Zeremii 25:9 - LAWA A BOO SONBORE 2011

⁹ man die gɔsɛ a lɛ̀gɔn la tɔrɔn kɛn tumaa bíi, ma maa dí-nyali Baabiloniin kii Nebukadenezɔɔrɔ bíi. Ma ǹ die yui gána kɛ gialaa, a zaman nɛ, ka ǹ miãkɛnɛn nɛ. Man die ǹ tumaa ziziɛ̃. Man die gána kɛ biɛ bǎã bɔbɔnɛɛ lɛa, kɛbɔlɔ lɛa biikoo yii li. Minin tá re foo ziziɛ̃ ǹ lɛ-dɛ we a ganaa. Masɛ Dɛnaa Lawa a da ǹ boo ne.

LAWA A BOO SONBORE

⁹ man die gɔsɛ a lɛ̀gɔn la tɔrɔn kɛn tumaa bíi, ma maa dí-nyali Baabiloniin kii Nebukadenezɔɔrɔ bíi. Ma ǹ die yui gána kɛ gialaa, a zaman nɛ, ka ǹ miãkɛnɛn nɛ. Man die ǹ tumaa ziziɛ̃. Man die gána kɛ biɛ bǎã bɔbɔnɛɛ lɛa, kɛbɔlɔ lɛa biikoo yii li. Minin tá re foo ziziɛ̃ ǹ lɛ-dɛ we a ganaa. Masɛ Dɛnaa Lawa a da ǹ boo ne.

Zeremii 25:9 ပူးပေါင်းရင်းမြစ်များ

Kiin2 24:2

Dɛnaa Lawa tɔ́n Kalde minin dia Zoakiimu gialaa, basaã-kɔlen lɛa, ka Siirii minin wɔn nɛ, ka Moabu minin laanka Amɔn tɔrɔn wɔn nɛ, mà ǹ wo Zudaa gána gialaa. A na á ǹ dia woe Zudaa gána lɛ gialaa, màn mɛn bɛ́ toɛ, ǹ na a bɔ̀n baa a kɔnpɛ ka boo kɛ nɛ, Dɛnaa Lawa goã a ná a dí-nyalin, a boo gii-dalin kɛn kaa a pɛ ganaa.

KZS2 29:8

Bɛ lɛn nɛ Dɛnaa foo yoo Zeruzalɛmu kiwi li ka Zudaa gána tumaa nɛ. Á ǹ baa nyɛ́ɛ da ǹ sii a kɔnboe lɛa, foo saa ǹ màn lɛa, foo ziziɛ̃ ǹ màn lɛa ká yii bɛ́ a ganaa lɔn pelo.

KZS2 36:21

Dɛnaa Lawa goã á boo mɛn da Zeremii ni, mà a pɛ, bɛa yɔrɔ yɛ n ka kɛ nɛ: «Gána lɛ á re n toɛ walan lɛ̀ pɔsɔbaa, yǎa gána lɛ a susu ǹ lɛwaan lɛ piɛ̃, susui biikoo mɛn bɛ́ ǹ kɔ a zii lɛ wa, bɛ lɛ dòo n ka kɛ nɛ.»

Suusun 21:1

Kii foo n mu zii lɛa Dɛnaa Lawa gɔn. Bǎã mɛn bɛ́ kɔɔ̃n a ganaa, a na a yɔrɔ diɛ walan.

Izayii 10:5

Dɛnaa Lawa pɛ: Koe n ka kɛ nɛ Asiirii ganaa, asɛ mɛn bɛ́ maa dɔlɔ bɔ ǹ sɛ̌n lɛa! Man die maa foo-yoo nyɛɛ ka dɔ̀rɔ̀ kɛ lɛ nɛ a gɔn.

Izayii 13:3

Ǹ min mɛnɛn bɔ ǹ nə́ ǹ koa maa wɔn lɛa, má dí-pɛn kɔ ǹ la. Maa sɔraasi zanbian kɛn, n nyɛnyɛɛ maa gɔ̀lɔ̀baa li, ma bɛn bíi, máa ǹ maa foo-yoo nyaa.

Izayii 39:7

N nɛnyaanan mɛnɛn yɛ, ǹ tá re bɛn tumaa goɛ ǹ wo ǹ ne. Ǹ tá re ǹ biɛ dí-nyalin lɛa Baabiloniin kii a kii kion.»

Izayii 44:28

Man kɛ pii kii Siirusu a paǹ li: «Maa zaman-lɛduə̃li ni.» Sii mɛn tumaa bɛ́ kɔɔ̃n ma ganaa, a n bɛ zɛnɛɛ. Á re pii mà ǹ wusoo ǹ Zeruzalɛmu kiwi dɔ, ǹ wusoo ǹ Lawa a kion lɛ dɔ.

Zeremii 1:14

Dɛnaa Lawa tɔn pɛ ma-n kəni: Sonbore ne, koe n die n toɛ gɔsɛ a lɛ gɔn la, a da n kɔ gána lɛa zaman tumaa lɛ.

Zeremii 1:15

Man die lɛ diɛ gɔsɛ a lɛ̀gɔn la gána tɔrɔn kɛn tumaa la. Masɛ din Dɛnaa Lawa a da ǹ boo ne. Ǹ tá re die, ǹ kiin lɛn gogoomaa á re kii dankan koɛ tán Zeruzalɛmu a kiɛnlɛ yɔrɔ-a. Ǹ tá re a kungɔnɔn lɛnpɛnɛ, ǹ yoo Zudaa kiwin tumaa gialaa.

Zeremii 10:22

Ka n too kɔ màn wuu kɛ-a die. Sii lɔlɔkɔn gole ne boe gɔsɛ a lɛ̀gɔn la. A n die Zudaa kiwin biɛ kɛbɔlɔ lɛa, tolokan susu ǹ bǎã lɛa.

Zeremii 12:14

Dɛnaa Lawa boo mɛn da Izirayeli miãkɛn baraan kɛn wɔ paǹ li, ǹsɛn mɛnɛn nə n gɔn da gána kɛ ganaa má kɔ Izirayeli la kíɛ̃ lɛa, á ke: «Man die ǹ woɛ̃ ma ǹ bɔ ǹ tán la. Man die Zudaa zaman woɛ̃ ma bɔ ǹ bii.

Zeremii 18:16

Maa zaman ná a gána lɛ bɔyaa á baa kɛbɔlɔ lɛa, yaa da ǹ màn lɛa yǎa duduu. Kiɛ̃ wolen yiri nə́ n lɔlɔkɔn. Maǹ nə n mìi papasɛ.

Zeremii 2:15

Yàran man lɛ biɛ a ganaa, maǹ wɔɔsaa we a ganaa, ǹ ná a gána ziziɛ̃ lenlen, ǹ nə́ tɛ da a kiwin ganaa. Màn kɔn ba giã nɛ a-n doo wa.

Zeremii 20:4

Bɛ lɛ nɛ, Dɛnaa Lawa a da ǹ boo á ke: «Ma á re nyɛ́ɛ kiɛ ka ganaa, n laanka n giaáran nɛ. Ǹ tá re mɛnɛɛ ǹ zɔ́ɔn gɔya sa nyɛɛnɛ, ǹ gã n din yɔrɔ-a. Man die Zudaa min tumaa we Baabiloniin kii gɔn. Á re ǹ goɛ a wo ǹ ne a gána nɛ, a ǹ dɛ ka gɔya sa nɛ.

Zeremii 24:9

Ǹ tá re sii a kɔnboe biɛ kanaa a tɔrɔn tumaa li. Bɛ̀ ǹ nə́ ǹ yɛ, ǹ gɔ̀nɔn tá re bìn diɛ. Ma bɛ́ re ǹ lui ma ǹ kaa gánan mɛnɛn nɛ, ǹ tá re sii a kɔnboe biɛ walan, bɛ̀ ǹ tá li ǹ sìi da min ganaa, ǹ min da yaa lɛa, ǹ sɔ kɔ min ganaa hinlaa ǹ lɛn baraa bíi li.

Zeremii 25:8

Á bǐɛ̃ kɔ! Dɛnaa Lawa Pàãyiidɛnaa n kɛ pii: «Ka bɛ ka n too kɔ maa da ǹ boon li wa,

Zeremii 29:18

Man die ǹ kio lui ka zia nɛ, bòo ne ka piɛ̃ busu ni. Bɛ̀ gánan mɛnɛn nə́ ǹ yɛ, nyɛ́ɛ á re bɛn tumaa kuĩ. Ma bɛ́ re ǹ lui ma ǹ kaa gánan mɛnɛn nɛ, ǹ tá re sii a kɔnboe biɛ bɛn li, bɛ̀ ǹ tá re lɛn baraa bíi, bɛ̀ ǹ tá sii bɔbɔnɛɛ boo diɛ, nyɛ́ɛ da ǹ sii ni ka sìi boo ni.

Zeremii 35:11

Sɛnɛ, Baabiloniin kii Nebukadenezɔɔrɔ bɛ́ á yoo gána lɛ gialaa, wɔ́ taasiɛ wɔ kɛnɛn: Á soɛ wɔ ganaa wɔ wo Zeruzalɛmu màn mɛn bɛ́ toɛ wɔ kanbaa *Baabilonii gána a sɔraasin laanka Siirii gána wɔn ganaa. Sisia, wɔ n giã-n kiwi lɛ gɔ́ɔ̃ nɛ.»

Zeremii 36:2

«Kanna kəni, sɛ́wɔ munii saa, ki lɛa. Ma boo mɛn tumaa da n nɛ Izirayeli gána a paǹ li, Zudaa gána nɛ ka gána kɔsɔn dɔn nɛ, a kũ Zoziasi a waáraa ganaa a da pelo yaa, n bɛn tumaa kiɛ̃ la.

Zeremii 36:29

N tá re pii Zudaan kii Zozakimu ni mà Dɛnaa Lawa n kɛ pii: «Zeremii goã á kiɛ̃ mà sàabaa ba la wa mà Baabiloniin kii á re die gána kɛ ziziɛ̃, a na a minbuiin nɛn laanka a tɔɔn dɛ. N nə́ n Zeremii zɛ̀rɛbaa ka bɛ lɛ nɛ, n tɛ da sɛ́wɔ munii lɛ ganaa.»

Zeremii 4:7

Yàra soo tewon ne, min mɛn bɛ́ tɔrɔn ziziɛ̃, á ke die. A n soe a duru ǹ bǎã nɛ, die kaa gána lɛ ziziɛ̃. Kaa kiwin man die kɛbɔlɔn dadaran biɛ, min goon din ná a ba goɛ̃ ǹ nɛ wa.

Zeremii 40:2

Zeremii laan bɛ̀ a woo, bǎã-lɛduə̃lin goledɛnaa lɛ lɛ dia la para-a, á boo da nɛ: «N Lawa, Dɛnaa Lawa goã á koe kɛ boo da Zeruzalɛmu ganaa,

Zeremii 43:10

Bɛ kio, n tɔn pɛ ǹ nɛ: «Dɛnaa Lawa Pàãyiidɛnaa, Izirayeli a Lawa n kɛ pii: Á ke, man die lɛ diɛ maa dí-nyali Baabiloniin kii Nebukadenezɔɔrɔ la. N kɔlɔn mɛnɛn lɛn wɔ tán, man die a kii dankan koɛ bɛn lɛn la. A n die a kiibaa ǹ zìã doe walan.

Zeremii 46:20

Ezipti na á goã tɔɔ sonbore lɛa. Sɛnɛ, nyuun sɔn-dɔle goon na á bɔ gɔsɛ a lɛ̀gɔn la, á daa mɛ la.

Zeremii 49:19

Dɛnaa Lawa pɛ: Man die goɛ̃ ka yàra bɛ́ lɔn, á soo da yii ni Zurdɛ̃ tà lɛ-a, woe tɔɔn buu sɔ̃ ǹ bǎãn ganaa. Man die min tumaa goɛ bǎã goon ma wo ǹ ne, Bɛ kio, ma á re min goon boe kiã lɛa ma koa Edɔmu mìi la? Die n ka ma bɛ́ lɔn? Die n boe la a maa sii zɛnaa a nɔ̀n da ma la. Kiã mɛn nə boe la a n gòãn dii ma ganaa?

Zeremii 6:1

Bɛnzamɛn tɔrɔn lɛn, ka soo ka n bɔ Zeruzalɛmu! Ka n duru bǎã kɔsɔ nɛ. Ka sère gɔ̀lɔ̀ bɛn pɛ Tekoa, ka sii giala pɛ ǹ màn doa tán Bɛti-kerɛmu. A giala, koe n die, koe taãn-taãn lɛa, boe gɔsɛ a lɛ̀gɔn la.

Zeremii 8:16

Zɔ́ɔ nə́ n toa Dan á die. Ǹ sùin lɛ baa wuu n boe. Tán tumaa n bìn diɛ ǹ lɛ baa nyɛɛnɛ. Ǹ nə́ ke yii die, maǹ die gána lɛ ziziɛ̃, kɔnlɛ ka a gɔ́ɔ̃gɔ́ɔ̃ ǹ màn tumaa nɛ, ka kiwi lɛ laanka a minin ni.

Ezekieli 12:20

Minin bɛ́ kiwin mɛnɛn nɛ, bɛa kiwin lɛn kɛbɔlɔn tá re kiɛ, gána lɛ á re don biɛ. Ka á re doɛ̃ ka bɛ-n kəni, mà masɛ din nə Dɛnaa Lawa lɛa.»

Ezekieli 16:40

Ǹ tá re zaman kiɛ n ganaa, ǹ kɔlɔ kaã bɔ n ganaa, ǹ nə n kakã ka ǹ gɔya san kɛn nɛ.

Ezekieli 21:11

Minbuiin a nɛ, n kii kũ n gini là-paparɛɛ taman yii. Gini ǹ tumaa yii ni.

Ezekieli 26:7

Masɛ Dɛnaa Lawa n kɛ pii: «Kii gole Nebukadenezɔɔrɔ ke Baabiloniin kii lɛa, ma á re boe ka bɛ nɛ gɔsɛ a lɛ̀gɔn la, ma da nɛ Tiiri kiwi kɛ gialaa. Ma á re die ka sùin ni, ziabaa ǹ wotoron ne, sùi da-baalin ni, ka zia-baali damata nɛ.

Ezekieli 36:5

Bɛ lɛ na á toa, masɛ Dɛnaa Lawa á kɛ pii: Bɛ̀ ma foo kɛ yoo, a n ka tɛ bɛ́ lɔn. Man ma foo pii tɔrɔ kɔsɔn kɛn tumaa nɛ, sanparɛ Edɔmu minin kɛn dinin. A giala, ǹ nə́ maa gána lɛ baa ǹ dinin wɔ lɛa. Ǹ foo yii na á goã kɔɔ̃nɛ, busii nə́ ǹ gɔ́ɔ̃ nɛ, maa gána lɛ wɔ paǹ li. Maǹ nə́ goã giɛ li, ǹ na a mànan goa, ǹ na a gɔ́ɔ̃ kooro toa.

Danayeli sɛ́wɔ 5:18

Kii, Lawa mɛn bɛ́ lon sɔsɔɔ, á goã á kiibaa kɔ ǹ di Nebukadenezɔɔrɔ la, golebaa nɛ, ka gugurubaa laanka zín ni.

Abakuku 1:12

A kũ a giala kɔ waáraa ganaa, n din nə Dɛnaa Lawa lɛa. Maa Lawa nɛ n nɛ, n tá sonbore. Wɔ a re giɛ̃ wa. Dɛnaa Lawa, n din ni n Baabilonii minin bɔ mà ǹ kiri kuru wɔ la. N din nə maa gɛ̀fu kaka lɛa, n nə ǹ dia mà ǹ da dɔlɔ bɔ wɔ ganaa.

Abakuku 1:17

Ǹsɛn man die goɛ̃ ǹ zɔ̀ɔ lɛ binyii miɛ̃ duduu? Maǹ die goɛ̃ tɔrɔ kɔsɔn kɛn dii miɛ̃ duduu ǹ makara ná a boe ǹ ganaa wa?

Timəə dí-pɛn 28:37

Dɛnaa Lawa bɛ́ re woe ka nɛ tɔrɔ kɔsɔn mɛnɛn tumaa bii, bɛn tá re n kaãbiɛ kaa sii ganaa, ǹ suusu da ka ganaa, ǹ ka da yaa lɛa.