Zeremii 30:11 - LAWA A BOO SONBORE 2011

¹¹ Masɛ Dɛnaa Lawa a da ǹ boo á ke: Ma tá kunun n ni, ma á n kirisibiɛ. Ma wo n ne tɔrɔn mɛnɛn bii, Ma á re bɛn tumaa bɔ̀nbiɛ. Sɛnɛ, ma a re nsɛ bɔ̀nbiɛ wa. Taãn nɛ, ma a re n toɛ walan dɔlɔ baã wa. Ma á re n doree ka peperebaa nɛ.

LAWA A BOO SONBORE

¹¹ Masɛ Dɛnaa Lawa a da ǹ boo á ke: Ma tá kunun n ni, ma á n kirisibiɛ. Ma wo n ne tɔrɔn mɛnɛn bii, Ma á re bɛn tumaa bɔ̀nbiɛ. Sɛnɛ, ma a re nsɛ bɔ̀nbiɛ wa. Taãn nɛ, ma a re n toɛ walan dɔlɔ baã wa. Ma á re n doree ka peperebaa nɛ.

Zeremii 30:11 ပူးပေါင်းရင်းမြစ်များ

Samayeli2 24:12

Wo boo da Davida nɛ, n pɛ nɛ: «Masɛ Dɛnaa Lawa n kɛ pii: Man die dɔlɔ sɔɔ boo diɛ n nɛ. Bɛn goon bɔ, ma die ma bɛ da n mìi ni.»

Loen 6:1

Loe-saalin goledɛnaa loe mɛn lɔ, tùtu nɛ kiwisidɛnaa wuu li. Davida a loe.

Bɔ bɛ̀rɛbaa nɛ 34:7

Man maa bǐɛ̃ lɛ zɛnɛɛ minbuiinin manɛ yǎa lɛ̀ duu damata. Man kaa sãn sii ma ganaa, ka kaa bɔlɔ-tiin ni, ka kaa sii baraan nɛ. Sɛnɛ, maa zɛ̀rɛdɛnaa bíi zɛ̀rɛ baãnaa wa. Man díin dɔlɔ boe ǹ nɛnyaanan ganaa, yǎa ǹ nɔ̀ɔ fulupaa ganaa.»

Izayii 43:25

Ma bɛ́ màn mɛn lɛa, bɛ lɛ taman yii, ma dinsɔɔ̃ nə n sii baraan toɛ n nɛ, ma a re n yiri koɛ ǹ nɛ doo wa.

Izayii 8:10

Tɔrɔn lɛn, ka siin yɔrɔ bɔ, sɛnɛ, ǹ ba re yɔrɔ yii wa! Ka n taasɛ siin ganaa, sɛnɛ, ǹ ba re boe wa! A giala, Dɛnaa Lawa n kun ka wɔsɛn nɛ.

Zeremii 1:19

Ǹ tá re yui n gialaa, Sɛnɛ, ǹ ba re boe sii kɔn la ǹ zɛnaa n nɛ wa, a giala, ma tá kunun n ni, n kirisibiɛ. Masɛ din Dɛnaa Lawa a da ǹ boo ne.

Zeremii 1:8

N baran nyɛ́ɛ baa ǹ nɛ wa, ma á kunun n ni, ma n kirisibaa. Dɛnaa Lawa a da ǹ boo ne.

Zeremii 10:24

Doroo kɔ ma la Dɛnaa Lawa, sɛnɛ, a kɔnpɛ ka ma nɛ. N foo nyan yoo wa, bɛ bie wa, n tá re ma yɔyɔrɛ.

Zeremii 15:20

Man die n biɛ ka zan kungɔn bɛ́ lɔn, min kɔn ná a boe la a nɔɔ a kaa wa. Ǹ tá re yui n gialaa, sɛnɛ, ǹ ba re boe n la wa. Sonbore, ma á re goɛ̃ kunun n ni, ma á re n kirisibiɛ. Dɛnaa Lawa a da ǹ boo ne

Zeremii 4:27

Dɛnaa Lawa bɛ́ boo mɛn diɛ, á ke: Gána lɛ tumaa á re n bɔyɛɛ a diə gole baa, sɛnɛ, ma a re ziziɛ̃ lenlen wa.

Zeremii 5:10

Ka dii kungɔn la ka *rezɛ̃ da kɛ ziziɛ̃. Sɛnɛ, ka nyan ziziɛ̃ lenlen wa. Ka a gùrùn kukuru, ǹ bie masɛ wɔn lɛa wa.

Zeremii 5:18

Sɛnɛ, bɛa biikoo lɛ li, ma a re ka bɔ̀n biɛ lenlen wa. Dɛnaa Lawa a da ǹ boo ne.

Busii pɛ 3:22

Dɛnaa Lawa a bǐɛ̃ a nyɛɛ wa. A minin narɛɛ dɔ ba n lɛ doɛ wa.

Ezekieli 11:13

A ma toa Lawa a boo gii lɛ diɛ, Benayia a nɛgiĩ Pelatia gã. Má tɔ́n bɔ má mɛnaa tán ma lɛ la, má n lɛ dɛ kɔsɛkɔsɛ má pɛ: «E, Dɛnaa Lawa! Izirayeli minin mɛnɛn nə goã, man die bɛn dɔn tumaa dii?»

Ezekieli 6:8

Sɛnɛ, ma á re toɛ ka gialakun nə goã zia lɛ kio, ma bɛn pɛsɛ̃ gána kɔsɔn nɛ.

Ozee 11:9

Boo giala nyɔmiɛ̃ ba re goɛ̃ maa foo-yoo-n wa, ma a re wusii ma da Efrayimu ziziɛ̃ wa. A giala ma bie minbuiin lɛa wa. Lawa n ka masɛ nɛ. Nsɛ li Efrayimu, Lawa sonbore n ka ma nɛ, ma bie die maa foo-yoo nyɛɛ wa.»

Lawa a wúlu-bɔlen 26:44

Haalɛ bɛ tumaa kio, ǹ bɛ́ re goɛ̃ ǹ zɔ́ɔn lɛn gána nɛ ǹ mɛn waáraa ke, ma a re n piɛ̃ ǹ nɛ wa, ma a re ǹ tii wa. Ma a re bɛ zɛnɛɛ ma ǹ dɛ ma ǹ nya wa, ma ba re maa lɛ kɔ kɔn la kɛ toɛ̃ ma bɔ kɔn-a ǹ nɛ wa. A giala, masɛ din Dɛnaa Lawa nə ǹ Lawa lɛa.

Matiə 1:23

«Nɛnɛn mɛn bɛ́ a tɔn giĩ dɔ̃ wa, á re nɛgiĩ yii, ǹ tá re a tɔ koe Emanuwɛli, bɛ giala mà "Lawa tá kun wɔ nɛ".»

Matiə 28:20

Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»

Nya ǹ dín 18:10

Masɛ Lawa tá kunun n ni taãn-taãnɛ, min kɔ́n ba re boe la a n kũ a fuu nyaa nɛ wa, a giala, kiwi kɛ lɛ nɛ, min gigiã tan, ǹ nə́ die masɛ wɔn biɛ.»

Timəə dí-pɛn 4:31

A giala, kaa Lawa, Dɛnaa Lawa lɛ n makara-doɛ̃ wole lɛa. A re n gɔn boe ka-a wa, a re ka bɔ̀n biɛ wa, a lɛ kɔ kɔn la mɛn wɔ ka digolon ne á n liɛ, a yiri a die boe ka bɛ-n wa.

Timote2 4:22

Lawa die a giã n li. Lawa a bǐɛ̃ die a goã kun ka tumaa nɛ.