Zeremii 28:1 - LAWA A BOO SONBORE 2011

¹ Ǹ kɔn pinaa, a din lɛ̀ lɛ ganaa, Zudaan kii Sedekiasi a kiibaa lɛ̀ siibaa ǹ wɔ a mui soorobaa ǹ wɔ li, Azuuru a nɛgiĩ Anania ke boe Gabawɔ̃, bɛ goã Lawa a kion. Á boo da ka Zeremii ni Lawa a wúlu-bɔlen laanka zaman tumaa yɔrɔ-a. Á pɛ:

LAWA A BOO SONBORE

¹ Ǹ kɔn pinaa, a din lɛ̀ lɛ ganaa, Zudaan kii Sedekiasi a kiibaa lɛ̀ siibaa ǹ wɔ a mui soorobaa ǹ wɔ li, Azuuru a nɛgiĩ Anania ke boe Gabawɔ̃, bɛ goã Lawa a kion. Á boo da ka Zeremii ni Lawa a wúlu-bɔlen laanka zaman tumaa yɔrɔ-a. Á pɛ:

Zeremii 28:1 ပူးပေါင်းရင်းမြစ်များ

Kiin1 3:4

Ǹ kɔn pinaa, kii lɛ woo wúlu bɔ Gabawɔ̃, a giala, *wúlu bɔ ǹ bǎã gole lɛ na á goã walan. Salomɔn na á *wúlu màn duu goon (1 000) tã bɛa wúlu bɔ ǹ bǎã kɛ lɛ nɛ.

Kiin2 24:18

Sedekiasi bɛ́ kii biɛ, bɛ̀ a lɛ̀ fuəwengoon ne, a na á kiibaa zɛnaa lɛ̀ fulugoon Zeruzalɛmu kiwi. Ǹ dan tɔ n Hamutaali, Libnaa kiwi min Yirmeya a nɛlɔ nɛ.

KZS2 36:11

Sedekiasi kiibaa yɛ bɛ̀ a lɛ̀ fuəwengoon ne. Á kii baa Zeruzalɛmu lɛ̀ fulugoon.

Izayii 9:15

Gána lɛ a nyɛɛnaandɛnan nə́ ǹ zaman sã, ǹ bɛ́ min mɛnɛn nyɛɛnɛ, ǹ nə́ bɛn bɔ̀n baa.

Zeremii 23:28

Lawa a boo gii-dali mɛn bɛ zoɛ̃ li a na a narɛɛn kalaa, a ǹ kalaa. Sɛnɛ, maa boo gii bɛ́ ǹ mɛn li, a da ka peperebaa nɛ. «Màn fofolo laanka màn nàn sonbore á goon?» Dɛnaa Lawa a da ǹ boo ne.

Zeremii 27:1

Zoziasi a nɛgiĩ Zozakimu a kiibaa giala kɔ waáraa Zudaa gána mìi la, Dɛnaa Lawa boo da Zeremii ni á pɛ-n kɛnɛn:

Zeremii 27:12

Masɛ Zeremii n má kɛa boo kɛ lɛ miã pɛ Zudaan kii Sedekiasi ni. Má pɛ nɛ: – Nsɛ, n laanka n zaman doamaa nɛ ka lɛ kɔ Baabiloniin kii a pàã kɛ ganaa ka zǔu bɛ́ lɔn. Ka dí nya nɛ, ka dí nya a zaman dɔ nɛ, ka yii á re goɛ̃ koo.

Zeremii 27:3

N tɔn nə ǹ kɔ Edɔmun kii a dí-nyali gole kɛ la kànaa, Moabu gána a kii wɔ nɛ, Amɔnitin kii wɔ nɛ, Tiirin kii wɔ nɛ ka Sidɔn gána kii wɔ nɛ, ǹ mɛnɛn bɛ́ ǹ nə́ daa Zeruzalɛmu Zudaan kii Sedekiasi li.

Zeremii 28:11

Bɛ kio, á pɛ zaman tumaa yɔrɔ-a mà Dɛnaa Lawa n kɛ pii: «Kànaa ka lɛ̀ paa ka te, Baabiloniin kii Nebukadenezɔɔrɔ a pàã ke tɔrɔn tumaa wìi li ka zǔu bɛ́ lɔn, man die bɛ yiɛ kɛnɛn.» Bɛ kio, Lawa a boo gii-dali Zeremii kiɛ̃.

Zeremii 28:17

Lawa a boo gii-dali Anania gã bɛa lɛ̀ lɛ a mui sɔbaabaa ǹ wɔ li.

Zeremii 28:5

Lawa a boo gii-dali Zeremii Lawa a boo gii-dali Anania lɛ si kɛnɛn Lawa a wúlu-bɔlen yɔrɔ-a ka zaman lɛ tumaa nɛ Lawa a kion á pɛ:

Zeremii 29:15

A da yaa ka ǹ pii mà Dɛnaa Lawa na á boo gii-dalin kɔ ka la Baabilonii gána nɛ!

Zeremii 36:12

Bɛ kio, á kiɛ̃ á woo kii a kion, yǎa sɛ́wɔ-kiɛ̃li li. Á woo yaa kii a dí-nyali dadaran tumaa nə́ n lɛ sɔkɔn. Sɛ́wɔ-kiɛ̃li Elisamaa goã a tan, Semayia a nɛgiĩ Delazaa nɛ, Akibɔɔrɔ a nɛgiĩ Ɛlnaatan nɛ, Safan a nɛgiĩ Gemariya nɛ, Anania a nɛgiĩ Sedekiasi ni ka kii a dí-nyali gialakun tumaa nɛ.

Zeremii 37:13

A bɛ́ á dɔ Bɛnzamɛn minin kiɛnlɛ-a, á n da wɔlɔ-lɛduə̃lin goledɛnaa Iriya lɛ, Anania a nɔ̀ɔn lɛa, Selemia a nɛgiĩ lɛa. Iriya Lawa a boo gii-dali Zeremii bíi á pɛ nɛ: «N nə n woe n kiɛ kun ka Baabilonii minin ni!»

Zeremii 37:19

Kaa Lawa a boo gii-dalin mɛnɛn nə pɛ mà Baabiloniin kii ba re yui ka gialaa ka zia-n wa, mà a re yui kaa gána dɔ gialaa wa, bɛn maǹ maa pelo?»

Zeremii 49:34

Dɛnaa Lawa boo da Lawa a boo gii-dali Zeremii ni Elamu minin wɔ paǹ li. Bɛ́ á zoɛ̃ bɛ̀ Sedekiasi a Zudaan kiibaa tɔn belebɔ wa.

Zeremii 51:59

Neriya a nɛgiĩ, Maseya a nɔ̀ɔn Seraya na á goã Zudaan kii Sedekiasi a sɔraasin sii yɔrɔ-bɔle lɛa. Sedekiasi a kiibaa lɛ̀ siibaa ǹ wɔ li, Seraya kɔ lɛ á woo Baabilonii. Koe mɛn tumaa doamaa bɛ́ a Baabilonii kiwi yɛ, ka boon mɛnɛn bɛ́ a n li a ǹ da kiwi lɛ ganaa, Zeremii goã á bɛn tumaa kiɛ̃ sɛ́wɔ munii la.

Ezekieli 13:6

Sii-nyaa kooron manɛ ǹ tá yii, maǹ nə n gɔn noɛ̃: «Dɛnaa Lawa a da ǹ boo ne.» A da yaa, masɛ Dɛnaa Lawa nə ǹ dia wa. Maǹ nə n yii diɛ kəni, mà masɛ sii lɛ zɛnaa a kɔnpɛ ka ǹ da ǹ boo ne.

Ozee 7:3

Maǹ kii foo kɔɔ̃n koe ǹ sii baraan taman yii, ǹ goledɛnan foo kɔɔ̃n koe ka ǹ soɛn nɛ.

Zozoe 10:12

Dɛnaa Lawa bɛ́ á Amɔɔrɔ tɔrɔn lɛn wɔ Izirayeli minin lɛn gɔn ǹ mɛn pinaa, Zozoe boo da Dɛnaa Lawa nɛ, á pɛ Izirayeli minin lɛn yɔrɔ-a: «Wasa, golee Gabawɔ̃ lalan, nsɛ mui dɔ, golee Ayalɔn a nyankɔrɔ basa kɛ lalan!»

Zozoe 9:3

Zozoe sii mɛn zɛnaa Zerikoo laanka Ayii kiwi, Gabawɔ̃ minin dɔn ná a boo ma.