Zeremii 23:7 - LAWA A BOO SONBORE 2011

⁷ Hiĩ, ǹ kɔn pinaa, Dɛnaa Lawa a da ǹ boo ne, min kɔn ba re pii doo: «Ma nə n liɛ ka Dɛnaa Lawa Yiikoonaa tɔ nɛ, asɛ mɛn nə Izirayeli nɛn waa á ǹ bɔ Ezipti gána nɛ!»

LAWA A BOO SONBORE

⁷ Hiĩ, ǹ kɔn pinaa, Dɛnaa Lawa a da ǹ boo ne, min kɔn ba re pii doo: «Ma nə n liɛ ka Dɛnaa Lawa Yiikoonaa tɔ nɛ, asɛ mɛn nə Izirayeli nɛn waa á ǹ bɔ Ezipti gána nɛ!»

Zeremii 23:7 ပူးပေါင်းရင်းမြစ်များ

Izayii 11:11

Bɛa pinaa kɛ nɛ, Dɛnaa n die n pàã nyɛɛ, ka a paabaa ǹ wɔ nɛ. Á re Izirayeli min gialakunun kɛn sii a ǹ kaa, ǹ mɛnɛn yii goã koo Asiirii gána nɛ, Ezipti gána a tán nɛ a lɛ̀gɔn la nɛ a lon ne a lɛ̀gɔn la nɛ, Etiopii gána nɛ, Elamu gána nɛ, Amaati ni, *Baabilonii gána nɛ, ka gánan mɛnɛn bɛ́ mu bii.

Izayii 43:5

Nyɛ́ɛ nyan nə n kũ wa, ma á kunun n ni. Ma á re boe ka n nɛnyaanan nɛ lɛ̀giala-n ma da ǹ nɛ, ma á re boe ǹ ne lɛ̀nyɛɛnɛ ma ǹ sɔkɔn.

Zeremii 23:3

Bɛ kio, má maa zaman gialakun kɛ loo má ǹ pɛsɛ̃ gánan mɛnɛn nɛ, ma dinmaa á re ǹ soekɔn ma bɔ ǹ nɛ walan, ma da ǹ nɛ ǹ lɛduə̃ ǹ bǎã nɛ. Ǹ tá re buluboe walan, ǹ mɔnaa.

Zeremii 30:3

Taãn nɛ, man kɛ pii n ni: Ǹ kɔn pinaa, man die wusii ma da maa zaman Izirayeli laanka Zudaa a wo bɛ̀rɛbaa ǹ bǎã-n wolen kɛn nɛ. Man die wusii ma da ǹ nɛ gána kɛ nɛ má kɔ ǹ digolon la, ǹ wusoo ǹ si, ǹ baa ǹ wɔ lɛa. Ma din Dɛnaa Lawa a da ǹ boo ne.»

Zowɛli 3:5

Sɛnɛ, min woo min bɛ́ re Dɛnaa Lawa tɔ bíi, bɛa Dɛnaa á re kirisibiɛ. Min mɛnɛn bɛ́ *Siɔn kele kɛ la, Zeruzalɛmu kiwi ni, ǹsɛn mɛnɛn bɛ́ má ǹ bíi ma á re ǹ kirisibiɛ ka ma pɛ lɔn.

Misee 7:15

N bɛ́ soe wɔ nɛ Ezipti gána nɛ ǹ mɛn pinaa, n kaãbaa ǹ siin mɛnɛn zɛnaa bɛa pinaa, wusoo n bɛn lɛn miãn zɛnaa, n nyaa wɔ nɛ.