Zeremii 3:8 - LAWA A BOO SONBORE 2011

⁸ Má Izirayeli bɔyaa wole lɛ loo. A giala, á naarɛbaa zɛnaa. Má kɔn-wɔ toɛ̃ ǹ sɛ́wɔ kɔ la. Sɛnɛ, má yɛ máa ǹ miãnɛn Zudaa bɔlɔgoonbaãdɛnaa lɛ sɛ nyɛ́ɛ baa wa. A dɔ wusoo á woo naarɛbaa zɛnaa.

LAWA A BOO SONBORE

⁸ Má Izirayeli bɔyaa wole lɛ loo. A giala, á naarɛbaa zɛnaa. Má kɔn-wɔ toɛ̃ ǹ sɛ́wɔ kɔ la. Sɛnɛ, má yɛ máa ǹ miãnɛn Zudaa bɔlɔgoonbaãdɛnaa lɛ sɛ nyɛ́ɛ baa wa. A dɔ wusoo á woo naarɛbaa zɛnaa.

Zeremii 3:8 ပူးပေါင်းရင်းမြစ်များ

KZS2 21:11

Zoraamu lɛ wúlu bɔ ǹ bǎãn dɔ Zudaa kelen la, á Zeruzalɛmu minin laanka Zudaa min kɔsɔn kɛn kaa lawa kɔsɔn guguru kɔ ganaa.

Izayii 50:1

Dɛnaa Lawa n kɛ pii: Ka ǹ pii mà má kaa náa Zeruzalɛmu loo, ka a loo ǹ sɛ́wɔ nyaa ma-n kəni! Ma ka sã min mɛn la, má maa giɔ̀mɔ saraa nɛ, ka ǹ dɛnaa pɛ ma-n kəni! Á ke, bɛ̀ n yaa ǹ nə́ ka sã, kaa siɛ̃n lɛn lɛa nɛ. Bɛ̀ ǹ nə́ kaa náa loo, kaa sii baraan lɛn lɛa nɛ.

Zeremii 2:19

N sii baraa mɛn zɛnaa, bɛ die a dɔlɔ baa n ganaa. N bɔlɔgoonbaãdɛnaabaa ke, bɛ die a kũ n din mìi ni. Ka bɛ nɛ, n tá re yii, n na a giala ma, mà la bɔ Dɛnaa Lawa ganaa á bɔbɔnɛɛ, a n kɔɔsɛ taãn-taãnɛ, ka masɛ Dɛnaa Lawa guguru kɔ baã bɛ́ lɔn. Masɛ Dɛnaa Lawa Pàãyiidɛnaa a da ǹ boo ne.

Zeremii 3:1

Dɛnaa Lawa pɛ: «Bɛ̀ giĩ ná a lɔ loo, lɔ lɛ soo li, yǎa giĩ kɔsɔ saa lɔ lɛa, ǹ zuũ zizi lɛ á boe la a wusoo a saa lɔ lɛa? Haayii, a giala, *gɔ̀ n die gána lɛ kuĩ bɛ lɛ taman yii. Sɛnɛ nsɛ Izirayeli, ń kɔrɔbaa zɛnaa ka giĩ gigiã nɛ. Ma n giɛ li n wusoo n da masɛ li?» Dɛnaa Lawa a da ǹ boo ne.

Zeremii 33:24

«Minin bɛ́ boo mɛn diɛ n ma wa? Maǹ pii mà má n la bɔ Izirayeli laanka Zudaa ganaa, bɛa tɔrɔ màn paa kɛ lɛ ma ǹ yii gɔgɔɔ̃. Bɛa yɔrɔ lɛ la, maǹ maa zaman lɛ yii puusə koe. Maǹ taasɛ mà ǹ ba gána lɛa doo wa.»

Zeremii 5:7

Man makara boe n ganaa lɔn kəni Zeruzalɛmu? N nɛnyaanan nə́ n la bɔ ma ganaa. Mànan mɛnɛn bɛ́ ǹ ba Lawa lɛa wa, maǹ liɛ we ka bɛn tɔ nɛ. Ǹ bɛ́ màn mɛn tumaa li, má a tumaa kɔ ǹ la. Sɛnɛ, ǹ nə́ naarɛbaa zɛnaa, ǹ nə́ kɔn nyɛnyɛnaa ǹ nə́ woo kɔrɔbaa ǹ kion.

Ezekieli 16:46

N gololɔ n ka Samarii kiwi kɛ nɛ gɔsɛ a lɛ̀gɔn la, kun ka a lɛkoro lɛ-a kiwin ni. N diɛ̃lɔ n ka Sodɔmu kiwi kɛ nɛ gusin a lɛ̀gɔn la, kun ka a lɛkoro lɛ-a kiwin ni.

Ezekieli 16:47

N bie n kɔ ǹ zɛnaa ǹ siin kɛn dininsɔɔ̃nɔn lɛ wa, n bie n sii bɔbɔnɛɛn kɛn dininsɔɔ̃nɔn zɛnaa wa. A n ka ma nə n màn kɔn din zɛnaa wa. N zɛnaa ǹ sii lɛ baraa kɔ á la ǹ wɔ nɛ.

Ezekieli 16:51

Samarii kiwi din nə n sii baraan kɛn talɛɛ zɛnaa wa. N sii bɔbɔnɛɛ zɛnaa lɛ la a wɔ nɛ. Bɛ̀ a n saa a zɔɔ̃ kɔn lɛa ka Sodɔmu laanka Samarii wɔ kɛ nɛ, n dɔɔ̃nlɔn kɛn, a n ka bɛn dinin nə màn kɔn zɛnaa wa.

Ezekieli 23:44

Giĩn man woe a li miɛ̃, ka ǹ nə́ ke woe lɔ kɔrɔ li lɔn. Giĩn lɛn man woe Oholaa laanka Oholibaa li miɛ̃, ka ǹ bɛ́ woe lɔ kɔrɔn li lɔn.

Ezekieli 23:9

Bɛ lɛ nɛ, má toa a tɔntɔraa Asiirii minin lɛn gɔn, kɛn lɛn ǹ sii goã a ganaa.

Ozee 3:4

A giala, Izirayeli minin lɛn tá re lɛawaa damata zɛnɛɛ, ǹ kii ná a banban, ǹ mìilandɛnaa ná a banban, wúlu-bɔ ná a banban, tíĩ ná a banban, ga Lawa dùũ li ǹ mànan nə́ ǹ banban.

Timəə dí-pɛn 24:1

Ka bɛ̀ kaa min mɛn na á lɔ wɔsɔ á saa. Bɛ kio, a bɛ́ á zɛ̀rɛbaa ǹ paǹ yɛ lɔ lɛ ganaa, á n susu a ba n yɔrɔ bǐɛ̃ diɛ lɔ lɛ la doo wa. Ka bɛ dɔ nɛ, á ná a loo ǹ sɛ́wɔ zɛnaa á kɔ la, á loo á bɔ a kion.

Timəə dí-pɛn 24:3

Bɛ̀ a tìĩ bɔ bɛ dɔ nyin ni, yǎa a na a loo ǹ sɛ́wɔ zɛnaa á kɔ la á loo á bɔ a kion, hinlaa bɛa giĩ kɔsɔ kɛ lɛ á saa ta bɛ na á gã,