Zeremii 3:22 - LAWA A BOO SONBORE 2011

²² Ka wusoo ka da ma li, nɛnyaan bɔyaa wolen lɛn, ma á re kaa bɔlɔgoonbaãdɛnaabaa kɛ nyɛɛ ka ganaa! Wɔ á ke, wɔ ǹ die n din li, a giala, Dɛnaa Lawa, n din ni wɔa Lawa lɛa.

LAWA A BOO SONBORE

²² Ka wusoo ka da ma li, nɛnyaan bɔyaa wolen lɛn, ma á re kaa bɔlɔgoonbaãdɛnaabaa kɛ nyɛɛ ka ganaa! Wɔ á ke, wɔ ǹ die n din li, a giala, Dɛnaa Lawa, n din ni wɔa Lawa lɛa.

Zeremii 3:22 ပူးပေါင်းရင်းမြစ်များ

Loe kɔɔ̃n kɔɔ̃n 1:4

Ma kũ n ma da n kio, wɔ baa si. Ma n maa kii lɛa, ma kũ n wo ma nɛ n waa ǹ kion, n wɔ dinin paanan kaa nyɛnyɛɛ li, n wɔ foo kɔɔ̃n kɔ. N kɔn-narɛɛ ke a soɛ duvɛ̃ nɛ. Sonbore tá nɛnɛn lɛn lon, ǹ nə n narɛ.

Izayii 1:2

Lon, n too kɔ! Tán, n dɔ nə n too da! Dɛnaa Lawa n kɛ pii: «Man nɛnyaanan too, ǹ nə́ dadara kɔ, sɛnɛ, ǹ nə́ n gòãn dii ma ganaa.

Izayii 27:8

A na á dɔlɔ bɔ ǹ ganaa, á ǹ loo, bɛ̀ á kiri we ǹ ganaa. A lɛ gɔ́ɔ̃ ǹ piɛ̃ nə́ ǹ pɛsɛ̃, piɛ̃ kɛa daa pinaa boe lɛ̀giala-n.

Izayii 31:6

Izirayeli minin lɛn, ká n dɔ̀ɔ̃ wɔ Dɛnaa Lawa nɛ taãn-taãnɛ. Ka wusoo ka da a li.

Izayii 57:17

Izirayeli a zɛ̀rɛ laanka a din foo siin kɛn nə́ ma foo yoo, bɛ lɛ nɛ má dɔlɔ da la. Ma ba li ma yɛ doo wa. Sɛnɛ a too kakabaa taman yii, a n tɔn koe a din foo siin lɛ.

Zeremii 3:12

Wo n lɛ dɛ ka boon kɛn nɛ gɔsɛ a lɛ̀gɔn la: «Wusoo n daa Izirayeli bɔyaa wole! Dɛnaa Lawa a da ǹ boo ne. Ma a re n yɔrɔ baraa diɛ n la doo wa. A giala, maa makara-doɛ̃ á gole. Ma foo á re goɛ̃ yoo ne n li duduu wa. Ma din Dɛnaa Lawa a da ǹ boo ne.

Zeremii 30:17

Nsɛ mɛn bɛ́ ǹ nə́ goã n bíi "màn kooro" *"Siɔn mɛn bɛ́ laadoo ba a ganaa wa", ma á re n busulɛn nyɛɛ ma n kaka kɔ. Masɛ Dɛnaa Lawa a da ǹ boo ne.

Zeremii 31:18

Má Efrayimu minin lɛ-dɛ ma taãn-taãnɛ, Maǹ pii: «Dɛnaa Lawa, ń wɔ doroo ka kakaarɛbaa nɛ, ka ǹ bɛ́ dii ten darɛɛ lɔn. Sɛnɛ, toa wɔ da n li, wɔ wusoo wɔ da n li taãn-taãnɛ. A giala, Dɛnaa Lawa n din ni wɔa Lawa lɛa.

Zeremii 33:6

Sɛnɛ, ma á re dagòã diɛ ǹ ganaa, ma ǹ kaka kɔ, ma á re là nyantoro taãn-taãn koe ǹ la ka bɔlɔ goondɛnaabaa nɛ.

Zeremii 4:1

Izirayeli, bɛ̀ n wusoo ń daa, n doamaa nɛ n wusoo n da masɛ li. N màn nyín bɔbɔnɛɛn kɛn, bɛn bɔ n nə ǹ bɔ n yɔrɔ-a, n ba re n bibiĩ n mìi gialaa doo wa.

Ezekieli 18:30

Bɛ lɛ na á toa, Izirayeli tɔrɔn lɛn, ma á re kiri kuri didie la a kɔnpɛ ka a nya ǹ dín ni. Ma din Dɛnaa Lawa a da ǹ boo ne. Ka kaa giã ǹ gɔn bɔyaa, ka kaa zɛnaa ǹ sii baraan kɛn kaa, bɛ n die toɛ, ka nyan mɛnaa sii baraa n doo wa.

Ezekieli 33:11

A pɛ ǹ nɛ mà masɛ Dɛnaa Lawa n kɛ pii: «A ma toa maa yii n koo, min baraa a gɛ̀ bie kɔɔ̃nɛ ma ganaa wa. Sɛnɛ, man li, min baraa wusoo a zɛnaa ǹ sii kio a yii boo la a goã koo. Bɛ lɛ nɛ, ma á ka nyankoe, ka wusoo kaa sii baraan lɛn kio. Izirayeli tɔrɔn lɛn, wàa na á baa ka n die toɛ gɛ̀ ka dɛ kooro?»

Ozee 13:4

A kũ n soo Eziptin ganaa, Izirayeli man Dɛnaa Lawa, n Lawa lɛa, n ba Lawa kɔsɔ doɛ̃ masɛ kio wa. N kirisibaali kɔsɔ banban bɛ̀ á n bɔ masɛ nɛ.

Ozee 14:1

Samarii minin doamaa nɛ ǹ nə n sii baraa giɔ̀mɔ saraa, a giala maǹ nə́ n piã ka ǹ Lawa nɛ. Zia á re ǹ dii ǹ gã, ǹ tá re ǹ nɛ tiɛɛ̃nɛn yɔyɔrɛ, ǹ tá re ǹ lɔ nɔ̀naan nɔ̀ wɔsɛ.

Ozee 14:4

Asiirii a boe la a wɔ kirisibaa wa, wɔ a re dii sùin la wa. Wɔ dinin gɔnɔn nə mànan mɛnɛn zɛnaa, wɔ a re pii bɛn man doo: "wɔa Lawa" wa. A giala nɛ toen nə kiɛ n din yele.

Ozee 14:5

Ma á re Izirayeli a piã ka Lawa-n kɛ boe ma bɔ a ganaa, ma a re narɛ ka ma foo tumaa nɛ. Maa foo yoo lɛ á re n kanɛɛ a n bɔ li.

Ozee 14:8

Min mɛnɛn nə goã giã nɛ a wúlu li, ǹ tá re wusii ǹ daa. Ǹ tá re wusii ǹ *belee kɔsɔ, ǹ tá re buũ koe ka *rezɛ̃ da bɛ́ lɔn, ǹ tá re a boo diɛ ka Liban a duvɛ̃ kɛ bɛ́ lɔn.

Ozee 3:5

Bɛ kio, Izirayeli minin lɛn tá re wusii ǹ ga ǹ Lawa, Dɛnaa Lawa li, ka ǹ kii lɛ nɛ, Davida tɔrɔ lɛa. Ǹ kɔn pinaa, ǹ tá re wusii ǹ wo Lawa li ǹ gɔ̀nɔn nə́ bìn diɛ, mà a bǐɛ̃ kɔ ǹsɛn ganaa.

Zowɛli 2:12

Dɛnaa Lawa n kɛ pii: «A bɛ́ miɛ̃, ka wusoo ka da ma li sisia, ka ka foo tumaa nɛ. Ka n lɛ sɔɔ, ka wuu pɛ, ka gòã-kũ da ma ganaa.

Zakarii 13:9

Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»