Zeremii 3:10 - LAWA A BOO SONBORE 2011

¹⁰ Ka bɛ din tumaa nɛ, ǹ miãnɛn Zudaa bɔlɔgoonbaãdɛnaa kɛ wusoo á n bɔyaa á daa masɛ li ka a foo tumaa-n wa. A parsii bie wa.» Dɛnaa Lawa a da ǹ boo ne.

LAWA A BOO SONBORE

¹⁰ Ka bɛ din tumaa nɛ, ǹ miãnɛn Zudaa bɔlɔgoonbaãdɛnaa kɛ wusoo á n bɔyaa á daa masɛ li ka a foo tumaa-n wa. A parsii bie wa.» Dɛnaa Lawa a da ǹ boo ne.

Zeremii 3:10 ပူးပေါင်းရင်းမြစ်များ

KZS2 34:33

Sii babaraa mɛn yii goã n zɛnɛɛ Izirayeli gána nɛ, Zoziasi bɛ tumaa sàabaa. Á kiwin tumaa a minin kaa Dɛnaa Lawa, ǹ Lawa guguru kɔ ganaa. Bɛ lɛ nɛ, a yiikoonaabaa gɔ́ɔ̃ nɛ, Izirayeli minin nə kanaa ǹ nə́ n bɔ Dɛnaa Lawa, ǹ digolon Lawa li wa.

Loen 18:44

Ń ma kanbaa zaman kɛa kɔn lɛ babaã ganaa. Ń ma koa tɔrɔn mìi la, tɔrɔn mɛnɛn dinin bɛ́ ma a ǹ doɛ̃ wa, ń ma koa bɛn mìi la.

Loen 66:3

Ka pɛ Lawa nɛ: N nya ǹ dín lɛn man kaãbaa diɛ parsiini. N pàã gole kɛ yɔrɔ-a, n zɔ́ɔn man wusii, ǹ nə n gùrù naa n nɛ.

Izayii 10:6

Man Asiirii a sɔraasin diɛ tɔrɔ bɔlɔgoonbaãdɛnaa gialaa. Tɔrɔ mɛn bɛ́ ma foo yui, maǹ nə n yɔrɔ diɛ bɛn la, ǹ nə ǹ kokoo, ǹ nə ǹ naforon goa! Ǹ nə́ ǹ tɔtɔrɔ ka zii gialaa ǹ bɛrɛɛ bɛ́ lɔn.

Izayii 29:13

Dɛnaa n kɛ pii: «Tɔrɔ kɛ n mɔrɛ-n ma ganaa ka a lɛ gɔ́ɔ̃ ǹ boo dinsɔɔ̃ nɛ. Maǹ ma guguru koe ka ǹ lɛ nɛ, sɛnɛ, ǹ foo wɔlɔ á lui-n ma ganaa. Ǹ bɛ́ gugurubaa mɛn koe ma la, a n minbuiin nɛn daraan boon dininsɔɔ̃nɔn lɛa.

Izayii 31:6

Izirayeli minin lɛn, ká n dɔ̀ɔ̃ wɔ Dɛnaa Lawa nɛ taãn-taãnɛ. Ka wusoo ka da a li.

Zeremii 11:10

Maǹ nə́ timəə ǹ digolon siɛ̃n la, ǹ mɛnɛn lɛn nə n piã mà ǹ ba n too koe maa boon ganaa wa. Maǹ nə́ kɔ lawa kɔsɔn lɛ ǹ nə́ ǹ guguru kɔ. Izirayeli minin laanka Zudaa minin nə́ maa lɛ kɔ kɔn la kɛ ziziɛ̃ má doa kɔn ka ǹ digolon ne.

Zeremii 12:2

Ń nə́ ǹ zumu, ǹ gòonən nə́ wɔ tán, ǹ nə́ gole kɔ ǹ nə́ nɛ kɔ. Ń tɔ nə ǹ lɛ-n biikoo yii li, sɛnɛ, ǹ foo wɔlɔ n sɔsɔɔ n ganaa.

Zeremii 9:1

ccÁh! Man zoɛ̃ li ma goã diə gole ne, zii tɔ-wɔlen bɛ́ nɛn bɛ̀ ǹ golee bǎã mɛn nɛ. Ma á re maa zaman toɛ walan, ma wo sɔsɔɔ man bɔ ǹ li. Minin giala da kanaa wolen manɛ, Naarɛbaalin manɛ!

Ozee 7:14

Ǹ bɛ́ n lɛ mɛn dii ma li ke, bɛ̀ ǹ nə n duduwəə ǹ piìn la, taãn bie wa. Maǹ nə́ n kiɛ kun, màn mɛn bɛ́ toɛ ǹ *belee laanka duvɛ̃ yɛ. Sɛnɛ ǹ nə́ wusoo ǹ nə́ n bɔ ma kio.

Amɔɔsi 4:9

Ma din nə má gìa laanka doloka kaa kaa màn kɔsiɛn ganaa. Bisinin nə́ kaa dù gɔ̀rɔ gɔ́ɔ̃ màn damata kɛ sɔ̃, kaa *rezɛ̃ dan nɛ, kaa gɔ́rɔ dan laanka kaa *olivie dan nɛ. Sɛnɛ, a laan bɛ yii ni, ka n gɔ́ɔ̃ dɔn bii ká wusoo ká daa ma li wa. Dɛnaa Lawa a da ǹ boo ne.

Malakii 2:11

Taãnɛ, Zudaa minin nə bɔlɔgoondɛnaabaa zɛnaa lɛ kɔ wɔ paǹ li wa, ǹ nə́ sii bɔbɔnɛɛn zɛnaa Zeruzalɛmu ka Izirayeli gɔɔ̃ din tumaa nɛ, ǹ nə́ Lawa a bǎã sonbore lɛ puusə kɔ, ǹ nə́ lɔn wɔ, ǹ mɛnɛn bɛ́ dìn guguru koe.