãyiidɛnaa, Izirayeli a Lawa n kɛ pii: – Bɛ̀ má wusoo má Zudaa gána laanka a kiwin giã ǹ gɔn zizi kɛ kɔ ǹ la ǹ mɛn waáraa, minin tá re kɛa boon kɛn pii doo: «Peperebaa bɛ́ bǎã mɛn nɛ, kele sonbore, Dɛnaa Lawa barka da n ganaa.»

Zeremii 31:38

Lɛawaa á re doe, Dɛnaa Lawa a da ǹ boo ne, Zeruzalɛmu kiwi lɛ á re wusii a n dɔ ma din wɔ lɛa, a kũ Hanaaneyeli a sanabolo kɛ ganaa, a wo gùrùn kiɛnlɛ kɛ yaa.

Zeremii 31:4

Izirayeli zaman, ma á re n siɛ ma n da lon, ǹ wusoo ǹ nə n dɔ. N tá re wusii, n maà sonboren goa, n wo bɛ̀ baa kun ka zɔ́n zɛnaa wolen ne.

Zeremii 31:40

Geren nyankɔrɔ basa kɛ nɛ, tonən wɔ nɛ, ka bǎã mɛn tumaa bɛ́ siɛ Sedrɔn ganaa a wo gùrù kɛ ganaa sùin kiɛnlɛ-a lɛ̀giala gɔn la, bɛn tumaa á re maa wɔ biɛ. Màn kɔn ba re n woɛ̃ walan, a ziziɛ̃ bɛa bǎã lɛ-n doo wa.

Zeremii 32:15

Dɛnaa Lawa Pàãyiidɛnaa Izirayeli a Lawa n kɛ pii: «Gána kɛ nɛ, minin tá re wusii ǹ kionən pii, wurun ni, ka rezɛ̃ wurun ni.»

Zeremii 32:44

Taãn nɛ, ǹ tá re wusii ǹ wurun pii Bɛnzamɛn tɔrɔn gána nɛ, Zeruzalɛmu yɔrɔ-a, Zudaa a kiwin ni, tenten gánan nɛ, *Sefelaa nɛ, ka Negɛvu gána nɛ. Minin tá re wuru sã ǹ sɛ́wɔn zɛnɛɛ, ǹ nə n gɔn bǎã da la ǹ tɔn a lɛ tã, ǹ da ka siéren ne. Sonbore, man die gána kɛa minin lɛlɛ ǹ giã ǹ gɔn koe ǹ la.» Dɛnaa Lawa a da ǹ boo ne.

Zeremii 33:11

Bɛa kiwin kɛn lɛn nɛ, zɔ́n bìndiɛn tá re boe, foo kɔɔ̃n lɛ-dɛ nɛ, ka kɔn-wɔle tenən loen ne. Min mɛnɛn bɛ́ die Lawa a kion ka barka da ǹ loen ne, wɔ á re bɛn dɔn lɛ miɛ pii: Ka barka da Dɛnaa Lawa Pàãyiidɛnaa nɛ, a giala á siĩni, a minin narɛɛ a nyɛɛ duduu wa. Hiĩ, ma á re gána lɛ a lɛlɛ ǹ giã ǹ gɔn koe la.» Dɛnaa Lawa na á pɛ.

Zeremii 33:7

Ma á re die Zudaa laanka Zeruzalɛmu a wo bɛ̀rɛbaa ǹ bǎã-n wolen ne piɛ, ma ǹ lɛlɛ ǹ giã ǹ gɔn kɛ kɔ ǹ la.

Zeremii 46:27

Nsɛ Zakɔba maa dí-nyali, nyɛ́ɛ nyan nə n kũ wa. N nyan nyɛ́ɛ baa wa Izirayeli. Taãn nɛ, man die n kirisibiɛ, ma n kũ ma n bɔ gána sɔsɔɔn kɛn nɛ. N nɛnyaanan kɛn gùli kɔ ǹ bǎãn nɛ, má ǹ waa ma da ǹ nɛ. Zakɔba, n tá re wusii n daa, n goã yii-nyɛɛ la, n yiri n bǎã goon ne, min kɔn ná a yui n gialaa wa.

Zeremii 49:39

Sɛnɛ, ǹ kɔn pinaa, ma á re wusii ma Elamu a lɛlɛ ǹ giã ǹ gɔn kɛ kɔ la. Dɛnaa Lawa a da ǹ boo ne.

Zeremii 49:6

Sɛnɛ bɛ kio, ma á re Amɔn tɔrɔn giã ǹ gɔn zizi kɛ koe ǹ la.» Dɛnaa Lawa a da ǹ boo ne.

Ezekieli 36:11

Ma á re minbuiinin laanka tɔɔn mɔnɛɛ. Ǹ tá re mɔnɛɛ, ǹ nɛnyaanan yɛ. Ma á re toɛ zaman mɔnaa gána lɛ nɛ a la lɛlɛ wɔ nɛ. Ma á re bǐɛ̃ zɛnɛɛ ka nɛ a la lɛlɛ wɔ kɛ nɛ. Ka á re doɛ̃ ka bɛ-n kəni, mà ma din nə Dɛnaa Lawa lɛa.

Amɔɔsi 9:14

Man die wusii ma maa zaman, Izirayeli minin lɛn sii bɔyaa ma da a giala la. Kiwin mɛnɛn nə ziziɛ̃, ǹ tá re wusii ǹ bɛn dɔ, ǹ giã ǹ nɛ. Ǹ tá re *rezɛ̃ dan zuzumi ǹ bɛa duvɛ̃ mi. Ǹ tá re dù gɔrɔn boboe, ǹ bɛa mànan bii.

Zakarii 1:12

Dɛnaa Lawa a Lon a dia dí-a wole lɛ tɔn pɛ: «Dɛnaa Lawa Pàãyiidɛnaa, a lɛ̀ pɔsɔbaa n ke n foo n yoo ne Zeruzalɛmu li kɔnlɛ ka Zudaa kiwi tɛnɛn nɛ. Yǎa biĩ n tɔn makara bɔ ǹ ganaa?»

Zakarii 1:16

Bɛ lɛ nɛ masɛ Dɛnaa Lawa á ke pii: Man die wusii man bɔyaa ma wo Zeruzalɛmu li ka foo basiɛ̃ nɛ, ma màn zɔɔ̃ ǹ biɛ da li. Ka bɛ nɛ, ǹ tá re wusii ǹ maa kion dɔ, ǹ wusoo ǹ maa kiwi lɛ dɔ.» Dɛnaa Lawa a da ǹ boo ne.

Zakarii 12:6

Bɛa waáraa kəni, ma á re Zudaa a kiã biɛ ka tɛ bɛ́ lɔn gɔn dakɔnla giulun, hinlaa ka tɛ bɛ́ lɔn làpaa ganaa toa giulun. Tɔrɔn mɛnɛn bɛ́ ǹ lɛnpɛnɛ, ǹ tá re bɛn tumaa yɔyɔrɛ lenlen. Sɛnɛ, Zeruzalɛmu minin tá re giɛ̃ ǹ kiwin ni.

Zakarii 12:7

Dɛnaa Lawa n die Zudaa tɔrɔn sumu lɛn kirisibiɛ bibinaa nɛ. Màn mɛn bɛ́ toɛ, Davida a sumu minin laanka Zeruzalɛmu minin baran gugurubaa yɛ a la Zudaa min gialakunun kɛn man wa.

Zakarii 14:10

Bǎã mɛn din tumaa bɛ́ Zeruzalɛmu lɛnpɛnɛ, bɛn tumaa á re n bɔyɛɛ ǹ bɔmɔ lɛ baa, a kũ Gebaa ganaa gɔsɛ a lɛ̀gɔn la, a wo Rimɔn yaa gusin a lɛ̀gɔn la. Zeruzalɛmu á re goɛ̃ lon a la bǎã kɔsɔn kɛn manɛ. Kiwi lɛ á re n lɛ boe, a saa Bɛnzamɛn tɔrɔn kiɛnlɛ kɛ ganaa, a wo yǎa kiɛnlɛ bibinaa bǎã kɛ li, yǎa gùrù pusu ǹ kiɛnlɛ kɛ li, a kũ Hanaaneyeli a sanabolo kɛ ganaa, yǎa kii a rezɛ̃ mu bɔ ǹ bǎã kɛ nɛ.