Zeremii 30:12 - LAWA A BOO SONBORE 2011

¹² Dɛnaa Lawa a da ǹ boo á ke: N busulɛ lɛ á baraa, n bayɛrɛ kɛ a nyɛɛ wa.

LAWA A BOO SONBORE

¹² Dɛnaa Lawa a da ǹ boo á ke: N busulɛ lɛ á baraa, n bayɛrɛ kɛ a nyɛɛ wa.

Zeremii 30:12 ပူးပေါင်းရင်းမြစ်များ

KZS2 36:16

Sɛnɛ, Izirayeli minin lɛn man nə́ goã yaa we Lawa a dia dí-a wolen lɛn ganaa, ǹ ba Lawa a boon kɛn diɛ sii li wa, ǹ nə́ Lawa a boo gii-dalin foo saa. Bɛ lɛ nɛ, Dɛnaa Lawa a foo-yoo gole kɛ nə́ n sawaa zaman lɛ la, ǹ nə́ ǹ ba boe sii kɔn la ǹ zɛnaa wa.

Zeremii 14:17

N bɛ́ re boo mɛn diɛ ǹ nɛ, á ke: Penleen ka tèlò, ma yii mu pã á kaa suuu! Koe gole na á maa zaman yɛ, busulɛ gole ne.

Zeremii 14:19

Dɛnaa Lawa, ń Zudaa daa sonbore? *Siɔn tìĩ bɔ n nyin ni? Fuu mɛn bɛ́ a nyɛɛ wa, a n siɛ lɔn n tá bɛ diɛ wɔ mìi ni? Wɔ nə n yii diɛ là nyantoro la, sɛnɛ màn kɔn banban bǐɛ̃ lɛa wa. Wɔ nə n yii diɛ wɔa busu á nya la, sɛnɛ, nyɛ́ɛ n die!

Zeremii 15:18

Dan ba maa là paparɛɛ la wa. Wàa na á baa? Maa busulɛ á nyɛɛ wa. A ba n lɛ tiɛ̃ wa. Bɛ giala? Sonbore, ma n ka mu zii bɛ́ lɔn ma gɔn, minin yiri siɛ̃, mu ná a yii a-n biikoo yii li wa.

Zeremii 30:15

A n siɛ lɔn kəni n tá wuu pii n busu kɛ laanka n la paparɛɛ kɛ taman yii? Min kɔn ba boe la a na a kaka kɔ wa. N sã gole kɛ laanka n sii baraa damata kɛa lɛa nɛ má fuun kɛn da n mìi ni.

Zeremii 6:7

Mu piã bɛ́ a mu sui lɔn, a dɔ na a baraabaa lɛ sui miɛ̃. A kiwi bii, kakaarɛbaa laanka wɔlɔ yui dinsɔɔ̃ boo na a tan. Biikoo tumaa li, nɔmaa laanka busulɛn man ma yii giulun.

Zeremii 8:22

Da banban Galaati a n la paparɛɛ nyɛɛ wa? Dɔɔtɔrɔ ba walan doo wa? Wàa na á baa maa zaman lɛ a baayɛrɛ a nyɛɛ wa?

Busii pɛ 2:13

Man die pii n ni máa lɔn Zeruzalɛmu? Man die n zoɛ̃ kɔn ka die ne? Siɔn kiwi doobaanɛ, man die sii a kɔnboe yii maa ma nyaa n nɛ n foo tɔn waa? N koe lɛ a golebaa n ka yìsi mu bɛ́ lɔn. Die n boe la a n kaka kɔ?

Ezekieli 37:11

Lawa tɔ́n pɛ ma nɛ: – Minbuiin a nɛ, gere wen kɛn lɛn, Izirayeli tɔrɔn lɛn tumaa a kaa-kun ni. Á ke, Izirayeli tɔrɔn lɛn man pii: «Wɔ wen nə́ laa, foo doa ǹ bǎã ba wɔ lon doo wa, wɔa wɔ ziziɛ̃.»

Ozee 5:13

Efrayimu tɔrɔn kɛn nə́ ǹ dinin busu dɔ̃, Zudaa tɔrɔn dɔn nə́ ǹ busu dɔ̃. Bɛ lɛ nɛ, Efrayimu minin nə́ woo Asiirii, ǹ nə́ minin dia kii gole kɛ li. Sɛnɛ, bɛa boe la a kaa busu kɛ nya wa, a boe la a ka si kaa busu kɛ la wa.

Misee 1:9

A giala, sii mɛn bɛ́ die Samarii ganaa, a lɛ goa ǹ gɔn banban. Á ke á dɔ Zudaa gána dɔ din ganaa, á woo yǎa ma tɔrɔn kɛn kiɛnlɛ-a, yǎa Zeruzalɛmu kiwi.

Nahumu 3:19

Bɔ̀n gole ke á n yɛ, yɔrɔ bɔ ǹ gɔn ba la wa. N busulɛn kɛn ba nyɛɛ duduu wa. Bɛ̀ min nə́ə n sii kɛ ma, n dɛnaa nə n gɔn dii n koe kɛ ganaa, a giala, dan goã n baraabaa lɛ la wa. Bɛ n die lɛa kəni, n baraabaa lɛ ná a dɔ a ganaa wa?