Zeremii 29:13 - LAWA A BOO SONBORE 2011

¹³ Bɛ̀ ka ga ma li, ka á re ma yii. Bɛ̀ ka ga ma li ka ka foo din tumaa nɛ, ka á re ma yii.

LAWA A BOO SONBORE

¹³ Bɛ̀ ka ga ma li, ka á re ma yii. Bɛ̀ ka ga ma li ka ka foo din tumaa nɛ, ka á re ma yii.

Zeremii 29:13 ပူးပေါင်းရင်းမြစ်များ

Loen 119:2

Min mɛnɛn bɛ́ Dɛnaa Lawa a gɔn waa ma-n sii, ǹ nə́ giɛ a din li ka ǹ foo tumaa nɛ, bɛn foo á re kɔɔ̃n koe.

Matiə 7:7

Ka màn nyankɔ, Lawa á re màn koe ka la. Ka ga màn li, ka á re màn yii. Ka kiɛnlɛ dɛ, ǹ tá re kiɛnlɛ buĩ ka nɛ.

Loen 119:10

Man giɛ li, máa ma n lɛ si ka ma foo tumaa nɛ. N baran toa ma wusoo n dí-pɛn kɛn kio wa.

Zeremii 24:7

Ma á re toɛ ǹ dɔ̃ mà ma din ni Dɛnaa Lawa lɛa. Ǹ tá re n bɔyɛɛ ǹ masɛ wɔ baa ka ǹ foo din tumaa nɛ. Ǹ tá re maa zaman biɛ, masɛ dɔ á re ǹ Lawa biɛ.»

Zowɛli 2:12

Dɛnaa Lawa n kɛ pii: «A bɛ́ miɛ̃, ka wusoo ka da ma li sisia, ka ka foo tumaa nɛ. Ka n lɛ sɔɔ, ka wuu pɛ, ka gòã-kũ da ma ganaa.

Loen 91:15

Bɛ̀ á lɛ dia ma la, ma á re n nyii la. Bɛ̀ fuu yɛ, ma á re goɛ̃ kun ni. Ma á re boe ma da, ma gugurubaa kɔ la.

Loen 119:145

Dɛnaa Lawa, man lɛ diɛ n la ka ma foo tumaa nɛ. N nyəə ma la, ma á re koe n foo sii boon kɛn lɛ.

KZS2 31:21

Á dí gigiã nya Dɛnaa Lawa a kion kɛa dín lɛa ka dí-pɛn laanka gɔn waa ǹ boon kɛn kɔ ma lɛ a lɛa. A bɛ́ á zɛnaa miɛ̃, á ga Dɛnaa Lawa li ka a foo tumaa nɛ, a sii tumaa yɔrɔ yɛ.

Loen 119:58

Man giɛ li ka ma foo tumaa nɛ, máa ma n foo kɔɔ̃n kɔ. Bǐɛ̃ kɔ ma ganaa, a kɔnpɛ ka n lɛ-kɔ kɛ nɛ.

KZS2 22:9

Bɛ kio, á tɔn minin kaa kii Ahaazia a gamali ganaa. Minin nə́ kũ a duru ǹ bǎã nɛ Samarii, ǹ nə́ daa kɔ Zewu la, á dɛ á gã. Ǹ nə́ bĩ yala-n a giala, maǹ pii mà Ahaazia lɛ n Zozafati tɔrɔ lɛa, ke á ga Dɛnaa Lawa li ka a foo tumaa nɛ. Ahaazia a kion, min kɔn goã a n boe la a kii baa wa.

Kiin2 23:3

Kii lɛ golee lon banbaran la, á lɛ kɔ wɔ Dɛnaa Lawa yɔrɔ-a, mà asɛ á die koe lɛ, asɛ na a gɔn waa ǹ boon tamaa, asɛ na a da ǹ boon laanka a landa boon tamaa, ka a foo din tumaa nɛ, ka a pàã din tumaa nɛ, a kɔnpɛ ka lɛ kɔ kɔn la ǹ boon kɛn nɛ kiɛ̃ nɛ sɛ́wɔ lɛ nɛ. Zaman lɛ tumaa nə́ n gòɛ̃ wɔ bɛa lɛ kɔ lɛ nɛ.

Ozee 5:15

Masɛ n die n la boe ǹ ganaa, yǎa ǹ golee ǹ dinin sã li, ǹ giɛ ma li. Bɛ̀ fuu nə́ ǹ yɛ, ǹ tá re ma basa boe.

Loen 119:69

Din gole-kɔlen nə́ ma tɔ ziziɛ̃ ka soɛ boon ne. Sɛnɛ, masɛ n koe n doree boon kɛn lɛ, ka ma foo tumaa nɛ.

Zeremii 3:10

Ka bɛ din tumaa nɛ, ǹ miãnɛn Zudaa bɔlɔgoonbaãdɛnaa kɛ wusoo á n bɔyaa á daa masɛ li ka a foo tumaa-n wa. A parsii bie wa.» Dɛnaa Lawa a da ǹ boo ne.

Kiin1 2:4

Bɛ lɛ n die toɛ dɔn, Dɛnaa Lawa na a boo lɛ pã, boo mɛn lɛ á ke á pɛ ma nɛ kɛnɛn: «Bɛ̀ n nɛgiĩn lɛn nə́ n doa ǹ nə́ ǹ dinin kɔ masɛ la ka ǹ foo din tumaa nɛ, ǹ nə́ ǹ tɔ wɔ ǹ gɔn tele masɛ yɔrɔ-a, n din a min ba re nyaabiɛ duduu Izirayeli a kiibaa lɛ la wa.»

Loen 32:6

Bɔlɔgoondɛnan tumaa doamaa nɛ ǹ nə n nyankɔ miɛ̃, bɛ̀ ǹ tá die ka ǹ laadoo siin ni n li ǹ mɛn pinaa. Haalɛ koe sii mɛn bɛ́ boe la a min bii ka mu gole bɛ́ lɔn, bɛa re doe ǹ ganaa wa.

Nya ǹ dín 8:36

Ǹ bɛ́ zii lɛ la woe, ǹ nə́ woo dɔ mu bǎã goon ne, yǎa Etiopiin giĩ lɛ pɛ: «Mu á ke. Wàa n nə masɛ kurii batɛmu lɛ a yɛ ganaa?»

KZS1 22:19

Kanna kəni, ka ga Dɛnaa Lawa, kaa Lawa li, ka ka foo laanka ka pàã tumaa nɛ. Ka yoo ka Dɛnaa Lawa a kion lɛ dɔ ń giɛ ǹ tá woe ka Dɛnaa Lawa a *lɛ kɔ kɔn la ǹ goo laanka wúlu bɔ ǹ mànan kɛn nɛ Lawa wɔ lɛa, kion kɛ nɛ ǹ nə́ dɔ Dɛnaa Lawa tɔ la.»

KZS1 28:9

Nsɛ dɔ, maa nɛgiĩ Salomɔn, toa n nə daraa n díi a Lawa doɛ̃ ganaa. Dí nya nɛ n foo ná a talɛɛ-n ma, n yiri n bǎã goon ne. A giala, Dɛnaa n giɛ wɔ gɔ́ɔ̃ ganaa, á minbuiinin taasiɛ din tumaa doɛ̃. Bɛ̀ n ga li á re toɛ n yɛ. Sɛnɛ bɛ̀ n tii, á re n zuĩ bii-a yǎa duduu.

Izayii 45:19

Ma boo durii da wɔlɔ tì li tán paǹ kɔn ganaa wa. Ma pɛ Zakɔba tɔrɔn manɛ máa ǹ ga ma li ǹ dinin mìi gialaa wa. Boo mɛn bɛ́ pepere, masɛ Dɛnaa Lawa n bɛ pii, màn mɛn bɛ́ sonbore lɛa, man bɛ boo diɛ.

Loen 145:18

Dɛnaa Lawa wɔlɔ á kunu a nyankɔlen tumaa ganaa. Min mɛnɛn tumaa bɛ́ a nyankoe ka ǹ parsiini, a wɔlɔ á kunu bɛn ganaa.

Izayii 65:10

Maa zaman lɛ a min mɛnɛn bɛ́ re wusii ǹ da ma li, Saarɔn a nyankɔrɔ basa kɛ á re wuru biɛ bɛn wɔ lɛa, sèren nə buu sɔ̃ a nɛ, Akɔɔrɔ a nyankɔrɔ basa kɛ diin zìã baa.

Zeremii 50:4

Dɛnaa Lawa a da ǹ boo á ke: Bɛa biikoo li, bɛa pinaa kəni Izirayeli minin laanka Zudaa minin tá re die kun. Ǹ tá re tɔ we, ǹ wuu pɛ, ǹ tá re giɛ masɛ Dɛnaa Lawa, ǹ Lawa li.